Wadai ulahan acil Itachi
Disclaimer : charact © Masashi Kishimoto
Coution!: OOC [Pasti], Typo [bahambur], Aneh dan ide gila...
Sudah samingguan ni Pain mambuka warung nginginuman, alhamdulillah kawa haja nangkaya urang bausaha biar usaha wawarugan, mamalar barang gasan mangajal isi ipuk...
"rami banar leh warung kam neh Pain" ujar si Hidan datang datang langsung mambuka pander.
"alhamdullillahha Dan'ai kawa haja gasan maungkusi anak buah nang sajurut" Pain manyahuti
"mana ba'isi bini nang bisa banar jua malayani tamu nang datang, banyak wahini urang mambuka usaha wawarungan paling paling dua talu bulan tutup, marga nang palayanan nya kada mamuaskan" Hidan kada apihnya bapander.
"naran Dan'ai, jadi kada salah kalo aku tadapat bini nang ngini, hahhhaa..." weyyy Pain ba'agak
"ku dangar bini ikam bisa jua ba'ulah wadai" mulai pulang bapander Hidan.
"nah disitu pang jua kalabihannya Dan'ai" Piain manyahuti sambil manata papiringan wadai.
"uyyy umanya~, kupi lah sacangkir!" pasan Hidan ka bini Pain a.k.a Acil Konan.
Kada lawas datang si Itachi pina sudah bamodal pulang muhanya.
"uu...Pain, kawa kah kawan ni umpat aandak wadai?" ujar Itachi pina babisik, bah kadada jua ah nang tatarik babisik lawan ikam nang muntung babau tu.
"ay, kawa haja Ci ai. Andak haja wadai napa garang?" takun laki Konan.
"ni nah, wadai ulahan ku, pais pisang wan ruti pisang."jar Itachi lalu ma'andak ka'atas mija wadai tadi. Lalu inya bajauh, pina handak bulik.
"jyaaah! Kada minum kah dahulu?" tawar Hidan pas melihat Itachi sudah handang malancing dangan sapeda lawasnya.
"kada Dan'ai, masih banyak nang balum digawi dirumah" sahut Itachi lalu maninjak kayuh sapedanya. Padahal tu lah, kada baduit gasan mangopi, mintu pang inya sampai bajualan anggaran dapat jua sereceh receh.
"hadangi Ci! Tunggui aku! aku handak umpat!...Pain malam kaina lah mambayarnya, bahutang dulu...!" jar Hidan bakuciak sambil bukah manyasahi Itachi nang kada tatahu pina muhanya.
Singkat cerita buhannya'ai...
Kamarinya Pain ni pina basasimpun, di itihinya Tobi pina muru, dari pada bajual tampias gasan hujan ujarnya, kada lawas datang Itachi.
"kayapa Pain? Habis juakah wadaiku?" Baharap sudah Itachi ni tadi.
"uhh,, ika kah Ci? Ni nah wadai kam..." lalu dijulung Pain dangan wawadahannya.
"ayyy, pina kada tagarak nih, kadad nang manukari wadai ku kah?" te yee kau, baharap wada tajual habis napa ada, bajual gigi ai kam ah Ci ai ku'ulah. Hahhaa.. taingat kawand lagi pang author.
"banyak ai tadi manakuni wadai ulahan siapa, ku sahuti wadai ulahan Itachi nang samala bangkrut timbul berjaya [jualan] pulang" Pain mamadahi.
"kanapa yu? Kadada nang hakunya kah yu, lah?" jar Itachi pina bengot bengot malihati wadai nya.
"sabujur nya banyak ai nang handak marasani wadai ulahan ikam, tapi aku kada wani manjualnya. Uleh ikam bapadah umpat ma'andak haja...kada bapadah minta jual akan" sahut Pain kada tatahu dangan muha.
"uuhhh!... kaya itu kah Pain!?" Itachi pina ba'mamay, kancang urat gulu!
"hi'ih Ci ai, salah ikam jua pang, jaka bapadah minta jual akan, ku jual'akan ai." Ujar Pain batasus tarang.
Hahhahahahhaha...liwar Pin nehh...
Yoo! mana ni pasukan community Banjar?...han kayapa kawand? Siiip ajakah? Ya'a mun kurang basalera minta saran haj ka Itachi
Itachi: Napa aka ka aku, belai ku maurus ketoh
Author: Han, Itachi lo...kada kawa diharap jua...
|END|