Hello Everyone, I m here with a new fic. I will update Pyar ki ek kahani within a week.

Location :- Raajmehel Khushaanpur.

" Saawdhaan Maharaj Saalunke aur Maharani Sonaali bai Padhaar rahe hein " ye sunte hi waha maujood praja ne Maharaaj aur Maharani ki JAI jaikaar ki. Tabhi waha Maharaaj aur Maharani ka aagaman hua.

" Aaj humaareliye atyant prasannata ka divas, hein iss ke kaaran Se aap sab parichit hein. Aaj humaari putri Raajkumaari Taravati ka vivah Suhaanpur ke Maharaaj Abhimanyu Se horaha hein. Aap sab iss avsar par yaha aaye iskeliye hum Aapke aabhaari hein " Maharaj ne kaha.

Tabhi Mehel ke dwaar par Maharaj Abhimanyu ki aagaman ki ghoshna hui. Maharaj aur Maharani ne unka swagaat kiya. Unke saath unke chote Bhai Dayanand aur Choti behen Purvika bhi thae. Maharaj aur Maharani ne unka swagaat kiya aur unhe vivah mantap tak legaye.

Maharaj Abhimanyu aur Raajkumaari Taravati ka vivah sampann hua. Maharaj Salunkhe aur Maharani Sonaali ne unki putri aur jaamata ko vidhi anusaar Vida kiya. Raajkumaari Taravati ne apni choti behen Shreya aur chote Bhai Rajat ko Gale lagaaya aur Paalki mein baitke Suhaanpur ke prasthaan kar gayi.

Suhaanpur ka Raajmehel.

Suhaanpur ke Raajmehel mein bhi Maharaj Abhimanyu aur Maharani Taravati ka bhavya swaagat hua. Tat paschaat Maharaani Taravati ko Maharaaj ke kaksh me lejaaya gaya. Kuch samay paschaat Maharaaj Abhimanyu bhi apna kaarya samaapt karke apne kaksh mein Gaye, aur dekha ki Taaravati unke intezaar mein bistar par baithi hui hein, aur unka sarr ghunghat Se Dhaka hua hein. Abhimanyu unke orr badhe.

Suhaanpur ka udhyaanbhaag :

" Hum aaj atyant prasann hein Purvika, ajj bhai ko unka prem Mila hein " Dayanand ne kaha.

" Ha Bhai, bhaiyaa ne baalyaavasta Se keval humaara palan kiya hein, humaare khushiyon ka khayaal rakha hein. Aaj unhe unki khushiyaan mili " Purvika ne muskuraate huye kaha.

" Ha, Bhai ne kabhi Hume Mata Pita ki kami mehsus nahi hone di, hum prarthna karenge ki bhagwaan Bhai ko har khushi de " Dayanand ne tanik dukhi hote kaha.

Tabhi Purvika ne natkhat pann Se kaha, " RAAJ SA Dayanand, kahi aapke prasannata ka kaaran ye toh nahi ki ab jald hi iss Mehel mein aapke prem aur yahake RAANI SA ka àagaman hoga. Aapka bhi vivah hoga ".

" Vivah keliye kanya ka milna aavashyak hein Raajkumaari Purvika. Ab aap Hume chedna band kariye aur jaake vishraam kijiye. Shubh raatri " Dayanand ne kaha.

" Shubraatri " Purvika ne kaha aur wo dono apne kaksh mein chalegaye.

Maharaaj Abhimanyu ka kaksh.

" Aap hamaare kaksh mein kya kar rahi hein Raajkumaari Taravati " Maharàaj ne poocha.

Maharani ne socha ki Maharaaj unhe tang kar rahe hein, aur kaha " Maharaaj aap bhul rahe hein ki ab ye kaksh aapki patni Maharaani Taravati ka bhi hein ".

"Patni,,... Aap hamaari patni. Hahahaaa hahahaaa Aapse Bhool hui hein Raajkumaari Taravati aap humari patni nahi humaari shatru ki putri hein. Aapko kya lagta Aapke pita hamaare baalyaavasta nasht kardenge aur hum àapse prem karenge. Jisse aapne hamaara prem samjha wo keval hamaara abhinay tha. Aap keval baakiyon keliye Maharaani aur humaari patni hongi hamaareliye nahi. Hum vachan dete hein .aapko Suhaanpur ke Mehel mein aap Narakwass anubhav karengi. Atyant dardnaakh jevàan hoga aapka yaha. Aur kabhi hamaare kaksh mein pravesh mat kijiye, " Itna kehkar Maharaj Abhimanyu vaha Se chale jaate hein.

Maharaani Taravati ye sub sunkar atyant dukhi aur aashcharyachakit hojaati hein. Unki aankhen bhar aati hein. Wo kuch bhi samaj nahi paati aur vahi khadi rehti hein.

...

...

...

...

...

...

...

Toh Kesi lagi aapko humaari ye kahani, ye aap Hume avashya bataiye. Toh phir milenge. Ab hum chalte hein. Namaskaar