Naruto Mencari Kerja: Versi Indo Betawi
Story ke 4 Shizu..
NaruSasu
Disclaimer: Masashi Kishimoto
Naruto Mencari Kerja: Versi Indo Betawi: Kamikanda Shizuku
Rated T
Warning: OOC, AU, Typo(s), Ga Pake EYD-an
(Naruto POV)
Nama aye Uzumaki Naruto. Biasa dipanggil Naruto. Nama Naruto, babeh aye yang kasih. Namanye keren kaga? Bagi aye sih ntu nama keren abis, tapi keluarga aye pan anak betawi disini cerita. Hahaha. Dengan harapan aye bisa jadi pejuang, bukan hanya pejuang hidup, tapi pejuang CINTA. Tapi beda ame kenyataannye, aye bukan cuman hanya bisa bergantung ame orang tue. Kalau dalam urusan cinte, aye selalu gagal. Hmm.. Nasip.. Nasip. Padahal, aye ini anak yang ganteng kayak artis di tipi-tipi ntu tuh. Aneh aja, cewek-cewek pada ngabur setelah udah tahu aye begimane keadaannye. Jaman sekarang emang pade matre cewek-ceweknye, pan pade kepingin punya pacar yang begini nih. Atu, harus ganteng, apagali anak orang kaye. Dua, setia bukan setiap tikungan ada. Pan susah nyari yang begitu, sekalinye dapet nih ye, kaga mungkin juga dah ntu cowok bakalan setia ma kite. Kite? Lu kate aye homo ape? Alahh, skip aja nih omongan yang kaga jelas begini. Oh iye, aye tinggal di pinggiran kota Jakarte, tepatnya di perkampungan gitu dah. Rumah aye pun sederhana punya, kaga pape yang penting bisa bertahan idup, ye 'kan? Aye disini sebagai anak atu-atunya dari enyak dan babeh aye. Namanye Namikaze Minato en Uzumaki Kushina. Enyak aye cantik banget dah orangnye, baik lagi. Kalau babeh aye, orangnya gimana ye? Berhubung die orang tua aye, aye kata ganteng ajalah. Hehehe.
Di teras rumeh. Babeh lagi duduk nyantai di kursi kayu yang lumayan tue, biasalah tuh kursi dari babeh bujang die jagain ampe sekarang ni nih. Sambil minum kopi hitam yang manis buatan enyak, buatan enyak emang paling top banget dah.
"Narutooo..." Panggil babeh.
Enyak yang ngerase berisik, ngejawab panggilan babeh untuk aye. "Ape sih ni babeh? Pagi-pagi udah teriak-teriak aje.. Ade ape sih?"
"Itu, anak lo mane?"
"Anak yang mane?"
"Yak ilah... Anak yang mane lagi kalo bukan Naru? Pan dia anak kite atu-atunye.." Babeh monyongin bibirnye.
"Lagian babeh.. Nanyain anak ndiri.. Kayak nanya anak ayam.." Enyak duduk disamping babeh, "Paling juga lagi molor.."
"Hmm.. Emang dasar tu anak ye.. Biar gua samperin kekamarnye.."
Siap-siap diguyur babeh nih. Aye yang masih tidur pules di kamar, pan kaga tahu kalo babeh manggilin aye mulu dari tadi. Ampe sekarang aye masih tidur. Babeh nyamperin aye kekamar, tanpa aye tahu dia udah masuk aja kekamar aye. Tibe-tibe...
BYUUUUURRR!
Aye disiram pake aer. Buset dah ni babeh, tega amat yak ame gua. Aye langsung terbangun dah tu dari mimpi indehnya aye. "Masa alloh.. Babeh! Lagi enak-enak tidur malah diguyur pake aer?"
Babeh bertolak pinggang, "Ape lu bilang? Enak ye tidur dari sore, ampe sore lagi.. Bukannye cari kerja sono.. Malah enak-enakan molor.. Percuma gua sekolahin tinggi-tinggi lu.."
Aye duduk dikasur sambil meluk guling kesayangan aye, "Yah babeh.. Babeh kan tau sendiri gimana kerasnye kota Jakarte.. Udah 49 kali aye ngelamar di perusahaan.. Kaga ade yang nerime.. Pan aye cuma lulusan D3 behh.."
"Banyak alesan aje lu.. Lu itu kudu bejuang cari kerjaan ampe dapet.. Pan gue kagak bilang lu harus kerja di perusahaan.. Tuh lu liat temen lu.. Si Kiba.. Kabarnye die udah kerja jadi supir taksi, tau kagak lu?"
"Kaga behh.. Aye baru tau barusan dari babeh ni.. Lagi berapa besar si beh gaji supir doang?" Aye dikit nyindir tu kerjaan.
Babeh jadi kesel dah, "Ehh.. Dari pada lu yang nganggur, sekarang terserah lu dah.. Mau kerja kek, mau kagak kek, mau belangsak kek, gua kagak peduli... Yang jelas jangan minta makan ame gue lu.."
Aye pun ngalah, "Iye.. Iye. Iye... Aye cari kerjaan, sedapetnya dahh.."
"Nah gitu dong anak babeh.." Usapin kepale aye. "Tunggu ape lagi? Bukannya mandi sono.."
"Iyeeee.." Aye bangkit dari kasur mau pegi mandi. Iler masih nempel dah tu di sela bibir gue. Mau dibersihin semuanye biar bersih, kinclong, wangi dah badan aye yang putih ganteng pula. Hahaha.
# # #
Mau sampe kapan aye kayak gini? Semua temen-temen aye, udah pade kerja. Sedangkan aye, udah 49 kali di tolak. Udah gitu, baru kemaren aye di putusin pacar aye. Tampang boleh cakep, tapi semua cewek benci ame cowok pengangguran kayak gue. Aduh pusing ni pala gue dah. Aye ketemu Kiba dirumah die, karena aye pegi ngunjungin rumahnye sekalian ngobrol dikit tentang pekerjaan, dan pengen minta die bantu cariin kerja gitu.
"Kib, lu udah dapet kerja ye?" Tanye aye ame Kiba.
"Iya.. Kok kamu tau?"
"Tau dari babeh.. Selamet ye.." Ngulurin tangan bermaksud untuk bejabat tangen ame die.
Die pun ngebales jabatan aye, "Iya makasih.. Terus, gimana sama kamu, udah dapet kerjaan?"
"Belum Kib, abis gue males cari kerja lagi.. Di tolak mulu.."
"Ya kamu juga sih.. Maunya kerja enak.."
"Ya abis.. Gue 'kan lulusan D3 Kib.. Masa gue harus jadi supir taksi kayak lu?"
"Ya kan ga mesti jadi supir juga.. Lagian perusahaan mana jaman sekarang yang mau terima lulusan D3? Rata-rata S1 kabeh to?" Logat jawanye keluar juga tu anak.
"Trus gue harus kerja ape?"
"Sebenernya banyak kerjaan kalo lu mau.."
"Yang bener lu? Ya udah deh, apapun kerjaannye gue mau deh.. Asalkan bikin babeh gua seneng.." Kate aye antusias.
Banyak kerjaan yang di tawarin Kiba ame aye. Tapi kayaknye kagak ade yang cocok.
Jadi kuli panggul...
"Ape? Jadi kuli panggul? Nggak-nggak... Mau taro dimana muke gue?" Kerja begituan bise-bise tangan aye yang mulus jadi kasar dah. Kagak mau aye!
"Katanya mau kerja apa aja, buat bikin seneng babeh kamu.."
"Iye... Iye.. Gue coba.."
Aye coba dah tu kerjaan. Aye jalanin dengan penuh kesabaran ati biar enyak babeh kaga kecewa ame aye nantinye. Ternyata, jadi kuli panggul ntu nggak semudah yang gue bayangin. Capekkkkk banget! Nggak kuat gue. Akhirnya gue menyerah dengan kerjaan ntu, padahal baru juga sehari gue coba. Besoknya, aye coba kerjaan laen lagi.
Tukang ojek...
"Beeehh.. Ngojek gue, pake motor siape?"
"Kamu bisa pake motor aku Nar.. Buat sementara..."
"Ya udah dwehh.." Kate aye udah pasrah banget.
Aye coba saran berikutnya dari si Kiba. Apalagi jadi tukang ojek, mana kaga dapet penumpang. Sekalinya dapet, genduutnya na udzubilleh. Ampe-ampe gue nabrak tiang listrik gara-gara kelebihan muatan. Akhirnya aye nyerah lagi aje ame kerjaan yang kedua ni.
Nasi goreng..
"Kib, lu kira-kira dong! Masa gue jual nasi goreng sih? Lu pikir kaga butuh modal gede ape?" Udah mangap-mangap mulut aye.
"Yeee.. Nggak perlu keluar modal dulu.. Kamu coba aja bantu-bantu mpok Tsunade di warungnya.."
"Bener juga yee.. Gue ikutin saran lu.."
Belum sehari bantu-bantu mpok Tsunade, gue udah di usir dari warungnye. Gara-gara gue goreng nasi, assyiiinnyee minta ampun! Lagi gue juga gak bisa masak pan. Ade-ade aja nih mpok nyuruh gue masak nasi, pan gua kira mah cuma beres-beresin warungnya, cuci piring juga gitu. Eett dah, taunya mah beginian disuruh juga. Apes banget idup gua.
"Kerjaan yang lu saranin kaga ada yang cocok ame gue Kib.." Tubuh aye udah lemes banget. Lepek, udah kayak tempe mendoan.
"Sorry ya Nar.. Gue udah bantu sebisa gue.."
"Iye.. Kaga ape-ape.. Lagian bukan salah lu juga kok Kib.. Ini semue juga karna gue nggak bisa ape-ape.."
Aye dari tadi lagi duduk nyantai tu di rumahnye Kiba. Nenangin diri aye yang udah panas 3 hari ini ngejalanin saran dari Kiba ni nih. Capekya minta ampun, hasilnye pun nggak seperti yang gua pengenin. Mendengar sekilas pembicaraan gue ame Kiba, ncingnye Kiba pun ngikut ngomong.
"Apanya yang nggak bisa apa-apa?" Tanya ncingnya Kiba.
"Ehh.. Ncingnye Kiba.." Aye membenarkan duduk aye yang keliatan sembrono.
"Pak De.. Wis tekan to, dari Jakarta?" Kata Kiba langsung mencium tangan pak De'nya.
"Ngomong ape si lu Kib?" Aye kaga ngerti bahasa jawe tuh. Si Kiba disini cerita jadi anak keturunan jawe tuh.
"Nar.. Jangan panggil saya ncing.. Saya ini bukan orang betawi, tapi jawa.. Panggil pak de' aja.."
"Iya ncing.. Eh pak de'.."
Kiba tibe-tibe ngomong, "Oh yaa.. Ngomong-ngomong, tumben pak de kesini.. Ono opo to?"
"Pak de' Cuma maen aja.. Kangen karo koe.." Pak de' senyum-senyum ame Kiba.
Aye tertawa seenaknya, "Haha.. Pak de' ni bisa aje.. Orang kayak Kiba dikangenin.." Bermaksud mengejek.
"Biarin.. Orang aku satu-satunya keponakan pak de' kok.. Iya kan pak de'?" Kiba ngerase tersindir.
"Iyaa.. Iya.. Trus kabarnya kamu udah kerja le?" Tanya pak de' ame Kiba.
"Iya pak de'.. Cuma jadi supir taksi.."
"Trus, nak Naruto ini, kerja apa sekarang?"
"Ohh.. Saya pak de'? Hehe.. Saya sih belum kerja.." Jawab aye sambil cengengesan.
"Lho, kenapa?"
"Belum ada yang cocok.."
"Ohh.. Begitu.. Ya, ya, ya.." Pak de' hanya mengangguk-anggukin palanye.
Kite betige, ngobrol-ngobrol same-same di ruang tamu ntu. Dan di meja udah disuguhin aer minum. Kite ngomong sambil ketawa-ketiwi kaga jelas.
# # #
Suatu malam. Aye merenung. Didalem kamar sambil tiduran liatin langit-langit kamar. Mikir betapa susahnye cari kerjaan yak. Haduhh, susah banget cari kerja. Umur udah makin tua, belum bisa banggain orang tue. Bingung rasanye. Kerja ape gue ye. Cari kerja sana-sini, ampe minta bantuan ame si Kiba. Tapi kaga ada yang bener buat gue, salah mulu apa yang udah gue kerjain. Ya Alloh, aye pengen dapet kerjaan yang nggak bikin aye nyesek kayak kemaren-kemarin ntu. Nggak pape kerjaan biasa aje, asal halal dan enyak babeh aye pada seneng juga bahagia liat aye.
# # #
Seminggu kemudian, setelah pak de'nya Kiba balik ke Jakarte. Kiba bawa kabar penting buat masa depan gue. (Haha.. Lebay). Die dateng kerumah gue, dengan buru-buru keliatannye juga. Pasti udah ketauan kan kalo die bawa kabar penting. Mukanye juga keliatan seneng tuh.
"Mikum.. Naruto.. Naruuu.." Panggil Kiba dari luar rumeh.
Enyak aye yang lagi didalem ngedenger tuh suara Kiba, dan enyak langsung keluar rumeh sambil ngomong, "Eh si Ekib, ade ape? Datang kemari?"
"Kiba bu de' bukan Ekib.." Kiba ngerasa risih ame panggilan ntu dari enyak.
"Iye Kiba, Ekib.. Apalah ntu namenye.. Lagi lu manggil gue bu de', emang gue orang jawa? Cari siape?"
"Cari Naruto bu de'.. Eh, enyak.."
"Ohh.. Bentar yee.. Aye panggilin dulu, duduk dulu ntu, di situ.." Enyak nunjuk-nunjuk kursi yang ada di teras.
"Iyaa.. Nyak.." Kiba pun duduk dah di situ, nungguin aye keluar rumeh.
Enyak masuk kedalam kamar aye, sambil manggil-manggil name aye. Ett dah berisik banget tuh congor enyak.
"Naru.. Nar.."
"Iye nyakk.."
"Ntu dicariin si Ekib..."
Aye heran, siape tuh Ekib. "Ekib? Siape Ekib nyaak?"
"Ntu.. Temen lu.. Yang kerjanye jadi supir taksi.."
"Ohh.. Si Kiba? Yang bener napa nyak nyebut name orang... Ntar orangnye marah lagi.."
"Alahh.. same aje.. Beda tipis doang.. Udeh sono temuin.. Keburu jamuran ntu bocah!" Enyak dorong-dorong aye keluar kamar.
"Iye.. Iye.. Bawel nih enyak.."
"Ehh.. Ngatain gue bawel lagi.. Gue sumpahin lu dapet kerjaan!"
"Nah.. Gitu dong nyak.. Nyumpahin yang baek-baek.."
Aye pun keluar kamar. Dan temuin si Kiba yang nunggu di luar.
Aye duluan ngomong sambil duduk disebelahnye, "Ehh.. Kiba, ade ape ni? Tumben maen ke rumeh..."
"Naru.. Abis ngapain nihh?"
"Biasa abis molor... Udah to the point ajee.. Ade ape?"
"Pantesan kaga dapet-dapet kerjaan.. Kerjaannya molor aja.."
"Pan tidur juga kerjaan kate lu barusan.."
"Hehehe.. Gini.. Kemaren pak de' gue nelepon... Trus katanya kamu di tawarin kerja di tempatnya pak de' gue.."
"Yang bener lu Kib? Kerja di kota Jakarte maksudnye?" Aye spontan berteriak kaget.
"Iya.. Masa aku bohong.. Serius!"
"Asiikkk! Akhirnye, gue dapet kerja jugaa.. Eh, tapi tunggu... Kerja apaan dulu nih?"
"Nggak tau juga sih.."
"Lho.. Tapi pak de' ngomong langsung ke lu pan?"
"Iya.. Tapi pak de' bilang, kamu di suruh kesana dulu... Ntar baru di kasih tau kerjaannya apa, gitu.."
"Kok gitu yee..." Aye elus-elus dagu tanda bingung.
"I don't know.." Jawab Kiba sok ke bule-bule'an.
Aye mau coba pekerjaan ntu. Tapi kaga pape dahh. Yang penting gue dapet kerjaan. Tapi, aye masih penasaran ape ye kerjaannye? Kite liat aje besok..
...
...
To Be Continued
Naruto: "Woy author! Kenapa aku dijadikan orang betawi hah?"
Me: "Hehehe.. Kan kali-kali lah... Lagian kalo lu dijadiin orang indo lucu juga.."
Naruto: "Mana sifatnya OOC gitu lagi! Awas kau ya!"
Me: "Bodo! Ntar lu juga gue pasangin ma Sasu tuh..."
Naruto: "Iya juga sih... Tidak apa-apa deh.."
Me: (sweatdrop)