TARGET KAUN
SEEN - 1
(is kahani ki shuruwat hoti hai CID beuro se jahan sab gup sup me buzy hai. tabhi FREDI aata hai wo bade gusse me hai)
DAYA - kaya baat hai FREDI kafi gusse me ho kuch ho gaya hai kya-
FREDI - main tang aa gaya hoo sir is roz roz ki tension se. itani tension ki wazah se to mera dimag garm ho jaata hai.
ABHI - kya baat hai FREDI aisi kaun si badi tension hai tumhe.
FREDI - tension to hai na sir, yahaan beuro me khooni ko pakadne ki tension or wahaan ghar me wife ki tension.
VIVEK - wo to hai sir, aakhir khooni ko aap hi to pakadte hai na.
FREDI - VIVEK tu mera mazak uda raha hai.
VIVEK - are nahi sir main to bus itna keh raha tha ki aapke bina hum sab adhoore hai.
ABHI - wo sab chodo FREDI pehle ye batao ki bhabhiji se tumhe kya tension hai.
FREDI - sir meri wife ka to naam mat lijiye wo to tension ki puri chalti firti dukan hai. ghar agar thodi late se pahucho to 10 sawal karne lagti hai " kahaan the itni der tak- Kiske saath the- Or wo bhi sirf is liye ki shaam ke bartan done ki duity meri hai.
DAYA - (huskar) are bhai FREDI ab duity hai to duity to nibhani padegi na.
ACP - kise duity nibhane ka paath pada rahe ho DAYA.
DAYA - kuch nahi sir wo FREDI ki wife use ghar der se aane per danti hai kyunki shaam ko bartan dhone duity uski hai or wo apni duity se bhagat hai.
ACP - kya, FREDI yahi sikhaya hai maine tumhe ki apni duity se bhago. Are bhai duity humesha nibhani chahiye chahe wo office ki ho ya phir ghar me bartan dhone ki.
FREDI - yahaan aao to ACP sir daantate hai wahaan wife daantati hai, he bhagwaan is duniya me to jeena hi muskil ho gaya hai. (FREDI dekhta hai VIVEK hus raha hai.) tu kya hus raha hai jab teri bhi shaadi hogi na tab tujhe pata chalega. Waise ACP sir main apse ek baat puchu, kya aapki wife ne kabhi aapse bartan dhulwaye the.
ACP - FREDI , apna kaam karo.
(ACP sir apne cabin me chale jaate hai.)
DAYA - yaar ABHI ye ACP sir ko kya ho gaya aise laga jaise kisi ne unki dukhti rag per haanth rakh diya ho.
ABHI - mujhe bhi kuch aisa hi lagta hai.
DAYA - per ek baat batau yaar, kabhi kabhi mujhe bahut daar lagata hai.
ABHI - wo kyun-
DAYA - kahin shadi ke baad humara haal bhi aisa na ho jaaye.
ABHI - (thoda ghabrakar) nahi... Dr. TARIKA aisi nahi hai.
DAYA - wo to hai per
(tabhi ACP sir kisi se phone per baat karte huye andar aate hai.)
ACP - kya-... kahan-... thik hai hum pahuchte hai.
DAYA - kya hua sir-
ACP - DAYA juhu beech per 2 laashe mili hai. hume turant wahaan pahuchna hoga.
(DAYA gadi nikalta hai. kuch hi der me puri CID team juhu beech per pahuch jaati hai. wahaan unhe 2 laashe milti hai. sab tahkikat me lag jaate hai.)
ABHIJEET - sir, ye dono shayad pati patni hai. sir iski jeb se koi bhi aisi cheej nahi mili jisase ki ye pata chal sake ki ye dono kaun hai.
ACP - koi baat nahi aas paas dekho koi na koi surag zaroor milega.
DAYA - nahi sir humne aas paas acchi tarah se dekha hai hume koi saboot nahi mila. Sir khooni ne koi bhi saboot nahi choda hai.
VIVEK - haan sir, or laas ko dekh kar ye bhi nahi pata chal pa raha hai ki khoon kaise hua hai.
TASHA - haan sir, is ladki ke paas se bhi aisa koi saboot nahi mila hai jisase ki inaki pehchan ho sake.
ACP - thik hai, in dono lasho ko forensic lekar chalo ab to SALUNKHE hi bata payega ki inki maut kaise huyee.
SEEN - 2
(sab dono lasho ko forensic lekar aate hai.)
SALU - are ACP ye kya, main tumhe hi phone karne wala tha or tum aa gaye ise hi kahte ki ...(dhire se) shaitan ka naam lo or shaitan hazir.
ACP - kuch kaha tumne-
SALU - nahi to.. kuch bhi nahi.
ACP - nahi agar kuch kehna hai to khul ke bol do main kuch nahi kahunga.
SALU - are maine kaha na kuch nahi kaha maine, or na hi mujhe kuch kehna hai.
ACP - thik ahi to ye hum jo do laashe laye hai, unke baare me hi kuch keh do.
SALU - do lasshe nahi boss char laashe.
DAYA - char laashe per hum to bus do laase hi laye the, ye char kaise ho gayee.
SALU - wo aise DAYA ki do laashe to aap log lekar aaye hai or do lasshe humare paas aayi thi.
FREDI - are wah ab aapke paas bhi laashe aane lagi.
SALU - aane lagi se kya matlab hai. laashe humesha humare paas hi aati hai. aap log bhi laashe lekar humare paas hi aate hai kyunki sab kuch to hum log hi batate hai.
ABHI - sab kuch aap log batate hai se kya matlab hai aapka. Hum log kuch nahi karte kya-
SALU - lagi... mirchi lagi. Tum logo ko zara sa kuch keh do ki turant mirchi lag jaati hai.
ABHI - haan to mirchi to lagegi hi na.. saara din idhar udhar ghoom ghoom kar saboot hum ikatha kare or aap kehte hai ki sab kuch aap hi karte hai to hume to mirchi lagegi hi na.
ACP - chodo SALU ye batao ki in lasho ke baare me kuch pata chala ki inka khoon kaise hua hai.
SALU - haan boss in charo ka khoon ek hi tarah se hua hai.
ABHI - ek hi tarah se.
SALU - haan in charo ki maut zehrili gas me dum ghootane ki wazah se huyee hai. aisa lagta hai jaise in charo ko kisi aisi zagah kaid rakha gaya tha jis jagah per zehrili gas thi or is wazah se in sabki maut ho gayee.
ABHI - lekin aap ye kaise keh sakte hai ki in charo ko kaid kiya gaya tha.
TARIKA - main batati hoo.
ABHI - waah Dr. TARIKA waah, dekha SALU saheb ise kehte hai detection or full co-operation. TARIKA ji jab kuch pata karti hai to kyun kaise sab batati hai, or aap inhe kaid karke rakha gaya tha bus itna keh diya or ho gayee duty puri.
SALU - pata tha ab tum zaroor bologe. Yahaan Dr. TARIKA ne kuch kaha nahi or shuru ho gaya tumhara TARIKA puran.
ABHI - ye TARIKA puran se kya matlab hai aapka.
SALU - matlab ye hai ABHI ji ki... aap...
ACP - chodo SALU TARIKA tum batao ki kaise pata chala ki in logo ko kaid karke rakha gaya tha.
TARIKA - ye dekhiye sir iske haanth per ye jo nishan hai wo kisi rassi se bandhne ka hai. ise kisi rassi se bandh kar kaid karke rakha gaya tha. Or aisa hi nishaan in charo lassho ke haantho per hai.
DAYA - to aap log ye kehna chahte hai ki in charo ko kidnap kiya gaya tha or kidnap karne wala aadmi ek hi hai.
SALU - haan kyunki khoon karne ka trika ek hi hai.
ACP - kuch or mila.
SALU - nahi boss kuch bhi nahi. Puri laash per na koi fingerprints hai or na hi koi or saboot. Khooni ne laash per aisa kuch bhi nahi choda jisase ki uska koi bhi surag mil sake.
ACP - lagta hai khooni bahut chalak hai. per kab tak bachega.
SEEN - 3
(CID beuro me .. )
ACP - maine tumhe un charo ke gharwalo ke baare pata karne ko kaha tha kuch pata chala.
VIVEK - haan sir un charo ki laas ki photo maine paper me chpwa di thi unke gharwalo ne unhe pehchan liya. Mian TASHA or FREDI sir un charo ke ghar gaye the. Sir wo jo do lashe hume beech per mili thi wo dono husband wife hai. husband ka naam ajay tha or uski wife ka naam gita tha. Un dono ki nayee nayee shaadi huyee thi or ye dono hotel "honeymoon palace " me weekend manane ke liye gaye the.
ACP - or ye do laashe jo lab me thi unke baare me kuch pata chala.
VIVEK - haan sir, wo dono bhi husband wife the. Husband ka naam mohit or wife ka naam soumya tha. Or sir hairat ki baat ye hai ki in dono ki bhi nayee nayee shaadi huyee thi or ye hotel " good day" me weekend manane gaye the.
ACP - dono ki nayee nayee shaadi huyee thi or dono hi kisi hotel me weekend manae gaye the. Accha or kuch pata chal kuch dusmani wagairah.
TASHA - nahi sir, dono ke gharwalo ka kehna hai ki inki kisi se koi dushmani nahi thi or ye ek dusre ko jaante tak nahi hai.
ACP - na hi kisi se koi dushmani hai or na hi ye ek dusre ko jaante the to phir inka khoon ek hi aadmi ne kyun kiya-
(tabhi DAYA aata hai)
DAYA - sir wo vidya garden ke paas do lashe mili hai.
ACP - lo abhi in char lasho ke baare me kuch pata nahi chala hai uper se ye do laashe or aa gayee. Chalo ab unhe bhi dekhte hai.
SEEN - 4
(sab us jagah pahuchte hai jahaa per do laashe mili hai. sab aas paas saboot dhoondhane ki kosis karte hai per unhe saboot nahi milta. Kafi dhoondhne ke baad bhi jab unhe koi saboot nahi milta to wo laash ko lekar forensic aate hai. forensic lab me...)
ACP - kaho SALU kuch pata chala.
SALU - kya baat karte ho ACP yahaan lab me pehle se hi 4-4 laashe padi huyee hai or tum 2 or le aaye.
ACP - to kya karta inhe apne ghar me show piece ki tarah saja kar rakhta. Laashe hai to tumhare paas hi layenge na.
SALU - bus laashe lakar rakh do or kaam khtam baaki...
ACP - baaki kya- Are bhai forensic expert tum ho ya hum. To batao kya pata chala in do laasho ke baare me.
SALU - kuch bhi nahi.
DAYA - kuch bhi nahi,!
SALU - haan kuch bhi nahi. Boss in dono laasho ke uper bhi koi saboot nahi mila hai na koi fingerprints na hi koi khoon wagairah ka nishan.
ABHI - iska matlab in dono ka khoon bhi bilkul usi tarah se kiya gaya hai jaise pehle charo khoon huye hai.
SALU - sirf usi tarah se nahi ABHI balki usi aadmi ne kiye hai jisne pehle charo khoon kiye hai. kyunki in dono ko bhi pehle kidnap karke rassiyo se baandha gaya phir zehrili gas ke zariye maar diya gaya.
ACP - pichle 4 dino me 6-6khoon huye hai or na katil ka pata hai na hi katal ke wazah ka.
DAYA - sir mujhe to ye serial killer ka kaam lagta hai jo shaadi shuda logo ko apna nishana banaa raha hai.
ACP - serial killer...
SEEN - 5
(beuro me sab soch rahe hai ki ye kiska kaam ho sakta hai. tabhi VIVEK aata hai.)
ACP - haan VIVEK kya pata chala in dono ke baare me-
VIVEK - sir ye dono bhi pati patni the. Inki bhi nayee nayee shadi huyee thi or to or sir ye dono bhi "honeymoon palace " me weekend manane gaye the. Inke ghrwalo ka bhi yahi kehna hai ki inki bhi kisi se koi dushmani nahi thi.
DAYA - sir in sab katlo me ek nahi kayee baatein common hai. pehli ye ki ye sab pati patni the or inki nayee nayee shaadi huyee thi. Ye sab kisi na kisi hotel me gaye the. Or gaur karne wali baat ye hai ki sir ye dono hotel hotel "honeymoon palace " or hotel " good day" ye dono hi hotel Krishna nagar ilake me hai.
ACP - oh ho... to agar ye serial killing ka case hai to is katil ka agla shikar bhi koi naya shadi shuda joda hoga. Jo " good day" ya hotel "honeymoon palace " me weekend manaa raha hoga.
ABHI - sir agar gaur se dekhe to pehla khoon jis shadi shuda jode ka hua wo hotel "honeymoon palace " me the. Dusra khoon hotel " good day" se hua. Ye tisra khoon hotel "honeymoon palace " se tha to is hisaab se us katil ka chautha shikar hotel "good day" se hoga.
ACP - haan... or hum use tabhi pakad sakte hai jab hum me se koi wahaan us hotel me maujood ho. ek kaam karo VIVEK TASHA tum dono hotel "good day" me new married couple banakar jaao or wahaan nazar rakho.
VIVEK - sir... hum.
ACP - haan tum... kyun koi problem hai kya-
VIVEK - nahi ... nahi to sir.
ACP - thik hai to tum dono kal hi us hotel me pahucho or haan her waqt humare contact me rehna.
SEEN - 6
(agale din VIVEK or TASHA dono hotel "good day " pahuchte hai. wahan wo receptionist se baatein karte hai.)
VIVEK - ji hume ek room chahiye.
RECE - ji mil jaaye ga sir.
VIVEK - ji wo special room chahiye. wo kya hai na ki humkari nayee nayee shadi huyee hai or mujhe na meri wife ko surprise dena hai.
RECE - don't worry sir, aapko new married couples ka special kamra milega, haan uska charge kuch jyada lagega.
VIVEK - aap charge ki parwah na karo. Apni is soniye per to main apni puri daulat luta du.
TASHA - kyun ji aap kya baatein kar rahe ho.
VIVEK - kuch nahi... soniye main to bus humare liye khaas kamara book kar raha tha.
TASHA - khaas kamra... ji wo jisase samne ka khoobsoorat nazara dekhne ko milega. Jisme dher saare phool lage honge.
VIVEK - oye tu jaisa chahegi waisa hi milega. Kyun ji behan ji milega na.
RECE - yes sir, ye rahi aapke room ki keys. Have a good day sir.
(dono apne room me chale jaate hai. andar jaane ke baad)
VIVEK - hume ACP sir ko inform kar dena chahiye ki hum yahaa pahuch gaye hai.
TASHA - thik hai tum unhe inform kar do.
(dono ACP sir ko inform kar dete hai. ACP sir unhe careful rehne ki baat kahte hai. Raat hone per)
VIVEK - TASHA tum yahin thahro main aas paas chek kar ke aata hoo.
TASHA - main bhi tumhare saath chalti hoo.
VIVEK - TASHA agar hum dono abhi saath saath gaye to kisi ko shaq ho sakta hai. tum aaram kar lo waise bhi din bhar is hotel ki chan bin karne ke chakkar me tumne aaram nahi kiya.
TASHA - thik hai, per tum apna khyaal rakhna, or haan zaldi lautna.
(itna kehkar VIVEK chala jaata hai. bahut der tak use kuch bhi nahi milta to wo Acp sir ko inform kar deta hai. ACP sir kehte hai ki shayad wo aadmi kal aaye. VIVEK kamre me aata hai. per use kamre me TASHA nazar nahi aati. Wo TASHA ko dhundhta hai. per use wo nahi milti. Tabhi koi piche se uske sir per waar karta hai. VIVEK behosh ho jaata hai.)
SEEN - 7
(agle din CID beuro me...)
ACP - VIVEK se contact hua.
ABHI - nahi sir kal raat se hum un dono se contact karne ki kosis kar rahe hai per ho nahi paa raha hai.
FREDI - sir kahin koi garbar to nahi ho gayee.
DAYA - kaisi garbad Fredi-
ABHI - DAYA mujhe bhi kuch thik nahi lag raha hai. sir hume hotel chalkar dekhna chahiye ki kahin kuch galat to nahi ho gaya.
ACP - thik hai hum abhi chalte hai.
(sab beuro se bahar nikalte hai. tabhi ABHI ko zameen per ek packet milta hai. ABHI use utha leta hai. us pakcket ke ander ek CD hoti hai. sab andar aakar wo CD play karke dekhte hai. CD me VIVEK or TASHA ek chair se bandhe hote hai. dono behosh hote hai. tabhi andhere me baitha ek aadmi ki aawaz aati hai. kyun nazara accha laga ACP sir. Sab ye dekhkar pareshan ho jaate hai. CD me aage kuch nahi hota. Tabhi ACP sir ka phone bajta hai. wo phone uthate hai.)
caller - tohfa pasand aaya ACP. Ab tak to tum tak pahuch gaya hoga.
ACP - tum... tum bol kaun rahe ho or VIVEK TASHA ko kyun kidnap kiya hai.
Caller - maine kidnap kiya hai... ya tumne khud unhe maut ke muh me bhej diya. Are main to bus unhe wahin phucha raha hoo jahan tum chahte the.
ACP - kya bakwas kar rahe ho- (ACP sir ABHI or DAYA ko phone tap karne ka ishara karte hai. dono phone tap karne me lag jaate hai.)
Caller - bakwas... ha..ha.. ha... are ACP tumne kya socha tha ki apne officers ko bhes badalkar bhej doge or mujhe kuch pata nahi chalega. Such to ye hai ACP ki tum meri jaal me khud hi fus gaye ho. are main to yahi chahta hi tha.
ACP -kya matlab hai tumhara-
Caller - matlab saaf hai... agar apne officers ki jaan pyaari hai to tumhe apni jaan ki kurbaani deni padegi. Tumhe mere paas aana padega.
ACP - or agar main aisa na karoo to-
Caller - to... to jyada kuch nahi hoga bus tumhare in dono officers ki laash bhi tumhe kisi beech per milegi.
ACP - dekho main tumhari in dhamkiyo se darne wala nahi hoo. Sidhe sidhe VIVEK or TASHA ko chod do.
Caller - to tum aise nahi manoge. Thik hai ab apne in officers ka haal tum khud dekh lena. Waise lagta hai tumhe apne kisi bhi officer se itna pyaar nahi hai. tabhi to tumne meri baat maanane se inkar kar diya. Thik hai ab anzam ke liye bhi taiyaar ho jaao.
(itna kehkar caller phone cut kar deta hai.)
DAYA - sir kidnapper ka phone tha. Kya keh raha tha-
ACP - keh raha tha ki agar VIVEK or TASHA ki jaan bachani hai to mujhe uske paas jaana hoga.
DAYA - kya- Iska matlab ye hai ki VIVEK or TASHA to sirf mohre hai uska asli nishana to aap hai.
ABHI - sir phone malaad ke kisi arun verma ke ghar se aaya tha.
ACP - accha... chalo is arun se hi puchte hai ki usne VIVEK or TASHA ko kidnap kyun kiya-
SEEN - 8
(sab Arrun ke ghar per pahuchte hai. wahan unhe arun bahut hi ghayal halt me milta hai. sab arun ke paas pahuchte hai. or usase puchte hai ki ye sab kisne kiya. Arun kehta hai ki kuch log... mere paas... aaye... or mujhe... mujhpe waar kiya... stayam bangalo... satyam banglo me... itna kehkar arun ki maut ho jaati hai.)
DAYA - sir ye stayam bangalo to yahin paas me hai. lekin ye satyam banglo ka naam kyun le raha tha.
ACP - lagta hai ki wo log us bangalo me hi gaye hai. hume wahan chalna chahiye.
ABHI - haan per aap... aap nahi sir.
ACP - per kyun ABHI...
ABHI - sir wo aapko hi apna nishana banana chahta hai. sir wo chahta hai ki aap wahan pahuche taki wo aapko nuksaan pahucha sake.
ACP - ABHI... tum chahte ho ki main apni jaan bachane ke daar se na jaau. Or wahan VIVEK or TASHA un dono ki jaan khatre me hai uska kya- ACP PRADYUMAN kisi se nahi darta samjhe.
DAYA - sir ABHI thik keh raha hai. wo aadmi is intzar me hi baitha hai ki kab aap per humla kare. Sir aisa karte hai hum log wahan chalte hai lekin bangalo ke andar main or ABHI hi jayenge, aap or FREDI dono bahar hi humara intzar karenge.
ACP - DAYA tum bhi...
DAYA - sir please humari baat maan jaiye agar aapko kuch ho gaya to...
ACP - thik hai.. lekin ab chalo to...
(sab satyam banglo pahuchte hai. wahan unhe bagale ke bahar koi dikhayee nahi deta.)
DAYA - ABHI hum andar chalte hai.
ACP - thik hai hum tumhara yahin intzar kar rahe hai lekin contact me rehna or apna dhyaan rakhna. Agar kuch bhi garbad lageto hume batana hum andar aa jayege.
(DAYA ABHI dono andar jaate hai. pura bangal khali hota hai. ABHI ACP sir ko batata hai. ACP sir kehte hai ki thik se dekho tabhi DAYA ki aawaz aati hai. ABHI yahan aao. ABHI wahan jaata hai. dono dekhte hai ki ek sidhi niche ki or jaa rahi hoti hai. dono andar jaate hai. ACP sir ko ye sab batate ja rahe hai. andar jaane ke baad unhe kamre me andhera dikhta hai. ek taraf ABHi ko kuch roshni dikhti hai. ABHI us or jaata hai to use VIVEK or tASHA dikhte hai jo chair se bandhe hote hai. ABHI DAYA ko bulata hai. DAYA ke aane ke baad.)
DAYA - VIVEK TASHA lekin ye beech me sheesha laga hua hai.
ABHI - haan wo kaanch ke us taraf hai or hum us taraf.
DAYA - ACP sir ko batate hai. (dono ACP sir ko batate hai.)
ABHI - kya kahan ACP sir ne... -
DAYA - kaha hai ki kaanch tod kar unhe nikalne ki kosis karo. Tum aas paas nazar rakho main kaanch todta hoo..
ABHI - haan lekin nazar rakhu to kisper pure bangale me koi dikhayee nahi de raha hai.
DAYA - wahin tomain soch raha hoo ki pure banglo me koi dikhayee kyun nahi de raha hai. boss kuch garbad hai... hume sawdhan rehna hoga, or ye kaanch bhi bulletproof hai.
ABHI - are ye kya ho raha hai-
DAYA - kya hua-
ABHI - DAYA ye us taraf se kuch gas jaisa nikal raha hai.
DAYA - shayad ye wahi zehrili gas hai jisase un logo ko maara gaya tha.
ABHI - are VIVEK tASHA kahan gaye.
DAYA - haan, boss koi bahut badi sazis hai nikalna padega yaha se... wo log kahin nahi gaye the balki yahin the or humara intzar kar rahe the taki hum unke jaal me fus jaaye.
ABHI - haan lekin TASHA or VIVEK
DAYA - unhe bhi dhoondh lenge pehle yahan se to nikale.
(dono bahar nekalne ke liye darwaze ke paas jaate hai per darwaza band hota hai. dono darwaza kholne ki kosis karte hai per nahi khulta. ABHI ka dum ghutne lagta hai.)
ABHI - DAYA mera dum ghut raha hai.
DAYA - haan main darwaza kholne ki kosis kar raha hoo per khul nahi raha lgta hai todna padega. Main todne ki kosis karta hoo.
ABHI - zaldi karo DAYA. Wrna hum yahin ...
DAYA = dum to mera bhi ghut raha hai.
(DAYA darwaz tod deta hai. dono bahar aate hai per dum ghutne ki wazah se dono behosh ho jaate hai. idhar ACP sir ka jab un dono se contact nahi ho pata to wo andar aate hai. kafi dhundhne ke baad unhe dono mil jaate hai. dono behosh hai. ACP sir Fredi ke saath unhe hospital le jaate hai.)
SEEN - 9
(Hospital me doctor batate hai ki DAYA or ABHI dono zehrily gas me sans lene ki wazah se behosh ho gaye per ab wo khtre se bahar hai. or kuch der me unhe hosh aa jayega. Ye sunkar FREDI or ACP sir dono bahut khush hote hai. tabhi ACP sir ke mobile per kisi ka call aata hai. ACP sir phone uthate hai.)
Caller - kaho ACP kaise hai tumhare wo dono officer DAYA or ABHI.
ACP - tumne ye thik nahi kiya. CID se takrane ka natiza accha nahi hoga.
Caller - are ACP manana parega tumhe. Tumhare 2 officers mere kaid me hai or 2 wahan hospital me behosh phir bhi bole rahe ho. dekha tumhare ye officer mere samne kisi chiti se jayada nahi hai. chahta to masal sakta tha per chod diya. Socha ek or mauka de du tumhe.
ACP - kaisa mauka-
Caller - meri baat manane ka ki agar apne officers ki zindagi chahte ho to mere paas aa jaao.
ACP - tum chahte kya ho mujhse-
Caller - wo to tumhe tabhi pata chalega jab tum mere paas aaoge. Bolo kya kehte ho-
ACP - (kuch sochkar) thik hai main aane to tiyaar hoo. Kahan aana hai mujhe-
Caller - kayan nagar west ke aakhiri bangalo me or haan is baar koi bhi chalaki tumhare in officers ko bhari par sakti hai.
(phone cut jaata hai.)
FREDI - sir aap us kidnapper ke paas jayenge sir.
ACP - haan FREDI jaana parega. Main ab or tum logo ki jaan khatre me nahi daal sakta. kayan nagar west ke aakhiri bangalo me bulaya hai usne. Main chalata hoo.
FREDI - sir main bhi aapke saath chalunga.
ACP - nahi FREDI, tum yahin raho DAYA or ABHI ka dhyaan rakhna.
FREDI - aap log humesha aisa hi karte hai. koi bhi khtra ho aap log akele hi chle jaate hai mujhe saath nahi le jaate. Main bewkoof hoo na isliye...
ACP - are FREDI aisa kyun keh rahe ho- tum humari CID ke liye utne hi important ho jitne ki baki sab. Lekin main tumhe saath nahi le jaa sakta kyunki isase VIVEK or TASHA ki jaan ko khtra ho sakta hai.
FREDI - or sir agar aapko kuch ho gaya to...
ACP - FREDI agar mujhe kuch ho bhi gaya to mujhe khushi hogi ki main apne faraz ki khatir kurbaan ho gaya.
(ACP sir FREDI ko gale lagate hai or phir chale jaate hai. idhar kuch der baad DAYA or ABHI ko hosh aata hai. wo dono ACP sir ke baare me puchte hai. FREDI unhe saari baat batata hai. sari baat sunkar wo dono us jagah jaane ke liye nikalte hai jahan ACP sir gaye hai.)
SEEN - 10
(ACP sir us jagah pahuchte hai jahan kidnapper ne unhe bulaya hai. unhe saamne VIVEK or TASHA bandhe dikhayee dete hai.)
ACP - dekho main aa gaya hoo. Tumne jaisa kahan tha maine waisa hi kiya hai. ab VIVEK or TASHA ko chod do.
Kidnapper - itni zaldi kya hai ACP pehle tumhari khatir to kar le. Koi chalaki to nahi ki na.
ACP - nahi main akela hi aaya hoo. Ab in dono ko chod do.
(tabhi koi piche se ACP sir ke sir per war kar deta hai or wo behosh ho jaate hai. )
Kidnapper - le chalo ise apne saath.
1st man - in dono ka kya karoo.
Kidnapper - marne do inko kuch der me khud hi zehrily gas me dum ghutne se mar jaayenge.
(kidnapper ACP sir ko apne saath le jata hai. jaane se pehle wo us kamre me zehry gas flow kar dete hai. VIVEK or TASHA ka dum ghutne lagta hai. kuch der baad wahan DAYA, ABHI or FREDI aa jaate hai. wo un dono ko bahar nikalte hai.)
ABHI - ACP sir kahan hai-
VIVEK - sir wo ...wo ACP sir ko behosh karke apne saath le gaye.
DAYA - le gaye... kahan ... kahan le gaye-
TASHA - pata nahi sir. Per hume gadi ki aawaz suni thi. Shayad wo unhe apni gadi me le gaye hai.
ABHI - DAYA hum is taraf se aaye hai is taraf se to koi gadi nahi aayi iska matlab ye hai ki wo log us taraf se gaye hai. hume chalna chahiye wo log abhi jyada door nahi gaye honge.
(sab gadi me baith kar us taraf nikal parte hai. DAYA kafi tez gadi chalata hai. kuch der me unhe wo gadi nazar aa jaati hai jisme ACP sir ko le jaa rahe hai.)
FREDI - sir wo rahi gadi. Usi me ACP sir hai.
ABHI - behosh hai. hume unhe bachana hoga. DAYA gadi tez chalao.
DAYA - chala to raha hoo. Are ye surang kahan se aa gayee.
(kidnapper ki gadi surang ke andar chali jaati hai. DAYA bhi gadi surang ke andar le jaata hai. kuch der andhere me kya hua kisi ko pata nahi chalta. Thodi der baad dono gadiya surang se bahar aati hai.)
ABHI - ye kya gadi me siwaye ACP sir ke koi nahi hai or wo bhi behosh hai.
DAYA - lagta hai wo log andhere ka fayda utha kar gadi se utar gaye. Per abhi unhe pakarne ka time nahi hai. hume ACP sir ko bachana hai.
VIVEK - sir ye gadi to khayee ki taraf ja rahi hai. aage khayee hai.
TASHA - kya- Sir ACP sir to behosh hai. hume gadi ko rokna hoga.
ABHI - DAYA gadi tez chalao. Hume kisi bhi tarah se gadi ko rokna hoga.
(DAYA Gadi tez chalata hai per sab ke dekhte dekhte gadi khayee me gir jaati hai. sab chilaate hai ACP sir. Sab zaldi zaldi gadi se utarte hai. or ACP sir ko dhoondhte hai.)
SEEN - 11
(ACP sir ko dhoondhne ka kaam zoro soro se ho raha hai.)
1st man - humne pura ilaka chan maara per ACP sir nahi mile.
ABHI - nahi mile aise kaise nahi mile. Aap thik se dhoondhiye na.
2nd man - nahi sir. Humne acchi tarah se dhoondha hai. waise bhi itni gehri khayeeme girne ke baad kisi ka bhi bachna namumkin hai.
DAYA - apni nakamyabi ko chupane ke liye bahane mat baniye. Humare ACP sir ko kuch nahi hua hai. hum khud dhoondh lenge unhe.
(DAYA ABHI dono khayee me utrate hai. per unhe ACP sir nahi milte. Dono uper aate hai. unki aankho me aansoo hai.)
FREDI - nahi mile na ACP sir. Humne humare ACP sir ko kho diya.
VIVEK - kho nahi diya sir. Usne chin liya humare ACP sir ko.
TASHA - humare liye ACP sir ne apni jaan kurbaan kar di.
ABHI - jisne bhi humare ACP sir ko humse china hai hum use chodenge nahi.
DAYA - haan ab wo cahhe jahaan chup jaaye hum use dhoondh nikalenge.
(sab aankho me aansoo liye beuro ki taraf chalte hai.)