Si Reimu ug an Iyang Tya
Si Hakurei Reimu usa ka babaying hilig mag-inum ug tya. Sa grabing kahilig gani ani niya aning inuma, lapas sa kanapulu kada-adlaw siya magsuyup sa iyahang basu. Nahimu nang kada-adlawan na usa pa siya manilhig sa iyang bakuran ug mamunal gamit iyang gohei sa manga nagasuruy-suruy na di-ingunatu, siya magpabukal ug usa ka takuring tya sa iyang ulingan. Inani gayud iyang buhat, gikan pa sa pagkamatay sa iyang inahan hantud karun.
Mau nang katung usang adlawa na nawala iyang tya sa aparador pag-bangun niya, siya sa grabi niyang kasaput nabatian bisan sa pikas na kilid sa Gensokyo an iyang tingug, ug an yuta minlanug.
"PUTANG INIHAW- ASA AKUNG TYA!", maung gisyagit niya.
An manga di-ingunatu na min-duul sa iyang ginpuy-an niya midagan sa kahadluk. Inana kaisug iyang tingug atung adlawa.
Wala madugay, mibutu an purtahan sa iyang ginpuy-an na si-simbahan.
Ah, kalimut ku'g isturya; si Reimu diay usa ka babaylan.
Mau, gikan sa nag-asu-asu na inabug na kahuy na mauy nahinabilin sa iyang purtahan, si Reimu milupad.
Iyang padulngan; an pinuy-an sa iyang higala na kawatan.
Dali ra iyang paglupad adtu sa Lasangan sa Mahika. Walay ming-huna-huna'g harang niya. Sa pagkakita pa lang sa manga di-ingunatu pa lang sa nag-himug-ut na nawung sa babaylan, sila mitakas na, padagan ug pila ka mila.
Walay makadala'g inanang kamug-utan sa nawung aning babaylanang buhi pa.
Walay dugay, mitug-dun na si Reimu sa atubangan sa iyang higalang kawatan. Kini si Kirisame Marisa, usa ka babaying mangmahika. Sa kahilig niya's pag-kawat ug bisan-unsa, siya an gindudahan sa babaylan ug una.
Siradu an pultahan ni Reimu. Sa walay kadugayan nawala kini; gipatiran kini ni Reimu ug sa kakusug sa iyang pagpatid, nabungkag dayun kini ug nahimung abung galupad-lupad sa hangin.
"UY, MARISA!", misyagit siya. "GAWAS DIRA, BRUHA KA!"
Migawas si Marisa. Nangitum an manga kilid-kilid sa iyang mata. Iyang buhuk kampat ug nagasul-ut siya'g kamisang kum-ut kum-ut kaayu.
Nang siya nag-lugud sa iyang mata, nangutana siya kan Reimu, "Unsa man diay, Reimu? Sabaa ba nimu bay."
Sa kalagut niya, si Reimu gibaliwala an kaduka sa iyang higala, ug nagsiga iyang manga mata, iyang gibunalan sa ulu si Marisa. Natumba dayun kanang bayhana.
"PISTI KANG BWESYET KA! GIKAWAT NIMU AKUNG TYA NU!?"
Wala katubag si Marisa; napatulug siya sa pagbunal sa bruha.
Naglagut si Reimu ani, ug karun iyang lawas nagsiga-siga ug puwa, iyang gilamba-lamba ang ulu sa iyang higala.
"BWESYET KA! PUTA KA! ASA AKUNG TYA, PISTIHA KA!"
Way kadugayan milupad ang ungu ni Marisa pagawas sa iyang lawas ug milakaw padulung sa Higan.
Si Reimu, kang nakita niyang walay pulus na iya pang gub-un an nawung sa usa ka patay na bangkay, mibarug siya ug iyang giukab tanang manga butang ni Marisa sa pagpangita sa iyang tya.
Wala man ari.
Mau, nagsiga gihapus kalagut, milupad siya. Iyang padulngan, an balay sa bampira.
...aduna pay musunud
Dili gin-tag-iya ni Zu an manga tawu ug an manga lawak na gingamit niya sa pagsuwat ining sugilanun. An tanan diri gin-tag-iya ni ZUN, na mauy Ginuu sa atung kultu.
Wala ming-sunud sa Canon na pag-sulat ni ZUN an pagkahintawu sa manga tawung gipang-gamit saning sugilanun.
Maayung adlaw.
2015-6-28