Widme du I se dr Ensis:
ohne derra ihr Gschichtle "Featherstonehaugh"
auf Platt wär I nia auf d'Idee komma,
en Drabble auf Schwäbisch zom schreiba.
A/N + Disklämer: Mir ghert nix vom Härri Pottr, wia
sich's awol a jedr denka ka.
Außerdem dät I gern saga, dass es it so oifach isch, Schwäbisch rät in a
gschriebene Form umzomsetza - besser gsait, I fir mi. I mach's halt amole so,
wia mer's grad en Sinn kommt. Und wian I's schwätza dät. Es isch halt it
allgemain giltig, vor allem, weil's a Schwäbisch ausm Raum Ravensburg isch. Far
a bar Kilometer weiter nauf, noch Stuegett oder Hailbronn, un nocher isch hert
sich scho widdr alls andersch a.
Grad Bled Gloffa
De
Vinzent Creib ond de Schorsch Goil hond amole widdr a Strofarbet beim Filtsch
mache miasa.
S'isch grad Herbscht gwä ond drom hot de Hausmoischter se zum Birnapflicka
g'schickt.
De
Vinzent hot Loitr draga, de Schorsch isch nuff glättert ond hot dia Birna nab in Dräck
g'schmissa.
A oifache Gschicht, ond derzua na hond se no alle boide Birna gessa wia di Blede.
Irgendwann frogt de Vinzent: „Du, sag amole, hond Birna eigentlich Fias?"
„Na." Sait de Schorsch, „Birna hond doch koine Fias it!"
„Bled gloffa." Sait de Vinzent, „Nocher hon I wohl grad a Grott gfressa."