A/N : Another mysterious fic...hehe... But read this and tell me how it is
Wo ghar bahot purana tha ...Haan wo ghar wakai bahot purana tha, Pahadon ki uchhaiyon par tha wo ghar... Raat ka samay tha...Door door tak kisi ka koi naam-o- nishan nahi...bas pedon ke saayon ke alawa kuchh nazar nahi aa raha tha... Main andar gaya...Pure ghar mein bas ek kamre se thodi roshni aa rahi . Andar jaake dekha to us kamre mein lantern ki halki roshni mein maine dekha ki ek ladki safed frock pehne huye dusri taraf muh karke kuchh likh rahi thi...Par kya likh rahi thi wo...Maine dekha likhte huye uske haathon se khoon ris raha tha...Aisa kya tha jo wo apni diary mein likh rahi thi .Zor zor se us ink pen ko us diary mein gada gada ke na jaane kya likh rahi thi wo...Achanak meri nazar padi to dekha ki uske doosre haath se bhi khoon ris raha tha aur uske haathon mein ek neela patthar tha ...Ye sab dekh ke mere maathe par bhi pasina bhar aaya
" Ruko ye kya kar rahi ho tum"... Wo mudi...uske baal uske chehre par they...Wo meri taraf aati is se pehle ki uski zulfen uske chehre se hatt sakti ...darwaza band hone ki aawaz aayi main muda aur ekdam se ek aawaz aayi
"Uth gaye bhaiyya "...Saamne Shubhi thi apni dono chhotiyan guth rahi thi
Matlab wo sab ek sab ek sapna tha ...Par mujhe aisa kyun lag raha tha jaise maine us pal ko jiya ho apne maathe pe haath rakh ke jab maine dekha to maathe pe waakai pasine ki boonden thi haath bhaari lag raha tha...aur pairon me bhi dard tha
Shubhi: Aaj mere school mein annual day hai tum aa rahe ho na
" Aaj nahi Shubhi aaj mujhe bahot kaam"
Shubhi: Mera annual day roz roz nahi hota tumhe aana hi hoga
" Arey Mummy daddy aa to rahe hain tere annual day ke liye main aake waise bhi bore ho jaunga
Shubhi: Dekho bhaiyya mera performance hai...tumhe aana hi padega
Shubhi zid pe add gayi thi ...Naa chaahte huye bhi uski koi bhi zid ke liye main mana nahi kar paata tha...Wo thi hi itni khaas mere liye...Humesha se apni zid manwana jaanti thi wo
"Thik hai meri maa main aa jaunga bas" maine bhi uske aage haath jod liye they
Shubhi: Ye huyi na mere bhaiyya wali baat
Wo mere paas aayi aur mujhe kaske gale laga liya uski is harkat se ekdam se mere kandhe par maine dard mehsus kiya
"Aah...Shubhi hatt"
Woh meri chheekh sunke mujhse thoda door hui
Shubhi: Sorry bhaiyya
"Koi baat nahi, Main taiyyar hoke aata hun" maine usey samjhaya
Shubhi: Thik hai bhaiyya lekin jaldi taiyyar ho jao...
"Thik hai main aata hun...Waqt pe pahonch jaunga tu jaa"
Shubhi : O.k mere pyaare bhaiyya
Shubhi ki zid pe usey haan to bol diya tha lekin badan kaamp raha tha...thand thi aur kandhe bhaari bhi ho rahe they...Haath pair thande ho jayen aisi aadat ho chuki thi mujhe , Nainital ki is thand ka koi mukaabla bhi to nahi tha .. .Haste huye main Shubhi ke school gaya uska program dekha...aur hum sab lautne lage...Lekin main wapas nahi aana chaahta tha .Kuchh samay akele khud ke saath kaatna chaahta tha...Jab bhivakelapan ya khaalipan mehsoos karta main Jheel pe chala jaaya karta tha. ..
"Aap sab jaiye main...aata hun tehel ke" maine gharwalo se kaha
"Haan haan ab aur kaam hi kya hai laad sahab ko din bhar to kuchh karte nahi ho tum aur shaam mein aawaraon ki tarah yahan wahan bhatakte rehte ho..."
Baba ke is tarah ke taano ki aadat ho chuki thi mujhe...Wo mere arts mein proffessor banne se bilkul khush nahi they...Wo chaahte they ki main bhi IIT mein jaun...Unhone to kuchh aur hi ummeeden rakhi thi mujhse...ho bhi kyun na shuru se hi bright student jo tha main...lekin mere History mein B.A karne ke faisle se na-khush they wo ...
" Bas keejiye na jawan beta hai, aur proffessor to hai na college mein" Maa ne baat sambhalte huye kaha
" Haan haan khaak proffessory kar raha hai , Aaye bade proffessor sahab"Baba ne phir phatkaarte huye kaha
"Beta tu jaa tehel ke aa main dekh leti hun inhe"
Main wahan se maa ki baat sunke chala aaya ...Nahi jaanta tha ki kab Baaba ka us baat ko leke gussa shaant hoga...Arey kaise samajh aayega inhe ki mujhe itihaas pasand tha . Raja maharajaon ki kahani kisse yaad karna unke baare mein batana ...mujhe behad pasand tha...khair 2 saal to ho hi chuke they Baaba ko ye sab samjhate huye...ab naa to mujhme himmat thi aur naa hi itni taakat...aadat ho chuki thi inke taanon ki
Main Baaba ke taano se ukhta ke aksar jheel pe tehelne lagta...Shaam bhi ab dhalne lagi thi...Dukaane ab uthne lagi thi...aksar ye shaam hite hi band ho jaaya karti thi...main wahin baitha raha bahot der tak...ab tak lagbhag sab apne ghar laut chuke they...main wahin baitha tha...Haan ye wahi jagah thi jahan karib 2 saal pehle ek ladki ne koodkar apni jaan de di thi...Pyaar mein... kya kya nahi karwati ye kambakht mohabbat...Hume to kabhi nahi hua pyaar...Haan ek ladki thi jo hume college ke dino mein pasand aaya karti thi par pyaar mein jaan kho baithu aisi bhi mohabbat nahi thi us se...Main apne khayalon se bahar nikal ke mud hi raha tha ki achanak meri nazar bagal mein khadi ek ladki pe gayi usne thik usi tarah ka frock pehna hua tha ...Uske lambe baal uske chehre ko phir dhak rahe they...Wo bilkul usi ladki ki tarah dikh rahi thi jise maine apne sapne mein dekha tha...
Main uski taraf badhta us se kuchh puchhta ki achanak meri nazar jheel ki dusri taraf gayi...maine dekha ek ladki jisne thik usi tarah ka frock pehna tha jaisa us ladki ne mere sapne mein pehna tha...yahi nahi wo pattharon pe khadi par khadi thi...uska chehra to nahi dikh raha tha par wo zarur kuchh karne wali thi .Tabhi maine dekha wo patthar se utarke koodne wali thi jheel mein...
Main daudta hua wahan gaya usey bachane ki koshish mein
Main bhaaga dekha ki wo doob rahi thi...Main jheel mein kooda usey bachane ke liye lekin jab main kooda to dekha ki wo nahi thi wahan koi bhi nahi. .ye kaise ho sakta tha...mere saamne wo ladki jheel mein koodi aur gayab kaise ho gayi... Main jheel se bahar aaya to mere pairon mein kuchh phansa ... Jab usey uthaya to dekha wo...Wahi neela patthar...ye neela patthar kaise yahan ho sakta hai...Isey to maine apne sapne mein dekha tha...
Maine us patthar ko uthaya aur jeb mein daal liya...Apne ghar mein wapas chala gaya...jheel mein koodne ki wajah se mera sardi mein bura haal ho gaya tha...Jab wapas aaya to dekha Baba aur maa ab tak soye nahi they
" Lo aa gaye laad sahab...aur zara bataenge ki jheel ke paas tehelne gaye they ya bheegne" Baba ne kataaksh mein mujhse kaha
"Ye kya haalat bana li ...aur ye tubheeg kaise gaya...kitni der ho gayi...tera intezaar karte karte...aaja andar aa thand bahot hai jaa jaldi se kapde badal le...main kgana lagati hun"Maa ne bade pyaar se kaha
Maine khana khaaya aur Apne kamre mein jaake let gaya...Raat bhar main usi haadse ke baare mein soch raha tha...Aakhir Wo kaun thi?...
A/N : I haven't put the name of the main character...aapke hisaab se ye kaun hona chaiye d