هاي ! انا ليون كينيدي طبعا مايحتاج تعريف انا شرطي جديد بقراطيسي رايح اشتغل
بمدينه الراكون اللي في اخرالدنيا =_= يعني مافي مركز شرطه جنب بيتنا لازم مشاوير
المهم انا تحمست ولبست الله يخليك روح مفصخ ماعندك مشكله ههههههههههههه
ومشيت للمدينه المزعومه يوم وصلت ولا ؟
وشو زومبي لا مافي زومبي هذا باللعبه_
اللي هنا ناس اشد واخوف من الزومبي
دخلت القاعه الرئيسيه لمركز الشرطه ووقفت عند الريسبشن
ليون ( بحماس ) : احم احم
اللي على الريسبشن ( يطالعني وكاني ماكل حلال ابوه ) : لاشكرا مو طالبين بيتزا
ليون : بيتزا ايش ؟؟ : انا شرطي جديد هنا
اللي على الريسبشن :يافرحتك ؟! احط لك نجمه يعني ولا كيف
ليون : لا سو لي حفله ! ههههههههههه وين مديركم
اللي على الريسبشن ( لف كرسيه وقام ياشر زي الاهبل ) : ادخل الباب هذا
ولف يمين ثم شمال ثم يمين ثم شمال ثم يمين ثم شمال ثم يمين ثم شمال وتلقاه
ليون : وش هذا ؟ يمين ويمين ويمين وصلت موسكو انا مع هالوصف طيب شكرا مع السلامه
في غرفه المدير
المدير ( واقف ويهاوش بكل مافيه ) : انا تعبت من كثر ماهاوش تعينو ناس وتقاعدو ناس
وانا اقول نفس الموال لك يااخ كرس كم مره اقول لك لاعاد توقف سياراتك عند براده البيبسي
تبي تسبب لي جلطه انت ؟
كرس : يووووووه يارئيس انا احطها هناك علشان مااقعد ادور ساعه وادور سيارتي خلاص احفظ مكانها
عند البراده
المدير : احنا حاطينها علشان نشرب منها مو تسير معلم علشان تلقى سيارتك
كرس : البراده مطفره مافيها شي اصلا من 10 سنين وهي فاضيه انت بس تنحاسني
المدير ( طق له عرق ): اخصم من راتبك ؟
كرس ( طلع مارس وقام ياكل ) : اصلا ماعاد فيه راتب علشان ينخصم هههههههههههه
ويسكر ( داخل معاه اوراق ) : انا خلصت شغلي ( يطالع كرس باحتقار ) انت لسه هنا؟
الدوام خلص وهو لسه يهاوش فيك
كرس : ولا في فايده لاتحاولون هههههههههههههههههه
ويسكر ( يكلم المدير بصوت واطي ) : انا اشوف انكم تفصلونه احسن هذا البغل مو فالح
الا ياكل
كرس : اسمع اسمع تراني _ مالك شغل انت
المدير : اخ بس هو لو ينضبط شوي بالشغل كان يسير بطل بس مافي فايده تعبت منه
طق طق طق
ليون : ممكن ادخل ؟ انا شرطي جديد
ويسكر:مين هذا بعد ؟؟؟
كرس : هذا واحد ثاني من قائمه المغضوب عليهم
المدير : مالك دخل انت وياه تفضل يااخ
ليون ( يوقف بالنص بين كرس ويسكر ) : هذي اوراقي متى ابدى شغل طال عمرك
ويسكر : نشوف النشاط بعد كم يوم قسم لتنحاش عما قريب
المدير : بامكانك تبدى من بكره وتعال بدري الصبح
كرس : ايه تعال الصبح قول نشيد المدرسه الصباحي
ليون ( يطالعهم مستغرب ) : ها ؟ ايه اوكي
المدير : كرس خذ ليون بجوله كذا يتعرف على معالم حديقه الحيوان اللي نشتغل فيها
كرس : لا رجولي تعورني بعدين انا شرطي قدير مو مرشده سياحيه
المدير : وانت ياويسكر ؟
ويسكر : ياويلي ؟! اخر عمري اقعد ادور مع بزران انا واجلس اعلمه " هذا حمام
هذا بيت هذي غرفه" لا عفوا
المدير : كلكم مامنكم فايده روحو انقعلو من وجهي بس يللا
ويسكر ( يحط يده على ليون ) : اذا ودك تجيب العيد وتسير حياتك كلها مصايب روح
اجلس مع الرجل الغول هذا ( ياشر على كرس ) تشاو !
كرس ( يهمس لليون ) : اذا تبغى تسير مريض نفسيا وتقلب جني صادق هالمجنون
اللي لابس نظاره صاحب الظل الطويل سلام
ليون ( خطوط زرقا فوق راسه ) : هذي اولها =_="
المدير : ماعليك الحين اتصل على احد يجي يعلمك الارشادات ( ويتصل على كذا رقم مايردون
عليه )
ليون : اووووه شكل الشرطه حقتك نايمين بالعسل
المدير ( يضغط على التلفون بقوه من كثر ماهو معصب) : نام عليهم جدار ياربي
وتدخل علينا بنوته شعرها بني ولطيفه تبدو نوعا ما
المدير : ها جت الثانيه ؟ عبالهم المركز فندق ومنتهزه! هلا كلير
كلير : ههههههههههه ليه زعلان الحين داخله ببلاش انا ( تناظر ليون ) اممممممم
وسيم
ليون ( استحى ) : ها ؟ ؟ ايه
المدير : هذا شرطي جديد لاتطفشينه زي ماطفشتي غيره خليه ياخذ جوله بالمركز
الحين وجع ولا احد راضي يرد
كلير : انا اقوم بالمهمه ولايهمك اعرف هالمكان اكثر من بيتنا انا بدليه واقوله
نظام الشغل
المدير : =_= اممممممممممم خلاص طيب
كلير ( تمسك يد ليون ) : يللا مشينا ( وتفتح الباب وتطلع معه )
تابع