NOT A STORY JUST MY FEELINGS WHICH I THOUGHT TO PEN DOWN
Kaisi Teri Khudgarzi...
Yun toh hazaar rishte bante hain yahan
Har roz ek naya saathi jud jaata hai yahan
Kai sachhe toh jhoote bhi log milte hain yahan
Kehte hain paraye bhi apne ban jaate hain yahan
Do pal ki hasi thitholi aur aap apnaa maan baiithe unhe
Ye bhi nahi jana ki sirf apna samay kaat rahe they wo...
Kisine apnaaya dil se toh koi apna bas kehta hai
Magar yakin maano sirf kehta hai...
kyunki kehne mein aur manne mein meelon ka faasla hota hai
ye faasla taye karne mein waqt nahi lagta...
Par mujhe apna banane ki chaah nahi thi unhe
Phir bhala kyun mere dil mein ek ummeeed jagayi unhone
Kitna kuchh kiya maine unke liye
Phir kisi wajah se meri zubaan agar thak gayi toh kya
yahi karna tha tumhe bilawajah dard diya mujhe Kyun jagai mere man mein jhoothi ummeed
Kyun chhoda mera haath agar main haath na badha saki
Koshish maine bhi ki, par kya meri akeli koshish safal hogi
Jee nahi huzoor meri akeli koshish se kuchh nahi hoga
tab tak jab tak aap nahi chaahenge ki main aapki apni ban jaun
Shayad maine kuchh zyada hi maang liya aapse
Haan meri hi galati thi
Main toh ye bhool hi gayi thi ki ye duniya jhooth ki buniyaad par tiki hai
yahan kai saare chehre naqab pehne hain
fir tumne khudko be naqab kar bhi diya toh kya
Par KAISI TERI KHUDGARZI, kya mila tujhe mujhe bina wajah apna kehke
Us se toh achha ye hota ki tum mere liye anjaan bane hote
kam-az-kam main tummhe kosti nahi...
Ye mat bhoolo ki tumne dosti ka haath pehle badhaaya tha
aur ab itni aasani se us dosti ko bhool gaye?
Shayad main hi galat hun, bina kisi ko jaane
main kaise tumhari sakhi ban gayi...
Lekin galati toh sirf ek baar hoti hai
Ab nahi hogi mujhse wahi galati firse
Kyunki naa main kisi ko apna maanne ki galati karuni
aur naa hi abse koi mera hoga...
.
.
.
.
.
Thanks for reading...this was dedicated to the whole ff family