A/N: I KNOW I HAVEN'T COMPLETED MY PREVIOUS TWO STORIES... I WILL UPDATE THEM ALSO BUT HERE IS A NEW CONCEPT TOTALLY DEDICATED TO THE ARMY PERSON, NOT ONLY THE INDIAN ARMY BUT ENTIRE THREE FORCES, i.e INDIAN AIR FORCE, INDIAN ARMY FORCE AND THE INDIAN NAVY

PLEASE REVIEW AND TELL ME SHOULD I CONTINUE THIS ONE OR NOT

TERI YAAD SAATH HAI

CHAPTER-1

Jeena sikh liya hai Tere Bina

Baarish ki boonden har baar khidki se lipatke gir rahi thi,Haath mein Kavin ki tasveer aur aankhon mein aansunlekar khidki ke sahare baarish ko dekh rahi thi Purvi, Is Baarish se kai kai yaadein taaza ho jaati thi Purvi ki

"Apni aansu bhari bheegi bheegi palken moond kar main tumhe aaj bhi yaad karti hai mujhe tumhara muskarana, aur phir usi muskurahat ke saath mera maatha choomna, Mujhe gale lagaakar, mujhe pyaar se sehlaana, Yaad hai mujhe tumhari har ek baat ,Ke kis tarah mujhe wo choodiyan pehnaate they, Main khaamosh rehti par tum meri khaamoshi sun lete, Mere aansun tumhe bardasht nahi hote, Meri hasi mein tum apni saari duniya, apni saari khushiyan dhoondh lete, Aaj bhi zinda ho tum mujhme aaj bhi zinda ho tum meri Yaadon mein, Aaj bhi zinda ho tum meri chaahat mein"

Itne mein darwaza khula aur saamne Purvi ki 6 saal ki beti Pari thi

Pari: Mumma main apna favourite cartoon dekh lun?" usne badi maasumiyat se pucha

Purvi: Haan dekh lo lekin dhyaan se Kavyaa aur Rudra ko disturb mat karna"

Pari: Thik hai Mumma main volume kam karke sunungi

Ab Purvi apni yaadon mein apne Kavin ko roz dhundhti thi, Apne teeno bacchon ke chehre mein usey Kavin ka chehra nazar aata, unki hasi mein usey Kavin ki hasi nazar aati

"Bhabhi gaon jaana hai kuch paison ki zaruat hai, abhi mil jaate to…."

Ye Barkha thi lagbhag 7 saal ki umar se wo Kavin ke ghar pe kaam karti thi, Kavin se do saal choti thi par Kavin ne usey humesha apne ghar parivar ke sadasya jaisa samjha tha

Purvi: Isme bhi koi puchne wali baat hai, abhi laati hun

Apni almaari mein rakhe purse se paise nikaal ke wo jaise hi palti

Almaari se ek jacket nichey gira, Jaise hi Purvi ne us jacket ko uthaya uski beeti zindagi se judi yaaden phir uske saamne aa gayi, Ye wahi jacket thi jise pehenke Kavin usey itne saalon baad mila tha

FLASHBACK

"Bhai aaj aapki zindagi ka sabse bada din hai you are going to be awarded the PADMA VIBHUSHAN"

Itna kehke Purvi ne apne bhai "Vibhaatsu Kashyap" Ko gale laga liya

Ghar mein jashna ka Mahaul tha, Bahot jald Purvi bhi 'Women's cricket team' mein captain banne wali thi, Apne ghar mein sabse zyada pyaar aur lagaav Purvi ko Vibhaatsu se hi tha, Vibhaatsu ek Cardiologist tha. Apne bhai ko milne wali har ek achievement par wo 'Siddhivinayak mandir' zarur jaati thi, aur haan ek aur jagah thi jahan wo jaana nahi bhoolti thi, wo tha 'Dargaah'

Siddhivinayak Mandir par har samay acchi khaasi bheed raha karti thi, Isliye kabhi duppate se to kabhi scarf se wo apna chehra chupa leti thi taaki koi usey us bheed mein se pehchaan na le

Us din wo apne Ganeshji se prarthana karke bas laut hi rahi thi ke,itne mein usey ehsaas hua ki Vibhaatsu ka diya ek bahot hi keemti taufa yani ki uska locket,jo uske gale mein humesha rehta hai wo kahin tha hi nahi, Use dart ha ki kahin bheed mein usne us locket ko kho to nahi diya, Par phir ek haath aage badha aur

"Ye leejiye, aapka ye locket nichey gir gaya tha"

Itna kehke wo aadmi wahan se chala gaya, Purvi kuch keh paati , is se pehle wo usey dekh paati Wo jaa chukka tha, Purvi usey shukriya karna chaahti thi, usey dekhna chaahti thi par na jaane wo kahan kho gaya, usey bas itna yaad tha ki usne kale rang ka jacket pehna tha, Purvi bhagwan ka shukriya to kar rahi thi par ab bhi isi soch mein thi ki kitni bheed mein gira locket us aadmi ko kaise mil gaya, aur mil bhi gaya to usne ye kaise pehchana ki wo locket uska hai

Apne khayalon ke mehel se bahar nikalke wo Dargah jaati hai,Is Dargaah ko zyada log nahi jaante they, bas ikka dukka log hi jaya karte they, Yahan bhi usne apna sar dhak rakha tha,

"Arziyaan Sari Mein, Chehre Pe Likh Ke Laaya Hoon
Tumse Kya Mangu Mein, Tum Khud Hi Samjah Lo...
Ya Maula..., Maula Maula Maula Mere Maula
Maula Maula Maula Mere Maula...

Maula Maula Maula Mere Maula

Maula Maula Maula Maula...

Maula Maula Maula Mere Maula
Dararein Dararein Bandhein Pe Maula
Maramat Mukdar Ki Kar Do Maula, Mere Maula..
Tere Dar Pe Jhuka Hoon Meeta Hoon Bana Hoon...

Tere Dar Pe Jhuka Hoon Meeta Hoon Bana Hoon.
Marammat Mukdar Ki Kar Doo Maula...

Marammat Mukdar Ki Kar Doo Maula..."

WO seedhiyo par se phool rakhke jab laut rahi thi, toh uska pair phisla aur wo girne waali thi ke achanak ek haath phisla aur usey sambhal liya wo upar chadhke usey shukriya karna chahti thi, lekin phir is baar is se pehle wo usey dekh paati wo lautne laga tha

Purvi: Excuse Me

The Man Stops

Purvi uske paas aati hai usey dekhti hai to hairaan reh jaati hai

Kyunki ye Wahi Kavin tha jise wo Barson se jaanti thi, Kavin ke chehre par kisi tarah ka aashcharya nahi tha kyunki wo teeno baar Purvi ko dekh chukka tha,

Usey laga ki shayad Purvi usey bhool chuki thi, Ab usey pehchaane bhi ya nahi

Isse pehle ki wo kuch keh pata

Purvi: You Idiot, Moron, Stupid, Main itni der se tumse baat karna chaah rahi thi tumhe thanks kehna chaah rahi thi tum bhaag kyun rahe ho? Aur waise bhi mujhse bhaagke kya fayda? Aur tumhe kya laga tumhe pehchaan nahi paungi?

Purvi ke muh se ye sab sunke Kavin ko thodi raahat mili

Purvi: Paanch saal se dhoondh rahi hun main tumhe, pata nahi kahan ho… Na koi message, Na koi call, Na koi mail, Kahan kahan nahin dhoondha tumhe par tumhara koi thikana hi nahi hai…. Bina kisi ko bataye chale kahan gaye they tum…

Kitni fikar ho gayi thi mujhe tumhari jaante bhi ho tum…

5 saalon tak tum mujhe nahi mile aur ab mile ho to bhaag kyun rahe ho tum mujhse

Kavin: Ek minute, Ek minute miss expresso, Kitna bologi yaar, Sorry wo main

Purvi: Wo main kya? Kya wo main haan..

Kavin: Main to tumse isliye bhaag raha tha , kyunki mujhe laga tum mujhe bhool chuki hogi, pehchaanoge nahi

Purvi usey halka sa maarti hai

Purvi: You Idiot.. Main tumhe bhool gayi haan, Main tumhe bhool gayi? 5 saal se tumhara koi pata nahi hai, tum gayab ho aur bhool main tumhe gayi

Kavin : Accha Baba My fault I am sorry

Purvi: What sorry Penalty to bharni padegi

Kavin: Accha baba batao kya penalty hai?

Purvi: Wo toh main baad mein bataungi pehle ye batao pichle 5 saalon se kahan gayab they tum

Kavin: Kashmir

Purvi: Kashmir mein tum kya kar rahe they

Kavin: Army… Main army ki training le raha tha, aur phir wahin par tha,I am in the Indian Army

Purvi: Ek second to phir kya kehke bulaun main tumhe…let me guess, lieutenant, colonel, ya phir…

Kavin: Major, Major Kavin Bajpayee

Purvi: So Major Kavin Bajpayee Kashmir se Mumbai wapas kaise?

Kavin: Ab yahin par hun kuch dino ki chutti hai, phir apna wahi thikana, wo kya hai Baba ki Kothi hai yahan pe, uski dekh- rekh bhi to koi karega
Tum Batao, Miss Purvi Kashyap, Tum toh badi famous ho gayi, Indian Women's Cricket Team Captain haan… Not bad

Purvi: Abhi nahi banne wali hun

Kavin: Wahi wahi… So Vibhu bhaiya ke liye mannat maangne aayi ho

Purvi: Hmm… I hope is saal unka sabse bada sapna pura ho jaye, 21 saal ka intezaar bahot hota hai yar

Kavin: You don't worry, Is baar Vibhu bhaiya ka sapna zarur pura hoga

FLASHBACK OVER

CURRENT TIME

Itne mein Kavya ki rone ki aawaz aati hai aur uski yaadon ka mehel toot jaata hai, Wo wahan uske paas jaati hai usey chup karati hai aur usey sulaane lagti hai