A/N : Thank you for all the reviews ...and sorry for late update of this story...
PRESENT TIME
Aaj itne saal baad phir mujhe tum yaad aaye... Yaad aaya wo sapna wokhaab jo hum dono ne milke dekha tha... Kitna kuchh kehte they wo lamhe jinko sang humne jiya tha
FLASHBACK
Kavya aur Rudra ke janam ko 3 mahine beet chuke ab bhi wo sab bhooli nahi thi yaad karte karte usey din rukta nahi tha .Dil mein dard to bahot tha par koi lamha chukta nahi tha.
Tabhi darwaze pe dastak hui
Wo Lieutenant Nikhil tha ...uske paas Kavin ki yaadon ka kuchh samaan tha
Purvi: Aap?
Nikhil: Lieutenant Nikhil
Purvi: Andar aaiye please...
Nikhil: Ye Kavin sir ka kuchh saaman hai jo wahan chhoot gaya tha...
Purvi: Andar...andar rakhwa deejiye
Nikhil: jee
Kuchh log andar aaye aur us bakse (box ) ko andar rakh gaye...
Nikhil(taking out a letter): Ye chitthi mujhe unki vardi se mili
Purvi: Aap padh deejiye na main...nahi padh paungi
Nikhil(reads the letter): Purvi, Main nahi jaanta ki is letter ki kab zaruat pade lekin ye humesha mere saath rahega... Ho sakta hai ki main kabhi jaun aur vapas lautke bhi na aaun...lekin agar main na aaun...to ye to nahi kehta ki meri maa ka, mere bachhon ka , mere parivar ka khayal rakhna kyunki main ye jaanta hun ki ye sab tum bakhubi karogi... Tumhe bas itna kahunga ki jeena mat chhodna...mere marne ke baad ho sake to aankhen mat nam karna tumhare aaunsuon se meri rooh na milun main tumhe to us gulaal mein dhundhna jo holi pe maine tumhe lagaya tha... Rangon se, phoolon se, nazaron se parhez mat karna kyunki jaisi tum ho mujhe in sab ke saath hi acchi lagti hai...aur tumhe jeete muskurate dekhke hi mujhe khushi hogi..is chaukhat is chaubare pe main dubara lautke nahi haathon ki wo hari hari chudiyan...mujhe bahot bhaati hain..tumhari saheli hain wo unhe alag mat karna ...kal bhi suraj niklega kal bhi panchhi gaayenge sab tumko dikhai denge par main na nazar aaunga ..aanchal mein sanjoh lena mujhe sapno mein bula lena ki ab mera to...
Purvi ki aankhen bhar aayi thi
Nikhil: Aur nahi padha jayega mujhse mam... Chalta hun
Itna kehke wo wahan se chala gaya
Purvi ne us box ko khola usme tamaam tarah ka samaan tha Kavin ka ...har ek chiz yar ek yaad ek mala mein piroya hua...wo wardi, wo diary , wo ghadi...
FLASHBACK OVER
PRESENT TIME
Purvi apne ghar mein kuchh kaam kar rahi thi .Bacche bhai ke ghar mein they aur Barkha ab bhi nahi lauti thi
Wo kuchh kar rahi thi ki achanak pichhey se darwaza khulne ki aawaz aayi ...wo wahan gayi aur darwaza band kar ...
Darwaza phir khul gaya...usne darwaza phir band kiya aur wo phir khul gaya ...ye sab dekh ke Purvi pareshan ho gayi...
Khidkii se ekdam se tez hawa ka jhonka aaya aur jab usne usey band karna chaaha to band hi nahi hua. ...Wo daudi aur zor se us darwaaze ko band karne lagi ...par jab jab khidki darwaza band karti wo phir khul jaate...utni der mein achanak chhat se ret hi ret nichey girney lagi aur darwaze se bhi bahot saari ret andar aa gayi wo ye sab rokne ki koshish kar rahi thi par kuchh nahi kar paa rahi thi thodi der baad usne dekha pure ghar mein ret hi ret bhar gayi thi ...uske ghutne ghutne tak ret thi . ..kisi tarah wo ghar ke bahar aayi..turant bhaagke wo Sachin ke ghar ke paas gayi
Sachin laut hi raha tha ...
Purvi: Sachin...Sachin...wo mere ghar mein...mere ghar mein
Sachin: Kya hua?
Purvi : Sachin..pata nahi kaise...lekin mere pure ghar mein bas ret hi ret bhar gayi hai...aur kuchh nahi dikhta...pata nahi itni saari ret kaise aayi ghar mein ..lekin ghutno ghutno tak ret hai
Sachin: Accha..?..aao chalo dekhte hain
Purvi aur Sachin wahan se uske ghar gaye ..jab unhone darwaza khola to...dekhke hairan they...kyunki aisa kuchh tha hi nahi ghar mein...ret to kya ret ka kan bhi nahi tha...aisa lagta hi nahi tha ki ret bhi hogi wahan...
Sachin: Yahan to kuchh bhi nahi hai...
Purvi: Matlab Sachin..yahan sach mein ret hi ret thi..
Sachin: Ret hi ret thi na ...itni ki tumhare ghutne tak bhar aayi thi...to kahan hai ret..?mujhe kyun nahi dikhti...yahan to ret ka ek kan bhi nahi hai
Purvi: Mera yakin mano Sachin yahan ret thi...
Sachin: Achha ? To kahan chali gayi ekdam se saari ret ?... Mujhe to kuchh dikhai nahi deta... Na ret na dhool na mitti...
Purvi: Par aisa kaise ho sakta hai abhi abhi itni sari ret udke aayi hai thi... Aur...
Sachin(Shouts): Shut up... Na koi ret thi na koi dhool... Ye sab , sab kuchh tumhare man ka vehem hai... Ye jo itni sari chize tumhe dikhti hai na.. Ye sab tumhare man ka vehem hai.. Is se zyada kuchh nahi... Kavin ke pyaar mein itni baawli ho chuki ho tum ki tumhe wo chize dikhai aur sunai dene lagi hain, jo hai bhi nahi... Us din hospital me bhi...
Purvi ki aankhen bhar aayi thi
Sachin: Dekho mera tumhe rulane ka ya dukhi karne ka koi maksad nahi tha par tumhara pyaar ab pagalpan ki had tak badh chuka please...apne bachhe bhi paalne hain tumhe...Kavin ko bhool jao. ...
Purvi: Ye tum kya keh rahe ho ?
Sachin: Bilkul thik keh raha hun main ... Janta hun ki kehna jitna aasan hai karna utna hi mushkil lekin kya karun is tarah pagal hote huye nahi dekh sakta tumhe aur phir koshish to kar hi sakti ho na tum... Aage badho Purvi... Aage badhne ki koshish karo... Maine bhi ki na Divyana ki maut ke baad ...haan ?... Tum bhi karo.. Wo tum aur Kavin hi they na jinhone mujhe Divyana ki maut ke baad sambhala tha... Tum hi thi na jo ye kehti thi ki tumhare uski yaadon mein kho kar reh jaane se kuchh nahi hoga... Wo wapas nahi aayega...maine bhi kiya tha na uska intezaar lekin tum jaanti thi marke koi wapas nahi aata...tum hi thi na jisne mera haath pakadke uske bina jina sikhaya tha? To khud ke saath bhi karo na kuchh aisa hi...kyun nahi karti kuchh aisa hi apne saath bhi ... Just move from here ...move on...Kavin se judi har ek yaad ko mita do har ek chiz jo tumhe uski yaad dilati hai usey chhod do... Ye ghar ye sheher...har ek chiz chhod do...mujhse bhi baat karna aur milna chhod do ...kyunki kahin na kahin main bhi tumhe uski yaad dilata hun...isliye bhi mat milo.. Lekin aage badho...ye ghar bech do...main tumhari madat karunga lekin please...aur mere liye to jeene ka koi sahara nahi hai... Phir bhi jee raha hun na main ...Lekin tumhare paas to wo bhi hai...tumhare 3-3 bachhe unki parwarish mein zindagi nikaal dena par bhool ke bhi is pagalpan ko apne sar pe sawaar mat hone dena...please...
Itna kehke wo wapas laut gaya... Ab to Purvi ko bhi Sachin ki kahi hui baaton mein sachhai nazar aa rahi thi...shayad ye uske man ka vehem hi tha
Wo packing karne lagi ...Ek ek chiz uthate huye usey Kavin ki yaad aati thi ..
Jo na hona tha , Wo mujhe hona pada
Aaj khokar tujhe, Zinda rehna pada
Waqt se jo mila zakham wo zakham
Seena pada Seena pada Seena pada
Phir kahin sheher mein chota sa ghar bana lunga
Tu sajata tha kabhi us tarah main saja lunga
Phir naye rangon se rang lunga
Uski deewaren
Kuchh naye khwaab bhi gamlon mein
Main laga lunga
Tere gham ka zeher yun bhi peena pada
Aaj khokar tujhe zinda rehna pada
Waqt se jo mila mujhe wo zakham
Seena pada Seena pada Seena pada
IN THE EVENING
Pari ghar aa chuki thi..Aate hi khaana khaake wo apne kamre mein jaake painting karne lagi...
Purvi uske paas aayi
Purvi: Ye kya banaya hai meri pari ne
Pari: Mumma ye bahot door jagah hai...
Purvi ne dekha usne kisi registan ki jagah banai hui thi...par wo jagah bahot ajib thi
Purvi: Pari ye jagah tumne dekhi hai beta ?
Pari: Haan
Purvi: Haan?..par kahan tv par ?
Pari: Nahi.. Sapne mein
Purvi: Sapne mein?..aur kya dekha sapne mein meri gudiya ne...
Pari: Mumma... Papa yahin hain...
Purvi: Kya?..ye kya bol rahi ho Pari...
Pari: Haan mumma..isi jagah maine Papa ko dekha hai..
Purvi: Pari...ye painting mujhe de do...lao...
Pari: Nahi main ye painting kisi ko nahi dungi
Purvi: Accha tum ye painting vagereh chhodo..aur khana laga diya hai chalo kha lo
Pari: Mumma...Thodi der se
Purvi: Pari...
Pari apni maa ki baat sunke Neechey chali gai...Purvi ne us painting ko utha liya...aur apne paas rakh liya...thodi der baad wo phir packing karne lagi to uske haath lagne se drawer se koi chiz gir ek purana album tha...Purvi ne jab us album ko khola to wo dekhke hairan reh gai...Kyunki us album mein usi tarah ka registan tha jaisa pari ne apni painting mein banaya hua tha...Us photo mein Kavin ke saath uski Daai maa thi...aur kuchh bachhe bhi aur shayad 1 do anjaan chehre jinhe wo jaanti tak nahi thi
Sari tasveern usi jagah ki thi
Purvi : Ye sab to Pari ki drawing mein tha...is sab ka kya matlab ho sakta hai ... Mh...
Wo turant us painting aur Us album ko leke Sachin ke paas gayi
Sachin: Kya hua
Purvi:Ye dekho tumhe meri baat pe vishvas nahi hota na
Sachin ne un tasveeron aur painting ko dekhne ke baad kaha
Sachin: Kya dekhun isme ?
Purvi usi puri baat batati hai
Sachin: tumhara kehne ka matlab hai is painting , in photos aur us haadsa jo tumhare saath hua un teeno ke zariye Kavin tum tak pahonchne ki koshish kar raha hai?
Purvi: Shayad
Sachin: Tum pagal ho ...dimag kharab hai tumhara Pari to bachhi hai...miss karti hogi apne pita ko iska matlab ye nahi ki tum bhi uske bachpane ka sath do
Purvi: Ye sab ittefaq nahi ho sakta Sachin aur mujhe to lag raha hai ye sab daai maa se juda hai
Sachin: Ab is sab mein dai maa kahan se aa gai ?
Purvi usey wo radio wali baat yaad dilati hai
Purvi: Aur jahan tak mujhe pata hai Sachin main is jagah ke baare mein jaanti hun, ye jagah wahi hai jahan Daai maa rehti hain...kahin wo kisi ...
Sachin: dekho tum zyada mat socho ye sab tumhare zyada sochne ka natija hai aur kuchh nahi ...aur ho sakta hai Pari ne in photographs ko dekhke hi is painting ko banaya ho
Purvi : Aisa ho nahi sakta kyunki ye photos bahot purani hain aur Pari in tak pahonch nahi sakti bahot andar rakhi thi ye
Sachin: To uski kalpana hogi jo ittefaq se is photo se mel khaati hai
Purvi: Matlab tumhe meri baat pe yakin nahi
Sachin: Bilkul bhi nahi
Purvi: Tum mera saath dena chahte ho ya nahi
Sachin: Nahi tumhare is pagalpan ka saath nahi de sakta main
Purvi: Thik hai lekin mere bacchon ko 5 din tak sambhal to sakoge na tum
Sachin: Kya ?lekin kyun ?
Purvi: Main yahan jaungi
Sachin: Kya... Lekin kyunn?
Purvi: kyunki yahan jaane se mere man ko shanti milegi...aur main Daai maa ko dhundhke wapas laa sakungi
Sachin: Thik hai chali jao tum yahan...kar lo tassali ...tumhare pagalpan ka sath to nahi dena chaahta lekin...tumhare bacchon ko akela nahi chhodunga main..
Purvi: Thanks..main aaj hi nikal rahi hun
Sachin: Kal subah nikal jana
Purvi: Der ho jayegi...isliye aaj hi niklungi...ab chalti hun...
Itna kehke wo wahan se chali gayi
A/N : I know there may be too many questions in your mind... but the next chapter would be the last chapter of this story...and i'll answer all your questions till than take care love ya... bye see yaa