A/N -THANKS TO ALL WHO REVIEWED

HOPE YOU LIKE THIS PART ALSO

Kavin darwaza kholta hai, To dekhta hai ki Koi Bouquet lekar khada tha aur us Bouquet pe note tha "Happy Birthday"

Kavin: Kaun

Wo Bouquet neechey karta hai, Wo Daya tha

Kavin: Arey sir aap... Please come in, Please come in

Daya: Happy Birthday Shonali

Shonali: Thankyou Sir

Kavin: Arey Shonali, Sir ko bhi cake khilao

Shonali, Daya ko cake khilati hai

Daya: Ye Bouquet tumhare liye hai Shonali

Shonali: Aap yahan aaye uske liye shukriya, lekin ye bouquet main nahi rakh sakti Sir

Daya: Shonali, please isey tum rakhogi to mujhe accha lagega

Shonali: Maine kaha na sir, aap yahan aaye uska tah-e-dil se shukriya, lekin Bouquet main nahi lungi

Daya: Baba ke liye bhi nahi Shonali...

Shonali palat jaati hai

Daya: Kis baat ki itni badi saza de rahi ho apne bhai ko shonali

Kavin, Shonali dono ssunke hairan they

Shonali: Maine kaha tha sir, ek senior aur ek junior hone ke alawa hum dono ka koi rishta nahi hai, please yahan se chale jaiye

Daya: Shonali, main sach jaan chuka hun, please ab ye jhoot aur mat bolo, Tumhare ghar gaya tha main... Jaan chuka hun ki tum Devnath Mukherji ki nahi Balki humare baba, Shubroto Chokrabarty ki beti Shonali ho...

Shonali aur Kavin ye sab sunke hairan they, Shonali palatti hai

Shonali: Accha hai, ki aap sach jaante hain, aur jab aap sach jaan hi chuke hain , To ek baat aur sun lijiye, main aapki shakal se nafrat karti hun, Main nahi chaahti thi ki aapko humare rishte ka sach pata chale, lekin jaante hi hain to ye bhi sun lijiye, main aapko apni aankhon ke saamne bardasht nahi kar sakti, main chaahti hun abhi isi waqt aap ye ghar chodkar chale jayen, Please leave...

Daya: Chala jaunga, tum chaahti ho ki main chala jaun to main chala jaunga Lekin ek baat ka mujhe jawab do, Aisa kaunsa kusoor hua hai mujhse jo tum mujhe itni badi saza de rahi ho, mera chehra tak nahi dekhna chaahti

Shonali:Wah, Kusoor karne wala ye puch raha hai ki us se gunah kya hua? Itna kuch bigaadne ke baad aap puch rahe hain ,Mera kusoor kya hai

Daya: Haan Shonali, mujhe sach mein samajh nahi aa raha tum mujhse kis baat par naraz ho , Main to tumhara bhai hun aur tumhara bura , to main sapne mein bhi nahi soch sakta, Main tumhara saga bhai hun Shonali, Tumhe...

Shonali: Sage bhai hain aap mere, Sage bhai hain, lekin koi saga bhai , apni behen ko is tarah se akele nahi chodta

Daya: Tum galat soch rahi ho Shonali... Main ...

Shonali: Bas keejiye...

Wo wahan se apne room mein chali jaati hai

Daya: Shonali...

Daya uske piche jaane hi wala tha ki tabhi

Kavin: Please sir ruk jaiye, Aap dono ke rishte mein kya hua ye to main nahi jaanta, lekin haan, itna zarur hai ki aapke aane se pehle Shonali bahot khush thi aur uske chehre par itni khushi maine pehli baar dekhi thi...Lekin aapke aane se uski saari khushi...

Daya: Lekin Kavin

Kavin: Please sir, Is waqt main aapse request karta hun aap chale jaiye, please sir, Please

Daya wahan se chale jaata hai

Yahan Shonali apne room mein ro rahi thi

Kavin uske paas jaata hai, Uske kandhe par haath rakhta hai

Shonali usey dekhke uske gale lag jaati hai aur rone lagti hai

Kavin usey sambhalne ki koshish karta hai

Kavin: Rona band karo Shonali, Sab thik ho jaega

Shonali: Har baar aisa kyun hota hai, Jab bhi meri zindagi thodi thik hone lagti hai, Sab kuch galat hone lagta hai, sab kuch bikhar jaata hai

Kavin uske chehre par haath rakhta hai

Kavin: Aisa nahi hai Shonali, tum dekhna sab thik ho jaega, sab kuch, aur kuch ho na ho, aur koi ho na ho main humesha tumhare saath rahunga, I promise

NEXT MORNING

IN SachVi's House

Sachin uthta hai to dekhta hai ki Purvi uske saamne muskurakar baithi thi , uske saamne chai ke cups they aur wo Sari pehne thi , aur uske haath mein Pankha jhal rahi thi

Purvi(in old film style): Uthiye Prannath, main aapke liye garam garam, green tea laayi hun, pee lijiye, phir hume bureau jaana hain

Sachin: Kya? Ye sab kya hai?

Purvi: Ye chai hain Prannath dekh lijiye waisi hi hai jaisi aapko pasand aayegi

Sachin: Ye sab kya hai Purvi, Aur tum mujhe Pran- nath kyun bula rahi ho?

Purvi: Ab main aapka naam thodi na le sakti hun, Aap to mere Swami hai

Sachin usey bithata hai

Sachin(in the same tone): Aisi baaten tum kyun kar rahi ho praan priye, tum ne kal raat kuch ulta seedha khaa liya tha kya ?

Purvi: Kaisi baaten kar rahe hain Pran-nath, main to keval wahi khaati hun jo aap mujhe dete hain, aapka aadesh mere sar maathe par

Sachin: To yeh batao pran-priye tumhari tabyat to thik hai?...Tumne yeh Saari pehen rakhi hai, aur mujhe baar baar pran-nath bula rahi ho, aisa prateet hota hai jaise main kisi purani movie ka scene dekh raha hun, ab bata bhi do ki tum par ki chiz ka asar hai? Koi jaadu tona to nahi kar gaya tum par

Purvi: Aisi baat nahi hai Pran-nath, main bilkul thik hun, mere upar kisine jaadu tona nahi kiya, wo to ye aapki (SHOWING HIM A DAIRY) is dairy ka asar hai mujhpe

Sachin: Ye Dairy... Ye Dairy tumhe kahan se mili, Dekho Purvi Lauta do mujhe laao

Purvi: Accha thik hai, aaiye aur khud le lijiye ye Diary

Sachin Purvi ke pichey bhaagta hai us Diary ke liye

Wo usey pakad leta hai aur Bed pe apne saath bitha deta hai

Sachin: Ye Dairy tumhe kahan se mili?

Purvi: Wo kal main aapka cubboard saaf kar rahi thi na to bas wahi mili

Sachin: Madam, kisine aapko nahi sikhaya ki dusron ki dairy padhna bad manners

Purvi: Dairy agar dusron ki hoti to na, hum to ek hi hain, aur waise bhi aisa kya hai is Diary mein jo main nahi padh sakti, Koi raaz hai kya?

Sachin: Madam pati ke baare mein agar dheere- dheere pata chale to pyaar badhta hai

Purvi: Accha..

Sachin: Hmm... Waise, ye batao ki ye kya hulia banaya hai ? Ye Sari, wo bhi purane films ke heroine jaisi?

Purvi: Aapki Diary mein padha, ki teenage se aapka sapna tha ki aapko ek purani movie ki actress jaisi biwi chaiye, bas isliye taiyyar ho gai is tarah , aur waise bhi maa ne aaj kisi puja ke liye aise taiyar hone ko kaha hai

Sachin: Hmm to ye baat hai, To purani filmo ki tarah ye nahi pata tumhe, aage ki kahani kya hoti hai?

Purvi: Kya hoti hai?

Sachin uske bahot paas jaata hai, Purvi uthne lagti hai Sachin uska palla pakad leta hai , Purvi jaane lagti hai, Sachin usey pichey se gale lagata hai, aur usey kiss karne lagta hai,Purvi aur door bhaagti hai Sachin usey phir pakadke usey apne karib kheechta hai

Tabhi Anjahli ji wahan aati hai, Purvi unhe dekh leti hai

Purvi: Sachin ji Maa...

Sachin: Tumhe kya lagta hai main dubara bewakoof banunga ?

Purvi usey dhakka deti hai

Purvi: Sachin ji sach mein Maa hain

Anjali ji: Aa, Wo, aa... Main ye keh rahi thi, ki agar tum dono ko apne romance se fursat mil jaaye to tum dono Satyanarayan Katha ke liye taiyyar hoke neechey aa jana

Sachin: Maa wo...

Anjali ji haste huye chali jaati hai

Purvi: Sachin ji aap bhi na, hadd karte hain , Maa kya sochti hongi

Sachin: Kya soch rahi hongi, yahi soch rahi hongi, ki accha hai, mujhe jald hi apne pote ya poti ka chehra dekhne ko milega

Purvi: Sachin ji aap...

Sachin: Accha baba taiyyar ho jao, katha bhi hai aur phir hume Bureau bhi jana hai

HERE IN KAVIN'S HOUSE

Shonali kal puri raat Kavin ki baahon mein waise hi zamin par rote rote so gayi thi, usey ye ehsaas bhi nahi hua, ki wo puri raat uski baahon mein thi

Shonali ki aankh khulti hai to wo dekhti hai wo Kavin ki baahon mein thi, Wo us se alag hoti hai ,Kavin bhi uske hilne se uth jaata hai

Kavin: Coffe pee lo

Shonali: Nahi main thik hun

Kavin: Main tumhe option nahi de raha, bata raha hun ki main coffee bana raha hun, ek apne liye aur ek tumhare liye, You'll feel better

Kavin jaane lagta hai

Shonali: To phir,tum baitho main banati hun

Kavin: Ek baar mere haath ki piyenge na madam, apne haath ki bhool jayengi

Thodi der baad, Kavin coffee lata hai

Kavin: There you go Here's your coffee Mera chehra mat dekho, Piyo aur pike batao kaisi hai

Shonali Coffee piti hai

Kavin: Kaisi hai?

Shonali: Bahot acchi

Kavin : Wo to hogi hi , mere haath mein itna pyaar jo hai

Shonali: Pyaar sirf tumhare haath mein hi nahi

Kavin: Kya matlab...

Shonali(in confusion): Kuch nahi, Taiyyar ho jaate hain na late ho raha hai

IN THE EVENING

AT SachVi's house

Sachin Purvi ke paas aake khada ho jaata hai Sachin Purvi ko dekh raha tha

Purvi: Aise kya dekh rahe hain aap mujhe?

Sachin: Wo Purvi mujhe tumse kuch baat karni thi

Purvi: Kya baat hai

Wo Sachin ka haath thaamti hai

Purvi: Ab bataiye kya hua, kya baat hai

Sachin: Maine tumhe kaha tha ki hum honeymoon par bahar zarur jaenge, lekin ACP sir hume chutti nahi de sakte isliye...

Purvi: Bas itni si baat , Kya Sachin ji dara diya tha aapne mujhe, Hum agar nahi jaa paa rahe, to koi badi baat nahi ,hum phir kabhi jayenge , aur waise bhi maine aapse kaha tha na, hum bandhan mein bandhen, naa bandhen, jasbaat ka rishta to dil se hota hai na? phir ye to sirf chota sa honeymoon hai

Sachin: Tumhe koi pareshani nahi hai is baat se ki hum honeymoon par nahi jaa rahe

Purvi: Sachin ji, humara rishta ek mazboot vishvaas se bandha hai,jis rishtey mein vishvaas ho na, usme in sab chizon ki zaruat nahi hoti , Aur waise bhi jahan aap mere saath hon, wahi humara honeymoon

Sachin smiled

Purvi: Accha ye sab chodiye, aap haath muh dho leejiye, Maa-Baba, khaane ke liye neechey humara intezar kar rahe hain

Sachin washroom jaata hai, aur Purvi kaam karne lagti hai

Tabhi Purvi ko ek unknown number se call aata hai

Purvi: Hello, inspector Purvi hear

"Maine aapko Hi, Hello bolne ke liye phone nahi kiya hai"

Purvi: Kaun bol raha hai ye?

"Zaruri wo nahi hai ki main kaun hun,Zaruri ye hai ki main aapko ye bataun ki jis pati par aapko itna wishvaas hai , wahi pati aapko dhokha de raha hai , Wo aapke alawa kisi aur se bhi milta hai"

Aur call dis-connect ho jata hai

Purvi: Kya bakwaas hai ye kaun bol raha hai ? Hello hello...

Sachin wahan aata hai

Sachin: Kya hua, Kiska call tha

Purvi: Kuch nahi Sachin ji wrong number tha... Neechey chalen