A/N: Namashkaar again! Hehe :p I am back with the next chapter.

Is kahaani ko padhne ke liye tahedil se shukriya….ab aage badhte hain!

Happy Reading!

KKN Office…

Kabir Nimisha se apni baat kehkar wahan se chala jaata hai. Nimisha muskarate huye uski kahi baatein yaad karti hai. Wo khud ko sheeshe mein dekhti hai toh khud se hi Sharma jaati hai. Uski tandra tootti hai uske mobile ki ghanti se aur wo baat karte huye washroom se baahar chali jaati hai.

Wahin doosri taraf , Market mein…

Achanak baarish aa jaane khud ko bachaane ke liye bhaagne mein Rajat aur kiara ek dusre se takra jaate hain. Wo dono ek dukaan ke aage shade mein khade ho jaate hain. Kiara chidh kar kehti hai…

" Uff! Ye baarish ko bhi aaj hi aana tha. Meri dress bhi kharab ho gayi!"

Rajat ye sunkar muskarata hai. Kiara usey dekhkar aur chidh jaati hai…

Kiara- Tumhe hasi aa rahi hai…is mausam mein hum yahan fase hain aur tum has rahe ho.

Rajat- O hello madam! Main bhi bheeg raha hu. Lekin ab mausam ka kya kar sakte hai. Intezaar karo.

Kiara- huhh….pata nahi kis ghadi mein tumhare saath nikli thi office se.

Rajat- mujhe bhi tumhaare saath aane ka koi shauk nahi hai Miss Kiara Singhania. Wo toh majboori hai meri.

Kiara Rajat ko gusse se dekhti hai aur wo muskara deta hai. Tabhi Rajat ki nazar ek aurat pe padti hai jo bhutte(sweetcorn) bech rahi hoti hai. Wo kiara ko dekhta hai jo apni dress aur udte hue baalon ko sambhal rahi hoti hai. Rajat turant us aurat ke paas jaakar 2 bhutte kharid late hain. Ek wo Kiara ki taraf badhaata hai….

Rajat- Ye lo, bhutta khao. Jab tak baarish nhi rukti, hume yahin rehna hoga.

Kiara- ye kya hai?

Rajat- O hello madam, muh banana band karo. Isko sweet corn kehte hai. Ab chup chaap kha lo isko. Barsaat mein bada hi acha lagta hai.

Kiara- huhh…..tum pata nahi kya kya le aate ho.

Rajat- Dekho, khana hai toh khao….varna bhukhi raho. Kyunki ye baarish na jaane kab rukegi.

Aur wo bhutta khaaane lagta hai.

Singhania Mansion…

Ruhana apne kamre mein kuch kaam kar rahi hoti hai ki tabhi wahan Kavin aate hai.

Kavin- jeeji, hume aapse kuch baat karni hai.

Ruhana- Bolo Kavin.

Usne ruhana kea age rakhi file hatayi aur uski godh mei sir rakh kar let gaya. Ruhana muskarati hai….

Ruhana- Kya hua? Aaj jeejha ki yaad aayi?

Kavin- Kya jeejha! Roz toh aati hai. Aur aaj toh aapse zaroori baat karni hai.

Ruhana- Accha, apni madam ki baat aayi toh jeejha ki bhi yaad aayi ….haann! (Ruhana uske gaal pe chapat lagati hai aur kavin uska haath pakad leta hai)

Kavin- Arey jeejha…..aap aise kyun bol rahi ho. Aap nahi hoti toh pata nahi kya hota. Abhi bhi aap hi kuch kar sakti ho.

Ruhana- Hmm…main koshish karti hu Kavin. Tu chinta mat kar.

Kavin- Lekin jiji, aishaa….(tabhi wahan shaliniji aati hain)

Shaliniji- aap dono bhai behen yahan baithe hain….hum kab se dhundh rahe hain.

Ruhana- Kya hua maa sa..?

Shaliniji- Ruhana, chaliye, humne aapke liye kuch saareeyan mangvayi hai, dekh lijiye.

Ruhana- umm..maa sa, aap hi dekh lijiye na. Aap jaanti hain , aapki pasand hume hamesha hi pasand aati hai.

Shaliniji- Ruhana, pehle ki baat aur thi , ab aur hai …chaliye aaiye…

Kavin- Jiji chalo na…..main aapki madad karunga.

Shaliniji(hansti hai)- tum madad karoge?

Kavin- Haan badimaa…aap jaiye, main jiji ko lekar aata hu.

Ruhana- Maasa, hume aapse kuch baat karni hai.

SHaliniji- Ruhana, hum baad mein baat karenge, pehle aap neeche aaiye.

SHaliniji muskarate hue wahan se chali jaati hai aur kavin ruhana ko lekar hall mein pahuch jaata hai.

Wahin Ranawat Mansion…

Vineet Neerjaji ke kamre mein jaata hain. Neerjaji sweater bunte hue puchti hain

Neerjaji- Kya baat hai beta, aaj office nahi gaye?

Vineet- Naa Maa, kal meeting hai. Kal jaaunga. Waise aapko kaise pata chala ki main hoon?

Neerjaji – Arey maa hoon teri, sab jaanti hoon.

Vineet unke paas jaa kar baith jaata hai…

Vineet- Maa, ek baat puchun?

Neerjaji- Pucho!

Vineet- Maa, kya pyaar karna galat hai?

Neerjaji(usko dekhti hai)- ye kya bol raha tu? Ye kaisa sawal?

Vineet- Maa, jawab do na! Agar kal ko mujhe koi ladki pasand aa gayi toh tum usey thukra dogi?

Neerjaji- wo hum soch ke batayenge. Aapko itni chinta karne ki zaroorat nahi hai vineet. Aapki behnon ke liye uchit faisla karenge hum.

Vineet- lekin maa….(par neerjaji usey tok deti hai)

Neerjaji- Bas vineet, hum aur kuch nahi sunna chahte. Pyaar ke wajah se bohot takleef sahi hain humne aur hamare bhaiyon ne. aap is Vishay pe baat na hi karein toh acha hai.

Aur wo wahan se uth kar chali jaati hai. Tabhi kamre mein aisha aati hai.

Aisha- Bhai, ab kya?

Vineet- Aisha, main kuch nahi jaanta. Maa ko dekh kar mujhe nahi lagta ki wo Kavin ko accept karengi.

Aisha- lekin aisa kya hua hai bhai?

Vineet- wahi toh main bhi nahi jaanta Aisha.

Aisha- Kavin ki badi behen bhi kuch nahi jaanti. Ab hum kya karenge bhaiya?

Vineet- Tu chinta mat kar. Main kavin se milna chahta hu.

Aisha usko dekhti reh jaati hai….

"Kya? Sachi mein?"

Vineet muskarata hai…."Haan, main bhi dekhun meri behen ne kise pasand kiya hai."

Aur vineet usey gale lagaleta hai. Aisha Kavin ko phone karke sab baat batati hai aur usey "Café Coasters" mein bulaati hai.

KKN Office…

Meeting ke baad , Nimisha apne cabin mein jaati hai. Wahan usey ek chit milti hai. Wo usey padhti hai…

"Mujhe ab bhi tumhaare jawab ka intezaar hai. Agar tum mujhe apni dosti ke kaabil samajhti ho toh abhi thodi derr mein Café Coasters mein milo.

Kabir"

Nimisha wo padhkar muskarati hai aur us chit ko purse mein rakhkar office se nikal jaati hai.

Shaam 7 baje, Café Coasters…

Vineet aur Aisha Café mein baithe hote hain.

Vineet- Aisha, Ye tera MrSinghania, kitni derr mein aayega?

Aisha- Offo bhaiya, thoda toh patience rakho. Wo aa jayega.

Vineet- Ohho, abhi se tarafdaari karne lagi tu uski. Tab toh zaroor hi koi acha insaan hoga. Varna tujhe itni aasani se koi pasand nahi aata.

Aisha(blushes)- Offo bhaiya, aap bhi na!

Vineet hansta hai aur tabhi wahan kavin aata hai.

Kavin- Hi Aisha!

Aisha- Hi Kavin…ye mere bhaiya hai…Vineet Rajawat.

Kavin aur Vineet haath milaate hai.

Vineet- Acha, ye batao, kya karte ho?

Kavin- jee, kuch nahi, ek do din se family business hi join kiya hai.

Vineet- Achi baat hai. Acha, tumhaare ghar mein kisi ko tum dono ke baare mein pata hai?

Kavin- Nahi, bas meri behen ko pata hai.

Aisha- Jiji kahan hai ?

Kavin – abhi toh yahin thi.

Wahin, Ruhana Kabir aur nimisha ko dekh leti hai

Ruhana's POV:- Lagta hai ye ladki wahi hai, jiske wajah se mera bhai muskarane laga hai. Yahan kabir, wahan Kavin, hey bhagwaan, in donoki khushiyon ko kisi ki nazar na toh solution do, kya karu main!

Nimisha- kabir…

Nimisha- Aapne mujhe yahan kyun bulaya?

Kabir- Main tumhaara jawab jaanna chahta hu nimisha.

Nimisha- Kaunsa jawab?

Kabir- wahi jo maine aaj tumse kaha. Tum sochne ke liye bhale hi kitna waqt le lo, lekin ek baar dosti ka haath badha do. Mujhse dosti karogi?

Nimisha(usko dekhti hai)- Aap achanak se mujhse dosti kyun karna chahte hain?

Kabir(smiles)- kyunki kisi ne mujhse kaha ki main usey muskarate hue cute lagta hu. Wo mujhe khush dekhna chahti hai. Itna concern toh meri …nai nai…..itna concern toh maa ne kabhi nahi dikhaya. Tumne hi kaha than a ye sab mujhse. U taught me to be happy for others….so friends?

Wo apna haath aage badhaata hai. Nimisha kuch pal usey dekhti hai par fir haath mila leti hai. Kabir muskarata hai. Ruhana ye sab dekhkar wahan se chali jaati hai. Wahin nimisha kabir ko dekhti hai…

Nimisha- waise aapke sawal ka jawab hai mere paas.

Kabir(smiles)- toh kya hai aapka jawab?

Nimisha(Smiles)- Lekin aapko meri shartein maanni hogi. Manzoor?

Kabir uske haath pe haath rakhta hai….

"Aapke liye hume kuch bhi manzoor hai."

Nimisha Sharma jaati hai aur apna haath uske haath se chuda leti hai.

Kabir- Toh kya hai aapki shartein?

Nimisha- Yahi ki jo kuch aapne mujhse us band kamre mein kaha, wo sabke saamne kehna hoga.

Kabir- Kya?

Nimisha- Haan, tabhi Nimisha Ranawat HAAN kahegi. (aur wo muskarati hai)

Kabir- Achaa jii….chaliye, ab humne aapse pyaar kiya hai toh ye shart bhi sahi. Wahi hoga jaise aap chahti hai Miss Ranawat!

Aur phir nimisha wahan se chali jaati hai aur kabir wahin muskarakar reh jaata hai.

Usi Raat….Singhania Mansion….

Kavin aur Kabir balcony mein khade hote hai. Tabhi wahan ruhana aati hai.

Ruhana- Mere dono bhai kya sochne lage?

Kavin/Kabir- Kuch nahi Jeejha!

Ruhana muskarati hai….

"Haan haan, chupa lo chupa lo. Ab toh koi aur mil gaya hai na tum dono ko baatein share karne ko."

Kavin kabir ko dekhta hai….

"Matlab Kabir bhaiya ko bhi….."

Wo ruhana ko dekhta hai aur wo haanmein sir hilaati hai. Kavin kabir ko hug karta hai….

"Wah bhai….kaun hai meri bhabhi."

Tabhi dusri taraf se Nimisha Balcony mein aati hai. Kabir usko dekhta hai…. Wahin ruhana uske haath pe haath rakhti hai….

"Hume tumhari pasand pasand hai kabir!"

Kabir usko dekhta hai aur wo muskarati hai….wahin kavin peeche se ruhana ke kandhe pe apni chin tika deta hai…

"Lekin pyaar ki raah bohot mushkil hai jeejha."

Ruhana muskarati hai…"Haan, jaanti hoon, aur jinko tumne chuna hai, unke liye parivaar ko manana mushkil hai."

Ruhana chintit swar mein kehti hai. Tabhi ruhana ke phone pe ek message aata hai…

"jiji, chinta mat kariye, koi na koi solution nikal hi aayega. Ab jab mohabbat kar hi baithe hain toh usey anjaam tak bhi pahuncha denge. Bas aapka saath chahiye…Aisha."

Ruhana muskarati hai aur kavin aur kabir ko dkehti hai…

"Tum dono chinta mat karo, kuch toh solution hoga hi."

AUr wo dono muskara dete hain…

A/N: Okay…here I end.

Toh ab kya hoga Aisha-Kavin ka? Neerjaji ka rukhapan toh kuch aur hi keh raha hai.

Kabir Nimisha ki shart kaise puri karenge?

Ruhana aur Vineet ka agla kadam kya hoga?

Aur Ranawat aur SInghania parivaar ke beech ki ye dushmani ka kaaran kya hai?

Jaane ke liye stay tuned….

Plz R&R!

Pyaaar Sahit

RoohiNimisha