CHAPTER 12 :- INVESTIGATION

Daya had called ACP and asked him to be there with some other officers. Soniya also pleaded to go but daya didn't allow her to go.

Soniya: please na daya mai bhi chalti hoon na.

Daya: nahi soniya, mai aur risk nahi utha sakta, please meri bhi majboori samjho. Aur acp sir humare officers ke alawa kisi aur ko permit nahi karenge saath leke jaane.

Soniya: daya tumhe mujhpe bharosa nahi hai kya?

Daya: soniya… mujhe tumpe bharosa hai! agar nahi hota toh kya mai tumhe help karne deta mujhe kal raat ko meri bike ki talaashi lene? I trust you soniya… par please tum meri majboori samjho.

Soniya: daya but I want to help…

Daya: tumne already bahut help ki hai… aur koi bhi kaam hoga toh mai khudse tumhe bata doonga, par please soniya… aaj nahi..

Soniya: acha par mujhe iss case ke bare mein poori details doge.. kuch nahi chupaoge mujhse… samjhe!

Daya: acha baba theek hai… nahi chupaunga… promise.. ab jaun?

Soniya: dhyaan se jaana..

Daya; haan.. you take care..

Soniya smiled and daya went out.

SERVICING

Daya (to the owner) arey Rohit, boss ek kaam hai sun.

Rohit; arey Daya? Kya hua bike phirse kharab ho gayi kya?

Daya: hmm. Itni kharab ho gayi ki breaks fail ho gayi.

Rohit: kyaaaa?

Daya: haan! Tumhare servicing station jab mila mera bike toh uske breaks fail the…

Rohit: nahi yaar daya! Aisa nahi ho sakta… yahan pe breaks fail..

Daya: boss dekho! Kaam yahin pe kiya gaya hai.

Rohit: daya tum mujhpe shak kar rahe ho?

Daya: dekho yaar mai tumpe shak nahi kar raha par yahan kisi mechanic ne hi kiya hai yeh kaam.

Rohit: tumhe kisi pe shak?

Daya: nahi aise koi particular toh nahi hai. mere bike ka repair kaun kar raha tha? Bulwao usey..

Rohit: haan bulata hoon. (calling a mechanic)

Mechanic: ji saab?

Rohit: dekho zara inn logon ko tumse kuch poochna hai.

Mechanic: kaun hai yeh log?

Rohit: yeh log CID se hain. Jo bhi bologe.. sach sach batana samjhe…

Mechanic: (a bit scared) jee jee saab.

Acp: tumne kal kisi white bullet bike ka repair kiya tha?

Mechanic: ji saab. Maine inki (pointing to daya) bike ka repair kiya tha kal.

Acp; toh tumne breaks fail kyu kiye?

Mechanic: (very scared) kyaa? Nahi nahi nahi saab. Maine aise nahi kiya saab.

Sachin: dekho jhoot mat bolo. Yahin se jaane ke baad se daya sir ke bike ki brakes fail ki gayi hai. jhoot bologe toh aur phansoge… seedhe seedhe bolo.

Mechanic: nahi saab maine kuch bhi nahi kiya… mai sach bol raha hoon.

Rohit: daya, mujhe nahi lagta isne kuch kiya hoga… yeh mere yahan pichle 12 saalon se kaam kar raha hai. mujhe nahi lagta ki yeh aisa kuch kar sakta hai.

Mechanic: saab mere do chote chote bacche hain. Aisa kaam karke mujhe thodi na jail jaana hai. agar mujhe kuch ho gaya toh mera poora ghar pariwaar sadak pe aa jayega. Maine kuch nahi kiya saab.

Daya: dekho agar tumne kuch nahi kiya hai toh tumhe humse darne ki bhi zaroorat nahi hai, theek hai? lekin agar tumne yeh kaam kiya hai toh bhalai isi mein hai ki mujhe abhi bata do. Kyunki hum iss baat ka pata laga hi lenge. Aur agar hume pata chal gaya kit um yeh sab mein shamil the… toh phir tumhare saath kya hoga iski guarantee mai bhi nahi de sakta.

Mechanic: saab maine kuch bhi nahi kiya. Mai kasam kha ke kehta hoon. Sacchi!

Sachin: tumse kisine kaha tha aisa kuch karne? Paise diye the tumhe…

Mechanic: nahi saab! Aur agar koi kehta toh bhi nahi karta mai aisa kaam.

Daya; acha suno. Koi aur bhi mere bike ki repairing kar raha tha kya tumhare saath?

Mechanic: nahi saab. Aise toh koi nahi. Par beech mein mai doosre customer ko dekhne gaya toh bike Mangesh ke paas rakhi thi.

Rohit: haan.. mangesh ne hi daya ke ghar pe uski bike dene gaya bhi toh tha..

Sachin (thinking of something) : mangesh yeh dikhta kaisa hai?

Rohit: sir yeh… kuch 5 feet lamba, sawla sa,

Sachin (showing him a photo on the mobile) yehi hai?

Rohit: haan haan sir. Yehi hai…

Sachin: sir yehi somesh hai!

Daya: bulao zara usey.

Rohit called mangesh woh was actually Somesh… he saw cid there and started running, although he knew that it was merely a waste.

Daya and sachin too ran after him and caught him soon.

Daya: kyu somesh? Bahut bhaag rahe the haan? Ab bas bahut hua!

Daya slapped him hard.

Daya; ab bata… kya natak hai yeh…

Somesh: (laughing) mar jaunga! Lekin tere saamne muh nahi kholonga..

Daya: acha! Hum bhi dekhte hain. Kitne der chup baith ta hai.. (to sachin) leke jao isey bureau aur ache se khatir daari karo iski…

Acp, daya and sachin went back to the bureau. Where other officers were present.

Freddy: (seeing somesh) sir yeh toh…

Daya: (teasing tone) haan freddy. Somesh ji aaye hain. Khatir daari karo inki. Chai paani ke liye pooch inko.

Sachin and freddy both came and dragged somesh into the interrogation room.

Abhijeet was stunned as he saw somesh. He moved out abruptly and went down to the parking lot. He immediately dialed Jiten's number and called him.

Abhijeet; what the hell! Somesh kaise pakda gaya? bureau leke aa gaye hain isey. Agar isne muh khol diya toh hum sab ke sab gaye kaam se… bhaiya aap kuch karo….

Jiten: bhai Jigar…

(yup, the real identity is disclosed here…. Jigar!)

Jiten: bhai jigar, ab hume aur der nahi karni chahiye… plan bana. Daya ko akele mein lete hain aur khatam kar dete hain.

Jigar: bhaiya! Par humare dates ka kya?

Jiten: agar inn dates ke chakkar mein rahenge toh kaam se gaye! Poora plan chaupat ho jayega.. tab tak bahut der ho jayegi bhai. Monica kei mehnat, tera yeh plastic surgery. Saalon ki meri strategy. Sab sab barbaad ho jayega…

Jigar: theek hai bhaiya. Aap sahi keh rahe ho. Aaj raat kaam tamaam kar dete hain. Monica se baat karo. Agar woh maan gayi toh theek hai agar nahi maani toh bhi hum yehi karenge.

Jiten: bhai! Monica ko mat bolo… meri baat maan! Monica hi karwa rahi hai yeh sab.

Jigar: bhaiya aap phir se…

Jiten: (loud voice) jo bol raha hoon sun… natak mat kar samjha…. Kuch soch ke dekh. Kya tujhe nahi lagta ki monica ne hi yeh sab kiya hai. kya ab bhi 100% trust karta hai tu uspe… usey mat bol! Kaam ho jaane de humara… please apne bade bahi ki baat maan.

Jigar: bhaiya. Aap phirse monica pe shak…

Jiten: waah bhai waah! Tujhse acche ab toh mujhe bhi yeh daya aur abhijeet lagne lage hain. Khoon ka rishta nahi phir bhi ek doosre ko ache se samajhte hain. Tu mera apna bhai hoke bhi kisi paraye ke liye apne bhai ke khilaf awaaz utha sakta hai… waah!

Jigar: bhaiya… aisa mat kaho… aap humesha mere liye sabse pehle the. Aur humesha rahoge. Theek hai. mai monica se nahi kahunga…

Jiten: yeh hui na… mere jigar jaisi baat!

Jigar: kal raat 01:00 am. location mai bataunga…

Jiten: theek hai. mai tere call ka intezaar karunga. Aur umeed karunga kit u monica ko nahi batayega.

Jigar: haan mai contact karunga. aur mujhpe bharosa karo.. mai kisi ko kuch nahi bataunga…

He ended the call and turned around to see daya standing behind him. he was stunned as hell.

SONIYA'S HOUSE

She was still sitting on the sofa thinking about everything at once. About Jigar, about her elder sister about daya… just then she got a call.

Soniya: haan bol… kya?

Ravi : ma'am pata chal gaya aapne jo news pata lagane ko kaha tha.

Soniya: Pata chal gaya? kaise aaye the cid humare adde pe?

ravi: haan! Ramesh ne tip kiya tha ki shyamnagar mein kahi humara adda hai.

Soniya: Ramesh? Yeh kaun hai?

Ravi: acp ka khabri hai yeh ramesh.

Soniya: hmmm.. par usey pata kaise chala humare add eke bare mein?

Ravi: madam woh usne Jigar sir ko dekha tha wahan pe raat ko aate jaate. Aur ek din woh abhijeet faraar ho gaya tha na, woh wahan pe gira hua tha tab isne usey bachane ki kosish ki. Aapko yaad toh hoga hi.. aap bhi toh aayi thi na wahan pe… hum logon ne jab uss admi ko behosh kiya aur abhijeet ko wapas lekek chale gaye?

Soniya: haan haan yaad hai! acha toh yeh aadmi Ramesh tha…

Ravi: haan madam. Aur jigar sir pe isey aur aur uss buddhe ACP ko shak ho gaya hai. ab Jigar sir humare liye khatra ban sakte hain. ACP aajkal usey case mein bhi involve nahi kar raha. Hume information kaise milegi? Agar Daya ko pata chal gaya toh? Agar woh jigar sir pe shak karne lag gaya toh…

Soniya: nahi nahi.. aisa kuch nahi hoga. Daya jab tak woh dawai pi raha hai uska dimaag utna tez nahi chal payega. Par haan hume risk nahi lena hai… jald se jald iss mission ko ab khatam karna hai..

Ravi: madam aap target date ke pehle khatam karengi mission?

Soniya (yelling) nahiiii! Bilkul nahi.. dates are dates. Target date ke pehle kuch nahi..

Ravi; par aapne kaha ki mission jaldi poora karenge.

Soniya: tum woh sab mein mat uljho. Yeh humara kaam hai. apna dimaag mat lagao

Ravi: sorry madam

Soniya; acha suno. Jigar ya Jiten se tum kuch mat bolo. Bhadak jayenge dono. Mai apne se baat kar loongi unse..

Ravi: haan theek hai. waise madam aur ek buri khabar hai.. somesh pakda gaya.

Soniya: haan. Mujhe pata chala. Par ab dhyaan se sun.. mai jaanti hoon tera bahut acha dost tha woh par… ab usko tu nahi pehechaanta. Underground ho ja.. agar isne muh khola toh sabse pehle tu phansega…

Ravi; madam aapko meri drugs ki lat ka toh pata hai. mai zyaada din underground nahi reh sakta.

Soniya: aaj dopeher ko ek drug deal hone waali hai. Blackwater pub mein… jitna maal lena hai le le… aur cut le. Ek hafte tak wapas bahar mat aana. Samjha!

Ravi: par madam kaam ka kya?

Soniya: humare baaki punter cid ke paas kabhi pakde nahi gaye. Local police ne pakda bhi hoga shayad ya shayad nahi. cid ke paas jiten , teri aur somesh ki hi sketches hai aur tumhi teeno ko dekha hai. somesh gaya hai kaam se. tu kuch dino ke liye chup ja.. warna tub hi pakda jayega…

Ravi: madam thank you. Aap humare liye kitna sochti hain..

Soniya: haan haan theek hai theek hai. aaj dopeher 2 baje deal hogi.. tu apna maal le le aur gayab ho ja..

Ravi: par madam raid nahi padegi na wahan pe.

Soniya; Mumbai ke outskirts pe hai… wahan 5 km tak koi local police station bhi nahi hai… kisi ka dhyaan nahi jayega.. tu chale jaana aaj… iske baad ek hafte tak agar bahar nikla na toh phir dekh lena.

Ravi: ok madam ji. Mai phone rakta hoon

Soniya: hmm…

She ended the call and started thinking of something…

CID BUREAU, PARKING

Jigar: (AKA abhi) d.. d.. daya.. tu yahan?

Daya: hmm

abhi; tune kuch suna toh nahi?

Daya; sab sun liya maine… mujhe yakeen nahi hota… tum ….

abhi: (determined) toh tumhe sab pata chal hi gaya hai.

Daya; thoda toh chal hi gaya… aur baaki tum bataoge abhijeet! kiss se baat kar rahe the tum? Kya? Contact karunga… kisi ko nahi bolunga…

abhi: daya woh mai…

daya; abhijeet chupao mat mujhse… pakka.. phir kahin akele jaane ke bare mein soch rahe ho na.. tum kyu aise khatre akele uthate ho?

Abhi: daya woh mai tujhe nahi phasana chata tha in sab maamlo mein… ek hint mili hai ek drug deal ki..

Daya: toh ismein chupane waali kaunsi baat thi?

Abhi: yaar tum log aise hi iss case pe phanse hue ho. Mai tum logon ko aur pareshaan nahi karna chahta tha. Toh socha mai akele handle kar loonga.

Daya (mimicking him) akele handle kar loonga. (normal tone) boss! Humare beech yeh tera mera kabse aane laga? Hum toh "hum" hain… mai bhi chalta hoon tumhare saath.

Abhi: nahi daya its ok. Choti deal hai… I'll manage.

Daya; phir wohi baat… mai chalunga na… maine keh diya… bas!

Abhi: yaar kal raat 1 baje hai juhu mein.. lekin sun na baaki team ko mat bata. Itni choti si deal hai. hum handle kar lenge… aur waise bhi hint hai… khabar 100% pakki toh hai nahi… poori team ko kyu pareshaan kare? Agar zaroorat hogi toh backup bulwa lenge baad mein..

Daya: hmmm. Sahi keh rahe ho boss.. acha theek hai mai abhi kisi ko nahi kahunga… kal 1 baje chalet hain saath mein phir dekhenge ok?

Abhi: ok!

Daya: ab upar chalo warna sabki shak ho jayega ki dono bhaiyon mein kya khichdi pak rahi hai…

Abhi: b..bhai?

Daya: haan? Kyu? Tum mere bhai nahi ho?

Abhi: haan h.. ho.. hoon toh… chal upar chalet hain

Daya; chalo…

They both headed upstairs…

SONIYA'S house

Soniya (thinking) sorry Jigar. Mujhe yeh karna hi hoga. Shyad tum mujhe kabhi maaf nahi karoge.. kabhi maaf nahi karoge mujhe par mujhe yeh karna hi hai… maine soch liya hai… mai aur kuch kar bhi nahi sakti… tum jo sochna chaho soch lena… par mai yeh karungi hi… rishton ke keemat aur ahemiyat ache se jaanti hoon. Humesha akele, tanha rahi hoon mai, saare dard, saare gum chup chaap saha hai maine. Par shayad pyaar ne meri zindagi badal di hai… agar ek pal ke liye apne sapno ko tutne bhi diya par mai apne pyaar ko uske sapno ko nahi khona chahti… I am sorry jigar… ho sake toh mujhe maaf kar dena…

She picked up her phone and dialed a number…

CID BUREAU

Daya got a call and his face glowed as he saw the number. He moved towards the window side.

Daya: soniya! Tum nahi jaanti tumne meri kitni madad kar di hai… somesh! Banda pakda gaya. humari custody mein hai… tumne toh apne daya pe attack karne waale gang ko pakadne ki than li hai haan?

Soniya: (soft tone) apne daya?

Daya: (realizing) me.. mera..matlab… matlab yeh ki.. haan! Apne dost.. dost daya ki jaan..

Soniya: ohh.. acha…

Daya; kyu tumhe kya laga?

Soniya (nervous) yehi… yehi laga.. bas aise hi poocha..

Daya: oh… waise call kyu kiya tha?

Soniya: oh! Mai toh bhool hi gayi tumhari awaaz sunke na..

Daya: meri awaaz sunke bhool gayi?

Soniya: (bitting her tongue) matlab… woh.. tum.. tumne apna topic start kar diya na toh mind divert ho gaya thoda se..

Daya: ohh.. sorry. bolo kya kaam tha?

Soniya: daya woh.. ravi..

Daya (alert) kya? Ravi? Wohi jiten ki gang wala?

Soniya: (serious) haan.. wohi… aaj dopeher 2 baje blackwater pub mein jo drug del hai usmein jaane waala hai… meri informer ne hume yeh story cover karne di thi…

Daya: tumhe yeh story cover karni thi… phir bhi tumne mujhe bata diya? tumhe pata hai na ki hum agar jayenge toh arrest kar lenge wahan sare gang ko..

Soniya; haan pata hai..

Daya: phir bhi bata diya?

Soniya: daya. Hum media waale hain toh yeh mat socho ki humara kaam gossip failana hai… hum crime reporters hain. Hum crime jo jad (root) se ukhar ke phenkna chahte hain… waise bhi tum log arrest karoge unhe toh acha hi hai na. aur phir ravi bhi pakda jayega.. mujhe aur chahiye kya? Tumpe humla karne waale pakde jaaye. Mujhe aur kya chahiye

Daya: thanks soniya… tumhare informers toh apne informers se bhi zyaada active hain.. yaar hume bhi ek toh aise khabri dilwa do…

Soniya; (laughing) hahhahaha.. ok baba. Dilwa doongi… waise suno na.. ho sake toh thoda ache kapde pehenke aana.

Daya: haan? Ache kapde? Woh kyu bhala? Party hai kya?

Soniya: nahi jab drug deal karne waalon ko arrest karoge toh tumhari bhi thodi video footage… face bahut photogenic hai tumhara. Ache lagoge tv pe..

Daya: (blushing) soniya… tum bhi na.. well aise face to face acha nahi lagta kya mai?

Soniya: nahi tab toh aur bhi zyaada ache lagte ho…

Daya: hmmm. Mujhe pata hi tha.. akhir itne logon ne bola hai…

Soniya: oye? Kisne bola?

Daya: hai you know… bahut ladkiyan.. "you're the best" ka title bhi mila hai..

Soniya: kisne de diya? huh! Bilkul galat bola.. bilkul ghanchakkar dikhte ho!

Daya; acha? Yeh ghanchakkar kaise dikhte hain?

Soniya: apne aap ko dekh lo aaine mein..

Daya: toh phir tumne mujhse dosti kyu ki?

Soniya; mai bhi kaunsi achi dikhti hoon?

Daya: kiss pagal ne keh diya batao toh uski khabar leta hoon… itni pyaari toh dikhti ho… bilkul angel jaise.. khaaskar tumhara woh green color waala shirt hai na… bahut suit karta hai tumpe.. you look awesome..

Soniya: daya ?

Daya: haan soniya. Tum bahut achi ho.. dekhne mein bhi aur dil se bhi… khair mujhe ab apni beheno ka class lena hoga…

Soniya: behen?

Daya; haan ek do achi dost hai behen jaisi. Unhone toh kaha ki bhaiya bade dashing dikhte hain. World's best bhaiya hain. Ab poochta hoon jhoot kyu bola? Kyunki tum toh keh rahi ho ki mai ghanchakkar dikhta hoon.

Soniya: ohoo toh tum behen ki baat kar rahe the?

Daya: haan! Kyu?

Soniya; nahi yaar unhone jhoot nahi bola… mai toh bas tumhe chidhane ke liye… sorry na.. gussa ho gaye kya?

Daya: jao… baat nahi karta tumse… jhoot bola mujhe… jao.

Soniya: arey suno toh…

Daya ended the call.

Abhi: kis se baat kar rahe the?

Daya: soniya se…

Abhi's hands clenched by his side, he stiffened. : kya baat kar rahe the?

Daya: arey aise hi. acha suno ek baat kehni thi.

Abhi: kya?

Daya; idhar aao.

He asked everyone to assemble near his desk. All the officers came there.

Daya; Ravi ki bhi tip mil gayi hai. aaj dopeher ek drug deal mein blackwater pub 2 baje.

Rajat; sir aapko kaise pata chala?

Daya: woh… information mili.

Sachin: sir aajkal aapko bahut pakki khabar mil rahi hai. aapke informers toh kaafi active ho gaye hain.

Daya: haan yehi samajh lo… acha suno plan banao… kisi ko kaano kaan khabar nahi milni chahiye ki hum raid marenge wahan pe.

All the officers dispersed to make plans for the afternoon.

Abhi; waise tere kaunse informer ne tujhe itne information de diye yaar? Ek – ek karke sab pakde ja rahe hain. Achanak itni achi lead mil rahi hai..

Daya: arey soniya hai na… woh crime reporter hai. uski informers bade chalak hai yaar. Pata laga ke soniya ko bola. Aur usne mujhe bataya…

Abhi was stunned as hell.

Abhi: k.. kyaaa? Sonya ne bataya?

Daya: haan yaar! Somesh uss garage mein kaam karta hai yeh bhi soniya ne hi bataya…

Abhi: kyaaaaaa?

Daya: bahut smart ladki hai yaar… she's awesome… aur ek baat bolu?

Abhi: aur kuch bataya usne?

Daya: nahi usne toh nahi bataya par mai chahta hoon ki mujhe bataye woh..

Abhi: kya?

Daya; apni feelings.

Abhi: (hurt)k.. kyu?

Daya: boss ab mai, kaise… kaise bataun tumhe.. mujhe.. mai.. mujhe..

Abhi: tujhe kya daya?

Daya: boss mujhe soniya bahut pasand hai… uski har ek ada, uski baat cheet, uski awaaz, woh jis tarah smile karti hai, jab bhi mai kisi larki ki baat karta hoon kitna chid jaati hai. mujhe uske saath bahut acha lagta hai.

Abhi: daya…

Daya; kya hua boss…

Abhi: mai aata hoon thodi der mein.

Daya: kahan ja rahe ho?

Abhi: please daya, ek zaroori kaam hai. please…

Daya; mai bhi chalta hoon?

Abhi: please daya. Bas 10 minute mein aa jaunga… please…

Daya: boss par?

Abhi: yaar bharosa haina mujhpe?

Daya: haan!

Abhi: mai aata hoon…

He drove straightly towards his house (duo's house). And went in locking the door from inside. He was shocked as hell. He couldn't believe his words. Soniya gave the information to daya? Did she really fall for daya? Did she cheat on him. how could she do it to him?

Abhi (screaming) soniyaaaaaaaaaaaaaaaaaaaaaaaaaaaaaaaaaaaaaa!

A/N : GUYS I AM GOING OUTSTATION FOR TWO WEEKS. SO I WONT BE ABLE TO UPDATE… I KNOW AAJ KA CHAPTER LONG NAHI THA.. BUT HOPE IT WILL DO.. FORGIVE ME FOR MY SPELLING MISTAKES.. SORRY AAJKAL BAHUT HURRIED UPDATE DE RAHI HOON NA…

YOURS FRIEND FOREVER :)

ABHIJITA