A/N: Hey guys...back with the new chapter ...hope ki sabke kuchh kuchh doubts clear honge
Daya uske peechey tha, Par is baar wo hua jo pehle nahi hua
Krishna palti
Krishna: Kya chaahte hain aap mujhse, Kyun mera peecha karte rahte hain, kya jaana chate hai yahi na ki main is tarah in suni sadko pe kyun bhatakti rehti hun, Kyun aap meri aankhon ki gehrai mein kho jaate hain Kya jaannna chate hain Ki main Krishna hun ya nahi, kahin main uska saaya uski rooh uski aatma to nahi
Daya: Krishna, Main sirf sach jaana chahta hoon
Krishna: Sach jaanna chate hain na aap To theek hai suniye, suniye sach...
Krishna : Main Krishna hun ya nahi ye main khud nahi jaanti, Jo aap dhundhna chaate hain main wo bhi nahi jaanti, aapko talash hai meri lekin mujhe, mujhe talash hai khudki, Aap ye janna chate hain ki main kya sochti hun kya hun main, par main to ye baat khud nahi samajh paa rahi ki main kya hun, kaun hun main...
2 saal pehle mera ek bahot bhayanak aur bada accident hua tha jisme main apni yadasht bhool gayi jab hosh aaya to Doctor ne mujhe bataya ki main Krishna hun, Krishna Mehta, Mr Jaintilal Mehta ki beti, unhone ye bhi bataya ki main Ek police officer hoon, Par mujhe kuch yaad nahi tha, par mujhe dheere dheere photos ke tehet to kahin, videos ke tehet, ye bataya gaya ki main hoon kaun Mera kya astitva hai, Par mujhe bhoole se bhi ye yaad nahi aaya ki main kaun hoon, lekin jab mere doston ne, doctor ne is baat pe baar baar zor daalaa to naa chahte hue bhi mujhe ye manna pada ki Main hi Krishna hun, par mera dil to ye baat mannne ko taiyaar hi nahi tha, mujhe bakayda dubara police training dee gayi, mujhe ye ahsaas dilaya gaya ki main pehle kaise thi mera swabhav kaisa tha mere dost kaun they, Nikhil ke baare mein bhi mujhe in videos mein hi bataya gaya, Par mera man ab bhi mannne ko taiyaar nahi tha ki main Krishna hun
Daya: Aur ye gaana...
Krishna: Ye gaana, Daya sahab is gaane ko gaane ka mujhe shauk nahi hai, koi shauk nahi hai, par ye gaana baar baar mere zehen mein aata tha, baar baar, ye gaana mere zehen mein aata tha...Jab maine apne doctor dost se is baare mein pucha is gaane ke baare mein, to mujhe unhone bataya ki main ye gaana apne pyar Vikram ke saamne gaaya karti thi
Daya: Kahan hai Vikram
Krishna: Jab maine bhi yahi sawal unse pucha to usne kaha ki accident mein car mein wo bhi mere saath tha, par wo , wo bach nahi paaya
Lekin mera dil manne ko taiyyar nahi tha ki Vikram ki maut ho chuki hai, agar waakai uski maut ho chuki hai, to uski body mujhe mere laakh request karne par bhi kyun nahi batai gayi, chalo body nahi bhi dikhai gayi to uske bare mein mere puchne par hi kyun bataya gaya kyun uske address us se related aur information mujhe di nahi gayi
Daya: Par ye gaana yahan gaane ka kya matlab banta hai
Meri friend ne kaha tha ki Mai usey yahin mili thi aur maine ye gaana gaya tha, jise sunke wo mere paas aaya tha, isiliye main is gaane ko yahan gaati thi ki agar wo mujhse pyar karta hai, to kabhi na kabhi meri ye awaaz sunke yahan to aayega, aur agar naa bhi aaya to kam se kam mujhe toh kuch yaad ayega
Isiliye roz roz raat main yahan aaya kari thi
Daya: Lekin us din achanak tum kahan gaayab ho gayi thi? Jab maine tumhe lift ke liye kaha tha
Krishna: Wahin thi main , maine aapse pehle bhi kaha tha ki agar acche se dekha hota to wahi milti aapko, us din Main aapke palate hi Aage chali gayi thi aur phir Thoda mud gayi thi Isiliye jab aapne dekha hoga to main wahan nahi thi
Daya: Aur us raat Jis raat barish ho rahi thi Tum wo raasta kaise dekh sakti thi, Sara kohra tha Wipers bhi band ho gaye they
Krishna: Jis raaste se aap roz guzarte hain,uske baare mein har ek chiz pata hoti hai aapko aur is se pehle ki aap puchhen ki un bhookamp ke baare mein mujhe kaise maalum hua toh Daya Sahab premonition,premonition tha wo ek tarah ka
Daya: Ek aakhri sawal us raat tum gayab ho gayi thi main to tumhara constantly peecha kar raha tha
Krishna: Kohra bahot tha us raat kohre mein main ojhal ho gayi thi par aapne dhyan nahi diya
Ab aapke paas koi sawal to nahi ab to aapko yakeen ho gaya ki main koi rooh nahi Ya ab bhi koi sawal baaki hai
Daya: Sawal to hai par tumse nahi, Raat kaafi ho chuki hai , chalo main chod deta hun
Wo dono uske ghar jaate hain
Krishna: Aap andar aayenge
Daya: Nahi ...
NEXT MORNING
In CID Office
Conference room
Daya: Aisa kya tha us kitab mein Jo Shailja ji itna dar gayi
Aur kood padi ye kitab hi is gutthi suljha sakta hai, Hume wo kitab kisi bhi kimat pe dhoondhni hi hogi kyunki wo aakhri copy thi
Nikhil: Lekin sir wo copy hume milegi kahan?
HERE IN BORIVALI POLICE STATION
Sub inspector : Sir Kallan ka pata chal gaya hai
Purvi: Kahan hai wo
Sub inspector: Mallad
MALAD
Sab wahan usey pakadne pahonche hue they
Tabhi unhe Kallan dikhai deta hai
Wo log usey pakad lete hain
IN POLICE STATION
Sachin: Bol kahan hai Ayur
Kallan : Sahab mujhe kuch nahi maalum sahab aapko koi galat femi hui hongi sahab
Sachin uski collar pakdata hai
Sachin: Dekh seedhi tarah bata de warna aur bhi tareeke hain humare paas pata lagwaane ke
Kallan: Sahab main sacchi bol raha hun aai shappat mujhe kuch nahi pata sahab
Sachin slaps him
Sachin: Seeddhi tarah bata de warna ...
Purvi: Sachin! Ruko...Sachin is se baat main karungi
Sachin: Main bat kar raha hun na
Purvi: Sachin please let me talk...
Purvi Kallan ko interrogate karne ke liye cell mein jaati hai
Purvi: Ayur kahan hai?
Kallan: Apun ko nahi malum madam
Purvi: Ayur kahan hai?
Kallan: Apun tumko bi waich bolega jo sahab ko bola hai apun ko nahi pata madam
Purvi : Dekh Kallan , Sedhe se agar tune nahi bataya ki Ayur kahan hai to agli baar ye sawaal tujhse Senior Inspector Purvi nahi balki ek maa puchegi...
Kallan: Jab apun ne dekha hi nahi tumhare bête ko to apun kaise batayenga tumko
Purvi: Khare! Khare!
Khare: Ho Madam
Purvi: Baher camera band karo, lights off karo, ab isko main apne andaaz me samjhaungi
Camera aur lights dono Khare band kar deta hai
Purvi fires the gun in air
Kallan: Batata hun batata hun...
HERE IN CID
Daya: Nikhil apne dost Swapnil aur Zarah inhe jitni jaldi ho sake dhoondne ki koshish karo , Wo zarur is case mein humari madad kar sakte hain do anything find them
Nikhil : Sir!
Daya: Tumhe pata hai ki ye Vikram kahan rehta tha
Krishna: Nahi maine kaha na ki mujhe uske baare mein kuch bhi nahi bataya gaya
Daya: Tumhare doctors ka naam kya tha
Krishna: Doctor Ajeet Verma aur Doctor Kamini Khanna
Daya: Inhone apne baare mein kuch bataya
Krishna: Haan yahi ki ye log mere college mein bhi mere saath padte they
Nikhil: Ajeet Verma ,Kamini Khanna sir aise to kisi student ko main nahi jaanta
Daya: Tumhare paas Tumhare friends Swapnil aur Zahra ki koi photo hain
Nikhil: Haan sir ek minute mere Laptop mein unki ek photo hai
Daya: Krishna ko dikhao
Krishna un photos ko dekhti hai
Krishna : Arey yahi to hain Ajeet Verma aur Kamini Khanna
Nikhil: Kya? Par ye kaise ho sakta hai ye Swapnil aur Zahra hain... humare dost Krishna
Krishna: Par inhone to mujhe apna naam yahi bataya... aur ye bhi kaha ki main inki college friend hun...
Nikhil: Strange jhoot kyun kaha unhone
Daya: Wo isliye ki hum in tak nahi pahonch paayen, kyunki aisi bahot si cheezen hain jo ye jaante hain... Nikhil jaise bhi ho search them I want them...
Nikhil: Sir!
Wo wahan se chala jaata hai
Daya: Aur is kitaab ko bhi hume jald hi dhoondhna hoga kahin is kitaab ki wajah se aur logon ki jaan na chali jaaye
Krishna sar pakad ke baith jaati hai aur uski aankh mein ab aansu bhi they
Daya usey paani ka glass aur Apna rumaal deta hai
Krishna dono leti hai
Krishna: Main samajh nahi paa rahi hun ye kya ho raha hai, meri wajah se itne logon ki jaan jaa rahi hai aur main ye tak nahi jaanti ki aisa kyun hai
Strange baat to ye hai ki ye Vikram jise main chahti thi mujhe uski shakal tak yaad nahi
Daya: Tumhe Zahra ya Swapnil ne bataya tha ki wo karta kyat ha
Krishna: Kehte they ki wo painter tha world famous thi uski paintings, Wo jo painting aapne us din mere ghar mein dekhi wo koi aam painting nahi balki Vikram ne usey apne sapne mein dekha tha aur usne banai thi wo painting
Daya: Good we have got a clue agar Vikram ek world famous painter tha to uski painting jiske bhi paas hongi wo naa sirf uski shakal pehchaante honge balki uske baare mein bhi bahot saari cheezen jaante honge , I think hume uski biki hui paintings ke baare mein pata lag sakta hai
Krishna uthke jaane lagi
Tabhi uska pair phisla
Par Dayane usey sambhaal liya tha
Daya sab kuch jaan chukka tha lekin phir bhi ek ajeeb sa khichaav ek ajeeb sa ehsaas tha jo usey ab bhi Krishna ki taraf , uski aankhon ki taref kheench raha tha...
HERE IN BORIVALI POLCE STATION
Kallan: Wo 2 saal pehle apun Delhi gaya hua tha jail todke bhaaga tha police dhoondh rahi thi chaaron ore apun ko phir apun jaise taise chupte hue Chandni Chauk pahuncha wahan bhook lagi apun ko to do kuch khaane ke liye maanga to tumare bachhe ka photu apun ek akbaar mein dekha
Phir agle din jab apun aise hi bahar nikla sahab to dekha ek burkaband aurat tumhare bacche ko ek riskshaw mein bithake ke le jaa rahi thi pehle to apun ko yakeen nahi hua , isiliye uske pichu pichu apun gaya to wo wahin thi chandni chauk mein ek kholi mein thi phir whan se wo wapis aayi aur tumhare bacche ko leke Wahan se kidar gayab ho gayi malum nahi mem sahab apun uska peecha bhi kiya pan wo achanak kahin chali gayi
Phir wo apun ko kahin nahi dikhi
Purvi: Thank god , Iska matlab Ayur zinda hai suna tumne Sachin Ayur zinda hai
Sachin: Haan Purvi, Kahan dekha tha tumne usey
Kallan: 12/156, Purana bazaar, Chandni chauk
Sachin: Theek hai Inspector iska statement le lo
Hume foren Dillli nikalna hoga
Purvi: Haan abhi chalo Sachin main aur sabra nahi rakh sakti
IN THE NIGHT
Daya: Tumhe ghar chod deta hun
Krishna: Its fine main chali jaungi
Daya: Zid mat karo Krishna
Krishna chalne lagti hai
Thodi der baad wo log Krishna ke ghar jaate hain
KRISHNA'S HOUSE
Wo andar jaate hain
Krishna: Baithiye
Daya baith jaata hai
Thodi der baad achanak light chali jaati hai
Krishna: Ye achanak light ko kya ho gaya
Wo kahin jaane lagi
Daya: Itne andhere main kahan jaa rahi ho
Krishna: Maine kaha na mujhe andhere ki aadat hai, candles lene jaa rahi hun
Daya: Theek hai
Thodi der baad
Daya ko koi parchhai dikahi di wo us taraf gaya usne dekha ki wo Kitchen ki taraf jaa rahi hai
Wo sedha Krishna ki taraf gaya
Krishna candle jala ke khadi thi
Krishna ko usne dekha ki koi usey nuksaan pahonchane waala hai usne uska haath pakad ke usey apni taraf kheecha aur usey neechey jhukaya
TUJHE MILKE LAGA HAI YE
TUJHE DHOONDH RAHA THA MAIN
TUJHE MILKE LAGA HAI YE
TUJHE DHOONDH RAHA THA MAIN
Krishna uske is ajeeb behaviour se pareshan thi par is se pehle ki wo kuch bol paati Daya ne ek haathse uska muh band kar diya, Is jahapat mein Krishna ki candle se momb girne laga aur jis se Dayaka haath bhi jal raha tha par usne kuh nahi kaha aur candle bujha di
Krishna is harkat ki wajah se bechaini se usey dekh rahi thi aur Dayauski aankhon se kiye sawalon se uski annkhon mein phir khone laga tha
TUJH MEIN HAI KUCH AISI SUBAH SA
JISKI KHAATIR MAIN THA JAGA SA
AA TU MERE KHWAAB SAJA JAA RE
Phir thodi der baad usne dekha ki wo jaa chukka tha
Jo Krishna par attack karne waala tha
Daya ne usey choda
Krishna: Ye sab kya tha
Daya: Koi tumhe dobara maarne ki koshish mein tha
Thodi der baad light bhi aa chuki thi
Krishna ne dekha ki Daya ka haath jal chukka tha
Krishna: Arey aapka haath jal chukka hai
Daya: Theek ho jaayega
Krishna: Aise kaise theek ho jaayega, ek minute main barf leke aati hun
Daya: Tumhe pareshan hone ki zaruat nahi waise bhi mujhe ab jaana chahiye
Krishna: Daya sahab please
Daya: Maine kaha na tumhe pareshan hone ki zaruat nahi
Krishna: Daya sahab! Zid mat keejiye , ye mera ghar hai , aapka CID ka office nahi, jo aap mujhpe hokum chala saken aur waise bhi kaha jaata hai aana mehmaan ki marzi se jaana mezbaan ki marzi se so please
Daya: Lekin..
Krishna: Yun samajh leejiye ki apna karz chukka rahi hun
Daya: Karz?
Krishna: Jungle mein jo aapne meri jaan bachai aur aaj abhi bhi jo aapne kiya wo karz hai jise main chukka rahi hun
Krishna freezer se barf nikalti hai aur Daya ke haathon pe lagane lagti hai, aaj phir usey Krishna ki aankhon mein wo kashish nazar aa rahi thi jo usne pehle kisi ki ankhon mein dekhi thi, Phir wo iski gehrai mein jaise doobne laga
TUJHME HAI KUCH AISI SUBAH SA
JISKI KHAATIR MAIN THA JAGA SA
AA TU MERE KHWAB SAJA JAA RE
DIL ROYE YA ILAAHI TU AAJA MERE MAAHI
DIL ROYE YA ILAAHI TU AAJA MERE MAAHI
DIL ROYE YA ILAAHI TU AAJA MERE MAAHI
MERE MAAHI, MERE MAAHI, TU AAJA MERE MAAHI
Krishna: Ye leejiye ho gaya
Daya: Main chalta hun
NEXT DAY
Daya akele tha office mein wo subah se hi aake baitha hua tha Shreya ke uski zindagi mein aane ke baad aur Varun ke baa dab ghar jaana jaise ek majburi ya aadat si ban gaya tha uski , waqt aur dil to ab bhi uska ghar mein lagta nahi tha
Tabhi wahan Krishna aayi
Lehlehate khule baal aur naak mein choti si nose ring Aaj kuch alag andaaz mein saamne aayi wo jaise kuch tha palkon pe girte hue baal usey baar baar pareshan kar rahe they
Daya uski inhi aankhon mein jaise khye jaa raha tha phir wahi ehsaas jaise kuch ab bhi baaki ho ab bhi kuch zahir karna chah rahi hon
Tabhi palken uthake usne Dayako dekha, muskurake adab se sar uthaya
Apne baal apne chere se hataya aur haste hue boli
Krishna: Good morning sir
Ye pehli dafe tha jab wo muskurakar kuch boli thi wo bhi Dayase kyunki is se pehle har baar jab bhi mulakat hui to takraar ke saath hui
Daya: Good morning
Krishna: Aapka haath theek hai ab
Daya: haan
Tabhi Nikhil aata hai
Nikhil: Sir Vo Abhijeet sir ka phone aaya tha,Wok eh rahe they ki wo Sachin sir aur Purvi mam ke saath Delhi mein hi unki madad karenge, aur sir wo..
Daya: Sir wo us Vikram ka address mil gaya, aur sir wo Swapnil ka bahot purana address ek jagah pe darz hai pata nahi sahi hai ya nahi
Daya: Theek hai Nikhil tum aur Freddie jitni jaldi ho sake us adrees ko verify karo aur main aur Krishna us Vikram ke ghar jaate hain
Nikhil : Right sir
Sab nikal pade apni apni manzil pe
Here in Vikram's house
Saara ghar puri tarah se Dhul bhaara tha jaise saalon se koi na aaya ho
Daya: Tum us kamre mein jao main is kamre mein dekhta hun , kuch milta hai kya
Krishna: O.K.
Krishna us kamre mein kuch talash kar rahi thi tabhi uske haath ek kitab lagi
"ANKAHI SATYA DASTAN"
Krishna: Ye to wahi kitaab hai jo Dayasir ne batai thi aakhir aisa kya hai is kitaab mein aur ye yahan kaise aayi
Krishna usey padne lagi
Yahan dusri taraf
Daya har kamre mein check kar chukka tha
Aadaha ghanta ho chukka tha par abhi tak Krishna nahi lauti
Daya usey dhoondhne us kamre mein jaata hai
Daya dekhta hai Krishna buri tarah se ghabrai hui thi uske haath mein wahi kitaab thi jise wo dhoondh raha tha, Wo ro rahi thi chup karane par bhi bas ro rahi thi , Jab Dayane usey padha jis panne pe uska haath tha uske bhi pairon tale zameen khisak gayi
Daya: Krishna! Krishna calm down please calm down, ro mat stop crying...
Wo Krishna ko hug karta haiusey chup karane ki koshish karta hai par wo bas roye jaa rahi thi
Uska badan pura thanda pad gaya thaw o jaise thar thar kaamp rahi thi
Daya: Aisa kuch nahi hoga
Krishna: Main marna nahi chaahti, main marna nahi chahti
Daya: Just look at me kuch nahi hoga O.k kuch nahi hoga hmm
Krishna: Main marna nahi chaahti
Aisa kehte wo Dayako gale lagati hai
Daya: Bas rona band karo sh... kuch nahi hoga