Adhya 25

Adaitya Rajya

Rajkumari Tarika ka kaksh

Aapki nanand …yaani aapke pati ki behen..MAYA!...MAYA!

Rajkumari Tarika? Rajkumari Tarika? Aap theek hain na?

( Rajkumari Tarika koi jawab nhi de rahi yeh dekhkar Ananya ne Rajkumari Tarika ko unnke kandhe se halke se jhatka diya, uss jhatke se Rajkumari Tarika ke dimag main dodne wali wicharon ki gatiwidhya tezzi se ruk gayi aur ussne Ananya ki tarf dekha, joh unnki tarah chinta bhari niaghon se dekh rahi thi..)

Rajkumari Tarika: huh?

Ananya: (chinta se)Rajkumari Tarika aap theek hain na? aapki tabiyat toh theek hain na?

(yeh kehkar Ananya ne aapna haath Rajkumari Tarika ke mathe par rakha aur unnhe jwar hain ya nhi yeh dekhne lagi. Ananya ki unnke prati chinta dekh Rajkumari Tarika musukurayi aur unnhone kaafi namrate se Ananya ka haath aapne hath main le liya )

Rajkumari Tarika: (halka sa mukurate huwe ) Ananya, hum theek hain..itni chinta mat kijiye humari..

Ananya: aap sach keh rahi hain na Rajkumari..aap theek hain na? (Tarika ne aapna ser hilakar iss baat ki shashwati di)

Ananya: phir aapne abhitak nyahari kyu nhi ki? Maine aapki nyahri ki thali kab se yaha rakhi hain par aapne isse chuha tak nhi..Aisa na kare Rajkumari..kuch kha leejiye..Agar aap kahyengi nhi toh aapki sehat par isska asar hoga..kuch toh kha lijiye..

Rajkumari Tarika: Ananya hume bhook nhi hain, hum baad main kuch..

Ananya: NHI!..main aapki ek nhi sune wali..main abhi jakar kuch fal lekar aati huin..

(itna kehkar Ananya Rajkumari Tarika ke kaksh se nikalar darbar ke rasoi ki taraf chali gayi, taaki wah Tarika keliye kuch fal aahar lekar aasake. Rajkumari Tarika Ananya ko jate huwe dekhte hi aur mann hi mann muskurati hain, unnke prati Ananya ki itna lagaw dekhkar unnhe acha lagta hain, Ananya Tarika keliye kabhi dasi thi hi nhi balki unnki sabse achi sakhi thi wah..Jab Rajkumari Tarika yeh sari batein soch rahi thi tab ek doosre daasi ne unnke kaksh par dastak di, uss daasi ke haath main ek bohaut badi thali thi jisse lal range ke kapde se dhanka huwa tha )

Daasi: Rajkumari..

Rajkumari Tarika: kahiye..

Daasi: Ji, Maharaj ne aapkeliye yeh beshkimti bhet bheji hain aur kaha hain ki yeh bhet aap aapne shaddi ke awsar pehne..

( yeh kehkar uss dasi ne uss thali par se wah lal rang ka kapda hata diya. Wah kapda hata the hi wah beshkimti bhet Tarika ko dikhi, wah beshkimti bhet ek suwarna haar tha, jisspar kai mehenge lal, hare rang ke heere lage huwe the.)

Daasi: Rajkumari yah bhet kaha rakhu?

Rajkumari Tarika : use waha palang par rakh dijiye, hum baad main Ananya se kehke use rakhwa denge..

Daasi: theek hain..

(Rajkumari Tarika ki kehne par daasi uss haar ko palang par rakhe uss kaksh se chali jati hain, aur ek baar phir Rajkumari Tarika aapne wicharon main doob jati hain..)

Rajkumari Tarika: (sochte huwe) Pata nhi Daksh hume rijahne main kyu lage huwe hain?unnhe kya lagta hain yeh aise mehenge jewrat aur haar dene ke baad hum unnke pyaar main pad jayenge ..ya unnke kale kartoot ko bhulkar unnhe maaf kar denge?agar who asie soch rahe hain toh who bohuat galti kar rahe hain..unnke papon ko maafi nhi..kadapi nhi..ek-ek galti ka hisab unnhe unnke pitashri Digvijay aur unnki behen ko dena hoga..unnke sari harakte akshamya hain..(guse se )unnhe kshma toh kya maut bhi itne asani se nhi denge hum..par..(chinta se)par ab ki paristithi pehle jasie nhi rahi..pehle toh mujhe sirf Digvijay aur daksh ko sambhalna the..par ab ..par Maya bhi aa chuki hain..joh ki kaafi gambhir mamla hain..Maya ke aajane se khatra aur bhi badh gaya hain..Digvijay aur daksh ko sambhalna aasan tha..par Maya..Maya kaafi chalak hain, usska dimag Digvijay aur Daksh se bhi khatarnak hain usske dimag main kab, kya kaunsi cheez aajaye keh nhi sakte..hume yakin hain ke unnke dimag main iss wiwah ko lekar kuch na kuch jaroor chal raha hain..kal usski aankhon main ek alag tarah ka junnon dekha hain, ek alag tarah ki bhawna mehsoos ki hain, who jaroor kuch na kuch karegi..Hume unnpar har samay nigrani rakhni hogi, Maya ke aaspaas hume satark rehna hoga, warna Maya kab kaunsi chaal chale kaha nhi jaa sakta..

(Tarika sochte sochte aapne Kaksh ki khidki taraf aajati hain, aur ek baar aapne Mahal ki taraf nazar dalti hain)

Maya subha hi bahar gayi hain..jaroor Anandwan gayi hogi, Bhai ke bhet lene, yahi sahi mauka hain humare liye aapni ranneti ko anjam den keliye..Maya ke Mahal main hote huwe hum aapni ranneti ko karyaswaroop dena unchit nhi hoga, kyunki ab Maya bahar gayi hain, yeh mauka theek rahgea, Maya Anandwan se aane pehle hume aapna kam nipatna hoga, warna unnhe humari harkaton par shaq ho jayega ..yahi theek hoga..(aapne kaksh ke darwazzein ki tarf dekhte huwe)

ek baar Ananya aajaye phir hum aapne karya main lag jate hain..Ananya ko humari jagah rakhkar hum aapn karya sampan karenge..ab sirf ishwar se yahi prathana hain ki sab safal hojaye..aur who bhi bohaut jald..

Shaanti Nagar

Shaanti Nagar main aaj kaafi aashanti machal chuki thi, par yeh aashanti kissi bhukamp ya buri ghatna se nhi balki behet achi khabar se thi..aur who khabar thi, Shaanti Nagar ke bhawi yuwrani ke aagman ki!

Iss ek khabar ne Shaanti Nagar ka roop badal diya, iss khabar ki wajh se poore Mahal ko phoolon ki malaon se sajaya jaa chukka tha, Mahal ke pusht-bhag main laal kalin bichaya jaa chukka tha aur itna hi nhi aaj Mahal main swadishth pakwaan ka bhojan bhi aayojit kiya gaya tha..ek se badhkar ek pakwaan banaye gaye the, aakhir Shaanti Nagar ki bhawi yuwrani aarahi thi, issliye sari tayari bhi ek dum joron-shoron se chal rahi thi..par inn tayarion main Shaanti Nagar ke sewakon ke saath koi tha joh kaafi uthasha se kaam kar raha tha aur who the Rajkumar Vivek, joh swayam sare kammon main ruchi lekar use poora kar rahe the. Jab se Rajkumar Vivek ko Kishta Kinda Rajya se Rajkumari Tasha ka sandesha aaya tha tab se unnke uthasa aasman ko chuh raha tha, unnki haasi mano rukne ka naam hi nhi le rahi thi, aur ruke bhi kyu aakhir unnki honewali dharmapti , unnki sangni Rajkumari Tasha pehle baar Shaanti Nagar aarahi thi..

Rajkumar Vivek kuch sewakon ko adesh de rahe the: Suniye, Darbar ke Mukhya darwaze par sugandhit atar laga dijiye, aur kalin par gulab ku pankhudiya bhi bicha dijiye..aur..

( Rajkumar Vivek sare tayariyon main aapna wishesh dhyan de rahe the. Maharani Sonali aapne bete Rajkumar Vivek ko kaafi der se dekh rahi thi, aapne bete ka uthsaha dekhkar unnhe kaafi hasi aayi, Rajkumar Tasha ke aagman ki khabar ne mano Rajkumar Vivek par jadu se kar diya tha. Maharani Sonali, Rajkumar Vivek ki taraf badhi aur unnhone aapna haath unnke kandhe par rakh diya)

Maharani Sonali: Vivek..

Rajkumar Vivek: kahiye maa..kuch kaam tha humse..

Maharani Sonali: nhi, hume aapse kuch kaam nhi tha..woh hum tho bas dekhne aaye hain ki tayariya kaise chal rahi haini..(aas-paas nazar dalte huwe) aur jaha tak humara andaza hain aapne aapke bhawi wadhu keliye kaafi badhiya intajam kiya hain..Humari bahu inn sab par kaafi khush hogi..

( Rajkumar Vivek aapne maa ke wakya par sharma jate hain..)

Maharani Sonali: ab kyunki sari tayariyan ho chuki hain, tho aap thoda aaram kar lijiyee..

Rajkumar Vivek: maa bas thoda hi kaam bacha hain, hum-

Maharani Sonali: nhi vivek..humne keh diya na ki aap aram kijiye..aap subha se iss kaam main lage huwe hain, aapne theek se nyahari bhi nhi ki..issliye pehle chaliye aur theek se kha lijiye aur aaram karke baad main aap chahe toh phir se kaam main lag jaiye..

Rajkumar Vivek: par maa..

Maharani Sonali: yeh humara hukum samjh jiye..aur agar aap abhi nhi mane, toh hume aapko jabardasti khilana padega..

Rajkumar Vivek: theek hain maa..aaj aap hume jaardasti khila hi dijiye..hume bhi aapke hathon se khane main anand aayega..

Maharani Sonali: Vivek, ab aap koi bache nhi rahe

Rajkumar Vivek: par hum aapke liye toh humesha bache hi rahenge na Maa..tho hume aaj aapke haathon se khila dijiye na..

Maharani Sonali: (muskurate huwe )theek hain..chaliye..

( Rajkumar Vivek aapne sewakon ko kuch batein samjhkar aapne maa ke saath unnke kaksh main nyahari ka aanand lene chale jate hain..)

Anandwan

Subha ke waqt Anandwan main sarwatra pakshion ke madhur killbill gunj rahi thi, Suraj ki halki kirne wruskha ke pation par maujood daw ko motiyon ka abhas de rahi thi, bhawre aur titliyan sugnadhit phoolon par mandra rahi thi, halki se barish ki wajh se waha ke hawon main mitti ki sundar khushboo mehek rahi thi, inn sari widhion ki wajh se waha ka watawaran mantramukt hogaya tha..

Aise hi iss watawaran main Adaitya Rajya ke eklaute Samrat Rajat Surya dewta ko abhiwadan kar rahe the, Surya dewta ko paranam karne ke baad, wah aapni roz ki kasrat main lag gaye. Par kasrat se pehle unhone aapna dono haathon par ek safed rang ka kapda bandh liya taaki talwar aur dandpata ki kasrat karte waqt unnki unn shastron par pakad bani rahe, woh nhi chathe the ki pasine se unnke haath se talwar chuut jaye aur kissi ko bhi chont pohcnhe..aapne haath main pati bandhne ke baad, unnhone aapni safed dhoti ko kaske bandh liya aur Suraj dewta ki taraf aapna mukh karte huwa aapni kasrat ka arambh kar diya. Pratham Surya namaskar aur baad main uthk-baithak aur dand kiye, jisski wajh se unnke dhoti par kuch mitthi lag gayi, unnhone aapne dhoti par se mitthi jhatak di, pasine ke wajh se Rajat ke seene aur chehre par mitti waise hi reh gayi..

dand marne ke baad Rajat ne Shastron ke saath aapni kasrat chalu ki..unnhone aapni talwar uthayi aur pehle ussse aapna mathe se lagakar usse paranam kiya baad main samne dushman hain yeh sochkar wah aapni talwar ko wishesh prakar main ghumane lage..

Kadi kasrat karne ki wajh se unka poora Sharir pasine se bhar gaya tha,pasina ke boonde unnke maath par maujood thi, kuch boonde unnke majbood seene se hokar unnke safed dhoti main wilin ho rahi thi..Pasine ki wajh se zamin par paujood mitti ne unnke sharir par rokh jama liya tha, jisski wajh se wah Rajat ka sawla rang aur gadhat nazar aaraha tha, issiliye Rajat ne aapne par se mitti hatane keliye pani se bhara huwa bartan aapne aap par khali kar diya, pani ne unnke pasine ke saath unnpar maujodd mitti bhi hata di. Rajat ne aapne balon par se aapna haath phera aur unnhe piche ki taraf mod liya aur baad main aapne chehre par se bhi paani hata diya..

Par phir bhi kuch paani ki boonde unnke baalonse gir rahi thi, unnke aankhon ke palkon se hokar unnke chehre par se tapak rahi thi..sach kaha jaye toh iss poore awtar main Rajat kaafi umda lag rahe the, agar kissi ladki ki nazar unnpar padti toh wah ussi kshan unnke pyaar main awshya padti iss baat main jara sab hi sandeh nhi tha. ..aur wakai main aise huwa bhi..

Iss sare nazare ko dekhkar wah kaafi dang reh gayi thi, use muh se tareef keliye alfaz bhi kum lag rahe the, par aakhi himmat jutake wah bol padi..

"lajawaab..!"

Yeh shabd sunkar Rajat turant uss awaz ki disha ki taraf mudde, jab unnhone uss wyakti toh waha dekha toh kaafi dang reh gaye, unnhe aapne aankhon par yakin nhi ho raha tha, par isse pehle ki who kuch kar pate ya keh pate, wah wyakti Rajat ki tarf badhi aur ussne aapne dupate se Rajat ke chehre ko halke se saaf karne lagi..

" Sach main aap abhi bhi utne hi furtule hain, darsal ab kuch jyada hi ban gaye hain..aap andaza bhi nhi laga sakte ki hum aapne aap par kitna sayam rakh rahe hain, aapse door rakhne ka..aapko iss tarah dekhne ka baad hume lag raha hain ki humne aapse door rekhkar galti kar .."

Rajat: yaha kya kar rahi ho Maya? Tum—

(isse pehle Rajat kuch keh pate, Maya ne unnhe bich main tonk diya..)

Maya: (shararat bhari nigahon se aur atyant prem bhare swar se) shhh..Rajat..hum hain ki aapse itna pyaar se baat kar rahe hain, (Maya ne aapne dono haath Rajat ke gardan se lipat liye, Rajat maya ke iss harkat par chaunk gaye the, par Rajat se bhi jyada koi tha joh Maya ke iss harkat par gusse se aagbabola huwe jaa raha tha, par usne ne aapne aap par sayam rakha. aur Rajat aur Maya ki baatein dhyan se wah aapne kamre ki khidki se sune lagi..) aur aap hain ki hume door kar rahe hain..yeh toh galat baat hain na..Itne saalon baad hum aapse milne aaye hain aur aap humse is tarah ka wyawhar karenge..tch-tch—

(Rajat ne Maya ke hathon ko unnke gardan se jhat se alag kar diya jisske wajh se Maya kuch had tak picche hogai, yeh dekhkar uss insaan ke chehre par thodi se hassi aayi..)

Rajat (gusse se) tameez se pesh aayiye Maya..yeh kya tareeka hain?

Maya: (shararat se) toh aap hi bataiye..kiss tarah baat kare aapse..aap jaise kahenge waise karenge hum..aapke pyar ke khatir toh hum kuch bhi kar sakhte hain..chaho toh aajma sakte ho Rajat..

Rajat: sach batao yaha kyu aayi ho Maya? Jitna main tumhe aur tumhare pariwar ko janta huin, tum log kissi maksad ke bine koi kaam nhi karte..issliye behtar hoga ki bina baat ghumaye siddhe-sidhe aapni yaha aane ka maksad bata do, use tumhara aur mere bhi waqt bach jayega..

Maya: Man gaye aapko..wakai main aap se uljhana kaafi mushkil hain..aur hume mushkil kam hi jyada pasnd hain (muskurate huwe) waise sahi kaha aapne, humare Anandwan aane ke piche humara ek khass maksad hain..hum yaha aapse ek karrar karne aaye hain

(Rajat ne Maya ki taraf aschrayit hoke dekha )

Rajat: karrar? Kasie karrar?

( Maya ke iss wakya Rajat ke saath uss kamre main chupe huwe insaan ne ne bhi aapne kaan satark kar diye taki wah Maya ka karrar wali baat sun sake.)

Maya: Aap jante hain ki humare bhai Daksh ki shaddi aapki behen Tarika ke saath ho rahi hain..aur yeh shaddi rokne keliye aap jee-jaan se koshish karenge, iss baat main jara sab hi sandeh nhi hain..Hum daw eke saath keh sakte hain ki iss wiwah ko rone keliye aapne jaroor koi na koi ranneti bhi sochi hogi..

Rajat: MAYA! Baat ko ghumaiyen maat..sidhe mudde par aayiye..

Maya: theek hain..jasie aap kahe..tho suniye Rajat, iss wiwah ko rokne keliye, hum aapki madad karenge..itna hi nhi Humare bhai Daksh aur humare pitah Digvijay unnko pakadwane keliye bhi hum aapki madad karenge..

Rajat: (aschrya se) kya?

Maya: haan..aapne sahi suna..Iss poore karya main hum aapki sahayta karenge..

Rajat: par kyu? Aap humari madad kyu karengi? Aur who bhi aapne bhai aur pitak ke wipaksh jakar?

Maya: Sidhi se baat hain akele sari wirasat par aapni hukumat cahthe hain..aur isskeliye hume aapne bhai aur pitah ko bhi raste se hata na pade toh behetar..

Rajat: hukumat? Kiss wirasat ki baat kar rahi hain aap? Agar aap Adaitya Rajya par hukumat ki soch rahi hain, toh bhul jaiye Maya..Adaitya Rajya ki hukumat hum aapko hathon main kabhi nhi denge..

Maya: Rajat, hum Adaitya Rajya par hukumat ki baat nhi kar rahe ..hum Shakti Nagar aur Shantiwan par hukumat ki baat kar rahe hain. Aap toh jante hi hain yeh do rajya Adaitya Rajya ke wirasat main aate hain aur iss waqt inn dono par humare bhai Daksh ki hukumat hain..toh hum bas itna chathe hain ki aap inn dono Rajyon ki hukumat hum par sonp de..

Bhai aur pitah ke hote huwe hume inn dono Rajya par hukumat nhi kar sakte issliye hume yeh haq unnse chen lenge..

Matlab agar hum aapko iss wiwah ko rokne keliye sahyat karenge isske badle main aapko hume yeh do Rajya dene honge..yeh huamri pehli shart hain..
humari doosri aur aakhri shart yeh hain ki aapko humse wiwah karna hoga!

Yeh hain huamri shartain..agar aapko yeh manjoor hain toh hum aapko aapki behen Tarika ka wiwah rokne keliye sahyata karenge..boliye Rajat aapko yeh karrar manjoor hain?

(itna kehkar Maya ne aapna haath aage badhaya..)

Maya: boliye Rajat..

Rajat: theek hain..hume yeh manjoor hain..( Rajat ne aapna haath Maya ke haath main rakhkar, karrar mane ke samati di.. Rajat ne Maya ki sharate main li yeh baat sunke uss insaan ko kaafi hairani huwi, use samjh nhi aaraha tha ki aakhir Rajat ke dimag main chal kya raha hain?)

Rajat: par humari bhi ek shart hain..

Maya: kahiye..

Rajat: Wiwah main ab 6 din baaki hain..toh yeh 6 din main Anandwan main nhi balki aapne Rajya, Adaitya Rajya main bitaunga..manjoor hain..

Maya: Manjoor hain..par inn 6 din main, aap Tarika ya freddyreshwar Maharaj se kissi bhi prkar ka smpark athwa bhet nhi karenge..

Rajat: manjoor hain..

Maya: tho phir chaliye..der kiss baat ki? Aap humare saath hi cahliye Adaitya Rajya..

Rajat: abhi nhi..Hum kal subha Adaitya Rajya keliye rawana honge..

Maya: theek hain..jaise ap theek kahe..hume aapka intejar rahega..

Rajat: theek hain phir..kal milte hain Adaitya Rajya main!

Maya: jaroor..

( Karrar hone ke baad Maya Anandwan se rawaana hogai..Maya chali gayi iss baat ki shahswati karne ke baad Anandwan ke kamre main chupi Dakunaito bahar aayi, Rajat aur Maya ka karrar sunkar wah kaafi pareshaan hogai thi, Rajat aur Maya ki baat sunkar usske dimag main prashnon ka bhawandar mach chukka tha aur aapne prashna ko niwaran karne keliye waha turant Rajat ki taraf badhi, joh aapne kaksh ki tarf badh rahe the)

Dakunaito: Rajat..yeh kiya aapne..kya sochkar Maya ke karrar sweekara aapne? Maya kaise insaan hain yeh mujhe aapko batane ki jaroorat nhi hain..aur phir bhi aapne usski shart main le? Kiss balbute par aapne yakin kar liya ki Maya wiwah keliye aapki shayata karengi? Aur unn Rajyonki jimmedari aapne use di kaise? Aap jante hain na ki agar unn Rajyon ki jimmedari uss di toh who sare Rajya ke rahiwasi par kewal atyachar hi karegi..phir bhi aapne?

( bina ruke Dakunaito ne yeh sare sawaal Rajat se ek hi sans main pooch liye..achanak huwe iss prashne ke bauchar se Rajat awak reh gaye. Phir bhi unnhone kaafi shanti se usski tarf dekha aur kaha)

Rajat: aare shant rahiye..aur pehli baat sans toh lijiye..main-

Dakunaito: itna sb kuch hone ke baad tum keh rahe hi shant rahu..

(Rajat usski halat samjhte hain, aur use shant karne keliye Rajat Dakunaito ko usske kandhon se pakad lete hain aur usski taraf dekhte huwe)

Rajat: tumhe mujhpar bharosa hain ya nhi?

Dakunaito: Rajat tum janto hain mujhe tum par bharosa hain..par Maya..

Rajat: toh bas..tum shant raho aura b meri sari batein suno..Maya ki shart mane ke piche mere ranneti hain..

Dakunaito: Ranneti?

Rajat: haan..tumhe kya lagta hain ki main Maya par bharosa karunga? Tum bhi janto ho Maya ko, kasie insaan hain who..jaise sanp khencholi badalta hain waise hi Maya aapne rang badalti hain..usspar wishwas karne ki galti main nhi karunga..

Dakunaito: phir tumne usski shart yu man li?

Rajat: Taaki maya, Digvijay aur daksh chain se reh sake..

Dakunaito: matlab?

Rajat: tumne suna na ki maine maya se kya kaha usske shart sune ke baad..

Dakunaito: haan..yahi ki tum Adaitya Rajya ke Mahal main wiwah sampan hone tak rahoge..

Rajat: bilkul sahi..yeh sab kehne ki khass wajh hain..aur who hain unn teeno ko gafil karna..agar Rajat yani phoenix choubison ghante unnke nigarani main rahega toh unnhe iss baat par yakin hojayega ki unnhe mujhse koi khatra nhi hain..wahi agar main Anandwan main raha toh who log sochte rahenge ki main koi na koi ranneti jaroori bana raha huin..issliye maine swayam hi unnke haan main haan kehne ki than li..ab kyunki main unnke hi naak ke niche rahunga who gafil hojayenge..Digvijay yeh baat jante hain ki agar iss shaddi ko koi rok sakta hain toh who main huin..agar main hi unnke nigrani main hunga toh who sari sainikon ka laksh mujhe par hi kendrit karenge..aur jisse..

Dakunaito: jisse hume hi fayda hoga..kyunki humare dono ke alawa aur koi nhi janta ki main yaha huin..

Rajat: sahi kaha..kyunki Baba unnke bandiwas main hain aur main unnke nigrani main toh who poore sainkon ka dhyam mujhe par hi kendrit karenge..aur tab tum iss mauke ka fayda uthakar mahal main bina kiss rukawat ke jariye pochn sakti ho..

Dakunaito: aur ek baar maine Mahal main prawesh kar liya aur Baba ko surakshit jagah pochn diya toh baad main hum dono unn teeno ko aasani se khatm kar sakte hain..

Rajat: haan..par Mahal main jane ki mere aur ek wajh hain..

Dakunaito: kaise wajh?

Rajat: Main Mahal main jake waha ke sainiko ko par nazar rakhunga..main daw eke saath keh sakta huin ki waha ke aadhe sainik Digvijay ke khilaf hain..Main waha jake Digijay ke khilaf wale sainkon ko bhet lekar unnhe humare tukdi main shamil kar lunga..jisse jyada khoon kharaba bhi nhi hoga..aur humare karya sampan hoga..

Dakunaito: yeh theek rahega Rajat..par tumhe nhi lagta ki hume iss wishay main Tarika ko khabar kar deni chahiye..

Rajat: nhi..Tarika par Maya kaafi nigrani rakhegi..agar aise main, Main Tarika se wartalap karne ki koshish karunga toh sare kiya-karaye par pani pher jayega..islsiye hum issmain Tarika ko shamil nhi karenge..

Dakunaito: agar Tarika ko shamil nhi kar sakte..toh kyu na hum Baba ko issmain shamil kare..

Rajat: par baba tak yeh sandesha pochayega kaun?

Dakunaito: saras..hum saras ke jariye Baba tak yeh sari bat pohchn denge..aur itna hi nhi Saras ke pairon par hum ek chota sa chaku bhi Baba ko behj denga tak Baba ke paas bhi ek hathyar rahe..

Rajat: yeh theek rahega..Baba par sandesha pochnane ki jimmedari tumahri..

Dakunaito: theek hain..par..

Rajat: par kya?

Dakunaito: par agar tum mujhe yuhi pakad rakhoge toh main Baba tak sandesha kasie pochah poangi?

( Rajat ke dhyan main aata hain ki who abh bhi use usske kandhon se pakda huwa hain..sharmahat ke amre Rajat use jaldi chod deta hain aur bina waqt gawaye aapne kamre main prawesh karta hain aur yaha Dakunaito sandesha pichne ko tayari main jut jati hain..)

AN:

Kaafi reader guess kar rahe hain ki "The girl" with Rajat is Purvi..but guyz she is NOT PURVI! or ANY CID OFFICER!

If you just concentrate more then may be you will guess her name right..The hint is in her name i.e DAKUNAITO! If you guyz observe it closely then may be you can crack her identity ;)

Hope you all succeeds in disclosing her identity..all the best for it :D

Okay now

*Kya Rajat ki ranneti safal ho payegi? Kya Maya Rajat ke iss bichaye huwe jaal main fas payegi?

Janekeliye bane rahiye mere saath :)