Adhya 29
Kishta Kinda Rajya
Maharaj Pradyuman ka kaksh
Maharaj Pradyuman: kya Rajkumari Tasha ke? ( aschrya se)
Vishwanath: haan Maharaj..
Maharaj Pradyuman: yeh aap kya keh rahe hain Vishwanath? (krodh se) aapne iss sab ki achi se chann-binn ki hain na? ho sakta hain ki yeh Rajkumari Tasha ke ghena na ho..
Vishwanath: Maharaj, maine pori chaan-binn karne ke baad apko yeh bataya hain. Maine Rajkumari Tasha ke dasion se pucha, unhhone khud kaha hain ki unhone yeh gehne Rajkumari Tasha ke pass kafi bar dekhe hain..ab isse toh yahi pata lagta hain ki woh gehen unke hi hain..
Maharaj Pradyuman: agar yeh baat sahi hain toh yeh kaafi chinta ki baat hain, Vishwanath. Par hume yeh baat samjh nhi aarahi hain ki Sanatan Rajya ke Maharaj Abhay ne Rajkumari Tasha ko aapne pass bandhiwan kyu bana ke rakha? Unnka unnse kya talukh? Agar Maharaj Abhay ko dushmani nikani hi thi toh woh Rajkumari Muskaan ya Rajkumar Daya se nikalte..Rajkumari Tasha ko agwah karne ki kya jaroorat thi?
Vishwanath: Maharaj, aisa bhi ho sakta hain ki Maharaj Abhay, asal main Rajkumar Daya se badla lena chathe ho aur issliye unnhone Rajkumari Tasha ko agwah kiya..
Maharaj Pradyuman: nhi Vishwanath..yeh kuch aur hi hain. Iss sare ghtna ke piche Maharaj Abhay kuch aur hi hetu hain aise hume lag rah hain. Iske piche ki saachai kuch aur hi hain, kuch tho gadbad hain (aapne unglion ko ek wishishth prakar se ghumate huwe ;) iss sare ke piche kuch raaz tho jaroor hain..aur hume uss raaz ke upar se jald se jald parda uthna hi hoga..bohuat jald..
Vishwanath: par Maharaj hum yeh sab karenge kaise? Aur yudha ka kya? Hume usskeliye bhi kuch tayariyan karni hogi na..
Maharaj Pradyuman: ek kaam kariye VIshwanath, jald se jald yudh ki khabar sare Rajya main faila dijiye, aur sare Rahiwasion ko satark rehne keliye kahiye, unnhe yeh bhi keh dijiye ki agar unnhe Rajya main kahi bhi, koi sandigdh cheez ya insaan nazar aaye toh Mahal main usski janakri fauran iktalah kar de.
Vishwanath: Jee Maharaj..
Maharaj Pradyuman: Aur ek baat Vishwanath, Kal Suryoday hote hi humare Rajya ki sare Mahila rahiwasi, bache aur bujurga Rahiwasion ko kissi surakshit jagah rakhne ka intajam kariye, hum nhi cahhthe ki yudhe ke dauran unnmain se kissiko bhi nuskan aur haani ho, aur yeh kaam kal Surayast ke pehle khatam hona chahiye , samjhe?
Vishwanath: ho jayega Maharaj, kal Suryast ke pehle hum sare Rahiwasionko kissi Suraskshit sthan par pochnce denge..
Maharaj Pradyuman: theek hain, usske saath sare Sainik kon bhi iss yudha ke baremain aagah kar do, aur unnse kahiye ki sare awjar tatha shastron ki janch kare, talwar se lekar dhal aur toofon ki bhi janch ho jani cahhiye. Aur ek baat janch hone ke bad sare tofon ko theek jagah rakhne ka intejar bhi turant kariye. Theek hain?
Vishwanath: jee Maharaj, main swayam iss karya main aapna purna laksh kendirt karunga..
Maharaj Pradyuman: yeh behtar hoga..Vishwanath, sare kaam sahi tarreke se hone cahhiye, ismain kissi bhi prakar ki laparwahi nahi cahhiye mujhe. Rajkumari Tasha unnke hirasat main hone ki wajh se huamre hath bandhe huwe hain, humari ek laparwahi Rajkuamri Tasha keliye janlewa ho sakti hain..issliye iss baat ka dhyn rakhiye ki kissi bhi karya main choti se choti bhi laprwahi na ho..
Vishwanath: (hosla dete huwe) Maharaj, aap chinta mat kijiye, hum aapni pori koshish krenge Rajkumari tasha ko bachane ki, unnhe hum kuch hone nhi denge, yakin maniye..
Maharaj Pradyuman main aapne ser hilkar unnke baat main haan darshai.
Maharaj Pradyuman: Vishwanath, ab aap jaiye aur iss sare kamon ke jald se jald nipta lijiye..
Vishwanath: jee Maharaj Main chalta huin..Ab aap bhi thoda aaram kar lijiye..jab se yeh khabar aayi hain, tab se aap wichlit hogaye hain..aisa tanaw aapke sehet keliye hanikarak hain..aap thode der aaram kar lijiye, main sare kaam karta huin..
(itna kehkar Vishwanath ne Maharaj Pradyuman ki aagnya le aur waha se chale gaye.)
Maharaj Pradyuman ( sochte huwe) Vishwanath, hum aaram kaise kar sakte hain, jab humari sabse anmlo chiz khatre main hain? Jab tak hum Tasha ko aapne aankhon se sahi salamat nhi dekte tab tak hum rahat ki sans nhi le sakte..kuch bhi karke Rajkumari tasha ko haar haal main bacha na hi hoga..hum unnhe kuch hone nhi denge..kuch nhi hone denge hum unnhe..
Adaitya Rajya
Adaitya Rajya ki seema Resha.
Kishta Kinda Rajya se sandesha milte hi, Rajkumar Daya bina waqt gawaye Kishsta Kinda keliye rawana hogaye. Jisske wajah se Adaitya Rajya ki seeme resha par sirf Rajkumar Abhijeet aur Maharaj Shamshersingh hi maujood the. Yojna ke mutabik wah dono Niketan ka intejar kar rahe the. Thode der intejar karne ka baad, Niketan waha aaye, unhhone aapne saath laiye huwe Adaitya Rajya ke sewekon ke kapde Rajkumar ABhijeet ko thamaye. Rajkumar Abhijeet ne turant unn wastron ko paridhan kar liye, Niketan ne unnhe wah atar bhi dediya jisske Adaitya Rajya ke ghode aur yudh ke hathi adhin the. Ek baar sari tayariyan karne ke baad Rajkumar Abhijeet, Adaitya Rajya ke Mahal main prawesh karne keliye tayar hogaiye.
Niketan: Maharaj aap mere saath mere ghar main chaliye, aapka Mahal main jana theek nhi hoga..
Maharaj Shamshersingh: nhi Niketan, hum bhi Tarika ko bachne keliye Mahal main prawesh karenge..
Niketan: par Maharaj..
Rajkumar Abhijeet: Maharaj, mere khayal se Niketan ji theek keh rahe hain. aapka Mahal main prawesh karna theek nhi hoga..Agar galti se waha aapko kissine pehchan liya toh sare ranneti par pani pher jeyga, issliye aapko waha nhi aana chahiye..
Maharaj Shamshersingh: Tum theek keh rahe ho..theek hain, Main nhi aata mahal. Abhijeet mujhe tum par yakin hain, tum Tarika ko issmain se jaruur chuda loge..
Rajkumar Abhijeet: Maharaj, main aapni pori koshish akrunga Tarika ko iss sankat se chuda na ki..
Niketan: Maharaj, aap tho keh rahe the ki do Rajkumar hain..par yaha tho sirf ek hi nazar aarahe hain..
Maharaj Shamshersingh: Niketan, darsal kuch pareshani ki wajh se Rajkumar Abhijeet ke bhai Rajkumar Daya ko kishta Kinda keliye wapis lauta na pade islsiye..
Niketan: ohh..koi baat nhi..waise ( Rajkumar Abhijeet se) aap aapna Mahal main naam kya bataiynge?
Rajkumar Abhijeet ( thodi der sochte huwe) hmm..mere khayal se hariya theek rahega..
Niketan: haan yah theek rahega..ab chaliye hum jald hi mahal ki taraf badhte hain..
Rajkumar Abhijeet: theek hain..
( Rajkuamr Abhijeet, weshantar karke Niketan ke saath mahal ke taraf bdhte hain toh Maharaj Shamshersingh Niketan ke gahr ke taraf chale jate hain.)
Adaitya Rajya
Rajkumar Rajat ka kaksh.
Rajkumar Rajat aapne kaksh main akele maujood the aur waha ki har ek chiz ko barkai se dekh rahe the, aakhir poore 6 saal baad wah aapne kamre ko dekh rahe the. Har chiz par se haath pherkaar wah beete huwe waqt ko yaaad kar rahe the. Tabhi unnki nazar unnke kamre main maujood ek bade se chitra par padi, wah chitra kaafi purana tha, jab wah sirf che ya saat saal ke the, uss chitra main wah, tarika, unnki maa aur unnke pitashri bi maujood the, Rajkumar Rajat ne uss chitra se aapna haath ghumaya. Wah chitra Maharani Aaradhna aur Maharaja Shamshersingh ke wiwah ke daasvi saalgriha par banaya gaya tha, usmain Maharaja Shamshersingh shahi poshak main haath main talwar liye khade the, aur unnke theek samne Maharani Aaradhna shahi jewar aur sari pehne ek bade se sinhasan par baithi thi, Maharani ke god main paanch saal ki choti Tarika thi aur Maharani ke theek bagal main chote Rajkuamr Rajat khade the, aur sab log muskurarahe the, wah ek behtaren chitra tha. Rajat ne aapne Maa ke chehre se haath pheraya, unnke haste huwe chehre se, bhale hi unnke mrityu ko che saal bit chuke ho, par aaj bi Rajat ko unnki mukurahat yaad hain, unnki hassi ki awaz aaj bhi Rajat ke kano main gunjti hain, unnka wah pyaar se unnko sehlena, unnka wah datna, agar wah bimar huwe toh Maa ka unnhe bade hi pyaar se khana khilana aur unnke pass bathkar waqt bitana, agar woh Tarika ko ched de toh unnka gussa hokar kaan khenchan, sari yadein Rajat ke mann main abhi taze the, unn bete huwe yadon main safar karne ke baad Rajkumar Rajat ke hothon par ek halki si mukurahat aayi, par jaise hi unnhe aapne Maa ke mrityu ki ghatna yaad aayi, unnmain krodh ubhar aaya, jinn ankhon main thodi der pehle pyaar aur namrata jhalak rahi thi unnmain krodh aur badle ke angara nazar aane lage..
Rajkumar Rajat ( sochte huwe) : Digvijay, ab aap aapni maut ke ginti ginna shuru kar dijiye, kyunki ab ap kewal kuch hi smay ke mehman hain, aapko main jab tak khatam nhi karta tab tak mere krodh shant nhi baar aapko aapki saza suna di phir main chain ki sans lunga..wada hain aapse, aapke ek ek jurm ka badla aapse lekar rahunga..
Rajkumar Rajat aapne khayalon main itne wyast the ki unnhe aapne kaksh main kissiki upastithi ka abhas bhi nhi huwa, Rajat ka dhyan nhi hain yeh dekhkar wah insan aakar Rajat se lipat gaya, ussne Rajat ko piche se alingan de diya, Rajat joh aapne wicharon main wyast the, achanak huwe iss harkat par cahunk gaye, unnhone turant aapne se lipate huwe unn hathon ko aapne se alag kar diya aur wah mudde, toh unnhone dekha ki Maya unnke taraf dekhkar shararat se muskurarahi hain.
Rajkuamr Rajat(gusse se) Maya, yeh sab kya hain? aise bartwa aapko shobha nhi deta..
Maya:aare, issmain itni gussa hone ki kya baat hain? Maine socha aapko huari yaad aarahi hogi, issliye hum aapse milne chale aaye (itna kehkar Maya ne ek baar phir Rajat ke gardan se aapne haath lipat liye, par ek baar phir Rajat ne woh haath jhatak diye)
Rajat: (krodh se) MAYA! janta huin aap main sharam naam ki koi cheeze nhi hain, phir bhi jara aapne aap ko sambhaliye..
Maya: uff..aapko kissine bataya ki aap gusse main aur bhi ache dikhte hain..( maya ki yeh sri batein sunkar Rajat ka krodh aur badhta jaa raha tha, islsiye unnhone use gusse bhari nighon se dekha..)
Rajat: agar aapki bematlab ki batein hogai ho toh yaha aane ka mukhya karan bataiyngi..
Maya: waise toh hum yaha yuhi aaye the, aise hi aapse baat karne keliye, par lagta hain, ap aaj kuch jayda hi gusse main hain..koi baat nhi hum chale jate hain, thode der baad aate hain, shayad tab tak aapka gussa kum hogaya ho..hum tab baat karenge..
(itna kehkar Maya, Rajat ke kaksh main se chali jati aur Rajat rahat ki sans lete hain..)
Rajat: Digvijay se toh main nipat lunga..par iss Moh-Maya jaise chudail se kaise bachunga kya pata?
Kishta Kinda Rajya
Maharaj Pradyuman ka kaksh
Maharaj Pradyuman abhi bhi Rajkuamri Tasha ke wajah se chintit the, Vishwanath ke salah ki wajh se wah aapne kaksh main baithkar aaram kar rah the, jab ek sewak ne unnke kaksh ke darwaze par dastak di.
Sewak: Maharaj ..
Maharaj Pradyuman: kahiye..
Sewak: woh Shaanti Nagar ke Rajkumar, Rajkumar Vivek aaye hain..woh keh rahe hain, ki unhhe aapne ek jaroori baat karni hain..
Maharaj Pradyuman: Rajkumar vivek? aur yaha...
Sewak: jee Maharaj..woh bahar intejar kar rahe hain..agr aapki adnya ho toh main unnhe andar bulao?
Maharaj Pradyuman: haan, bhej dijiye unnhe andar..
Sewak: theek hain Maharaj..
(Sewak, Rajkumar Vivek ko bulanae keliye chala jata hain..)
Maharaj Pradyuman: Rajkumar Vivek yaha? woh yaha kaise? kahi unnhe Rajkumari Tasha ke apharan ke baremain pata tho nhi laga?
(Tabhi Rajkuamr Vivek kaksh main prawesh akrte hain)
Rajkumar Vivek: Maharaj..hum andar aa sakte hain?
Maharaj Pradyuman: aayi..Rajkumar Vivek..
(Rajkumar Vivek kaksh main aate hain aur Maharaj Pradyuman ko jhukar abhwidan akrte hain)
Maharaj Pradyuman: jeete rahiye..kahiye aap yaha kiss silsile main aaye hain?
Rajkumar Vivek: Maharaj, main aapse Rajkumari Tasha ke baremain baat karne aaya huin.
Maharaj Pradyuman: Tasha ke baremain? unnke baremain kya?
Rajkumar Vivek: Maharaj, aap mujhse kuch chupaiye mat..main janta huin ki Rajkuamri tasha ka apharan huwa hain..
Maharaj Pradyuman: aap jante hain?
Rajkumar Vivek: jee haan..darsal, unnpar jab humla huwa toh Shaanti nagar ke ek sainik ne wah dekh liya, par usse kuch wah kar pata wah log Rajkumari tasha ko lekar chale gaye, aur uss sainik ne yeh bata mujhe bataiyi..
Maharaj Pradyuman: ohh..waise Rajkumar Vivek, hume pata hain ki Tasha kaha hain..
Rajkumar Vivek: kaha hain Tasha?
Maharaj Pradyuman: darsal..( aur Maharaj Pradyuman ne Rajkuamr Vivek ko woh sari batein bata di, Sanatan Rajya se aaye huwe khat se lekar, unnmain se bhet aayi khoon se sane huwe ghene aur baal tak sari baaton ke baremain Maharaj ne Rajkumar Vivek ko bata diya..)
Rajkumar Vivek: kyaa? sanatan Rajya ke Maharaj Abhay..yeh tho wahi hain na jinnhone humari behen Rajkuamri Muskaan ke swaymwar main bhaag liya tha..
Maharaj Pradyuman: haan..
Rajkumar Vivek: par unnhone tasha ko kyu agwah kiya?
Maharaj Pradyuman: pata nhi Vivek..hume bhi yahi baat kahye jaa rahi hain..aur itna hi nhi Maharaj Abhay ne Kishta kinda par yudha ka akraman bhi karne ka elan kar diya, yeh kahabar milte hi maine Rajkumari Muskaan ko Shaanti Nagar keliye rawana kar diya..
Rajkumar Vivek: yeh aap kya keh rae hain Maharaj? aapne Rajkumari Muskaan ko Shaanti nagar keliye rawana kar diya?
Maharaj Pradyuman: haan..khat ke milte hi humne unnhe ranwana kar diya..
Rajkumar Vivek: par Rajkumari Muskaan, Shaanti Nagar pohcnhi hi nhi..
Maharaj Pradyuman: (chaunkte huwe) kya?yeh aap kya keh rahe hain? Rajkumari Muskaan shaanti Nagar pochnhi nhi? phir woh gayi kaha?
Rajkumar Vivek: ab yeh kaha gayab ho gai?
Maharaj Pradyuman: hume yeh kuch sajh nhi aaraha..pehle Rajkumari tasha ko agwah akr liya aur ab Rajkumari Muskaan gayab hain..inn sab ke piche chal kya raha hain..
Rajkuamr Vivek: Maharaj, iss sab ka shodh hume jald se jald lena hi hoga Maharaj..
Maharaj Pradyuman: theek kaha aapne..aap waqt shanti se baithna ke kadapi nhi hian..hume jald kuch na kuch akrna hoga, isse pehle bohuat der ho jaye..
Adaitya Rajya
Adaitya Rajya ka Mahal
Niketan ne Rajkumar Abhijeet urf Hariya ko Adaitya Rajya ke Mahal main prawesh dilwa diya aur baaki sewakon se bhi keh diya ki wah ek naya sewak laye hain, Niketan ne porane sewakon ko Hariya ko kuch kaam sikhane keliye kaha aur baaki jimmedariyan bhi smajhne keliye kaha.
Niketan : Hariya, dhyan se kaam akrna, dekhna koi galti nhi honi chahiye..agar koi galti huwi tho tumhe usski waqt kaam se nikal denge..samjhe?
Hariya (hatah jodte huwe) jee Mailk..hum aapni posri koshish karnge..shikayat ka aapko koi muaka nhi denge sahab..
Niketan: theek hain..ab tum kaaam karo..
(itna kehakr Niketan waha se chale gaye, aur Hariya urf Rajkumar Abhijeet chup chap uss jagah ka muaina karne lage..unnhone kaafi sawdhani se Mahal ke darwazon ko dekhna chalu akr diya aur usse theek se yaad rakhen lage taaki aage koi gadbadi na ho..)
Kishta Kinda Rajya
Kishta Kinda Rajya ka bagecha
Rajkumari Tasha ke apharan aur Rajkuamri Muskaan ka achank se gayab hone ki wajh se Rajkumar Vivek kaafi pareshaan the, unnhe smajh nhi aaraha tha ki woh inn sari parshaniyon ko kasie suljhaye. unnhe dono ko haar haal main bachna tha par kaise bachyenge isska unke pss koi jawab nhi tha, jab Rajkuamr Vivek inn baton ko socha rhae the tab chanak unnke kuch awaaz sunai di, jasie koi unnki taraf aaraha hain, Rajkumar Vivek satark hogaye aur uss awaz ki dihsa ki taraf dekhne lage par unnhe koi nazar nhi aaya, islsiye Rajkumar Vivek ne awaz lagai..
Rajkumar Vivek: kaun hain waha par?samna aao..(par phir bhi koi samne nhi aaya..islsiye Rajkuamr Vivek ke ne ak baar phir awaz lagai.) kaun hain samne aoo..
(iss baar unnhe ek halki se awaz sunai di..Rajkumar Vivek ne dhyan se dekha tab unnhe unnke pair ke pass ek safed rang ki chez nazar aayi, uspar kuch halki bhure rang ke patti thi,)
"MEeeoooo..."
Rajkumar Vivek usse dekhkar tuarnt pechan gaye..wah Rajkumari Tasha ki paltu billi Anokhi thi, jisse Rajkumar Vivek ne Rajkumari Tasha ko bhet diya tha..
Anokhi...
Rajkuamr Vivek ne turant Anokhi ko aapne god main le liya, par jab unnhone usse aapne god main liya tab unnke chehre par chinta saaf jhalak uthi, kyunki Anokhi ke saafed balon par kaafi jagah khoon ke nishaan the, aur anokhi ke gale par ek khat jaise kuch bandha huwa tha, Rajkumar Vivek ne turant uss khat ko khola aur unnki aankhe dang reh gayi, unnke muh se sirf ek hi shabd sunai diya..
TASHA..
AN
Thank you once again for the reviews :D
Next update would be tommo!
