AN: very long Chapter, hope you don't get bored :)

Adhya 34

Adaitya Rajya

Adaitya Rajya ke Mahal ka angan ab kissi yudh bhumi se kaam nhi tha, sarwatra yudh ka mohaul chaa chukka tha, bas pehla waar karne ki deri thi jo kuch hi kshan main chidnewali thi. Rajkumari Tarika aur Rajkumari Maya ke ladhai ke baad, Mahal main kafi tanaw tha joh Rajkumar Daya aur unnke sainik ke ane ke baad aur badh chukka tha. Itna hi nhi jab Digvijay ko BABA Freddyreshwar ke chutne ki baat pata chali toh waha ki stithi aur gambir ho chuki thi, waha ke hawa main ajeeb tarah ki shanti leh ra rahi thi, shayad wah shanti aane wale toofan ke pehle ki stithi thi. Ab dono taraf ya toh aar ya paar ki stithi ho chuki thi, maro ya maaro yeh ek hi rasta sabko nazar aaraha tha.

Rajkumar Daya aur unke sainikon ka waha aana baki logon keliye ascharaya janak tha, Rajkumar Rajat aur Rajkumari Tarika ko Rajkumar Daya ki waha par upastithi samaj nhi aarahi thi, phir unhe laga ki wah Rajkumar Abhijeet ki talash main aaye hain par Rajkumar Daya ke cheher ka bhaw dekhkar aisa lag raha tha ki baat kuch aur hain.

Rajkumar Daksh: soch samjhkar boliye Daya..aisa na ho ki aap josh main hosh gawa baithe aur kuch aise kar baithe jisspar aapko pachtana pade..( Rajkumar Daksh ne Rajkumar Daya ko suchna di)

Rajkumar Daya: Rajkumar Daksh pachtane ki nobaut mujh par nhi aap par aane wali hain..( Rajkumar Daya ne krodh bhare swar main kaha)

Rajkumar Daksh: aise baat hain? (muskurate huwe) theek hain phir dekhte hain ki kisspar pachtane ki nobaut aati hain..( Rajkumar Daksh ne aapne ek sainik ko ishara kiya, Rajkumar Daksh ka ishara milte hi wah sainik Mahal ke andar chala gaya. Waha par maujood anya logon ko samjh nhi aaya ki aakhir Daksh karne kya wale hain, unhone Rajkumar Daya aur Daksh ke chehere par nazar ghumai, dono ek dosre ki taaraf tuchata aur krodh bhari nazaron se dekh rahe the. Thode der baad wah sainik baaki aur sainikon ke saath ek insan ko ghasite huwe leke aaye, wah insan buri tarah se jhakmi ho chukka tha, uske sharir par mujood wastra pori tarah se khoon se sane gaye the itna hi nhi uska chehere par bhi kafi khoon aur jhakam ke nishan the, kuch jhakam taze the toh kuch ek-do din purane, unn sainikon ne uss jhakmi isnan ko lakar Rajkumar Daksh ki taraf jor se phenk diya, yeh dekhkar Rajkumar Daya ka khoon kaul utha, wah Rajkumar Daksh ko sabak sikhane keliye unnke taraf badhe par jab Adaitya Rajye ke sainikon ne Rajkumar Abhijeet ke gardan par aapni talwar dhasa di toh Rajkumar Daya ko aapne jagah rukna pada, Rajkumar Rajat aur Rajkumari Tarika ne uss insaan ke taraf aapni nazar dali, Rajkumar Rajat ko wah insaan pehchane main nhi aaya par dhyan se nihar ne par Rajkumari Tarika ne uss insaan ko pehcna liya. Uss insaan ki awstha dekhkar Rajkumari Tarika ke raunte khade ho gaye, unke muh se dard bhari siskari nikali.

Rajkumari Tarika: Ta..Tasha..( Rajkumari Tarika ne ghabrate huwe kaha)

Rajkumari Tasha ka naam sunkar Rajkumar Rajat bhi dang reh gaye, jab Rajkumar Abhijeet ke kaano par yeh nama pada toh unnke toh hosh udd gaye, unhone turant aapne aankhen jhatke se kholi aur wah Rajkumari Tasha ko dhundne lage, jaise hi unhone apni nazar ghumai, wah unnhe Rajkumar Daksh ke kadmon ki taraf zameen par padi huin milli. unke poore sharir par jhakam the, jinnse khoon beh raha tha, itna hi nhi unka poora wastra khoon se latpat ho chukka tha, unnki halat dekhkar yeh bhi batana mushkil ho gaya tha ki wah zinda hain bhi ya nhi… Aapni behen ki yeh halat dekhkar Rajkumar Abhijeet ke mastish main jwala bhadak utha, unhone aapne aapko uss stambh se chudane keliye koshish shuru ki par koi fayda nhi huwa, wah uss stambh se kaafi majboti se bandhe gaye huwe the. Tasha ki yeh halat dekhkar unnke pure badan main gusse ki aag lag chuki thi, agar wah uss stambh se bandhe huwe na hote toh ab tak Rajkumar Daksh ki gardan marod ho chuke hote, unhone gusse se Rajkumar Daksh ki taraf dekha aur ek baar phir aapni nazar Tasha ki taraf ghumai, waha koi harakat nhi kar rahi thi, yeh dekhkar Rajkumar Abhijeet chintit ho gaye unhone Tasha ko awaz lagai..

Rajkumar Abhijeet: T..tasha..(unhone ghabrate huwe chintit swar main kaha) tas..ha..(par Rajkumari Tasha ne koi jawab nhi diya. Tasha ka jawab na dene par dono bhai, Rajkumar Daya aur Rajkumar Abhijeet, Tasha ki chinta main aur wyakool hogaye, unhe samjh nhi aaraha tha ki wah kya kare? Wah Rajkumari Tasha ko iss halat se bachane chathe tha par iss samay dono ke haath bandhe huwe the. Rajkumar Daya bhi ab Tasha ko aawaz lagane lage)

Rajkumar Daya: Tasha..aaknhen khole..TASHA..(par iss baar bhi Rajkumari Tasha ne kuch jawab nhi diya. Ab dono bhaiyon ke chehre par chinta se bhi jayda darr nazar aane laga, wah bas ab asha karne lage ki Tasha theek salamat, zinda ho..)

Rajkumar Daya aur Rajkumar Abhijeet ki yeh halat dekhkar Rajkumar daksh ko kaafi khushi mehsush ho rahi thi, unhone aapni talwar ko nok Tasha ke ser par rakhi aur jor-jor se hasne lage.

Rajkumar Daksh: tch-tch..bechari, Rajkumari Tasha..bina kissi dosh ke inhe itna sab kuch sehen karna pada..( Rajkumari Tarika aur Rajkumar Abhijeet ke taraf dekhte huwe) kissi aur ke galti ki saja ka shikar hona pada..

Rajkumar Abhijeet ( krodh main) DAKSH..aap se jyada kayar insaan humne aaj tak nhi dekha..humse badla lene keliye aapne humari behen par waar kiya..himmat kaise huwi aapki yeh karne ki..aap..

Rajkumar Daksh: shh..shant, Rajkumar Abhijeet..shant rahiye..Yakin maniye hume aapse koi dushmani nhi thi..nhi aapke behen se..hume yeh sab karne ka koi shauk nhi tha..par yeh sab karne par aapne hume majboor kiya..Agar aap iss mamle main padte hi nhi toh mujhe koi shauk nhi tha aapko iss mamle main ghasitne ki..kyunki aap iss pure karya main shamil huwe, issiliye nihayti mujhe aapke behen ko iss pure karya ka chota sa hissa bana na pada..sach baat kahu toh aaj aapki behen ki joh awstha hain uske liye kewal aap hi jimmedar hain..hum nhi..

Rajkumar Daya: Daksh, aapne julmon keliye Abhijeet ko doshi mat thariye..agar koi jimmedar hain tho woh Aap aur aapka pura pariwar..jinnhone pata nhi kitne logon par anginad bina soche julum kiye hain, iss sab ki saja toh aapko milkar rahegi..

Rajkumar Daksh: Rajkumar Daya, mana padega apke dhairiya ko..aapke behen ki jaan khatre main hokar bhi aap humse iss tarah baaat karne ki jurat kar rhea hain..mana padega aapke dhariyat ko..par Daya, ek baat yaad rakhiye, iss waqt passé mere pass hain, main agar chahu to iss khel ka pore chitra badal sakta huin..

Rajkumar Daya: Mujhe nhi lagta Daksh ki aap aisa kar payenge..

Rajkumar Daksh: aap hume chunauti de rahe hain Daya..

Rajkumar Daya: aise hi samjhiye..

Rajkumar Daksh: theek hain phir, aisa hi sahi..sach baat tho yeh hain ki main iss ladki ki jaan baksh dene wala tha, par ab nhi..(Rajkumar Daksh ne krurta se kaha)

Rajkumar Daya aur Rajkumar Daksh ki sari batein sunkar sare log awak reh gaye, sablog ko yeh samjh nhi aarah tha ki Rajkumar Daya, Rajkumar Daksh ke krodh ko aur badhawa kyu de rahe hain, Rajkumar Abhijeet, Rajkumar Daya ke iss harakt par kaafi naraz the, unhe Daya ka yeh bartaw uss halat main theek nhi laga.

Rajkumar Abhijeet: Daya, yeh aap kya keh reah hain? Hosh main toh hain aap?

Rajkumar Daya: Main bilkul bhi hosh main huin Abhijeet..kuch nhi hoga Tasha ko..aap nischint rahiye..

Rajkumar Abhijeet: nischint rahu? ( Daya ka yeh saral jawab sunkar Rajkumar Abhijeet ko aur gussa aagaya, unnhe yeh samjh nhi aaraha tha ki aise kathin samay main Rajkumar Daksh ko samjhne ke wajh Rajkumar Daya unnke krodh ko aur kyu badha rahe hain, issliye wah Rajkumar Daya par krodhit hogaye) Aap ka dimag theekane par hain na, Daya? ais halat mai aap mujhe nishcint rehne keliye keh rhe hain..aap..(par isse pehle kuch keh pate, Rajkumar Daya ne unnhe bich main tonk diya)

Rajkumar Daya: Abhijeet, mera yakin maniye, main sab theek kar raha huin, ab aur nhi..ab aur yeh insaan humari Tasha ko kuch nhi karega..ek kharoch tab nhi pohnchane dunga main Tasha ko..

(Rajkumar Daya ne Rajkumar Abhijeet ko kaafi niscahyi hokar kaha; Rajkumar Daya ki batein sunkar, Rajkumar Daksh ko kaafi hasi aayi aur unnhone ne aapni talwar uthai aur Rajkumar Tasha ke ser par tani)

Rajkumar Daksh: lagta hain Rajkumar Daya, aapko aapki behen ki zara si bhi phikar nhi hain..par koi baat nhi jaldi aapke chehre par aapne iss karya keliye paschatap jarur nazar aayega..(aur aisa kehkar Rajkumar daksh ne aapni talwar uthai aur Rajkumari Tasha ke sidhe gardan par waar ko karne wale use kendrit kiya, waha par maujood harek ke sharir par yeh nazara dekhkar kanta ubhar aaya, Rajkumar ABhijeet ne aapne puri takad lagalkar aapni behen ki taraf aapne kadam badhne lage, par unnhe sewakon ne maar dekhkar niche gira diya, Rajkumar Rajat aur Rajkumari Tarika, Rajkumar Daksh ki yeh harkat rokne keliye unki taraf badhe par unhe bhi sewakon ne rok diya. Aapni puri takad ko kendrit karte huwe, Rajkumar Daksh kaafi tezzi se aapni talwar Rajkumari Tasha ki taraf badhai, par ise pehle ki wah janlewa waar kar paye use pehle ki teen baan tezz gati se aakar unnse takraye, do baan Adaitya Rajya ke mahal ke mukhya dwar ke taraf se aaya toh ek baan, Mahal ki upar manjil se aakar Rajkumar daksh ko laga, Mahal ke mukya dwar se aaya huwa ek baan ne Rajkumar Daksh ke kandhe par war karke unke jhakmi kar diya aur usske pichle wale ne unke Talwar ko chote huwe gujura aur Mahal ke upri manzil se aaye huwe bann ne Rajkumar Daksh ke pith per war kiya. Achanak huwe iss waar se waha par maujood sare log chauk chuke the, unhone hairaniyat se unn bann ke chalaye gaye nishane ki taraf dekha, ise pehle ki who kuch samjh pate, toofan ki tarah tezz gati se ek ghoda dwar se aaya aur Rajkumar Daksh ke samne khada huwa, usspar maujood ghudsawar ne ghode ki rassi khinchi aur ghode ne aapne samne ke pair uthkar Rajkumar daksh ko jhtaka diya, waha par mujood anay sainikon bhi uss ghodne jhtaka mare jisse wah sab waha se bhag gaye, ek baar wah sab dur jane ke baad wah ghudsawar niche utara aur ussne Rajkumari Tasha ko uthaya, Rajkumari Tasha ke ghaw dekhkar wah kaafi chintit ho uthe, unnhone use aapne gale lagakar unnka naam pukarna shuru kiya, par Rajkumari Tasha ne koi jawab nhi diya. Wah baar baar akrosh main Rajkumari Tasha ka naam pukarne laga phir bhi Rajkumari Tasha waise hi padi rahi, unnke sharir main jara bhi harkat nazar nhi aarahi thi, unnki sanse bhi kaafi dheere dheere chal rahi thi, aise sthithi main unnka zinda rehne ki shaswati nazar nhi aarahi thi, Rajkumari Tasha ki halat kaafi chintajank thi aur gujurate huwe samay ke sath wah aur kharab hone ki sambhawna thi.

Unnpar huwe gaye iss humle se Rajkumar daksh ko kafi gussa aagaya tha, unnhone aapne humlawar par nazar daali aur paya ki unka humlawar ek yuwak naujawan tha, unhone ghrunata bhari nazar se use dekha, ab unnke dimag main bhi atyant krodh ubhar aagaya tha, gusse main unhone unnpar lage huwe dono baann nikal diye aur unhe phenk diya. Do bann lagkar bhi Rajkumar Daksh ke chehre par jara sab hi dard nazar nhi aarah tha, bus gusse aur badle ki bhawna hi jhalak rahi thi, unnhone aapni talwar ek baar phir se thani aur ek baar sab par nazar ghumai, Rajkumari Tarika ab Rajkumari Tasha ki halat ko nihar rahi thi, joh ek yuwak ke haathon main aapan ser rakhe bejan padi huwi thi, Rajkumar Rajat unnse kuch hi der par maujood the, unke theek bagal main ek ladki thi, joh shayad Rajkumari thi aur unse thode dur Rajkumar Daya, Rajkumar Abhijeet ko chudane main lage huwe the. Ek baar unhe chudane ke baad, Rajkumar Abhijeet aur Rajkumar Daya aapni behen ki taraf badhe, unhone dekha ki Tarika, tasha ke jhakmon ko nihar rahi thi, Rajkumar Abhijeet ne chintit hokar unse sawal kiya.

Rajkumar Abhijeet: Tarika, Tasha kaise hain..wo..

Rajkumari Tarika ne aapne ser nirasha main hilaya, unke chehre par ghabrahat saf jhalak aarahi thi.

Rajkumari Tarika: Abhijeet, halat gambhir hain..kuch kaha nhi jaa sakta..

Rajkumari Tarika ki yeh bateein sunkar, sabke sharir se pran hi nikla gaya, unki yeh bateein sunkar , wah yuwak bol pada.

"aisa mat kahiye, Tarika..kuch bhi kariye isse bacha lijiye..Tasha.."

Uss yuwak ki batein sunkar, Tarika ne use hosle dete huwe kaha.

Rajkumari Tarika:Rajkumar Vivek, dhiraj rakhiye, hum porri koshish karenge Tasha ko bachna ki,par..

isse pehle ki Rajkumari Tarika aapne wakya pura kar pati, unke kaanon par ek dard bhari cheenk padi, sablogon ne aapni nazar uss chenk ki taraf ghumai aur paya ki Rajkumar Rajat ke kandhon se khoon behe raha tha. Rajkumar Daksh ne ek kaafi tezz waar unke kandhe par kiya, waar kaafi ghehra tha aur kaafi matra main khoon beh raha tha, isse pehle ki Daksh aapna dusra waar kar pate, Rajkumar Daya ne Rajkumar Daksh ka haath tham diya aur unke waar ko bich main rok diya. Aapna waar rok jane ke karan, Rajkumar Daksh ko kaafi krodh aaya, unhone Daya ko aapne dusre haath se ghusa mara aur aapni pakad unnse chuda li. Rajkumar Daksh ka gussa takadwar tha, unka haath padte hi Rajkumar Daya uss jhatke se thode piche hat gaye. Rajkumar Daksh ne ne aapne sainikon ko adesh diya.

Rajkumar Daksh: Sainikon, Khatam kar do sabko..( Rajkumar Daksh ka adesh milte hi unke wafadar sainikon ne aapne kadam bakion ke taraf badhaye. Rajkumar Daksh ki yeh harkat dekhkar, Rajkumari Tarika kaafi gussa ho chuki thi, pehle Rajkumari Tasha ki yeh halat, upar se unke bhai par humla, aura ab yeh ..unhe Rajkumar Daksh ka yeh wyawah bilkul bhi raas nhi aarah tha, par wah janti thi ki ab stithi bikat hain, iss samay unhe krodh se nhi balki shant rakhkar aapna kadam badhna hoga, aise stithi main yudh karna theek nhi hoga, iss waqt agar koi karya mhatwa tha toh wah tha Rajkumari Tasha ko surakshit jagah pochnke unka ilaj karna, issiliye unhone Rajkumar Daksh ko samjhne ki koshish ki.

Rajkumari Tarika: rukiye, Daksh! Meri baat suniye..( Tarika ki baat sunkar Daksh ne sainikon ko rukne ka adesh diya, sainik ruk gaye hain yeh dekhkar Tarika ne aapni baat shuru ki) Daksh, yeh sab rokiye..yeh yudh humare aur aapke bich main hain, Rajkumari Tasha ko chod dijiye, innhe ab ilaj ki sakht jarurat hain, warna halat aur gambir ho sakti hain..

Rajkumar Daksh: Tarika, an nhi..ab baat kaafi aage chali gayi hain..ab koi piche nhi hatega nhi kissi ko baksh diya jayega..ab sabko bhugtna padega..ab yeh yudh bas humare aur apke bich nhi raha..ab hum kissi ko nhi chodenge. Yadi humne asia kiya toh woh humare kshan ke khilaf hoga..aur waise bhi iss yudh main koi bhi mare hume use kya?

Rajkumari Tarika: Daksh, samjhne ki koshish..

Rajkumar Daksh: hume kuch samjhne nhi hain Tarika (gusse main chillate huwe) Ab ya toh Maro..ya Maaro..(aisa kehkar Rajkumar Daksh ne aapni talwar uthai aur akraman ka sandesh diya, sare Daksh ke wafadar sainikone bhi aapni talwar uthkar garjana ki)

Sab samjh chuke tha ki ab Rajkumar Daksh ko samjhne ka koi fayda nhi tha ab unke samne bas ek hi paryay tha, Yudh ka, Rajkumari Tarika ne ek baar Rajkumari Tasha ki taraf nazar dali aur Vivek ki taraf dekha,Vivek bhi unki taraf dekh raha tha, Tarika ne anpni nazar unki ghode ki taraf dali aur Vivek ko Tasha ko waha de le jane ka ishara kiya, Vivek ko Tarika ki baat samjh aayi au rise pehle ki koi kuch smajh pata, Vivek ne Tasha ko uthkar ghode par rakh diya aur khud uss par sawar hokar Mahal ki taraf badhne lage. Wah sab kuch kshanik tha, ise pehle ki koi aapni aakhne jhapkata Vivek, Tasha ko lekar ghode ke saath Mahal ki Mukhya dwar ki taraf badh chuke the, par afsos ki baat, ise pehle ki wah uss Mahal ke dwar se nikal pate, Rajkumar Daksh ke sainikon ne unhe wahi par rok diya, aur unnpar aapni talware tang di, jiski wajh se unhe wah rukna pada. Rajkumari Tarika ki yeh chaal nakam hogai thi, wah bas waha se Rajkumari Tasha ko nikalna chathi thi jisse unki jaan bach sake par Daksh ke satarkta ke karan wah aapne chaal main safal na ho pai, Tarika ki namkamyabi dekhkar Rajkumar Daksh ko behet khushi huwi.

Rajkumar Daksh: tch..tch..Tarikaa, aapki tarkib toh achi thi par kya kare afsafal hogai, ab kya karegi aap? kaise bachayegi, aapke iss Rajya aur inn logon ko? (Rajkumari Tarika ke taraf kuch kadam bdhtae huwe) Agar aap aapni pratishtha aur swabhiwan ka jyada wichar na karti toh aaj yeh sab nhi hota, kaafi log bach jate, par aapko toh ..par aapko toh bas aapne Swabhiman ki padi thi. Ab dekhiye, aapke iss swabhiman ki wajh se kitne log mrityu ke ghat utar te hain, kewal aapki aakad ki wajh se aaj kaafi logon ko aapne jaan se haath dhona padega..aur itne sare mason logon ki jaan jimmedar sirf aur sirf Aap hi hogi! ( Daksh ne Tarika ko chetwani dete huwe kaha) aur Rajat, tum..( Daksh Rajat ki taraf badhe joh Tarika se kuch hi dur khade the, unnke kandhe se khoon ki dhara lagtar behti jaa rahi thi,issiliye use rokne keliye unhone uss jhkm ko apne dusre haath se pakad rakha tha. ) tumne bhi humare liye kaafi pareshaniya khadi ki, agar aap humare saath haath milalete aur hume sahyog karte toh aapko itni takleefon se nhi gujarna padta aur nhi aapke iss rajya ki durdasha dekhni padti..

Rajat: Daksh, humare Rajya ki durdasha keliye sirf apka pariwar hi jimmedar hain,sare wyawastha ko jinjhodkar rakh diya hain aapne, sare Rahiwasionke durdasha keliye main aur Tarika nhi balki tum aur digvijay doshi ho..tumlog ne joh humare pitashri ke jorpar tumahari joh yeh dahshat ki hukumat shuru ki hain na use toh hum sab khatam karke hi rahenge..

Rajkumar Daksh: Rajat, theek se dekho yeh stithi, aapne asspas ke sarowar ko, tum sab log mere sainikon se ghere huwe ho, tumahre joh wafadar sainik hain woh haath ke ginti barabar hain, aise main tum mujhe khatam karoge? Mujhe? Rajat, iss yudh main jeet mere hi hogi yeh samjh lo tum..

Rajat: Daksh, hum bhale hi kum sankhya main hain,par jeetenge toh hum hi, kyunki jeet humesah sachai ki hoti hain, Swayam Mahabharat main bhi, jeet panch pandavon ki hi huiw thi, sau kauravon kin hi..( Rajat ne muskurahate huwe jawab diya, Rajat ke iss shant swarop ke diye huwe jawab se Daksh ko gussa aaya aur ussne apne sainikon ko adesh diya, par iss baar bhi unke war ko rok diya gaya. Tezz gati se ek ghode Mahal ke pichle hisse se daudte huwe aaya, uss par ek insaan sawar tha,Daksh ne uss insaan ko turant pehchan liya)

Rajkumar Daksh: BABA Freddyreshwar..

BABA Freddyreshwar ne aapna ghode Tasha aur Vivek jiss ghode par sawar the usske pass rokha, BABA Freddyreshwar ko dekhkar Rajkumar Daksh ko kaafi gussa aaya unhone gusse se unki taraf dekha, par achnaka unke kano par ek awaz padi, unhone asman main dekha aur paya ki ek panchi asman main ghote laga raha tha usne ek awaz lagayi, uski awaz sunkar Rajat use pehchan gaya,

"Saras" uske muh se nikala.

Jab sab asman main uss panchi ko dekhne main wyast the tab Mahal ke disha se koi daudta aaya, usne aapne samne aane wale har sainik ko apne raste se hata diya aur waha aakar Tarika ke samne khada hogaya, usne apni ek gurahat nikali use waha dekhkar sare sainik darr ke marre kampane lage, Rajkumari Tarika ne turant uske samne aapna ser jhukar use dhanywad kaha.

Duncaan ne Tarika se apni nazare hatayi aur ek baar usske samne khade sabhi logon ko dekha, unhe dekhkar ussne ek gurahat nikali aur apne pair jamen par gadaye aur humla karne keliye wah satark hogaya, wah dhyan se sabhi logon ke harkaton par apni nazar lagaye baitha tha ab use intejar that oh bas Tarika ke adesh ka.

Waha ki paristithi kuch ki kshan pehle alag thi aur ab alag nazar aarahi thi, sare pase palat chuke the aisa lag raha tha. Ab aisa lag raha tha ki Rajkumari Tarika aur Rajkumar Rajat ka paksh bhari hogaya tha, unn sabke chehre par halki se musukurahat aayi aur wah jung jeetene ki ek umeed unke mann main jagi, par filhal iss jung se pehle Rajkumari Tasha ko waidik madad dena jyda jarurat thi issiliye bina waqt gawaye Rajkumar Rajat ne BABA Freddyreshwar ko Mahal ke andar jane ka sanket diya jaha wah Rajkumari Tasha ke jhakmon ki janch karke usspar marampati laga sake.

Isse pehle baki log kuch samjh pate BABA freddyreshwar aur Rajkumar Vivek ne apne ghode ki lagam khinchi aur toofan ki rafter se Mahal ke taraf badhe, Rajkumar Daksh ke wafadar sainikon ke kuch samjh nhi aaya par halat samjhne lage tab unhone apne dhanush par bann chadaya aur unke taraf marne lage par unki iss akraman ko bhi muh tod jawab diya gaya, Mahal ked war par kahdi Dakunaito aur Rajkumari Tarika ki wafadar dasi Ananya ne un sare bano ko Rajkumar Vivek, Rajkumari tasha aur freddyreshwar ko chune se pehle hi jameen dost akr diya gaya. Wah Mahal ke darwaze ke taraf tainat hokar sare banon ka pratiwar kar rahi thi, ek baar wah teeno Mahal ke andar surakshit aachuke hain iss baat ki shashwati karne ke baad unhone pratiwar rokha, Dakunaito ne Ananya se kehkar unn teeno ko mahal ke kissi surakshit kaksh main le jane keliye kaha jaha par BABA Freddyreshwar Rajkumari Tasha ke theek se ilaj kar sake, Ananya ne unhe Tarika ke kaksh main rakh diya aur BABA ko sare jarurat ki cheezein bhi dila di jisse Rajkumari Tasha ke ilaj main koi kami na ho, jab wah Rajkumari Tarika ke kaksh main pochne tab Rajkumar Vivek ne BABA , Tasha aur Ananya ko uss kaksh main bahar se band kar diya taki koi sainik ander prawesh na kar sake, wah khud uss kaksh ke darwazein ke bahar tainat rahe taki agar koi sainik aaye toh unka khatma kar sake.

Yaha Mahal ke bahar bhi yudh chid chukka tha, sare log apni puri takad lagkar ek dusre ko khatam karne keliye jut chuk the, Rajkumar Daksh ke wafadar sainik aur Adaitya Rajya ke wafadar sainikon main kaafi ghamasan yudh shuru ho chukka tha, dono taraf ke sainik jhakmi ho rahe the kuch sainikon ke mrityu bhi ho chuki thi par phir bhi yudh rukne ke naam nhi le raha tha.

Rajkumar Rajat aur Rajkumar Daksh ke bich kaafi joron se talwar bazi chal rahi thi, dono barbar ke yudha hone ke karan ladai kaafi joronse ho rahi thi, dusri oar Rajkumar Abhijeet aur Rajkumar Daya bhi joron se baki logon ko harane main lage the, dusri oar Rajkumari Muskaan aur Rajkumari Tarika aur Dakunaito bhi aapna kaam safai aur nidar hoke kar rhai thi. Waha Mahale ke andar, Rajkumari Tarike ke kaksh ke bahar Rajkumar Vivek bhi sainikon ko sabak sikhane main wyast the. Inn sabke saath Dunccan (Tarika ka paltu tendua) Saras (Dakunaito ke paltu cheel) Gajraj (Daya ka yudh ka hathi) chetak (Rajkumar Abhijeet ke ghoda) yeh bhi aapne malikon ka bina dare saath derahe the, Duncaan ne aapne tezz tarare daton se kaafi sainikon ko jhakmi kar diya tha aur saras ne bhi kai sainikon ke ser par aur hath par aapni tezz chocnh marke unki ghyal kar diya, Gajraj ne kaion ko apne pair ke niche khuchal diya tho kuch ko apni sund main pakadkar hawai safar ka ehsas dila diya, chetak ne bhi apne majboot pairon se kainonko laat se ghyal kar diya tha.

Rajkumar Rajat aur Rajkumar Daksh ab ladte ladte Mahal ke andar pohchn gaye the, dono thode matra main jhakm ho chuke the, ladhai ke bich main dono ki talwar ne ek dosre ko jhakmi kardiya tha. Ab ladte ladte wah Mahal ke upari manjil taka a chuke the, wah manjil zameen se kaafi uoar thi, agar koi uss manjil se niche gir jata tho wah uss isnan keliye janlewa ho sakta tha, aur yeh dono uss manzil par lad rahe the, kaafi baar dono manzil ke chath se thode hi duri par rehte aisa lagta ab kissi bhi kshan main dono main se koi ek uss manjil se niche gir jayega aur uski mrityu ho jayegi. Kabhi Rajat uss manjil se girne ki kagar par the tho kbhi Daksh.

Ek mauka aisa aaya ki jab Rajkumar Daksh uss manjil se niche gir hi chuke the par unnki behen Maya ne aakar unhe bacha liya, jab Rajkumar Daksh uss manjil se niche gir gaye the, tab Rajkumar Rajat unnpar apna aakhri war karne wale the, par piche se maya ne aakar Rajkumar Rajat par apni talwar se war kar diya aur turant apne bhai ko, joh uss waqt manjil ke chat ko pakde latke huwe the unhe upar kheench liya. Unhe sahi salamat bachne ke baad inn done ne Rajat par humla shuru kiya, bechare Rajat ek hi waqt par dono se lad rahe the, aisa karne main unke kaafi dikatein aarahi thi phir bhi wah apni puri takad laga rahe the, par waha akele kab tak ladte,aisa lagne laga ki Rajat ki mrityu ab nischit hain tabhi achnak Duncaan waha aaya aur wah Rajkumar Daksh par jhapta ussne Daksh ke pair ko aapne muh main lekar use jor se kehncha jisske wajh se Daksh ke pair ki haddi tut gaya aur wah dard se karrha uthe, aapne bhai ke iss halat ka Maya ko kaafi gussa aaya aur wah Rajat par war karne keliye aage badhi par ek jorse teer aakar unke dil ke aarpar chala gaya, wah teer aur koi nhi balki Dakunaito ne chalaya tha, Rajat ne use ser hilakar dhanyawad kaha usne bhi apna ser hilaya. Wah teer dil ke aarpar jane ki wajh se Maya ki turant maut ho gayi ne bina waqt gawaye apni talwar uthai aur ek hi waar main Daksh ke ser unke dhad se alag kar diya. Sarwatra unnke koon ke chinte phail gaye, par unki karmon ki saja unhe milna bhi awshak tha, issiliye unki maut ka Rajat ko jara sab hi afsos nhi huwa. Daksh aur Maya ko khatam karne ke baad Rajat aur Dakunaito baki logon ki madad karne keliye badhane lage, jab Rajat aur dakunaito uss manjil se niche jaa rahe the tab achnak Rajat par kissine humla kar diya, unki taraf kissine bann marra tha par uss humla war ka nishana theek na hone ki wajh se joh bann dil ke taraf marra gaya thaw ah pet par laga, bann kafi andar tak chala gaya tha, ghaw kaafi gehra tha, Rajat ki yeh awstha dekhkar Dakunaito turant unnki taraf badhi, unhone humlawar ko dekhne keliye apni nazarein ghumai aur paya ki Digvijay hi the jonhone Rajat par humla kiya tha, yeh dekhkar Dakunaito ke dimag main krodh ubhar aaya, ussne dekha ki Digvijay aur ek baan Rajat ki taraf ki marrne ki tayari kar rahe hain aur yeh war rokne keliye wah turant uski taraf badhi, Digvijay ne apna bann choda par Dakunaito ne uss bann se apna bchaw kiya aur Digvijay se wah bann chene ka prayas karne lagi, par Digvijay bhi takdwar the, Dakunaito ke samne unka baladhay sharir aur takad kaafi jyada thi, unhone Dakunaito ko jorka thapad lagaya jisski wajh se dakunaito thode dur jake giri, Digvijay ne apne kadam Rajat ke taraf badhaye joh iss waqt apni ghaw ke wajh se jameen par baith gaye the, Digvijay ne apni talwar nikali aur Rajat ke ser ko unki dhad se alag karne keliye apni talwar ki knok ko puri takad ke saath unpar kendrit kiya,par ise pehle ki wah Rajat ko maar pate unka wah war kissine rok diya, rajat ne apni nazare uss wyakti ki taraf ghumai jinnhone unnpar hone wala waar apne aappar le liya tha aur wah awak reh gaye the, wah wyakti aur koi nhi balki swayam Maharaj Shamshersingh the.
Digvijay ke dimag main iss waqt sirf krodh aur badle ki bhawna thi, apne bête aur beti ko khone ke baa dab sirf unhe apne sare dushmano ka khtam karna tha,isiliye jab Shamshersingh ne unki waar ko rokha tab unhe kaafi gussa aya, unhone Shamshersingh ko usi talwar se jorka jhtaka diya aur apni puri takad lagake wahi talwar ko unke sharir se aarpaar akr diya tha. Wah sab kshanik huwa kissiko pata chalne se pehle hi sabkuch hogaya, Rajat aur Dakunaito wahi tainat reh gaye, ise pehle ki wah kuch kar pate Digvijay ne aapni talwar unke sharir main se nikalke ek baar phir unki sharir ke aarpar kar diya.

Jab Rajat ko puri baat samjh aayi tab wah puri takad ke saath khade hogaye aur apne ghawon ke baremain wichar kiye bina wah Digvijay ke taraf badhe unhone Digvijay ko jordar Dhaka lagaya, digviajy thode dur jake gir gaya. Ghaw ki wjah se Shamshersingh zameen par niche gir gaya, ise pehle ki wah puri tarah se hir pate Rajat ne unhe sambhal liya aur unka ser apni god main rakha liya, apne pitah ki yeh halat dkehkar Rajat ko bohaut dukh aur afsos ho raha tha. Mana ki ajtak Rajat ne apne pitah ka dusahas hi kiya tha aur har waqt wah apne pitah ko galat hi mante rahe par aaj unhe iss halat main dekhkar najane kyu par Rajat ke dil kamnh uth raha tha, apni maa ko gawane ke baad wah apne pitah ko gawana kabhi nhi chathe the, par ghaw kafi ghera tha aur bachneke ki koi bhi umeed nazar nhi aarahi thi, Shamshersingh ne ek baar apni bête ki taraf dekha, Rajat ke ankhon main ansson nazar aarahe the, aja pehli baar wah apne bête ki ankhon main unkeliye pyaar ki bahwan dekh rahe the, unke haath ek dusre se jud gaye, wah Rajat se apne kamon keliye maafi mang rahe the,

"ho sake toh mujhe maaf kar dena.." (unhone haath jodkar Rajat se maafi mangi, par ise pehle ki wah kuch aur keh pate unki sansein tham gayi aur wah gujar chuke the.)

Rajat tham se gaye,unkeliye wah sab ekdum sa shant hoagay tha, unhone apne pitah ki taraf dekha wah nischint hokar unki god main pade the, bachpan se leke ab tak ki sari yadein ek dum se Rajat ke mann main jag uthi unhe iss baat ka abhas bhi nhi huwa ki wah iss waqt yudh bhumi main khade the unkeliye iss waqt ab apne pitah ko khone ka gum jyda tha, unhone kabhi nhi sochtha tha unhe yeh din bhi dekhna padega, apne maa ko kho jane ke baad Rajat kafi sanwedenshil ho chuke the apne pariwar ko lekar issiliye wah humesha Tarika ke ird gird raha karte the taaki unhe koi chot na pochne, hala ki wah apne pitah se dur the par unpar bhi unka dhyan kayam tha, unke pitah ke dekh rekh keliye unhone Niketan ko wahi rakha tha joh unse judi har baat Rajat tak pochahn tha.

Rajat ne apne hathon se apne pitah ke ankhon ko halke s eband kar diya, yeh karte waqt unhe kafi yatna ho rahi thi yeh unke kampte hathon se hi nazar aarah tha, apne pitah ke maut keliye wah khud jimmedar hain aisa unhe mann hi mann lag raha tha, agar unnke pitah bich main na aate toh ab unke pitah ke jagah wah mar jate iss bat main unhe jara sab hi khed nhi tha.

Dakunaito joh Rajat ko nihar rahi thi, samjh gayi ki Rajat ke mann main kya chal raha hain, aakhir unke sabse achi doston main se aik thi wah, aur dono ek dosre ke kaafi kareeb hone ke karan ek dusre ki baatein bina bole bhi samjh aajti donon ko, Dakunaito, Rajat ke pass akar baithi aur usne uske kandhe par haath rakha, Dakunaito ke haath padte hi Rajat bolne lage jaise uske sparsh se uske bhawnoaonka bandh tut gaya ho,

"yeh sab meri galti hain.."

"Rajat, issmain tumahri koi galti nhi hain, khud ko doshi tehrana band kar do.." Dakunaito ne samjhate huwe kaha.

"nhi, iskeliye main jimmedar huin, agar pitaji bich main na aate toh aaj wo jinda hote,.."

"Rajat, tumahre pitah tumse pyaar karte the, agar tumhe kuch ho jata toh woh kya shanti se jee pate, unhone tumari khatar apni jaan kurban kar di..unnke iss kurbani keliye unhe doshi theranaina kya sahi hoga?"

Dakunaito ke shabdon se Rajat ke dukha ko kuch had tak kum kar diya par phir bhi unke mann main abhi bhi apne pitah ko khone ki bahwna thi, aur dakunaito ke shabdon se wah bhawna anson ke rup main samne aayi. Yah pheli baar tha jab kissi ke smane Rajat ke ansoon nikal aaye the, Dakunaito ne unhe hosla dene keliye wahi stithi main lage lagaya, wah stithi yogya nhi thi yeh dono jante the par iss waqt dono ko ek dosre ki jarurat thi, ek dosre ki shakarya ki, wah kuch kshan aisa hi rahe.

Dusri oar Digvijay joh Rajat ke dhake ki wajah se niche gir gaye the wah uth gaye the, ser paer chont lagane ki karan wah thodi der beshosh rahe par kuch hi kshan main wah hosh main aagaye, hosh main aajnake baad unhe apne asspass dekha aur paya ki Maharaj Shamshersingh ki mrityu hogai hain par Rajat abhi bhi sahi salamat hain, unki god main Maharaj SHamshersingh ka shaw pada hain aur unke theek baju main Dakunaito hain joh iss waqt unhe hosla de rahi hain, Digvijay ne Rajat aur Dakunaito ko khatam karne ki soch li aakhir unn dono se unki kaafi dushmani thi, kyunki unn dono ki wajh se Digvijay ko kaafi arthik nuksan uthna pada tha, unlogon ne unke kaafi karyon ko safal bhi kar diya tha, dono ko ek saath khatam akrne key eh mauka acha hain yeh sochkar Digvijay apne asspass shastra dekhne lage, ek kone main unhe dandpatta pada huwa mila, uhone socha ki dandpatte ki ek hi waar se dono ko khatam akre, issiliye unhone dandpatta utha liya aur kaafi satrak hokar unki taraf abdhne lage, Dakunaito, Digvijay ki taraf peth karke baithi thi issiliye use Digvijay kea ne ki baat pata nhi chali aur Rajat ke ankhen band thi issiliye unhe bhi yeh baat nazar nhi aayi.

Digvijay ne Dakunaito par pehla waar karne keliye apna haath uthaya aur uski taraf jorse marne hi wale the ki kisisne piche se awaz lagayi,

"Rajkumar Rajat niche jhukiye.."

Apna nam sunkar Rajat ne turant akhen kholi li, samne ka nazara dekhkar wah ascharya chakit reh gaye, Dakunaito ki taraf dandpata aaraha hain yeh dehkar unhone turant Dakunaito ke saath dusri taraf jhukar dandpatta ke waar se bach gaye. Aapna waar ek bar phir chuk gaya hain yeh dekhkar Digvijay ko kaafi gussa aaya, kiss wyakti ne chillake Rajkumar Rajat ko bachaua yeh dehkne keliye Digvijay mude aur dekha ki ek Rajkumar Vivek tezz gati se daudte huwe unnki taraf aa rahe hain, ise pehle ki woh kuch smajh pate, unnke sharir ke aarpaar Rajkumar Vivek ki puri talwar jaa chuki thi, Rajkumar Vivek ne kaafi takad ke saath apni talwar ko ghusaya tha, par Digvijay abhi bhi piche hatane keliye tayar na the unhone apne duse haath se Rajkumar Vivek ka gala dabaya aur use zameen se upar uthaya, unhone itne jor se Rajkumar vivek ka gala dabaya ki unke nakhun tak unhe main gad gaye, Rajkumar Vivek unki pakad se chutne keliye kaafi koshsih karne lage par kuch kaam main nhi aarha tha, Digvijay ke baladhay sharir ke samne unka chote kad ke sharir kam nhi kar raha tha, Rajat aur Dakunaito, Rajkumar Vivek ki madad keliye agae badhe par koi aur bhi tha jissne yeh kaam pehle kar diya, tezzi se aakar Duncaan ne Digvijay ke haath par jhapta mara, Duncaan ne apne sare data DIgvijay ke hatah main dhasa diye jisse wah Rajkumar Vivek ko pakade huwe the, Digviajy dard se karrha uthe unhone Rajkumar Vivek ko chod diya, Digvijay ne apne dusri hatah de duncaan ko piche hatane ki kaafi koshish ki par wah asafal huwe, DUncaan ne apne takadwar daat kaffi andar tak ghuse rakha the, Digvijay Duncaan hotane keliye kaafi koshish karne laga aur issi koshish main kab wah uss manjil ke chath ke kinare aakar kahde huwe yeh unhe pata nhi chala, Duncaan ne Digvijay ke haath ko jhatke se choda jisse Digvijay ka pair phisal gaya aur unki niche girke mrityu hogai.

Khud malik ki hi maut hogai hain yeh dekhkar Digvijay ke wafadar sainikon ne hathyar daal diye aur waha se bhaag gaye, sab achanak se shant hogaya, joh jagah thode kshan pehle yudh bhumi huwa karti thi wah ek dum se sunn pad gayi, puri jagah khoon se sani huwi thi, kuch sainikon ke lashein bhi nazar aarahi thi, Rajat ne uss manjil se niche dekha, wah Digvijay ki khoon se latpat lash nazar aarahi thi, Rajat ne aapni nazare upar asman ki taraf ghumai, asman main halke halke sunehri kirne bikhri nazar aarahi thi, purab se naye din ko aagman karta huwe Suraj dewta ubhar aarahe the. Par aaj ke suryoday main ek baat alag thi, aaj ka Suraj na hi kewal naye din ka aarambh kar raha tha balki wah ek naye Adhya ki aahat bhi aapne saath lekar aaya tha.

Rajat, Dakunaito aur Rajkumar Vivek ussi manjil par kahde hokar waha ki paristithi nihar hi rahe the tab Rajkumari Tarika daudte huwe waha aai, apne bhai ko theek halat main dekhkar unhe bohaut khushi huwi, unhone khushi ke maare daudte huwe jakar unhe kaske gale lagaya, kuch der baad wah Rajkumar Abhijeet aur Rajkumar Daya, Rajkumari Muskaan ke saath aaye unke saath Nikhil bhi tha, sab sahi salamat hain yeh dehkar sabne mann hi mann main bhagwan ko shurkiya jarur kaha hoga.

Sabhi log jhakmi the, jhakhmon se kaafi khoon bhi beh raha tha par sablog apne iss jeet ki khushi main itne wyast the ki wah jhakm ka dard bhi unhe acha lagne laga tha. Aapnon ko khone ka dard tho tha aur wo humesha rahega par wah sab jantte the ki unhe jeena hain, khud keliye, apnon keliye aur apne rajya ke rahiwasionkeliye.

AN

Share your views about this chapter too :)

Finally its' done.

Agar koi mistakes hain toh extremely sorry.