Dareya-Jab We Met..
Hope u will enjoy it..
It was rainy season...
Aaj aasaman girgaya tha..badal girh aaye the..bonde bas barsne ko thi..
Thodi der phele hi maa ne bataya tha ki mumbai mein bhi barish horahi hain..
Palak ke pakode banaye hain..tere papa to teen plate pakode kha chuke hain..
Kash main bhi papa ki plate se pakode leke kha pati..
Maine socha par maa ko kuch kaha nahi wo khamakha emotional hojati..waise bhi gossip karne ki ya emotional hone ki koi wajaha maa chodti hain bhala..maa ne kaha
Parso holi hain tu aarahi hain na...kitna waqt hogaya hain saath holi pe mile..tujhe to maa baap ki yaad hi nahi aati unke mathe pe holi ka tika lagne ko dil nahi karta na..
Thodi der ki khamoshi ke baad phir maa ne kaha..
hello shreya aawaaz arahi hain meri shreya..
Udhar maa hello bolti rahi aur idhar main khoyi hui thi aur phir main kuch kehti usse phele hi phone kat gaaya..
Pata nahi papa ye landline hata ke naya mobile kyu nahi lelete,hamesha hi adhi baat mein hi phone disconnect hojata hain.
Main society ki bench pe bhethe hui,society mein cricket khelte huu bacho ko dekh rahi mere haato pe kuch bondo ka ehsaash hua to main upar dekha aur jab tak dekhti rahi tab tak ye boonde mere saare chere ko nahi bhigo diya.
Maa kehti hain main pagal hu..haa pagal hi hu main..agar nahi hoti apna ghar apni city mumbai ko chode yaha delhi mein holi ke samay,in anjaan chero ke beech nahi padihoti..
Kitne mahine hogaye maa ke haath ki puri sabji khaye hua..papa ki dath khaye hui,apnee taffi ke saath khele hui usse haath lagaye hui... aur us mogli ko pareshan kiye hua...
"MOGLI"
Haa mogli naam rakhatha maine uska..
Main Bheeg rahi thi aang se bhi aur maan se bhi..wo saari yaade mere dil mein se ubhar ke mere samne agayi thi..wo meri sher ki yaade mere samne ek purni jaani phechani chere banaye jaa rahi thi..aisa lag raha tha jaise wo samay wo pal wo ehsaas wwo jasbat sab wapas aagaye hain...kitna acha tha na wo pyaara.
Kuch saal phele-
Chath pe Baarish mein bheegte hui wo idhar se udhar ran banti hui main aur har bowl pe run out karne ki appeal karta guddu..aur har 5 mint ke baad awaaz lagti maa..
Oye bandriya abh aati hain neeche ya main aauo upar.
Offho maa last over hain abhi khatam hojayega main aati hu..
Main kehti..
Last over haa...hmm last over mera wo last over tab tak chalta jab tak hum match jeet nahi ball pe boundrie na ho wo ya to wide ya no ball hojati thi..meri icha mera bat mera tounament aur samne mujhe 6/7 saal ke chote bache...
Mohale mein kisi team mein unhe jagaha nahi milti thi isliye unhe main...haa main unhe khelne ka moka deti thi.
Kya yahi kaam tha unke liye isliye is game ke rule bhi mere hisab se hote the aur phela rule tha meri team jeetni chaiye kisi halat mein wo har nahi sakti thi..
Ye guddu ye no ball thi..vicky ke bache itni fast bowling kyu kar raha hain..main nahi khelungi phir,main har ball pe baate bana deti aur bache sar jhuka ke mera faisla maan lete..
Palstic ki ball se chath pe khelne par papa kabhi kabhi naraz hojate the..shor hala karne ke karan maa gussa hojati thi..chote hi sahi par ladko ke saath cricket khelne par dadi naraz hojati thi,kul mila ke achi kat rahi meri thi..
Cricket khelne ke alwa main bas aur ek hi kaam karti thi chath pe bane ek kaamre mein main raat ko bhete purne kapdo se ball banati thi aur baki bache kapde se taffi ke liye designer kapde silna..
Raat ko wo kamra taffi ka hota tha kyu ki dogi ko andhar ke kamre mein sulane se maa ko gussa aata aur phir dadi ki baate suna padta isliye taffi ko wahi rakhna padta.
12 ke exams ke baad ek mahine ke liye main apne mama ke ghar Ahemdabad gaayi thi aur jab lauti to dekha ki taffi ke kamre pe kisi aur ka kabza hochuka tha..
Papa ke kisi frnd ka beta tha..wo abh the nahi aur uski halat aisi nahi ki yaha mumbai mein koi rent pe ghar le saake..MSC ki padai kar raha tha aur saath hi police ki traning le raha tha shayad.
Isse to police nahi gunda bana chaiye..kisi ke ghar pe aise todina kabja karte hain..mera bechara taffi..
Aur mere pyaare papa,Saari duniya ki social service ki reaponsiblity papa ne hi to le rakhi thi na..
To jab main ghar puchi tab "Shri Pujniya Dayand ji" na sirf taffi ko beghar kar apne kitabo se us kamre pe kabza kar chuke the par use ke saath saath apne ache behaviour se papa maa dadi sabke dil apne liye jagaha bhi bana li thi..
Matlabh pura ghar in shriman se kafi impress tha..bachi main aur naraz tha kyu ki uska ghar chen gaaya tha par main to maha naraz thi dadi ne mera chath pe khelna jo band karwa diya tha..
Badmash,Batmeez,Awara,Pagal, Bewakuf pata nahi kitna naam soche the uske liye par koi naam suit hi nahi karta tha usse..
Main zor se aur shayad taffi ne maan hi maan than liya tha ki in sriman ko to hum sabak shikha ke rahenge..
Par taffi to gadar nikla 1/2 hafte mein hi uss bherupiye ka haath chate nazar agaya bas kuch biscuito pe phisal gaya par maine har nahi mani.
Chath pe khelna mana tha par kapde sukhane aur laane main nahi jaati to dard bhar gutne liye daadi thodina jaati..
Achanak Phir pata nahi dhup mein sukri uski shirt roz chath se gaayab hone lagi aur galli mein khelte bacho ke haath mein ball bani dekhayi dene laagi..
Teen char shirt gaayab hone ke baad usne bhar kapde hi sukhana band kar diya din tak main usko pareshan karne ke liye main khud pareshan rahi..
Aur ek din mere haath ek trump card laga..
Us din main chath pe puchi to wo apne room ke bhar safai kar raha tha jhadu laga raha tha..
Ek purni sleveless Tshirt aur Shorts phene hui bada hi ajeeb lag raha tha wo..usse aise dekh ke mujhe haasi agayi..maine kaise bhi apni haasi ko chupaye rakha..
Roz Subha theek 9:00 baje wo apne college ke liye nikal ta tha aur main dusre din theek 8:45 ko gate ke pass apne vanar sena ke sipayi ke saath uska wait kar rahi thi..kambhakat ye ghadi thi ki 8:45 se aage badne ka naam hi nahi le rahi thi..
Tik-Tik
Tik-Tik...
Ghadi ne 9:00 bajeya,hath mein ek book aur room ki chabi liye wo neech utar raha tha aur usse dekhte hi maine apni sena ko isahara kiya aur wo sur hogaye..
Jungle Jungle baat Chali hain..
Pata chala hain ye..
Are Chadi phen ke phool khila hain phool khila hain..
Usne jhat se upar hum sabki taraf dekha, main aur meri vanar sena has rahe the aur wo sharam se paani paani ho raha tha..
Aur abh finally uska ek permanent naam karan ho chuka tha...aur wo tha
MOGLI...
mogli kahi ka..naam to dediya tha maine par pata nahi abh din kuch badal ne lage the.
Ek din maa ne mujhe data aur kaha ki main badi hogayi hu..dadi to hamesha kehti thi par aaj maa ne kaha to main dhang reh gaayi..
Shreya abh tu badi hogayi hain kuch ghar ka kaam shik le kal ko teri saas mujhe hi taana degi ki maine tujhe kuch shikaya nahi..
Maa ka order tha to abh roz sham ko kitchen mein mujhe present rehna padta tha..
Suru mein aata gutne ka kaam mila wo main bade ache se karleti thi..aasan tha aata lo pani milao aur masaldo..bachpan mein school mein clay se mitti se kahi khilone banati thi to aata gundna aur clay ko gundna ek hi jaise to hain..
Maa ne meri tarif bhi kari..phir sham ki chai aur raat ko dinner ke liye ek sabji banane ka kaam mila abh do hi dino mein maa samajh gaayi thi ki unhone mujhe shabashi kuch jaldi de dithi..
Jeere ki jaha soaf,namak ki jagha soda milane tak to theek tha par jab maine chai ke masla ki jagaha sabji masala chai mein dal diya to maa ne mera demotion kar ke mujhe kitchen se hath ke dusting aur saaf safai ka department dediya phir bhi main badi hogayi thi..vanar sena aur meri dosti ke beech ye mera bada hona aagya tha abh main akeli thi..
Papa ek din pata nahi kaha se Nation institude of fashion ka form leke aaye aur maine bharne se saaf mana kar diya..papa bhadak gaaye.
Phele teacher phir doctor aur phir fashion desiging ka bhoot chada tha tujhe ko abh ye bhi nahi karna to karna kya hain tujhe?zindagi bhar bas haaaa heehehhe karke mazak hi karna hain tujhe,.are kuch to shik le daya se wo kitna kabil hai har cheez mein aur tu hain ki..
Us din bohut dino baad bohut daat padi thi mujhe..Daya ki misal digayi thi mujhe main chali gaayi thi waha se apne aade mein rone ke liye..
Sidhiyo ke piche der tak main bhethe roti rahi..papa ne mujhe daya se sikhne ko kaha..Daya ko hamare ghar rehte hui do saal ho chuke the.
Daya...haa daya na kewal ghar ke logo ke dil mein balki pure mohle aur college mein bhi bada famous tha..usse ki charcha akshar mere dost saheliya karte rehte the.
Wo shaam ko kuch bacho ko tution padhata tha phjr bhi har exam mein uske 90% ke upar marks aate the..papa to iska naam lete nahi thakte the aur mujhe gussa ata tha..pata nahi kyu aata par aata tha..wo padhne mein mujhse nahi balki sabse intelligent tha isliye? ya main usse itna pareshan karti rehti aur wo mujhe chup chap jhelta rehta tha isliye...?Ya phir isliye ki usne "kabhi mujhe nazar bhar ke dekha nahi" isliye..?
*Bohut khubsurat na sahi par achi to main bhi thi.
College mein to kahi mere pyaar mein dewaane the aur kahi ne himat bada ke apne dil ki baat mujhe kehke mera haath ka thapad bhi kha chuke the,kahi ladko ki matao ne to meri maa se mera haath bangne ki jurath bhi kar chuki thi...
Par Bas yahi ek tha jisse mujhe mein koi intrest hi nahi tha..waise to in janab ke zyada dost to the nahi par ek tha jispe meri saheli tarika bada jaan chidakti thi aur wo tha abhijeet ha mogli ke saath hi padta tha aur aaye college fest ya kisi na kisi bhane se ek dusre ke samne aajate amne samne rehne ke karan hum char akshar ek dusre se takra jaate the..
Wo tha ladka jo dil ki baat turant ya direct nahi par indirect tarika se keh deta tha..in dono ko dekh mujhe bohut acha lagta tha aisa lagta tha ye hain ek dusre se bana joda..
Main hamesha tarika aur abhijeet ko dekh ye sochti rehti thi ki kya sach mein pyaar isse kehte hain?kya mujhe kabhi pyaar hoga?
Ek din in saare sawalo ke bich maine pheli bar saree pheni thi haa..green colour ki saree,meri dost tarika ke bhen ki shaadi thi,tarika bhi badi tayari hoi thi aur hogi kyu na akhir uski bhen ki shaadi thi par jo sach tha is baat ke piche jiake liye tarika itni tayar hui tho wo baat to main aur wahi jante the.." Abhijeet ".
Haa abhijeet ko dikhane ke liye wo tayare ho rahi thi aur shayad main bhi us din pheli baar matching chudiya bindi kajal lipstik lagaya aur mirror mein khud ko gor se dekha to main sach mein khubsurat lag rahi thi..papa the ki tarif karte nahi thak rahe the aur maa balaye lete..lekin mujhe to kisi aur ki tarif suni thi..
Main upar jaana chati upar se laane ke bhane main chath pe gaayi aur jab kapde raasi se nikalte hui jaan bujkar apne haato ko jhatka diya taki chudiyo ki awwaz sunkar wo mujhe dekhe aur sunta kaise nahi wahi window ke pass hi to bhetha tha aur awaaz sun ke usne ek baar nazre utha ke upar dekha bhi phir jhat se nazre pherli..
Main gusse jal gaayi..aisa laga ki sari chudiya utar ke phek du bindi sab nikal du..gussa thi bohut aur kyu na hu are abhijeet ne to ek phoolo ka boquet tak dediya tha tarika ko us din aur ek ye mogli jo ek baar nazar bhar mujhe dekhta bhi nahi tha..
Main itna gussa thi ki uske naam se aane wale sare letters main apne kamre mein chupati thi..
Do mahine mein uske 7/8 letter mere pass jama hogaye the..usne ye do saalo mein kabhi koi baat nahi ki thi agar kuch puchna bhi hota to nazre jhuka ke puchta aur main bhi usko muh nahi lagati thi..
Par us din wo bada pareshan tha us din usne mujhese pucha ki..
Shreya wo mera kal Police force ki enterance exam hain aur abh tak hall ticket nahi mili aur postoffice wale bolre ki unhone ghar mein kisi ko diya hain to kahi aapne to nahi dekha..
Main dhag se rehgayi..kya kahu meri kuch samajh nahi aaye,mujhe pata nahi tha ki jo letters maine chupa ke rakha hain usmein unki koi hall ticket bhi hain..main jhat se jaake sare letters lake usse dediye..
Ussne badi tension se saare letters dekha aur hall ticket dhunda..finally milgaya tha,usne apni akhe band ki aur ek lami saas li phir mujhe dekha aur kaha...
Thanks...
Thanks meri wajha se uski saal bhar ki mehnat barbad hone wali thi..mere nadani ke karan uska career barbad hone wala tha aur wo daat ne bajaye papa se meri complain karne ke bajaye mujhe bura bhala bolne ke bajaye wo mujhe thanks bolke gaaya..
Main pura din ek bhar bhi nahi muskurayi bas chup chap seediyo ke piche bhethe rahi..
Sham ko papa ko saab bata diya..papa ne daata bhi mujhe bura nahi laga..bura lag raha to is baat ka ki mogli ne kyu kuch nahi kaha..
Jab raha nahi gaya to main puhuch gaayi uske kamre ke pass chath pe uska darwaza pe knock kiya aur usne door khola,wo heran hogaya mujhe dekhke...main sorry bolne ko words dhund rahi thi aur finally bol padi ki..
Kya aapne letters shambhal ke nahi rakh sakte..
Meri awaaz aur expression mere words se match nahi kar rahe the par wo aaj bhi chup tha bas sar hila ke thik hain kehdiya..
Main wapas aagyi..par dil mein kisine koi dastak dedi ho aisa lag raha tha,mera bachpan sab mere haath se chut raha tha..pata nahi kyu mujhe aisa laga.
Mere BA 3nd year ki exams hogaye the aur mogli ne bhi apni padai khatam kardi thi aur usne police force ki entrance bhi clear karli thi aur abh usse jaana tha abhijeet bhi jaa rahe the par jaane se phele abhijeet ne akhir tarika se apne dil ki baat kehdiya aur usse apne lautne ka intezar karne ko kaha tha..
main subha se hi seediyo ke piche chupi bhethi thi achanak se wo mere samne aa khada hua tha.. ek melting snow mountain ki taraha wo mere samne melt ho raha tha..usne kaha..
Main janta tha tum mujhe yahi milogi..
Usne pheli bar mujhe "tum" kaha tha..maine bhi puch hi dala..
"Aap" abhi jaa rahe hain..
Maine pheli baar usse aap kaha tha..
Hmm 9:00 baje ki train hain..
Usne kaha..hum dono aise hi thodi der khade the mujhe aisa laga ki samay yahi tham jaaye..uske haath mein ek white envelop tha unhone us envelop ko mujhe dete hui kaha..
Tumhare liye..
Unke haath kaap rahe the..maine wo envelop leliya..
Mere haath bhi kaap rahe the..unhone smile kiya aur waha se chale gaaye wo ghar se bhi chale gaye main chath pe khade jab tak usnhe dekti rahi jab tak wo meri aakho se ojhal nahi hogaya..
Pata nahi kab mera dil unhe ke bolne laga usse - unhe tak ka safar pata nahi kab itna dard bhara bangaya..wi chale gaaye aur dukhi thi.
Main apne kamre mein gaayi aur wo envelop khola to dekha ki usmein ek NIFT ka form tha aur saath mein ek letter..
Us letter mein likha tha..
Shreya in kuch saalo mein tumne mujhe bohut pareshan kiya hamesha tumse picha chudana chata tha lekin aaj ja raha hu to acha nahi lag raha..pata hain mere pass ki 6 shirt mein se jab tumne 3 shirt bacho ke haath mein ball banake thama di tab bhi itna bura nahi laga tha..kash tum zindegi bhar mujhe aise hi pareshan kar sakti par shreya jiske kal ka chodo aaj ka koi pata na ho uske zuban se sapno ki baate ache nahi lagti..
Pheli baar hum kabhi mile hi nahi par aaj is akhri mulakat mein main tumhe dil se thanks bolna chata hu as mujhe zindagi ki sabse hasin aur beautiful memories dene ke liye..waise mujhe tumhara diy hua naam bhi bohut acha laga tha jo hamesha mere chere pe ek muskan le aata hain..
"MOGLI"
Aur haa tum green saree mein bohut achi lagti ho..us din keh nahi paaya tha par sach mein tum bohut hi zyada khubsurat lag rahi thi..
Un charo lines ko maine kayi baar pada tha.
Aur in teen salo mein jab se main mumbai se delhi aagayi apne NIFT ki padai puri karne to shayad hi koi aisa din ho jab maine us letter ko na padha ho..
BA ke result ke baad maine NIFT mein admission leliya tha yahi to wo mogli bhi chata tha...course khatam hote hi achi naukri bhi milgayi..
Kaha chala gaya tha wo kisi ko kuch pata nahi tha kayi baar laga ki maa se puchu par puch nahi paayi..tarika ko kya kehti pata nahi vhala wo khud abhijeet ka intezar kar rahi thi.
Barish ruk gaayi thi par meri yaade rukne ka naam hi nahi lerahi thi..mumbai mein mogli ki yaade picha nahi chodti thi to yaha kaha wo yaad nahi aata tha koi letter nahi koi message nahi kuch bhi to pata nahi thana mujhe..
Office mein holi ki chuti thi to maine apna bag pack kiya aur mumbai ki flight leli suprize jo dena tha..
Maa to bawari hi hogayi mujhe dekh ke aur papa ki khushi ka theekhana na tha..dadi bhi bohut khush thi.
Main bohut thak gaayi thi to jaake sogayi thi duphar mein kuch gila gila laage to uthar dekha to taffi tha usse main ne apne baaho mein lelli aur dekha to room ke kone mein taffi ka bistar tha main chuk gaayi aur maa se pucha..
Maa ye taffi ka bistar yaha kyu rakha hain..
Acha yaad dilaya shreya main tujhe se kuch baat karna chati thi..
Kehke maa mere pass aayi aur mera haath apne haatho mein thaam liya aur kaha..
Beta abh teri shaadi ki umar hogayi hain..tune apni padai khatam karli hain achi nakri bhi hain aur abh tujhe ek aise saath ki zarurath hain jiska haath tham ke tu zingayi bita sake..
Maa kya kehna chati thi meri samjh nahi aaraha tha..mujhe to ye jaana tha ki taffi yaha kya kar raha tha..
Mera dil naa jaane kyu itne zoro se dhak raha tha..maine pucha..
Maa aap kya bol rahe ho?
Beta upar daya rehta hain..
Kya?
Main chuk gaayi...daya yaani mogli nahi daya..daya par kab aaye wo aur maa kya kehrahi thi..maine maa ko dekha to maa ne kaha..
Beta daya bohut acha hain aur abh to wo cid officer bangaya hain yahi mumbai branch mein aur uska wo dost abhijeet bhi to hain uski bhi shaadi ho rahi hain wo teri saheli tarika se wo bhi aaj kal school mein vice principal hain.
Mera dil in saari baato se bechan hogaya tha itna sab ho raha tha yaha aur mujhe pata hi nahi tha..maa ne phir baat suru ki to maine unhe dekha..
Baat rahi daya ki to wo nadi ke jaise shant hain jo tujhe ache se shambhalega aur uska is duniya mein koi hamare parivar jaisa hain to tere papa soch rahe the ki agar tujhe koi problem na ho to teri aur daya ki shaadi karde..
Main wahi haka baka rehgaayi..kahi ye koi sapna to nahi itne saalo se jo pyaar ko main apne dil mein rakhe thi wo baghwan ne aise puri kardi thi..maa ne mujhe awaaz lagayi to main apne khayalo se bhar aayi..
Batana shreya tujhe wo pasand to hain na..
Maa aapne usse pucha ki wo kya..
Maa muskurate hui mujhe aadhe mein hi kaat te hui kaha..
Wo tujhese pyaar karta hain pagli..aur ye baat usne khud tere papa se kaha..
Mogli ne..
Maine kaha to maa ajeeb sa chera banate hui pucha?
Kya?
Papa ne haa kardi..par kaise?aur aapne mujhe bataya kyu nahi..
Haa tere papa ko to daya phele se hi pasand tha aur unhe daya ka dil acha laga ki uske dil mein jo tha usne wo saaf saaf kehdiya aur main batana chati thi par ye phone na kabhi bhi beech mein kaat jaata tha..daya tera 2 mahino se intezar kar raha hain..maine kaha tha wo tujhse baat kare par wo tujhe suprize dena chata tha..abh tere faisle ka inteezar hain bata tu kya chati hain..
Main kya kehti maa se..mujhe sharam aarahi thi ya main choki hui thi...main muskarahi thi to maa samjh gaayi akhir maa thi wo samjh thi nahi kya..
Main sach mein bohut khush thi..
Maa ne kaha hum mandir jaa rahe hain to tum fresh hoja aur jaake usse milke aaja...
Main fresh hui aur cupboard khola...
Kya phenu...kya phenu...
Kapdo ke dher ke neeche thi wahi green saree haa wahi phena maine mathe pe bindiya aakho mein naami pyaar matching chudiya sab phen liye maine hooto pe muskan thi aur dil zoro se dhadak raha tha..
Sab jaa chuke the mandir aur main apne aap ko akhri baar mirror mein dekha aur chal padi uske kamre ki taraf,unse milne jo abh mere hone wala saathi the...kya sach mein sacha pyaar isse khete hain kya mujhe sacha pyaar hua tha ya hua hain..
Haa I LOVE HIM..
I LOVE DAYA..
Hamari adhuri kahani puri karne main chath pe puchi to dekha tarika abhijeet aur daya waha meri hi vanar sena ke saath mere hi banaye rules ke saath cricket khel rahe the...
Boss wo no ball tha..
Daya tu har bar ye nahi kehsakta hain.
Abhijeet ne kaha..tabhi tarika boli..
Sherya ko aane do abhijeet dekhna daya ki bhi ye bolti bandh hojayegi.
"Mogl"...NAHI "DAYA" ko pheli baar blush karte hui dekha..Main man hi man muskurayi apne haato se apne chere pe bichare lato ko hata rahi thi tabhi shayad daya ko meri chudiyo ki awaaz suni di...
Unhone abhijeet ko kaha..
Boss ek mint...
Kehke wo palte to mujhe samne dekh ke tag rah gaaye..unki aakho main wahi pyaar wahi intezar dekha maine jo meri aakho mein mujhe upar se neeche tak dekha aur mujhe dekhte hi rahe..
Tarika turant aake mere gaale lag gayi..wo mujhse shayad kuch puch rahi thi par main kaha uski baate sunrahi thi..
Tarika abhi indono ko akele chod dete hain phir aajyenge tab khub baate karna apni saheli se..
Shayad itnahi abhijeet ne kaha so sun payi thi main...
Daya aur main phir us din jaise khade the,Na wo kuch keh rahe the na main..
daya ne mujhe dekha aur kaha..
Bohut preety lag rahi ho..
Main muskurayi..
Mogli ne apni shreya ka bohut intezar kiya...
Maine unhe phir se aakhe bhar ke dekha to wo ghabrate hui haato se unke hato se mera haath thama aur main apni aakhe band karli...wo bole..
Shaadi karogi mujhese..
Maine turant apne aakhe kholi aur unhe dekhti rahi unhone is baar haq se mera haath thama aur kaha..
Inteezar kar raha tha tumhara..janta hu phele kehna chaiye tha par darta tha ki agar mera futher na hua to main tumhe kaise khushiya dunga par aaj tumhare liye wapas aaya hu tumhe apna bana chata hu apni puri zindagi tumse pareshan hona chata hu..kya ye haq dogi mujhe..
Main hamesha se bada badbad karne wali aaj chup thi aur wo jo hamesha se chuprehte the aaj wo bolrahe the..maine apna ek haath unke haatho pe rakh diya jo mere haath ko thame the aur muskurate hui bas haa mein apna ser hiladiya...
Wo muskuraye aur mera haath chod diya maine unhe dekha to wo apne kadam piche leke apni bhaaye khol dali..meri aakhe bhar aayi aur main turant unki baaho mein bhag kar unke gaale se laag gayi..wo bhi apna pyaar lutate hui mere gaale lag gaye..kabhi na bichdne ke liye..
Aaj thi hamari pheli mulakat aur aaj suru hui thi hamari kahani...hamari prem kahani...
