Kay cuz, we get one noddah update. Mahalo plenny to Padawan Mage, Alan, and Allronix. Who should we send this to? We goin do KOTOR II, but Aunty Mahealani got to finish do schtory of Junior Boy firs.

Guduts of the Old Republic – Part II

Aunty Mahealani stood there at the door in her bright, floral muumuu. "Oh, so nice of you to drop by. Come in, come in. I go make something fo eat. Go sit, we talk story."

From the kitchen, she called back, "What you like, fry noodle, spam musubi? No worry, no worry. So, how you been? Oh, me? I been good. You like know what happened to Junior Boy? Oh, dat rascal. Kay, lemme see…."

"Well, firs off, Junior Boy wen rescue Bastita Honey Gurl and with his frens he wen fly around making trouble for everybody. But den, dat lolo (nut), Malak wen capture dem. Dey was going scrap, but Malak tol him, 'ey boy, you know you was Revan, ah?' Junior Boy wen cry, cry, saying, 'no way, wasn't me!' But Malak jus wen laugh."

"Dey wen run like mice, but dat Malak wen whoop Bastita one good one and make her turn to da dark side so she become one mean tita (tough chick). Finally, dey stay Malak's house at Waialua where dey going finish what dey started."

"Oh, Aunty, what happen den?" I asked.

"Ho, dis da bestest part. Malak had choke (a lot) braddahs at his house, but Junior Boy Revan wen buss all Malak's gang until he face down Bastita. 'No, Bastita, I love you plenny kine.' She wen give him stink eye (evil look) though. 'No Junior Boy, when you was Revan, you was da man, but now you jus one noddah punk. I goin karang your alas (hit you in the balls).' At first, Bastita wen poun Junior Boy Revan, but braddah wen sweet talk her and she broke down. 'Oh, Junior Boy Revan, jus shut up an kiss me, you baka (fool).'"

"Now was da time fo wen Junior Boy Revan could scrap Malak fo good. He go to Malak's room and dey stay fighting. Finally, Junior Boy wen false crack Malak and da buggah go down. 'Junior Boy, how come you made me make A (make an ass out of himself)? Now I stay buss.' Junior Boy look at him, dey use to be bestest friends back in small kid time. 'Malak, you wen do dis to yoself. No blame me, cuz.'"

"Den, Malak wen ma-ke (die) and Junior Boy Revan go back fo Bastita Honey Gurl, but da cops when show up and buss him. 'I nevah do nuttin!' he yelled."

"But da main cop, Moe Keala, pull da lightsabah off Junior Boy's belt. 'Eh, what dis? I get da murdah weapon right hea.' Den, Bastita jump on da cop's back. 'Dat my boyfren, he nevah do nuttin!'"

"Well, Junior Boy wen Halawa (prison), but we get one happy ending. He wen buss out and now stay wid Bastita Honey Gurl beyond da outah rim near Makaha. Now dey get fi kids on homestead land."

I looked up at Aunty as she brought a platter of food. "Oh, das one great schtory."

With a twinkle in her bright eyes, she added, "Go eat…eat plenny, you so skinny. Don worry, I get more schtory…next, I going tell you about da exile."