Guduts in Space

The ship, Black Mynah Bird, stay driffen in space, all buss up. Eenside (Inside), get one small kine droid, T3, who tink he one Rotweiler. Da droid cruise all ovah da ship, trying fo find stuffs fo fix da ship. He pass one ma-ke (dead) ole lady and den one beautiful kine wahine (woman), but haole. Da wahine was all buss up, almost ma-ke, but T3 wen stick her wid da probe fo fix her.

Bumbai (soon enough), T3 go make da ship better and fly da Mynah Bird to da fall apart moon Paragus.

Latahs (Some time in the future)

Da kine swimming pool wen drain like one crack vase and da wahine get poured onto da floor. She wen wake up and only wearing BBDs. Da wahine was one malahini (not from around here), so she talk funny kine.

"Where am I? What am I doing here? Why am I wearing wet underwear?"

Kine embarrassed, da wahine wen put on one towel too and den she go fo check out why she stay on da moon.

In one noddah room, had one ma-ke ole lady. As da wahine wen pass, da ole lady get up, sceah (scare) da wahine half to death. "Oh, you frightened me so much," she wen cry.

"Ho, exile, you bettah get mo guts den dat, bumbai you goin get pounded like poi. I am Tutu (Grandma) Kreia. I goin show you how fo use da Force, but firs kine ting you bettah fo get some clothes. You no like run around jus in your BBDs – get some s'kebe (hard up) kine boys out dea."

Da Exile wen put her hands over herself. "Oh, I'm so embarrassed. I will go immediately. Thank you…uhh…Tutu Kreia."

"An one mo ting, you talk funny kine; you not from around heah, ah?"

Da Exile wen fo scrap wid choke (a lot of) droids but she foun she was tough kine and wen trash those buggahs. Bumbai, she wen come to da command center where had one jail.

Eeside one cell, stay one skinny kine guy, all sad kine until he see da Exile coming in her towel. "Ho, choice um. Aisoooss! So wat, get chance?" he yell, trying fo score.

Da Exile wen make funny face. "I beg your pardon, sir. Oh, you must be the s'kebe that Tutu Kreia mentioned. I'm Claire. Why are you in jail?"

"Eeeeh, you talk funny kine. I'm Atton Ragalan. Jail? Oh, you mean dissh jail? Wassh all one frame job, I nevah do nuttin. Da copssh wen put all da shtuffs in my coat. I wassh jus shopping."

Claire looked at the police report. "So, the authorities put a turkey down your pants?"

"Okay, okay, nevamind, jussh get me out. Everybody hea shtay lolo (crazy)."

She wen know bettah, but she let da buggah out. Now dey stay looking at da computah. Atton frown. "Aisoooss, da station goin essplood (explode). We gotta get to da ship."

Claire scratched her head beneath her platinum blonde hair and narrowed her blue eyes. "What have I gotten myself into?"