Haole Gurl's notes: Ho cuz, mahalo plenny (Thanks everyone).

Guduts in Space

As da Exile wen fo go, Atton wen spahk (check out) her behind. "Aisooss, sweet okole (fine behind)."

She turned back. "I'm sorry, what did you say?"

"Nah nah nah…nuttin."

Den Claire wen down into da bowels of da mining station. Dere had mo hubut (angry) droids and dey stay shooting stuffs like poppin fiah crackah (fire crackers). Da Exile had hahd time fo scrap dese buggahs (a difficult battle), but she wen find one schmokin blastah.

Den she go fo shut down da reactah and something go wrong.

"Oi," Atton wen call on da commlink, "Whatchoo wen do? Now, da stay-cion (station), she goin blow mo quick."

Bumbai, da Exile come back to da command centah and Tutu Kreia meet dem deah. Tutu Kreia, she give Atton da stink eye to which Atton say, "I owe you money or wat?"

Now dey got fo get to dis Republic kine ship for get back to da Mynah Bird. On da way, dey find one buss up T3, da poor buggah stay had it (broken). Den, dey run into one noddah droid, but dis one look ugly.

"Howzit: Eh I was waiting jus fo you. You was s'pose to stay wen I stay comin fo you. How come you no stay wen I stay comin?"

Claire look confuzzled. "Uh, pardon me?"

"Small kine habut (a little upset): You talk funny kine. Now, bess you get back eeside da stasis, bumbai you goin get plenny pukas (a lot of holes)," da droid wen say, showing his blastah.

Claire nevah like go, so dey wen beef (they fought). Da droid spray plenny kine bolts, but Tutu Kreia smoke um wid da ions.

"Bummahs (Bummer): I stay had it. BOOM."

From dere, dey wen fo check out da Republic ship. Ho, da buggah was creepy and get choke dead bodies. Den had dese uji kine guys (creepy assassins) try fo sneak up, but Tutu Kreia wen know dey was coming and dey wen make does uji punks suck eggs.

Bumbai dey come to one doctah office and had one noddah supah uji guy. Da buggah look ma-ke, but he wen jump through da glass and cut off Tutu Kreia's hand like sashimi.

Da mean buggah was bolo head (bald) and he had one bad lightsabah. "I am Blala (tough dude) Sion. You folks all goin ma-ke."

Da Exile's hand wen get sore. "My connection with Tutu Kreia must have done this."

Sion shook his head. "Eh wahine, you talk funny kine."

Atton look at Blala Sion. "Aisoos, di bolo head man, she goin fo keel (kill) us."