We aims ta make fun o lots o stuff. Alice, being a reformed Southern Belle, gave invaluable technical assistance on Southern speak.

Guduts in Space

Dey wen run from Blala Sion and fly da Mynah Bird all da way to Telos, one noddah buss up planet.

"Dis one mo dry den Waianae," complained Tutu Kreia.

Firs ting, dey had fo help dese slug kine guys wid all da plants cause da Czerka Company was tryin fo take ovah all da biznass. "Dose guys, dey worse den da gas company," moaned da slug-like Ithorian, Chodo Habat.

"No huhu (worry), cuz, we goin fo help you," offered Atton.

"Yes, you have a noble cause," added the Exile.

But Tutu Kriea shake her head. "Eh, dese guys jus one bunch of freeloadahs like my nephew, Bulla. He stay Halawa (prison) now. No help dem, let um pound sand."

"I'm sorry, Tutu Kreia, I can't do that."

Bumbai dey meet wid da police too. Lieutenant Dol Grenn wen question dem about Peragus. "Eh, whatchoo guys wen do? I know was you!"

"Oh, no sir," said the Exile. "It wasn't us, we didn't do anything."

"Hah?"

Atton explained, "She sed we nevah do nuttin."

To prove their innocence, dey wen help da cop fo buss all kine crums and dey get da Czerka all hemajangs (messed up). But, you no poke on pit bull and nevah get bit, so, da Czerka come back and send their boys fo scrap wid da Exile.

Da Ithorian save one shuttle fo dem and dey run fo da surface of da planet. But, as dey stay flyin, one gun go smoke um and dey crash.

Auwe (Oh no!).

Da Exile wake up and stay one bolo head guy wid fangs on his head. "Whoa, who are you?"

Da man look at her. "Good fo see you, General, remembah me? Bao Dur, da friendly manapua man (guy who sells dumplings from a truck)."

From dere, dey wen buss up da Czerka and gets stuffs fo fix da ship and dey fly to da frozen ice. One mo time, dey get shot down.

"I have to break this streak of bad luck," complained Claire.

Bao Dur wen groan. "Oh, I even get da rabbit foot! Dis is junk!"

Bumbai dey crash and da mean kine droids try fo capcha (capture) da Exile. "Good fo know stuffs (Informative): Us guys stay hunting you foevahs now. Even if you kill us, plenny mo goin come."

And Claire did jus dat. POW. All da buggahs was had it.

Bumbai, she find one cave and plenny skinny haole chicks go capcha her. Wen she stay in one jail, one piss off wahine wid da white hair come.

"Ey, Exile, you get plenny kine nerve fo come back hea. You lucky I no broke yo okole (butt)."

"Atris, I just did what I thought was right. The Mandalorians would have conquered us all."

Atris look even mo piss off. "Mo worse, you talk funny kine. Now, get lost bumbai, garans ball barens (surely), I turn you into sashimi. But, last ting, I like you know I get your lightsabah."

"Hey, I earned that weapon!"

"Not! Stay mines now."

Bumbai, da Exile go back to da Mynah Bird and dey bag (leave) Telos. But, one of da skinny kine chicks go fo stowaway. Dis one talk funny kine too.

"Howdy ya'll, I jus figrd I'd hop aboard and jine (join) ya'll," da Handmaiden wen say brightly.

"Ey, who you?" Atton wen ask.

"Wall, they calls me the Handmaiden. My brother from Jawjuh (Georgia) bard (borrowed) muh truck and ah needed a rod (ride)."

Claire looked at the motley group. "And you say I talk funny kine."