A/N: Thanks for the reviews hope you like this part
NEXT DAY
In the Night
Raat ka waqt tha agle din Purvi aur Sachin ki aur Shonali aur Kavin ki shadi hone wali thi...Ghar mein bahot saare log mehmaan sab they par kis chiz ko soch soch ke yahan se wahan apne kamre mein ghoom rahi thi ...Tabhi usey apne kamre ki khidki se koi aawaz aati hai aur wo palatke dekhti hai toh dang reh jaati hai saamne Sachin ko dekhke
Purvi : Tum yahan is waqt kya kar rahe ho
Sachin: Shhh!...Chillao mat chillaogi toh sab andar aa jaayenge ...
Purvi ne turant darwaza laga liya
Purvi: Ab batao bhi tum yahan andar kya kar rahe ho aur kamre mein kaise aaye ?
Sachin: Khidki se
Purvi:Kya ?tum pagal ho kya tum mujhse milne ke liye khidki se kyun aaye seedhe raaste se nahi aa sakte they kya ?
Sachin:Nahi agar seedhe raaste se meri entry ho rahi hoti toh main aata kya is tarah se andar aata...(uske kandhe pe haath rakhke)...Wo kya hai na darling maa ne bola hai shadi se pehle dulha dulhan ek dusre se nahi mil sakte isliye
Purvi: Toh tum kyun milne aaye ? Pagal ho kya tum
Sachin: Arey ajeeb ladki ho tum shadi se pehle ladke-ladkiya ye sochte hain ki aapas se mila kaise jaaye aur tum ho ki main tumse milne aaya hun aur tum ho ki
Purvi: Mil liye na ab jao please koi aa gaya toh badi musibat hogi
Sachin: Arey koi musibat...
Par is se pehle ki woh kuchh keh paata neechey se Sumitra ki aawaz aayi
Sumitra:Purvi ...Purvi beta
Purvi: Dekho maa aawaz de rahi hain tum jao yahan se
Sachin: Bilkul nahi
Purvi: Maa aa jayengi toh hasi udegi tumhari please jao yahan se
Sachin: Arey saas ka toh hak banta hai main nahi jaata
She heard Sumitra's anklet's voice
Purvi: Please tumhare aage haath jodti hun main please
Sachin: Accha thil hai lekin aise nahi jaunga
Purvi: Toh phir kaise jaoge
Sachin: Bataun?
Purvi usey ektak dekhne lagi...usne uski kamar ko pakad ke uske dono haathon ko kaske pakad liya
Purvi: Sachin !
Sachin: Shhh!
Aur dheere se uske karib jaake uske honthon ko chhoomta hai aur phir uska haath pakad ke uske haathon mein kangan pehnata hai
Purvi: Ye kangan
Sachin: Tumhare liye leke aaya tha socha tha Suhagraat par tumhe dunga
Purvi: Toh tabhi dena tha na
Sachin: Phir maine socha ki us raat toh main tumhare kangan utaarunga pehnaunga thodi na
Purvi: Dhatt!
She again heard her mother's voice
Purvi: Maa aa gayi tum jao na
Sachin: Tum palto kamre se bahar jao
Purvi: Pakka?
Sachin: Haan Baba pakka jao
Purvi went outside
Sumitra: Arey kahan thi kitni der se aawaz de rahi hun
Purvi: Wo maa...wo...taiyyar ho rahi thi
Sumitra: Arey Durga! Ye kaisa adhura taiyyar hui hai...saari hai kaan aur maatha soona hai
Purvi: Haan toh aap jao na main bas 10 minute mein aati hun taiyyar hoke
Sumitra: Jaldi se aa ja Shonali ke saath
Purvi: Haan maa
NEXT MORNING
Sumitra Purvi ke paas aati hai
Sumitra: Uth jaa beta Purvi
Purvi: Itni subah subah maa
Sumitra: Haan Rasam hai uth toh bhool mat aaj teri shadi hai
Purvi ye sunte hi uth gayi
Sumitra: Shadi ka naam sunte hi uth gayi ? Chal ab uth jaa aur ye sari pehen le isi ko pehen ke ghaat pe jayenge tujhe nihlane
Purvi: Ghaat pe...maa yahin nahi naha sakti ?
Sumitra: Pagal hai tu ...chal jaldi
Shonali aur Purvi dono ko ghaat pe snaan ke liye le jaaya jaata hi Purvi bahar aati hai uska phone bajta hai
Purvi : Tumhe ek pal bhi chain nahi hai na ...itni subah subah phone kar diya mujhe
Sachin: Haan wo sab toh thik hai lekin ek baat kehni thi mujhe tumhe
Purvi: Kya
Sachin: Tum ghaat ke paani mein nahate huye bahot acchi dikh rahi thi
Purvi : What? Tum mujhe nahate huye dekh rahe they ?Pagal ho kya tum ?
Sachin: Aur suno wo jo baal tumhare kandhe pe hain na unhe zara hata do tumhare tan pe wo pani ki bunden uff!
Purvi: Arey Durga maa !... besharam kahan khade ho tum?Kahan khade hoke dekh rahe ho mujhe
Sachin : Arey apne piche palat ke dekho
Purvi palti par usey koi nahi dikha...aur phone pe hasne ki aawaz sunai di
Purvi: Has kyun rahe ho aur mujhe toh koi nahi dikhta yahan ?
Sachin: Purvi ,tum bhi na .. . .main bhala tumhe nahate huye kyun dekhunga fikar mat karo...main toh aaj tumhe apni dulhan ke roop mein dekhna chahta hun
Purvi smiles
Sachin: Ab kuchh bolo bhi
Purvi: Mujhe intezaar rahega
Sachin: Intezaar toh main bhi nahi kar sakta ...lekin karna toh hoga na...
Purvi: Haan
Sachin: haye ye kala til tumhari kamar Ka
Purvi: Aye!
Sachin: Accha baba thik hai thik hai
IN THE NIGHT
Purvi ko piri par bithaya tha aur usne apna chehra Paan ke patton se dhaka tha ...Saari rasmo ke saath Sachvi aur Shovin ki shadi ho jati hai ...Bidai ke baad Purvi ko Sachin ke ghar laaya jata hai aur phir kuchh rasmo ke baad
Durga: Tum thak gayi hogi Purvi chalo
Purvi jaa hi rahi thi ki ...Sachin bhi pichhey se chal diya
Durga: Aap kahan chal diye Devar ji
Aur sab hasne lage
Sujoy: Haan Sachin,tu kahan chala
Sachin: Apne kamre mein
Durga: Aap apne kamre mein nahi na jayenge devar ji
Sachin: Kyun
Sujoy: Beta ji aap apne kamre mein nahi jaa sakte
Sachin: Dekho Dada aap mujhe pareshan karne ke liye kuchh bhi mat kahiye main jaanta hun iske baad koi rasam nahi hai haan
Sujoy: Hai beta hai
Sachin: Bhabhi aap boliye na
Durga: Main kya bolun?Rasam toh hai, aur vo ye ki ab apni patni ka chehra dekhne ke liye na aapko parso raat tak ka intezaar karna padega haan
Sachin: Kya lekin kyun?
Durga: Kyunki kaal ratri beet jaane ke baad hi aap Purvi se aap mil sakte hain...chalo Purvi
Durga Purvi ko uske kamre mein le jati hai
Durga:Tum yahi baitho aaram karo main jaati hun, kuchh chahiye ho toh be jhijak keh dena waise tumhara saman tumhare kamre mein rakh diya hai
Purvi: Jee bhabhi
Durga chali jaati hai ...aur usi waqt Purvi ke phone pe message aata hai
"Ye 2 raaten kaise bitaunga main tumhara chehra dekhe bina "
Purvi texted- Sabra ka phal meetha hota hai
Sachin: Ajeeb rituals hain main aa raha hun tumse milne
Purvi: Bilkul nahi...bas 2 raat ki hi toh baat hai
Sachin: Tum reh logi mujhe dekhe bina
Purvi: Jiski tasveer dil mein hoti hai na usey aankhon ka sahara nahi hota
Sachin: Waise ek tarah se thik hi hai so jao thaki hogi ...
Purvi:Good night and sweet dreams dear husband
AFTER 1 DAY
IN THE NIGHT
Purvi Sehmi hui si apne kamre mein baithi thi...aur tabhi ek aahat se wo uth ke khadi ho gayi...
Usne Sachin ko andar aate dekha aur palatke khadi ho gayi
Sachin: Ab mujhse parda karke kyun khadi ho
Wo uske paas aaya aur dheere se uske dono haathon ko pakadke usey gale se laga liya aur uske haath pakad ke unhe choomne laga...wo pighal rahi thi uski baahon mein aur wo usey madhosh kar raha tha ...Aur ekdam se Purvi ne usey pichhey halka sa dhakka diya aur aage bhaag gayi pichhey se Sachin uske paas aya aur vo usey dekhne lagi ...Sachin ne uske kandhe par haath rakha par vo vahan se bhi door aa gayi lekin Sachin ne uska haath phir thaam liya
Haye Rama ye kya hua
Kyun aise hume sataane lage
tum itni pyaari ho saamne
Hum kaaboo mein kaise rahein
Jao hum ko toh aati sharm hai
Teri aisi ada pe toh fida hum hain
Ek ek karke wo uske saare gehne utaarne laga aur usey apni baahon mein bharke choomne laga
Kaali kaali zulfen gori gori baahein
Mujhko tadlagi
Honth bheege bheege nasheeli ye aakhein
Pyaas ko jagane lagi
Chhod bhi aisi baaton ko roko na rahon ko
Mod na meri baahon ko
Jaane do na
Haye Rama...
Dono ki khushnuma si raat guzri
NEXT DAY
In the morning
Debnath ji lautke ghar aa gaye they ...
Sunanda: Arey aap aa gaye kaisi thi aapki meeting
Debnath: Ek dam bhalo Sunanda...presentation dekhke wo log bahot khush huye...accha mera chhodo baaki sab kahan hain?
Sunanda: Aap bhi kamaal karte hai arey aisa toh pehli baar dekha hai ki bete ki shaadi ho aur baap maujood na ho
Debnath: Beta?Kiski shadi shadi ki baat kar rahi ho Sunanda
Sunanda: Arey accha bhala mazaak karna kab se sikh gaye aap nayi bahu ghar mein aayi hai aur aap hain ki ...
Aur unhone Sachin aur Purvi ko nichey aate dekha
Sunanda: Leejiye dono beta bahu nichey aa gaye hain jee bhar ke aashirwad de dijiye ,(to Sachvi)...Beta tum dono ke baba aa gaye hain aashirwad lo
Sachin ne aakar unke pair chhuye Purvi bhi aage badhke pair chhune hi wali thi ki Debnath ji ne pair pichhey le liye
Debnath: Kya main jaan sakta hun ki ye kya ho raha hai ?aur ye ladki yahan kya kar rahi hai ?
Sunanda: Aji mazaak apni jagah hota hai aashirwad deejiye bahu ko
Debnath: Bahu? Ye ladki is ghar ki bahu kab se ho gayi Sunanda
Sunanda: Dekho ji ab mazak mat karo
Debnath: Meri mazaak karne ki aadat nahi hai Sunanda aur ye tum acche se jaanti ho ye Chakraborty ki bahu yahan kya kar rahi hai ?
Sunanda: Ye aap kya keh rahe hain Ye Kavin ki nahi humare Sachin ki dulhan hai
Debnath: Oh toh ab itna bada ho gaya hai tumhara beta ki humse puchhe bina shadi bhi kar lega aur Sunanda tum...tum isey bahu bhi bana laayi
Sunanda: Kya bol rahe hain aap, Aapne khud is shadi ke liye haan kaha tha jab maine aapko hone karke puchha tha tab aap hi ne toh kaha tha Sachin ko aashirwad hai mera
Debnath: Maine kisi shadi ke liye haan nahi kaha tha Sunanda, have you gone mad jab main jaanta hun ki ye log humare status se match nahi karte toh main shadi ke liye haan kyun karunga aur jahan tak mujhe yaad hai maine tumhe kisi puja ke liye haan kiya tha shadi ke liye nahi ...Mera dimag kharab nahi hai Sunanda jo main is shadi ke liye haan karta...these people don't match our status,our thinking, Humare business ,humara khaana pina uthna baithna kin kin logon mein hota hai ye jaante huye main is ladki ko apni bahu banaunga?Arey iske baap jaise toh mere under employees hain,main inke ghar jana pasand nahi karta rishtedar ki toh door ki baat hai, is ladki ko apne ghar ki bahu banana yane ki...
Sachin: Bas kijiye Mr Thakur apni patni ki ya uske gharwalo ki bezati main aur nahi sununga...(to Sunanda)... Maa aap kehti thi ki meri khushi mein hi baba ki khushi hai lekin aisa toh kuchh bhi nahi hai Baba ko ab bhi sirf apne paise rutbe aur shohrat se pyaar hai...Maa main is aadmi ke saath ek chhat ke nichey nahi reh sakta
Usne Purvi ka haath pakda aur apne kamre mein le gaya ...usne ek suitcase nikala aur sab saaman ek ek karke usme daalne laga
Purvi: ye tum kya kar rahe ho ?
Sachin ne uski baat nahi suni .
Purvi: Dekho ye sab karke kya fayda hai ...ek baar baba se baat kar lo ho sakta ho unke aur maa ke baaton mein koi misunderstanding ho
Sachin: Koi misunderstanding nahi hai Purvi unki aadat hai logon ko zaleel karne ki
Sachin phir saaman pack karne laga
Purvi : Ghar chhodna kisi baat ka koi solution nahi hai Sachin
Sachin: Main nahi chaahta ki wo tumhe pal pal pe taane de de ke pareshan karen isliye hum aaj hi jaa rahe hain is ghar se...
Purvi : Ek baar baat toh karo Baba se Sachin...
Sachin: Tumhe aur koi saaman rakhna hai ?
Purvi: Sachin...
Sachin ne apna suitcase liya aur Purvi ka haath pakad ke usey apne saath le jaane laga jaise hi wo ghar ke darwaze ke paas aaya
Debnath: Ek baar kaan khol ke sun lo Sachin agar aaj tum is dehleez ko laangh ke bahar gaye toh phir kabhi tumhe andar nahi aane diya jaayega aur jaydad se bhi bedakhal kar dunga tumhe
Sachin: Mujhe na aapke paiso ki kal zarurat thi na aaj hai aur na kabhi hogi...
Aur vo phir aage badha aur bahar jaata lekin Purvi ke kadam wahin ruk gaye
Sachin: Chalo Purvi
Purvi: Is ghar ke dehleez is tarah laangh ke nahi jaa sakti main ...
Sachin palatke usey dekhne laga
Purvi: Bahu hun main us ghar ki Sachin jab aayi thi toh is ghsr ki mitti ne mere nishan apne andar samet liye they...ab main tab tak nahi jaa sakti jab tak ghar ke sabhi logon ki manzoori na ho
Sachin: Ye tum kya keh rahi ho Purvi is aadmi ne tumhari,tumhare maata pita ki itni bezati ki phir bhi tum...
Purvi:Toh iska matlab ye toh nahi na Sachin ki main bhi wahi karun...Shadi ke chauthe din agar bahu beta ghar chhodke chale jaayen toh kitna hasenge log ye socha hai ?
Sachin:Kis mitti ki bani ho tum Purvi ?Inhonne tumhara itna apmaan kiya aur phir bhi tum inke maan saaman ke baare mein soch rahi ho ...(to Debnath)...Dekha Mr Thakur... thik kaha tha aapne this girl doesn't match your thinking... kyunki aapki soch bahot hi chhoti aur ghatiya hai ...aur Purvi bahot unche khyalat ki hai
Itna kehke wo wahan se chala gaya
IN THE NIGHT
Sachin aadhi raat mein ghar wapas lautke aaya .Dekha toh Purvi wahin par thi jaag rahi thi
Purvi: Aa gaye tum ?Kabse phone try kar rahi hun tumhara uthate kyun nahi ho...kitni fikar ho gayi thi mujhe tumhari
Sachin bina uski baat sune dusri taraf muh karke let jaata hai
Purvi: Aye ...Naraz ho ?
Sachin ne koi jawab nahi diya
Purvi: Dekho ghar chhodna toh koi solution nahi hota aur baba hain wo tunhare koi dushman toh hain nahi haan unki soch
Par Sachin aankhein band kar chuka tha
Purvi: Main jaanti hun tum soye nahi, tum naraz ho aur mujhse baat nahi karna chaahte lekin ek baar meri baat samajhne ki koshish karo...dekho...
Par Sachin aakhein kholne ko taiyyar nahi tha isliye Purvi bhi usey gale lagaker so gayi