Naruto Mencari Kerja: Versi Indo Betawi

Chapter 2..

NaruSasu

Disclaimer: Masashi Kishimoto

Naruto Mencari Kerja: Versi Indo Betawi: Kamikanda Shizuku

Rated T

Warning: OOC, AU, Typo(s), Ga Pake EYD-an

Pagi ini, aye tumben-tumbenan bangun pagi. Malahan nih ye, enyak sama babeh masih ngorok dah tu di kamarnye bedua. Emang ni ari masih pagi-pagi bute. Ayam aje belon berkokok same sekali. Mungkin, karena keinginan aye yang menggebu-gebu buat ngelamar kerja seperti yang di kasih tau sama si Kiba. Aye emang ga tau tuh kerjaan, pokoknye aye di suruh ke tempatnye pak de' nye si Kiba. Aye sih emang ga tau nama aslinye si pak de', alah yang penting aye dapet kerjaan. Moga-moga kerjaan ntu bise ngerubah nasip aye dah. Insaalloh ye cocok buat aye. Beberapa menit kemudian, adzan subuh udeh bekumandang, waktunya aye solat. Eitt ntar dulu, sebelum ntu aye mandi dulu dong baru pegi solat.

"Mandi udeh, solat udeh, pake baju rapi juga udeh.. Apalagi ye?" Fikir aye sambil berdiri didepan kaca yang lumayan gede.

Tiba-tiba enyak masuk kedalam kamar aye, yang bikin aye jadi lompat ga karuan. "Nar... Udah bangun lu?"

"Buseett dah! Enyaaakkk! Jangan ngagetin gitu napa? Hampir aje roh aye lepas dari jasadnya.." Kata aye sambil elus-elus dada nenangin diri.

"Yak ilah.. Lebay lu jadi anak! Tumben pagi-pagi lu dah bangun, nape?"

"Hehehe ada deh nyak.."

"Heemm.. Jangan maen rahasia-rahasiaan lu.. Ntar gue beri lu..." Sambil nyiapin tinju mautnya.

"Yaahh enyak, ntar ga jadi surprais dong.."

"SURPRAIZE! Bukan surprais.."

"Widih, si enyak jago juga ye bahase inggrisnye.. Belajar dari mana nyak?"

"Hehehe ade aje.. Mau tau aje lu.."

"Tuh kan, enyak aje curang.. Bise-bisenye nih orang.."

Ga lama, si babeh dateng. Mungkin karena berisik kali ye, jadinya tuh babeh dateng tanpa diundang. Die masuk dengan setengah nyawa, mata yang masih merem melek, rambut yang berantakan ga karuan, tapi ketampanannye masih keliatan banget. Beda tipis lah ame gue, secara gitu anaknye. Hehehe

Babeh ngomong sambil garuk-garuk pala dan sarung yang tergantung di pinggangnye, "Berisik amat nih orang pade, ade apaan?"

"Ihh si babeh, iler masih nempel juga tuh.. Elap dulu sono!" Ujar aye yang geleng kepale.

Tiba-tiba mata babeh melotot ngeliat aye. "Buset! Nih anak gue mau kemane? Udah ganteng, udah rapi en wangi begini.." Babeh ngedeketin aye sambil cium-cium aroma semerbak dari tubuh gue.

"Hehehe ntar babeh juga bakalan tahu.."

Nyak mulai motong pembicaraan. "Beh, pegi mandi sono.. Bau bacin lu tau kaga!"

"Yaelah nyak, masih pagi nih.."

"Justru yang pagi begini yang lebih enak, seger tau.. Sono sono!" Nyak dorong-dorong babeh. Tapi babeh, nahan diri. "Ntar dulu.. Nyak aje belum mandi pan?"

"Yaudeh, kalo lu kaga mau mandi, gue juga kaga mau mandi.."

"Kok gitu seh? Ade-ade aje lu.."

"Hahahahaha!" Aye ketawa lepas.

Babeh nanya, "Kenape lu ketawa bocah?"

"Lagian babeh ame enyak udah tue masih aje kayak anak baru lahir.."

"Ah bisa aja lu.."

Diluar rumeh, terdengar ade seseorang yang manggil-manggil name aye. Enyak langsung buru-buru keluar dan nyamperin asal tuh suara. Aye masih lanjutin acara-acara dandannye. Ternyata si Kiba yang dateng ke rumeh aye. Enyak teriak-teriak dari luar.

"Naru! Nar! Ade si Ekib nih nyamperin elu!"

Kiba protes, "Kiba bu de', eh salah enyak.."

"Ah same aje lah.."

"Iye nyak! Tunggu bentar.." Aye ngejawab sambil jalan menuju keluar.

Setibanya diluar. Enyak masuk lagi kedalem.

"Ade ape lu Kib kemari?"

"Yaahh.. Kamu ini, katanya mau ke tempat pak de' aku buat kerja? Gimana sih?"

"Oh iye... Gue lupa, maap dah... Berangkat nih kite?"

"Atuh iya, mau kapan lagi? Besok?"

"Iye iye, tunggu bentar ye.. Enyaaakk! Babeeehhh!"

Enyak ame babeh langsung keluar menuju aye dan Kiba.

"Ade ape lagi sih lu?"

"Ini nyak beh, mau salim..."

"Emang lu pade mau kemane sih?"

"Kita mau ke-... Aduh!" Kata-kata Kiba kepotong gara-gara kakinye aye injek.

"Itu nyak, aye mau keluar bentaran ame si Kiba.."

"Ho'oh dah.. Pegi deh lu bedua, tapi awas! Jangan macem-macem.. Ekib, lu jagain anak gue yak!"

"Iye nyak.." Kata Kiba kesel gara-gara tetep masih di panggil Ekib ame enyak.

Akhirnya kite bedue pamit, tak lupe salim-salim gitu. Biasalah, anak yang patuh ame orang tue begini nih. Dan atu lagi! Mengucapkan salam, dan berdoa biar ga terjadi hal-hal yang ga diinginkan.

# # #

Sesampainye dirumeh yang dimaksud sama si Kiba..

Aye belum keluar dari mobil, aye masih ngobrol-ngobrol didalem. Pada bingung ga aye pake mobil sape? Hehehe ntu tuh, pake mobil taksinye si Kiba. Die pan mau anterin aye, sekalian berangkat kerje nyari duit. Jadi kudu narik dah. Bukan narik-narikin mobil ye. Aye liatin tuh rumah dari dalem mobil. Rumahnye, ajegile gede banget dah! Bagus lagi, kapan ye aye punya rumeh sebagus dan segede ntu? Ngimpiin rumeh yang jatoh dari langit ame kolam renangnye aje udah cuma pas tidur di malem bolong. Bolong? Celana dalem kali bolong. Haha

"Gue dah wangi belum yak?" Kate aye sambil nyiumin tubuh termasuk ketiak.

"Udah... Yaudah, kamu keluar sana trus masuk deh kedalem rumah itu."

"Lu ga ikut gue ape?"

"Ya kaga lah.. Aku 'kan mau kerja.. Jadi aku cuma anterin kamu aja sampe sini.."

"Hmmm.. Yaudeh.." Aye pun keluar mobil.

Si Kiba jalanin mobilnya pegi, aye memberi lamabaian tangan yang manis buat Kiba. Lalu aye berdiri tuh didepan pager yang gede en tinggi ntu. Aye kebingungan, harus ngapain aye bediri disitu. Kalo mau masuk ntar disangka maling. Aye cari-cari akal, eh taunye di samping pager deket tembok ade sebuah kotak kecil yang nempel disitu. Aye perhatiin baek-baek dah. Trus aye coba pencet.

TING TONG

Buset! Ade suarenye, ternyata itu bel rumeh. Hadoh, payah banget. Katro juga nih aye ye, baru nyadar gue. Ga lama, ada seorang satpam bawa pentungan nyamperin aye dari dalem, keliatannye sih die abis bangun tidur deh. Udah keliatan dari matenye merah gimana gitu kayak abis ngupasin satu kilo bawang merah. Dengan suara berat die tanya ame aye. Dan disitu aye jelasin kalo aye disuruh kesana ame pak de' nye Kiba. Mendengar kata Kiba die langsung ngajak aye masuk kedalem. Diperjalanan masuk, pala aye muter-muter mulu ngeliatin rumeh yang megah ni. Akhirnya aye di bawa masuk walaupun belum masuk kedalem rumah tapi masih didaerah teras gitu dan dikenalin sama seorang perempuan yang sepertinye udeh kepala 4 ntu. Si pak satpam balik lagi tuh ke tempat pos jaganye. Dan aye pun berbincang-bincang ame si mpok ato bibi ni.

"Assalamualaikom.." Sapa aye.

"Wa'alaikum salam.."

"Ape bener mpok, ni rumahnye pak de'... Pak de'..." Aye kebingungan dah tu, ga tau namanye.

"Pak de Fugaku maksudnya?"

"Iye mpok." Kata aye sambil nyengir.

"Iya betol.. Mau apa ya situ kemari?"

"Aye dateng dari kampung, di suruh pak de' Fugaku kesini buat kerja.. Pak de Fugakunye ada kaga mpok?"

"Nggak ada.. Di rumah ini cuma ada tuan muda Sasuke doang.."

"Lho? 'kan pak de' Fugaku bilang aye bise kerje di rumah ni.. Trus begimane mpok?"

"Ya ndak tau.. Ya udah kalo gitu saya bilang sama tuan muda Sasuke dulu.. Kamu tunggu disini, awas jangan nyelonong masuk.. Tak tutuk mengko.."

"Sip mpok.. Waahh kepriben to.. Hihihi" Hmm jawir juge nih mpok-mpok, same kaye pak de' Fugaku.

Ngak lama kemudian si mpok ntu dateng ke tempat aye bediri..

"Gimana mpok? Aye boleh masuk kaga ni? Panas, nanti aye gosong lama-lama di sini.."

"Iya boleh... Ayo masuk.. Tapi inget yang sopan didepan tuan muda Sasuke, yang punya rumah ini.."

Aye pun ngikutin tuh mpok dari belakang masuk kedalem rumah. Aye mikir-mikir dah ntu. Aye bingung, ini rumahnye pak de' Fugaku ape bukan ye? Jangan-jangan pak de' Fugaku cuma bawahan di rumah ni. Ahh masa bodo, yang penting dapet kerje. Akhirnye kite sampe di tempat si tuan muda Sasuke yang dari tadi disebut-sebut yang lagi duduk diruang tamu.

"Ini tuan orang yang mau kerja itu.."

"Oh iya... Makasih ya bi.."

"Iya tuan... Bibi lanjutin kerja dulu ya.."

"Iya bi.." Pandangannye mengarah pada aye yang sedang berdiri. "Silahkan duduk.."

"Oh iye iye... Makasih.. Kamu yang punye rumah yee?"

"Iya.. Pasti kamu-..."

Langsung aje aye motong pembicaraannye. "Iya saya Naru.. Lengkapnye Naruto.. Kata pak de' Fugaku saye dibutuhkan disini buat kerje.."

"Iya tapi-..."

Lagi-lagi aye potong dah ntu die lagi ngomong, lagi aye udah kaga tahan. "Pasti pak de' Fugaku supir kamu ye? Udah keliatan si dari tampangnye.. Nggak mungkin pak de Fugaku punya rumah ni... Apalagi punya anak seganteng kamu..."

Die diem sejenak.

Lalu die mulai ngomong. "Udah ngomongnya?"

"Iya udeh.. Maaf.."

"Iya di maafkan.. Tapi saya nggak suka ya kamu ngomongin pak de' Fugaku... Dia lagi cuti.."

"Ohh.."

"Katanya kamu dari kampung.. Benar?"

"Iye... Tapi walaupun aye dari kampung, aye lulusan D3 lho.."

"Saya nggak nanya... Yang saya butuhkan adalah, kesediaan kamu bekerja sama saya.." Katenye sambil ngelipet kedua tangan didepan dadanye.

"Waahh.. Aye bersediye.. Ape lagi karja ame tuan.. Hehehe.." Entah kenape aye jadi suka ame ni anak.

"Jangan seneng dulu.. Memangnya kamu udah tau kamu itu kerja apa?"

Aye gelengin kepala. "Emangnye ape?"

"Jagain saya!" Buset dah ni orang galak banget dah.

"Uwaahh.. Kalo ntu sih nggak keberatan.. Dari pagi ampe sore, ampe tidur pun aye jagain dahh.."

"Bukan.. Bukan... Bukan itu maksud saya.. Tapi maksudnya, kamu jadi bodyguard!"

"Ya pan same aje.. Ngejagain juga.."

"Tapi nggak sampe saya mau tidur kamu jagain juga... Enak aja.."

"Hehe iye dahh.."

"Tugas kamu tuh cuma ngawal saya kalau saya pergi kemana-mana.."

"Siipp boss.." Ujar aye sambil ngacungin jempol.

"Tapi ada peraturan yang kamu harus ingat.."

"Ape aje nih?" Aye keliatan antusias banget.

"1. Kamu harus berpakaian rapih, sopan, dan wangi..

2. Jaga jarak 5 meter saat kamu ngawal saya..

3. 'Kan tadi kamu udah bilang kamu lulusan D3.. Kamu harus pake bahasa yang bener.. Jangan betawi-betawian.. Saya nggak ngerti.. Oke.. Cuma itu saja kok?"

"Oke.. Yang nomer atu ame due aye bise terime.. Tapi yang terakhir ntu, ape urusannye? Kaga boleh aye ngomong begini.. Ini pan tujuannye melestarikan budaye.. Bahasa betawi.."

"Kalo nggak mau yaudah.. Saya bisa cari orang lain kok.."

"Eh eh jangan begitu dong.. Aye pan lagi butuh kerjaan. Cuman disini ni harepan ane.. Ane janji didepan tuan aye nggak bakalan ngomong betawi lagi.."

"Nah.. Gitu dong.. Satu lagi, jangan panggil saya tuannya kamu.."

"Trus panggil apa dong?"

"Tuan muda Sasuke.. Oke?"

"Yak ilah! Perasaan same aje tuh.. Ckck"

"Oia juga ya.. Ah 'kan bedanya cuma ada 'muda' nya doang.."

"Iya tuan, sip.. Eh, Tuan muda.. Ya tuan muda Sasuke.. Ribet banget dah.."

"Kamu boleh kerja besok!"

# # #

Alhamdulillah akhirnye aye dapet kerjaan juge. Ya Alloh terima kasih udah mau dengerin do'anya Naru. Aye udah bersyukur dapet kerjaan begini ni, apalagi tuan muda Sasuke ntu orangnya ganteng banget dah. Tapi, tiba-tiba perasaan aye ame dia kok beda gitu ya? Padahal die 'kan laki-laki same kayak si Kiba juga aye. Tapi kenapa sama si Kiba biase-biase aje ye? Aduh, jadi bingung sendiri gue dah. Gapape deh, yang penting kerje, nyenengin babeh ame enyak, en dapet duit dah yang banyak biar rumah aye bisa same kaye rumahnye tuan muda Sasuke. Kalo perlu lebih gede lagi. Jangan lupa ame kolam renangnye! Pasti babeh ame enyak seneng dah. Asik asik. Aim koming babeh!

Aye lari buru-buru ke rumah sambil tereak-tereak kaga jelas. "Beh! Babeh!"

"Iye.. Ade ape? Tumben lu keluar dari kamar.. Biasanye mendem di kamar mulu.."

"Yaelah beh.. Beh.. Ampe segitunya nilai anak. Pan aye tadi dari luar bukan dari dalem kamar.. Pikun nih si babeh, tadi pagi 'kan babeh liat aye udah siap-siap pegi.."

"O iye, babeh lupa.." Kata babeh sambil nepuk jidatnye.

"Gini-gini juga aye anak babeh pan.."

"Iye.. Iyee.. Ahh serius aje lu.. Gua cuma becande Naruto anak babeh atu-atunye lagi.."

"Hehe.. Gitu dong.. Tebak beh, aye punya kabar ape?"

"Ape?"

"Yee.. Tebak dulu, baru aye kasih tai eh tau maksudnye.. Hehe.."

"Ah lu ni bise aje! Lu menang togel ye?"

"Yeee.. Babeh ade-ade aje.. Pernah masang nomer togel aje kaga.."

"Lah trus apaan dong? Ahh pasti lu menang sabung ayam yee? Ngaku ame babeh.. Berani-beraninye lu ye.." Babeh udah nyiapin tinju mautnya.

"Masa Alloh babeeeehhh! Dari tadi nebaknye yang kaga-kaga ye.. Aye ntu udah dapet kerjaan behh.."

"Ohh.." Diem sejenak. "APE? Lu dapet kerjaan Nar? Yang bener lu? Jangan boong ame babeh..." Lama amat dah ni orang konaknya.

"Babeh liat aje nih tampang aye.. Tampang bo'ong ape kaga?"

"Kagak sihh.. Ya Alloh, makasih Ya Alloh.. Akhirnye anak gue dapet kerje juge.."

Tiba-tiba nyak denger suara babeh, langsung dah nyamperin. "Ape Nar? Lu dapet kerjaan? Alhamdulillah anak enyak dapet kerje... Kerje ape Nar?"

Babeh ikut-ikutan, "Iye Naruto.. Lu kerja apaan?"

"Aye kerje jadi bodyguard nyak.. Behh.."

"Apaan tuh bodigat?" Tanya enyak.

"Enyak katanya jago bahasa inggris, masa kaga tau bodyguard nyak? Bukan bodigat..

"Pan lu tau ndiri gua kaga sekolah.. Nah gua nanya elu yang sekolah.."

"Hehe.. Bodyguard ntu asistennya bos nyak.."

Babeh langsung nanya, "Ohh sekertaris? Pan lu cowok Naru... Lu ngapain sih jadi sekertaris?

"Bukan sekertaris juga beh.. Bodyguard ntu tugasnye nggantiin bosnye kalo lagi sibuk.."

"Ohh gitu.. Ya maap, maklum babeh juga sekolah mpe SD doang pan.. Nah sekarang lu anak babeh, gua sekolahin tinggi-tinggi jangan ampe lu kecewain babeh ame enyak lu ini.."

"Iya beh.. Aye pan seneng juga kalo liat babeh ame nyak seneng kayak gini.."

"Duuuhh.. Anak enyak" Sambil megangin pipi aye, "Gimane kalo kite ngadain syukuran buat lu Nar?"

"Kaga perlu nyak.. Ntar biayanye gede.. Cukup makan bakwan nyak doang kok.."

"Tau darimane lu tau gue bikin bakwan?"

"Lha ini apaan yang di pipi Naru? Tepung terigu pan.."

"Masa Alloh.. Kok bise ampe nempel gitu Nar?"

"Ya iye lah nyak.. Orang dari tadi pipi aye di remet ame enyak.."

"Hehe yaudeh.. Nyak ke belakang dulu ye.. Lanjutin bikin bakwan.."

Enyak pun pegi kebelakang. Aye seneng kalo babeh same enyak seneng.. Aye takut, kalo babeh same enyak tau kalo kerjaan bodyguard ntu artinye jadi asisten.. Padahal aslinye, aye cuma jadi pengawal alias bawahan.

...

...

To Be Continued

Hahaha gimana? Seru? Lucu? Atau ancur?
maaf ye kalo jelek, ini keluar dari kepala sendiri.. (?)

Oke! Tunggu chap depannya ya.. :D

Mind to Review?