Rits1437 – I will try to upload long chapter. Thanks for ur review
Blair66 , Dream princes , JannatFairy , Bhumi98 , loveabhi Thanks for ur time and reviews
NIYATI apne room me ja ke apne bag se tape recorder nikal ke uspe gane sunati hai. Kuch der baad wo hall me jake dekhti hai, DAYA abhi bhi soya hua hai wo wapus aati hai.
NIYATI— Ye to ab tak so raha hai. Ab kya karu? Kewal gaana sunane me kya maza. Agar dance na kiya to kya fayda. Per dance or yaha. DAYA aa gaya to. Wo kumbhkaran to so raha hai. Wo nahi uthne wala itni jaldi.
NIYATI apne favorit song pe dance karne lagti hai. Kuch der baad uski nazar piche khade daya pe padti hai jo use dekh raha hai.
NIYATI-tumhe sharam nahi aati ek ladki ko chup chup ke dance karte huye dekh rahe ho.
DAYA-aapko sharam nahi aati aise kisi or ke ghar dance kar rahi hai.
NIYATI-main boar ho rahi thi.
DAYA-boar hone ka matlab ye to nahi ki kisi bhi jagah dance karna shuru kar de. Aap forensic doctor hai ya nautanki?
NIYATI-dekho tum apni galti chupane ke liye mujhe blame nahi kar sakte.
DAYA-galti kaun si galti? Mera ghar hai main jaha chahu waha ja sakta hu. Or waise bhi mujhe koi shaukh nahi hai aapka faltu dance dekhne ka. Main to bus yaha apna phone lene aaya tha. Socha ABHIJEET ka haal puch lu. Mujhe kya pata tha ki yaha aapka dance program chalu hai or aise aap mujhse ladne lagengi wo bhi bina wazah.
NIYATI-bina wazah! Tum mujhe chup ke dance karte dekh rahe the or ye galat hai. Or sab kehte hai kit um bahut sharif ho. Ek ladki ko chup chup ke dekhna kaun sa sahrifo ka kaam hai.
DAYA-bus bahut ho gaya. Jab se aai hai tab se ilzam pe ilzam lagaye ja rahi hai. Ab or kuch kaha na to..
NIYATI-to, to kya karoge haa?
NIYATI gusse se aage badhti hai per ladkhadati hai or girane lagti hai. DAYA use tham leta hai. Per NIYATI ka hath side wali table ke kone se lag jata hai or use chot lag jati hai.
NIYATI-aauch.
DAYA-kya hua? Dikhaiye, chot lag gayi kya?
Daya Niyati ka hath dekhta hai. Wo uska hath pakad ke use palang pe baithata hai. Phir wo first aid box le ke aata hai.
DAYA-laiye hath main dawa laga du.
NIYATI-nahi rehne do.
DAYA-are laiye dawa laga du chot jyada lag gayi hai khoon bhi nikal raha hai. Agar abhi dawa nahi lagai to zakham badh sakta hai.
NIYATI-nahi rehne do.
DAYA-baccho ki tarah zid mat kijiye. Laiye dawa laga du. Dekhiye…. Bharosa kijiye mujhpe main utna bura bhi nahi hoo. sirf dawa lagaunga or kuch nahi karunga. Itna to yakeen kijiye mujhpe.
DAYA ki baat sun ke NIYATI ek pal ko uski or dekhti reh jati hai. Daya nazaro me usase izazat mangta hai or NIYATI apna hath daya ke hath me de deti hai.
NIYATI-thik hai. Laga do per dheere se.
Daya Niyati ka hath pakad ke dheere dhreere uspe dawa lagata hai.
DAYA-aap aaram se chal nahi sakti kya? Kyu itne gusse me rehti hai? Agar gir jati to?
NIYATI-per giri to nahi na. Maine khud ko sambhal liya tha.
Daya uski is baat pe uski or dekh ke smile karta hai. Jawab me NIYATI nazare chura leti hai.
NIYATI-thanks.
DAYA-kyu?
NIYATI-tumne mujhe girne se bachaya.
DAYA-it's ok.
NIYATI-aah.
DAYA-dard hua kya? I m sorry.
DAYA Niyati ke hath pe aahista aahista dawa lagata hai jisase use dard na ho. NIYATI uski or dekhti hai. Uske dil me kuch kuch hone lagta hai. Wo DAYA ke chehre se nazre hata leti hai.
NIYATI-tum to so rahe the na phir yahaa.
DAYA-wo aapka music sun ke neend khul gayi. Or such kahu to main yaha phone lene hi aaya tha lekin…
NIYATI- lekin?
DAYA- lekin aapko dance karte dekha to ruk gaya. Aapko dekhne ka mera koi irada nahi tha yakin kijiye mera. Wo to bus...
NIYATI-kiya.
DAYA-kya?
NIYATI-tumhara yakin.
Achanak Daya ki nazar Niyati ke kapdo pe padti hai.
DAYA- ye kurta ye aapko itna fit kaise ho gaya?
NIYATI-ye. Ye to maine ise….. kaat ke ise fit kar liya jab tum so rahe the.
DAYA-aapne ise fit kar liya!
NIYATI- haa khud apne hatho se sila hai. Bahut mushkil hui tumhare ghar me sui dhaga dhundhne me. Tum sochte hoge ki mujhe kuch nahi aata per mujhe sab kuch aata hai khana banana, silai or….
DAYA-are mujhe nahi jaanana ki aapko kya kya aata hai. Mujhe bus itna bataiye aapne ye kurta kyu kata?
NIYATI-kyunki ye mujhe fit nahi aa raha tha. Kitne kanjus ho tum. Ek kurte ke liye mujhse lad rahe ho. Isake paise le lena mujhse.
DAYA-ye mera favorite kurta tha. Mujhe ABHIJEET ne gift diya tha. Or aapne ye kurta kaat diya.
NIYATI-Ro to aise rahe ho jaise tumhari girlfriend ne gift kiya ho. Are dost ne hi to gift ki thi dusari de dega.
DAYA—ABHIJEET mere liye dost se kahi badhkar hai.
NIYATI-oh ho fir se start ho gaya tumhara dosti puran. Are mere paas pehanane ko kapde nahi the to maine ye kurta apne hisab se fit kar liya. Tum to itni si baat pe behas karne lage.
DAYA- itni se baat! Aap jaane dijiye aap nahi samjhengi.
Daya gusse me waha se chala jata hai.
DAYA-ek to galti karo uper se behas bhi karti hai. Isliye Ye ladkiya kabhi samjh me nahi aati mujhe. Apni galti maan lene me pata nahi kya problem hoti hai unhe.
NIYATI-Abhi ek pal ke liye accha laga tha lekin baat baat pe ladne ko taiyar rehta hai. Ek min Niyati ye tujhe accha kyu laga? Ye daya tera dushman hai dushman.
Kuch der baad Niyati room se bahar aati hai. Daya kisi se phone pe baat kar raha hota hai.
DAYA-Bilkul pagal hai yaar wo. Mujhe to samjh me nahi aata her time uske dimag me itni saari khurapat kaise chalti rehti hai. NIYATI-Ek kurta kya le liya apne dost se meri shikayat kar raha hai. Huh
DAYA kisi baat pe smile karta hai or NIYATI ki nazar uske chehre pe stop ho jati hai.
NIYATI-Iski smile kitni khubsurat hai. Kitna pyaara lagta hai smile karte huye phir pata nahi kyu humesha sadi hui si shakal bana ke rakhta hai. Ye agar thoda sa smile kare to koi bhi ladki ispe flat ho jaye.
NIYATI aise hi DAYA ko dekh hi rahi hoti hai ki tabhi Daya uski or palatata hai. NIYATI achanak apni chori pakade jane pe embarrass ho jati hai. Daya usase isharo me puchta hai kya hai. Jawab me NIYATI kuch nahi bol ke room me chali jati hai.
NIYATI-kya kar rahi hai NIYATI ? Kya zaroorat thi use aise ghoor ghoor ke dekhne ki? Mana uski smile acchi hai per wo tere liye smile to nahi karta na. Her waqt tujhe datata rehta hai. Tujhse ladta rehta hai. Tujhe kya wo jaisa bhi hai wo tera dushman hai dushman or tu bus isi ke baare me soch.
Raat ko daya niyati ke kamre me aata hai.
DAYA-khana lag gaya hai kha lijiye.
NIYATI-thik hai main aati hu.
Niyati bahar khana khane aati hai. Khane ki table pe uski nazar bus daya pe lagi rehti hai.
NIYATI- ye aadmi utna bura bhi nahi hai. Jitna main ise samjhti hu. 2 din se main isake ghar pe hu per isne aisa kuch nahi kiya jo galat ho. Haa thoda nakchadha hai lekin utna to chalta hai. Shakal bhi thik thak hai or iski smile wo to aisi hai ki nazar hi nahi hatati.
DAYA- ye itni chup chup si kyu hai? Kuch soch rahi hai kya? Nahi sochne ke liye to dimag chahiye hota hai or wo to iske paas hai hi nahi. Haa zaroor ladne ke liye topic dhoondh rahi hogi. Waise chup rehti hai to kitni acchi lagti hai. Per pata nahi kyu her waqt bak bak karti rehti hai.
NIYATI-ye kya kar rahi hai NIYATI ? Kyu aise daya ko dekhe ja rahi hai? Control NIYATI Control wo utna khas bhi nahi hai jo teri nazar uske chehre se hate hi nahi.
DAYA-ye mujhe aise ghur kyu rahi hai? Sambhal ja daya lagta hai madam ko gussa aa raha hai.
NIYATI- Is DAYA ke attraction se bachane ka ek hi rasta hai main isase ladna shuru kar deti hu. Ladne ke beech ye kuch kadwa zaroor bolega or mujhe ye jo accha lagne laga hai phir se bura lagne lagega. Haa yahi thik hai main isase ladti hu per ladu kis baat pe?
Niyat khate huye plate me spoon patak deti hai.
NIYATI-ye kaisa khana banaya hai? Kitna ganda taste hai iska. Tum dhang ka khana nahi bana sakte kya?
DAYA-kya ho gaya? Aap to 2 din se mere haath ka bana khana kha rahi hai. Lekin aapne koi shikayat nahi ki phir aaj..
NIYATI-kha nahi rahi thi nigal rahi thi. Lekin beswad khana khane ki bhi ek limit hoti hai na.
DAYA-dekhiye aap to aise baat kar rahi hai jaise main aapka cook hu. Or agar aapko is khane se itni hi problem hai to kichen waha hai khud jaiye or bana lijiye.
NIYATI-are wah ab main tumhare ghar pe khana banau. Kal ko kahoge tumhare kapde dho du, boot police kar du. Biwiyo wale kaam karwaoge tum mujhse.
DAYA-kya? Aap baat ko kaha se kaha ghuma ke le ja rahi hai. Maine aisa kab kaha.
NIYATI-kaha nahi to kya main wait karu tumhare kehne ka? Ek to ye barish rukne ka naam nahi le rahi. Kab rukegi ye barish?
DAYA-mujhe kya pata?
NIYATI-pata nahi hai to pata lagao. Waise bhi mujhe ab tumhare ghar me nahi rehna.
Itna keh ke NIYATI apne room me chali jati hai.
DAYA-(gusse me) mujhe bhi koi shaukh nahi hai aapko apne ghar rakhne ka.
kamre me aa kar niyati bed pe baith jati hai.
NIYATI-ab ja ke thoda relax feel kar rahi hu. Is daya se lad ke hi mujhe sukun milata hai. Warna jab se usne mera hath pakda hai tab se pata nahi kya ho gaya mujhe wo mujhe accha lagne laga hai. Think… daya mujhe accha lagne laga hai. Main soch bhi kaise sakti hu ki us adiyal me kuch accha ho sakta hai.
Idhar daya hall me sone ki taiyari kar raha hota hai.
DAYA-ajib pagal ladki hai. Accha bhala khana kha rahi thi achanak se ladne lagi. Bewzah ladne me to jaise digree le rakhi hai isne. Ek to ye sofe pe sote sote halat kharab ho gayi hai. Pata nahi kab ye barish rukegi or ye apne ghar jayegi. Or kab ja ke mujhe mera room wapus milega.
Niyati room me kitna sone ki kosis karti hai per use neend nahi aati. Wo uth jati hai.
NIYATI-ek to ye neend bhi nahi aa rahi mujhe. Pata nahi is daya me kya hai jo iska bhoot mere sir pe chadh gaya hai. Aankhe band karte hi uska chehra nazar aata hai. Niyati agar tune khud pe control nahi kiya to tu bahut jalad pagal ho jayegi. Or agar daya ko is baat ka pata chal gaya ki aaj kal main bus uske baare me sochti rehti hu to wo kitna mazak udayega mera. Ek to bhookh bhi lag rahi hai. Daya se ladne ke chakkar me khana bhi nahi khaya. Ab agar bahar ja kar use kahungi to 10 baatein sunayega wo. Khud ja ke chupke se kha leti hu.
Niyati kitchen jane ke liye room se nikalti hai. Waha jane ka rasta hall se hokar gujrta hai. Wo ja hi rahi hoti hai ki uski nazar waha soye daya pe padti hai. Wo daya pe paas aati hai or waha baith ke daya ko dekhne lagti hai.