After some time Niyati DAYA ke room me aati hai.

NIYATI- wo...
DAYA- ji kuch kaam tha?
NIYATI- wo barish phir se shuru ho gayi hai.
ABHIJEET- are yaar ab main wapus kaise jaunga? Mujhe pehle hi nikal jana tha. Koi baat nahi abhi barish jyada tez nahi hai. Yaar DAYA main nikalta hu.
DAYA- are aise barish me kaha jaoge? Tum yahi reh jaao aaj.
ABHIJEET- are yaar nahi main kaha.. Main chala jaunga na.
NIYATI- DAYA thik keh raha hai. Aise agar barish me bheengate huye jaoge to beemar pad jaoge.
DAYA- haa bilkul. Beemar pad jaoge, tum kahi nahi jaoge. Yahi reh jaao aaj.
ABHIJEET- are yaar main chala jaunga na.

DAYA—Maine kaha na Tum kahi nahi ja rahe. Yahi raho aaj. Or tum to aise baat kar rahe ho jaise aaj pehli baar yaha ruk rahe ho.
ABHIJEET- accha thik hai yaar nahi jata ab khush.
DAYA- super khush.
NIYATI- main keh rahi thi ki..
DAYA- ki?
NIYATI- Raat ka khana.
ABHIJEET- khana?
NIYATI- haa raat ko khane me kya banau?
ABHIJEET- are main kya keh raha tha Dr. Pradhan ki aap rehne dijiye aaj khana main bana dunga.
NIYATI- main sada khana bhi bana sakti hu.
ABHIJEET- are aapke haath ka khana to humne kha liya ab aap mere haath ka khana kha ke dekhiye.
NIYATI- lekin.
ABHIJEET- are Dr. Pradhan aap aaram kijiye main khana banate hai na. Chalo DAYA.
NIYATI- DAYA. Per DAYA kahi nahi jayega. Uski tabiyat thik nahi hai.
DAYA- are mera bukhar bilktl utar gaya hai. Main ab thik hu.
NIYATI- or tumhara zakham.
ABHIJEET- zakham? DAYA tumhe chot lagi hai kya?
NIYATI- nahi wo subah coffy gir gayi or jal gaya.
ABHIJEET- jal gaya! Kaha jal gaya? DAYA tumne bataya nahi mujhe. Dikhao kaha hai.
DAYA- are nahi yaar wo thoda sa.
NIYATI- thoda sa nahi bahut jyada jal gaya hai. Or ye bandage bhi nahi karne de raha tha. Wo to maine jab ye soya hua tha to maine bandage kar di.
ABHIJEET- ye aisa hi hai. Apni parwah to ise kabhi rehti hi nahi.
DAYA- are yaar chota sa zakham hai. Tum bekar me hi tension le rahe ho.
ABHIJEET- agar itna hi chota zakham hai to dikhao mujhe.
NIYATI- main .. Main chalti hu. Tumhe agar kitchen me meri help chahiye hogi to mujhe batana.

Niyati ke jaane ke baad

ABHIJEET- dikhao mujhe. Kaha jala hai.
DAYA- yaha.
ABHIJEET- yaha! Or Dr. Pradhan ne yaha bandage ki.
DAYA- (with shy expression) haa.
ABHIJEET- dekhne hi se lag raha hai accha khasa jalaya hai saheb ne. Waise bandage kafi acche se ki gayi hai.
DAYA- mujhe to pata bhi nahi chala kab ki unhone bandage. Main to bukhar ki wazah se behoshi ki halat me tha.
ABHIJEET- haa bhai or agar aisi haseen doctor ilaz kar rahi ho to insan hosh me aana hi na chahe.
DAYA- tum phir se shuru ho gaye. Main such me hosh me nahi tha.
ABHIJEET- are yaar maan li teri baat. Waise dekhne se lagta hai kafi parwah karti hai wo teri. Abhi dekha na kaise mujhe mana kar diya ki main tujhe kitchen me na le jaau.
DAYA- meri parwah chod apni kar.
ABHIJEET- kyu mujhe kya hua.
DAYA- boss keh to diya ki khana bana loge. Per banaoge kaise? Wo bhi bina meri help ke.
ABHIJEET- are bana lunga main.
DAYA- accha. Waisa hi khana jo tarika ko bana ke khilaya tha.
ABHIJEET- kya yaar.
DAYA- boss tumne unke banaye khane ke baare me itna kuch bola. Or tum jaisa khana banate ho na agar wo unki plate me parosa na to wo tumhe badle me kya kya sunayegi tum soch bhi nahi sakte.
ABHIJEET- haa yaar. Socha tha ki tum sath hoge to khana ban jayega. Lekin ab tum to kichen me ja nahi sakte akele hi khana banana hoga. Dekhte hai kya hoga. chal yaar tum aaram karo main khana banata hu.
DAYA- are lekin kaise banaoge. Tumhe to khana banana aata hi nahi.
ABHIJEET- are internet hai na. Usase dekh ke bana lunga.
DAYA- are yaar sambhal ke haath vaat mat jala lena.
ABHIJEET- haa baba. Ab tum aaram karo or mujhe khana banane do.

In kitchen ABHIJEET bahut pareshan hai ki khana banaye kaise. Bahut sochne ke baad wo chawal, daal or aalu gobhi ki sabji banane ka decide karta hai. Chawal chadhane ke baad.

ABHIJEET- daal me paani kitna daalu?
DAYA- 2 glass.
ABHIJEET- (shocked)are tum yaha kya kar rahe ho? Tumhe to aaram karne ko kaha tha na.
DAYA- tum yaha kitchen ke jhamelo me pareshan ho or main aaram karu. Aisa kabhi ho sakta hai kya?
ABHIJEET- are yaar lekin agar wo tumhari dr. Pradhan ko pata chal gaya na..
DAYA- meri dr. Pradhan!
ABHIJEET- accha thik hai nahi kehta unhe tumhari ab to ghurna band karo. Lekin agar unhe pata chal gaya ki maine tumhe kitchen me lagaya hai to pata nahi wo mera kya karengi.
DAYA- are kuch nahi karengi. Unhe pata bhi nahi chalega. Main abhi unke kamre me jhaak kar aa raha hu wo to aaram se aankhe band kar ke kaano me headphone laga ke gaane sunane me buzy hai.
ABHIJEET- sharam kar DAYA ek ladki ke kamre me taak jhaak kar raha hai. Bilkul bigad gaya hai tu.
DAYA- pehli baat wo mera kamra hai. Dusri baat main koi taak jhak nahi kar raha tha main bus ye dekh raha tha ki wo kar kya rahi hai jisase main tumhari help karne aa saku.
ABHIJEET- are bhadko mat yaar. Maan liya maine tum bigade nahi ho. Ab aao meri help karo. Lekin tumhe taklif to nahi hogi na?
DAYA- bilkul nahi. Pain killer liya hai na.
ABHIJEET- lekin tu bus yaha baith ke batata ja main khana banaunga.
DAYA- ok.

After some time dinner get ready.

ABHIJEET- khana to ban gaya. Ab bula laaye judge sahiba ko.

DAYA- Judge sahiba!

ABHIJEET- haa bhai paas mark to wahi dengi na.
DAYA- tum bhi na.

At dinner table.

NIYATI- are wah. ABHIJEET mujhe to laga tha ki tumhe bus jasoosi karna or flirt karna aata hai. Lekin tum to khana bhi bana lete ho.
ABHIJEET- flirt. Main.. Main kaha flirt karta hu. Bolo na DAYA.
DAYA- haa Abhi aisa nahi hai.
NIYATI- tum to isi ki side loge na. Tumhara best friend hai na. Galat kare ya sahi tumhe to uski haa me haa milana hai.
DAYA- aap kehna kya chahti hai hum dono ek dusre ki galat baato me sath dete hai. Ek baat aap samjh lijiye ki hum ek dusre ke dost zaroor hai lekin iska matlab ye nahi ki hum ek dusre ki galtiya chupate hai.
NIYATI- rehne do. Main bhi sab janti hu.
DAYA- accha. Main bhi to janu aisa kya janti hai.
ABHIJEET- are DAYA yaar bus karo na. Khana thanda ho raha hai. Khana shuru karo.
NIYATI- main kaha kuch kehti hu ye to tumhara dost mujhse ladta rehta hai.
DAYA- main..
ABHIJEET- aap dono khamoshi se khana nahi kha sakte? Lagta hai aap dono ne suna nahi khate samay baat nahi karte. Ab aap log khana khaiye thanda ho raha hai.

Sab khana shuru karte hai.
NIYATI- DAYA. Maine tumhe kaha tha na ki tum aaram karna phir tum kitchen me kyu gaye?
DAYA, ABHIJEET both are shocked.

DAYA- m.. Main.. Main kaha gaya kitchen me.
NIYATI- tum chup karo. Tum to kabhi bhi meri wo baat nahi sun sakte jo maine tumhari bhalai ke liye kahi ho. Lekin ABHIJEET tum .. Tumhe to iska dhyan rakhna tha na. Waise to bada dost dost karte ho.
ABHIJEET- are per.. Per DAYA to kitchen me aaya hi nahi.
NIYATI- jhooth mat bolo. Ye khana DAYA ne banaya hai. Uske banaye khane ka taste main aaram se bata sakti hu.
ABHIJEET- o.. To aapne bus taste kar ke bata diya ki ye khana DAYA ne banaya hai.
NIYATI- haa. Main bhi kuch kum nahi. Lekin tum mujhe ye batao ki jab tumhe pata tha ki DAYA thik nahi hai to phir tumne use kitchen ke kaam me kyu lagaya?
DAYA- isme Abhi ki koi galati nahi. Main khud gaya tha.
NIYATI- tum bahut laparwah ho. Apni sehat ka kuch to khayal rakho.
ABHIJEET- are wah DAYA. Maanana padega ki dr. Pradhan ko tumhari bahut parwah hai.
NIYATI- ab agar saamne wala itna laparwah ho to kisi or ko hi uska khayal rakhna hoga na. Waise mera to ho gaya. Main plates kitchen me rakh deti hu.

After niyati left.
ABHIJEET- kuch hua?
DAYA- kya?
ABHIJEET- kuch bhi.
DAYA- per kyu?
ABHIJEET- are jab dr. Pradhan ne tumhare banaye khane ko bus taste kar ke pehchan liya.
DAYA- to isme kuch hone wali baat kaha se aa gayi?
ABHIJEET- Aaii.. Tumhara kuch nahi ho sakta.

Night in DAYA room.
DAYA- are yaar wo mere kamre se mera kurta pajama la do na. In kapdo me nahi so sakta main.
ABHIJEET- thik hai.

Abhi DAYA ke room me jata hai wapus aata hai to uske haath me wahi kurta hota hai jo usne DAYA ko gift kiya tha.

ABHIJEET- ye kya hai aain? Ek gift tak sambhal ke nahi rakh sakte tum mera. Kitne pyaar se main tumhare liye le ke aaya tha or tumne iska kya haal kiya hai?
DAYA- ye maine nahi kiya yaar. Wo.. Dr. Pradhan ko diya tha ek baar pehanane ko. Unhe fit nahi ho raha tha to unhone fit kar liya.
ABHIJEET- or tumne karne diya. Yahi kadar hai tumhari nazar me dost ke tohfe ki.
DAYA- are yaar mujhe to pata bhi nahi chala. Warna main unhe aisa karne nahi deta. Such me.
ABHIJEET- thik hai. Maan li teri baat. Ab ja ke change kar lo.

After some time.

DAYA- tum itni der se kya soche ja raha ho?
ABHIJEET- soch raha hu ki kitna bewkoof dost mila hai mujhe.
DAYA- main or bewkoof.
ABHIJEET- haa. Are ek ladki tumhare banaye khane ka taste 2 din me pehchanane lagi hai. Ek ladki teri itni care karti hai or tumhe kuch nahi hota.
DAYA- are yaar movie thodi hai jo kuch kuch hoga.
ABHIJEET- are yaar tum filmo ko beech me mat laao. Real life me bhi aisa hota hai.
DAYA- tumhe hota hai jab tarika tumhari tarif karti hai?
ABHIJEET- mujhe kuch kya mujhe bahut kuch hota hai jab bhi dr. Tarika choti si baat pe bhi meri tarif karti hai, meri side leti hai, meri care karti hai.
DAYA- per wo meri tarif kaha karti hai. Sara time meri burai karti rehti hai.
ABHIJEET- lekin wo teri care to karti hai na? Accha ye bata jab wo teri care karti hai to tujhe accha lagta hai na?
DAYA- haa.

Idhar niyati jo kitchen clean kar ke apne room me ja rahi hoti hai tabhi use DAYA ke kamre se apna naam sunai deta hai.
NIYATI- ye dono mere baare me kya baat kar rahe hai. Zaroor meri burai kar rahe honge. Zara sunu to kya keh rahe hai mere baare me.

Wo unke kamre ke gate ke paas aakar unki baatein sunane ki kosis karti hai.

ABHIJEET- jab wo kisi or ki tarif karti hai to tujhe jalan hoti hai?
DAYA- bahut gussa aata hai. Ab tum ise jalan karo ya mera ego ki main apne aage kisi or ki tarif nahi sun sakta. Ya yu kaho ki us kiku ki tarif nahi sun sakta.
ABHIJEET- he bhagwan agar tu her baat ko aise twist karega to kaise pata chalega ki tere dil me kya hai? Or us kiku chiku ko bhool ja tu, uski to shadi ho rahi hai. Bekar me usase jal jal ke apni sehat kharab kar lega.

NIYATI- DAYA kiku se jalta hai. Per kyu? Wo to kiku ko janta tak nahi.

DAYA- yaar Abhi pls kuch karo na. Meri confusion door karo pls.
ABHIJEET- Tumhari confusion door karne ke chakkar me main confused ho jaunga.
DAYA- are boss agar tum aisa karoge to mera kya hoga.
ABHIJEET- accha ye bata tu jab bhi unhe dekhta hai to tujhe kaisa lagta hai?
DAYA- matlab?
ABHIJEET- matlab tera sir. Are yaar jab bhi wo tere saamne aati hai, tujhse baat karti hai to kaisa lagta hai tujhe?
DAYA- accha lagta hai. Zahir hai koi khubsurat ladki tumse baat karegi to accha hi lagega.
ABHIJEET- tu piche se apna specail comment add karna band kar. Zahir hai ye hoga, wo hoga.

NIYATI- ye to pakka hai ki ye log kisi ladki ki baat kar rahe hai. Per kiski? Kaun hai jise dekh kar DAYA ko accha lagta hai.

DAYA- maine kya kiya. Main to tumhare sawalo ka jawab de raha tha.
ABHIJEET- lagta hai sidhe tarike se baat nahi banegi. Is budhu ke liye ulta raasta apnana padega.