DAYA- maine kya kiya. Main to tumhare sawalo ka jawab de raha tha.
ABHIJEET- lagta hai sidhe tarike se baat nahi banegi. Is budhu ke liye ulta raasta apnana padega.
DAYA- kya soch rahe ho?
ABHIJEET- yahi ki tujhe us pagal ladki me nazar kya aaya? Shakal bhi kuch khas nahi hai. Baal itne rukhe sukhe hai. Akal naam ki cheej nahi hai bus Saara din chapar chapar karti rehti hai. Ladki jaisi ek harkat nahi hai uske andar.
DAYA- are boss wo itni bhi buri nahi hai. Acchi khasi hai dekhne me balki khubsurat hai. Or unke baal bahut khubsurat hai. Or wo chapar chapar nahi karti. Wo to jab bolati hai na to dil karta hai bus sunta rahu. Unki smile itni pyaari hai. Jab bhi smile karti hai na to unki khubsurati or badh jati hai. Or wo such me itntellegent hai aise hi koi forensic doctor nahi ban jata. Or wo tom boy type rehti zaroor hai lekin unhe ladkiyo wale kaam aate hai.
NIYATI- ye kis ladki ki tarif me kaside padh raha? Kahi mera number aane se pehle hi to iske dil pe kisi or ka kabza nahi ho gaya.
ABHIJEET- wah wah. Itni der se main puch raha tha ki batao tumhe wo kaisi lagti hai to saheb baatein ghuma rahe the. Or zara si burai kya kar di kaise juban se tarife nikalane lagi. Mujhe acche se pata hai ki tu sidhi tarah to apne dil ka haal bayan karne wala nahi isliye teda raasta lena pada.
DAYA- tum.. tumne ye sab jaan boojh kar kaha. Tum kabhi nahi sudhroge.
ABHIJEET- main kaha bigra hua hu jo sudhrunga.
DAYA- tum bhi na boss.
ABHIJEET- to cofusion clear ho gayi na ki tumhe pyaar ho gaya hai. Kyunki jiske liye tum mujhse ulajh jao wo tumhare liye khas se bhi jyada hi hogi na. To ab ek aakhiri kaam kar do.
NIYATI- DAYA ko.. DAYA ko kisi se pyar ho gaya hai. Niyati tujhe pyaar ka ehsas hone me bahut der ho gayi. Lekin is adiyal ko itni jaldi kya thi pyaar me padne ki. Mera wait nahi kar sakta tha. Tu bhi na niyati use kaun sa sapna aaya hoga ki tujhe bhi usase pyaar ho jayega. Ab yaha khade ho ke kya fayda. Teri baraat aane se pehle hi kisi dusari gali me mud gayi. Lekin jaane se pehle zara us ladki ka naam to jaan lu jisane is adiyal ke dil me apni jagah bana li.
DAYA- ab kya karna hai?
ABHIJEET- are ja ke keh de teri Dr. Pradhan ko ki tujhe pyaar ho gaya hai.
DAYA- meri dr. Pradhan?
ABHIJEET- accha thik hai meri Dr. Pradhan se.
DAYA- Abhi.
ABHIJEET- are chhodo na meri teri ka chakkar. Sidhe sidhe ja ke unse keh do ki tumhe unse pyaar ho gaya hai.
NIYATI- haiiiiiiiiiii. DAYA ko mujhse.. Mujhse pyaar ho gaya hai. Nahi ise mujhse pyaar kaise ho sakta hai? Mujhe hi sunane me galati ho gayi hai.
DAYA- per Abhi agar ye feeling wakati hui to?
ABHIJEET- Are yaar tu bhi na. Tu raat bhar chain se soch le ki tujhe usase pyaar hai ki nahi. Agar hai to bol de nahi hai tab bhi bol de.
DAYA- nahi hai to kya bolu?
ABHIJEET- to ja ke bol de ki tera or unka kuch nahi ho sakta. Kyunki jaha tak mujhe lagta hai Niyati bhi tujhe pasand karne lagi hai.
NIYATI- DAYA such me mujhse pyaar karta hai. Use mujhse pyaar ho gaya hai. Ye to ye to magic ho gaya. Lekin Daya confused kyu hai Pyaar hai to aake sidhe sidhe mujhse keh kyu nahi deta? Koi baat nahi main hu na. Iski confusion door kar dungi. Or ab to izhar bhi pehle yahi karega.
In morning. Niyati sabke liye coffy banati hai. Sab sath me cauch pe baith ke coffy pi rahe hai.
ABHIJEET- yaar DAYA ACP sir ka phone aaya tha beuro aane ko. Barish bhi ruk gayi hai or pani bhi lagbhag utar gaya hai to main chalata hu.
DAYA- accha ruko boss main bhi ready hota hu.
ABHIJEET- are nahi maine sir se keh diya hai ki tumhari tabiyat thik nahi hai to tum aaj rest karo.
DAYA- accha thik hai. Tum sath me Dr. Pradhan ko lete jao. Raaste me unhe unke ghar chhodte jana.
Niyati ye sunkar shocked reh jati hai.
NIYATI- (tu himself) main kaise ja sakti hu? Agar main chali gayi to ye jo kuch bhi mere or DAYA ke beech shuru hua hai wo to aage badhne se pehle hi khatam ho jayega. Kaam ke chakkar me hum ulajh jayenge or DAYA jiske dil me mere liye kuch kuch hone laga hai wo sab CID ki zimmedariyo ke neeche dab jayega. Nahi main nahi ja sakti. Mujhe kum se kum ek din to or yaha rehna hoga jisase main DAYA ke dil ki baat uski zuban tak la saku. Per kya karu? Ab to koi bahana bhi nahi raha jisase main yaha ruk saku. Agar bahana nahi hai to bahana banana padega lekin main aaj yaha se nahi jane wali. Kya karu?
ABHIJEET- Dr. Pradhan apna bag pack kar lijiye main aapko ghar chhodate chalunga.
NIYATI- haa.. Haa kar leti hu.
Niyati kitchen me coffy mug rakhne jati hai. DAYA ABHIJEET aapus me baat karne me lag jate hai.
NIYATI- kya karu jisase main yaha ruk saku? Soch niyati soch warna teri love story to start hone se pehle hi khatam ho jayegi.
DAYA ABHIJEET dono apni baato me lage hai tabhi unhe Niyati ki aawaz sunai deti hai 'aaa'
Dono us taraf dekhte hai jaha Niyati zamin pe giri padi hai. Dono waha pahuchte hai.
DAYA- kya hua? Aap gir kaise gayi?
NIYATI- main kitchen se aa rahi thi to achanak se gir gayi. Mera pair..lagta hai moch aa gayi hai.
ABHIJEET- lekin yaha aas paas aisa kuch bhi nahi hai jisaki wazah se koi gir jaye. Phir aap giri to giri kaise?
NIYATI- oh ho tum yaha bhi apna jasoosi karna band karoge. Mere pair me chot lagi hai, mujhe itna dard ho raha hai or tum yaha bhi Sr. Ins. ABHIJEET bane ghum rahe ho.
ABHIJEET- are main to..
DAYA- are ABHIJEET tujhe to pata hai na ye aise hi chalti hai. Ye to kahi bhi gir jati hai. Isme itna hairan hone ki kaun si baat hai.
NIYATI- tum dono bhi na bilkul patthar dil ho. Meri kisi ko parwah hi nahi hai.
DAYA- aap chaliye kamre me.
Niyati uthne ka try karti hai lekin gir jati hai.
NIYATI- mujhse nahi utha jayega. Bahut dard ho raha hai.
ABHIJEET- aap kosis to kijiye khade hone ki. Kamre tak to chaliye.
NIYATI- main keh rahi hu na bahut dard ho raha hai. mujhse utha bhi nahi ja raha or tum kamre tak jaane ki baat kar rahe ho.
DAYA- lekin aapko kosis to karni hogi na. Aap yaha to nahi reh sakti na.
ABHIJEET- DAYA tum Dr. Pradhan ko unke kamre tak pahucha do.
DAYA- main..
ABHIJEET- haa yaar tum inhe utha ke kamre tak pahucha do main doctor ko phone karta hu.
NIYATI- nahi doctor nahi. Main pain killer kha lungi or koi dawa laga lungi to thik ho jayega. Waise bhi sadak pe pani puri tarah se nahi utra to shayad hi koi doctor aayega. Tum bekar me pareshan mat ho.
DAYA- main aapko kamre tak pahucha deta hu. May I?
Niyati DAYA ko izazat de deti hai. DAYA Niyati ko apni baho me utha ke room me le jata hai. Wo use bed pe baitha deta hai.
ABHIJEET- DAYA main chalta hu yaar. Dr. Pradhan to aise me ja nahi sakti. To main chalta hu. Tum inhe koi dawa de do.
DAYA- chalo main tumhe bahar tak chhod du.
DAYA ABHIJEET ko bahar chhodne jata hai. Idhar Niyati room me baithi hai.
NIYATI- wah niyati wah. Filme dekhne ka yahi fayda hota hai ek se ek ideas aate hai dimag me. Ab dekh na ye jhooth mooth ke girne or chot ke drame ne tera kaam kitna aasan kar diya. Kisi ko shak bhi nahi hua or tera jana bhi cancle ho gaya. Ab main yaha reh kar aaram se DAYA ke dil ki feeling ko uski juban tak la sakti hu. Dekhte jaao DAYA kal tak main tumhe itna majboor kar dungi ki tum khud mujhse kahoge ki tumhe mujhse pyaar hai.
DAYA ABHIJEET ko chodkar wapus room me aata hai. Niyati bed pe baithi hai.
DAYA- abhi bhi dard ho raha hai kya?
NIYATI- haa.
DAYA- rukiye main pain killer deta hu.
NIYATI- pain killer! Wo.. Wo main baad me kha lungi. Abhi mujhe balm lagane ko de do.
DAYA- ji.
DAYA Niyati ko balm de ke chala jata hai.
NIYATI- ye lo. Ye aaj ke jamane ka dilip kumar to balm hath me thama ke chala gaya. Ye nahi ki balm khud laga de. Ab kya karu.
Niyati zor zor se DAYA ko aawaz deti hai. Aawaz sun ke DAYA aata hai.
DAYA- kya hua?
NIYATI- wo mujhse balm nahi lag raha.
DAYA- to isme itna zor se chillaane ki kya zaroorat hai?
NIYATI- Wo.. Wo mujhe dard ho raha hai.
DAYA- pain killer kha lijiye.
NIYATI- nahi. Balm hi laga leti per khud se lagane ki himmat nahi ho rahi.
DAYA- tab to aap pain killer hi kha lijiye.
NIYATI- Is bholu raam ki sui to pain killer pe atak gayi hai. Niyati tujhe hi kuch karna hoga.
DAYA niyati ko pain killer deta hai.
NIYATI- Maine kaha na main pain killer nahi khaungi.
DAYA- per kyu?
NIYATI- kyunki.. Kyunki mujhse dawaiya nahi khayi jati hai.
DAYA- oh. Lekin aap to kehti thi ki aap sab kuch kar sakti hai. Aapko kisi se daar nahi lagta. Fir aap itni si goli se darti hai.
NIYATI- Bus bus ab mazak udane ki zaroorat nahi hai. Ab khai jati dawai to nahi khai jati na.
DAYA- Aap pain killer nahi kha sakti, balm nahi laga sakti to aap karengi kya?
NIYATI- Itni baatein kar rahe ho ye nahi ki balm lagane me meri help kar do.
DAYA- main.. Main help kar to du lekin phir aap hi kahengi ki main situation ka advantage lena chahta hu.
NIYATI- help na karne ke bahane mat banao. Ab khade khade baatein kya kar rahe ho aakar meri help karo. Balm lagao mujhe.
DAYA- ji.
DAYA Niyati ko balm lagane aata hai. Niyati apni jeans thoda sa uper karti hai. DAYA thoda shy feel karta hai. Wo apna chehra dusri taraf kar leta hai. Niyati ye dekh ke smile karti hai. DAYA halake halake balm lagata hai. Niyati ki nazre DAYA ke chehre pe thehri hoti hai. Wo smile karte huye DAYA ko dekhe ja rahi hoti hai. DAYA ko ehsas ho jata hai ki wo Niyati ki nazro ke ghere me hai. Wo thoda akward feel karta hai lekin kuch nahi kehta. Kuch time baad
DAYA- Ho gaya. Ab aapko aaram ho jayega.
DAYA apna haath hatane ki kosis karta hai per Niyati uska hath pakad leti hai.
Niyati- are nahi karte raho na accha lag raha hai.
DAYA- kya?
Niyati- mera matlab ki abhi abhi to dard kum hona shuru hua tha or tumne itni jaldi apna haath hata liya. Thodi der or malish kar do na.
DAYA- ji...
Niyati fir se DAYA ko dekhne lagti hai.
DAYA- aap mera haath chhodegi tab to main malish karunga na.
Niyati apna DAYA ka haath chhod deti hai. DAYA Niyati ki malish start karta hai. Lekin Niyati ka use lagatar khud ko dekhna use ajeeb lagta hai. Wo thodi der baad apna haath hata leta hai.
DAYA- ab ho gaya. Aap thoda aaram kar lijiye dard kum ho jayega. Mujhe ACP sir se kuch baat karni hai. Main unhe phone kar ke aata hoo.
DAYA waha se chala jata hai. Niyati DAYA ko aise ghabraye huye dekh kar smile karti hai.
Niyati- Niyati tu bhi na bahut buri hai. Bechare ko pareshan kar diya. Bechara kitna ghabra gaya. Per uski shkal dekhne wali thi jab maine uska haath pakda tha. Aisa laga jaise use current lag gaya ho. Oh DAYA you are sooooooooo sweet. Kuch jayada hi sharif ho. Pyaar bhi karte ho or pyaar ka izhaar karne se bhi darte ho. Lekin maine bhi khud se ye wada kiya hai ki tumhare muh se tumhare pyaar ka izhaar karwa ke rahungi. Dekhti hoo kab tak khamosh rehte ho.
Idhar DAYA hall me pareshan sa ghoom raha hai.
DAYA- ye ho kya gaya hai DAYA mujhe? Jab Dr. Paradhan ne mera haath pakda to mere haath kaap kyu rahe the? Pehli baar to kisi ladki ne mera haath nahi pakda na. Lekin aisa to kabhi nahi hua mere saath. Phir aaj kyu? Kyu main itna ghabra gaya tha? Agar aise hi chalta raha to bahut jaldi unhe pata chal jayega ki mere dil me kya hai? Mujhe khud pe or apne emotions pe control karna hoga.