Dr. Salukhe ko CID mein rehte hue 10 saal ho chuke hain par aaj tak promotion nahi mila. But aaj Dr. Salukhe promotion maang hi leta hai. Kya usko promotion milega? Read and find out!

Dr. Salukhe apni lab mein ek case ke upar kaam kar raha hota hai. Deewar par tangi ghadi iss samay raat ke 2:00 a.m show kar rahi hoti hai. Dr. Salukhe apne forhead se paseena pochte hue ghadi ki taraf dekhta hai.

"Yaar aaj kaafi late ho gaya. Itna time toh mujhe subah toilet mein bhi nahi lagta jitna iss case ko solve karne mein lag gaya! Ab chalna chahiye ghar" Dr. Salukhe lab se bahar aa jata hai aur parking mein khadi apni gaadi mein baithkar ghar ki taraf nikal leta hai. Pehle wo desi daaru ki shop par rukta hai aur ek "addha" lekar ghar ki taraf chal deta hai. Gaadi mein drive karte karte uske mann mein vichaar aane lagte hain.

"Yaar main itne dino se CID mein hoon, but aaj tak promotion nahi mila. ACP ne har kisi ko promotion dilwa diya mujhe chhodkar. Abhijeet inspector se mochi ban gaya, Daya constable se inspector ban gaya, Tarika forensic expert se peon ban gayi, hamara peon Julaab Singh CID head ban gaya. But saala main aaj tak wahin ka wahin. Ek baar bhi upgradation nahi hua mera. But ab promotion paakar hi rahunga! By hook or by crook!"

Ye sab sochta hua Dr. Salukhe apne ghar pahuch jaata hai. Murga khaakar aur daaru peeke wo so jaata hai aur wait karta hai agle din subah hone ka.

- Next Morning At The Bureau -

Dr. Salukhe CID bureau pahuch jaata hai. Sabhi log ek case ke upar discussion kar rahe hain hote hain.

"Good Morning Everyone!" Dr. Salukhe sabko greet karta hai.

"Aa gaya manhoos. Aaj phir se late!" ACP apni eyebrows seekodta hua bolta hai.

"Sorry Sir Ji. Aaj zara traffic jam ki wajah se late ho gaya!" Dr. Salukhe rota hua bolta hai.

"Traffic Jam? Ya yun bol Salukhe ki tu raat peekar soya tha jisse subah aankh nahi khuli teri!"

Dr. Salukhe sharm se nazar neeche jhukakar lab mein chala jaata hai aur kaam karne lagta hai.

"Yaar aaj toh iss ACP ne acchi beizzati kar di. Pata nahi kya samajhta hai khud ko!" Dr. Salukhe mann hi mann badbadata hai.

"Aaj isse aur baaki CID walo se badla lekar hi rahunga. Raat Abu Salem ki julaab ki dukaan se julaab ki dawai isliye hi thodi khareed kar laya tha ki kuch na karun!"

"Ab dekhta hoon ye saare CID wale kaise meri aur beizzati karte hain. Aur iske baad mujhe promotion bhi mil jayega."

Lunch time hone wala hota hai aur aaj Dr. Salukhe bolta hai ki sabke liye canteen se wo lunch layega. Canteen boy ko pehle hi wo paise de deta hai ki sabke khaane mein julaab ki goli mila de. Par canteen boy bhi kattar Harami hota hai. Wo sabke khane ke saath Dr. Salukhe ke khane mein bhi julaab ki goli mila deta hai. Dr. Salukhe sabke liye khana le aata hai. Uske chehre par ek kameenepan ki hansi hoti hai.

"Lo bhai sabka khana aa gaya hai"

Salukhe sabko unki plates de deta hai. Saare CID officers kutton jaise bhookhe hote hain aur turant khaane par jhapat jaate hain. Salukhe bhi aaram se apna khana start kar deta hai aur sabko neechi aankhon se dekhne lagta hai. Sabka chehre ka rang ekdam se udd jata hai aur sab apna pait pakadkar washroom ki taraf bhaagte hain.

Salukhe mann hi mann bahut hans raha hota hai par tabhi uske pait mein bhi hulchul shuru ho jaati hai, aur wo bhi washroom ki taraf bhagta hai par koi bhi toilet khali nahi milta usko. Wo bahut pareshan ho jaata hai. Abhijeet ko bathroom mein hi heart attack aa jata hai aur wo wahin marr jata hai. Dr. Salukhe CID bureau ke piche jungle mein bhaag jata hai aur fresh hokar wapas aata hai aur dekhta hai ki sab bureau mein behosh pade hote hain.

Dr. Salukhe khoob zor zor se hasne lagta hai par tabhi CID bureau chief Sir Julaab Singh usko laat maarke CID bureau se bahar fenk deta hai. Dara sehma Dr. Salukhe apne ghar chala jata hai aur daaru peekar so jata hai aur usko promotion kabhi nahi milta!

-The End-