A/N: Thanks to all those who reviewed and sorry it was very late for this fic
Purvi mujhe us pahad par akela chhod toh gayi thi lekin main fir bhi usey lekar yahi soch raha tha ki dubara wo patthar meri mez pe kaise aaya,yahi ek khayal tha jo mere khayalon mein ghum tha...Us church ki deewaron pe likhe wo akshar jo koi nahi padh sakta tha,wo mujhe samajh kaise aa rahe they...Main apni Uljhano ko kam karna chahta tha aur isiliye maine apne dimag se un khayalo ko hataya aur nikal pada humesha ki tarah apne college ke liye...Apna lecture dene ke ke baad main aaj jaldi ghar lautna chahta tha, main utha aur ghar ke liye nikal hi raha tha ki mujhe mil gaya mera wahi dost Kavin
"Kavin bhaiyya kahan chal diye bhar dopahar mein " maine aawaz lagate huye kaha
Kavin: Ama Sachin hum toh library jaa rahe they ye kitaab lautane ab us din toh tum chale nahi aaj chalo..."
"Haan chalo"
Main na jaane kyun lekin jaana chahta tha uske donon library ke liye nikal pade...
Ek toh Nainital itni shaant jagah upar se ye library, mujhe aisa lag raha tha jaise door viraane mein main kisi khandhar mein aa gaya tha ,mere kadam kitaabon ke section ki taraf badhe
Kavin: Ama kaunsi kitaab dhoondh rahe ho hume bata do hum toh saalon se is library mein aate hain
Sachin: Nahi main khud dekh lunga...
Kitaabon ki us basti mein main na jaane shayad kho gaya tha har tarah ki kitaab thi wahan...ek ek panna padhne baithun toh din hi nikal jaaye ke tabhi mera haath kisi mohtarma se takraya
Sachin: Maaf kijiye
Tabhi usne apna chehra dusri taraf se hatake mujhe dekha aur wo muskurai...
Sachin: Purvi...
Purvi: Main toh yahan aksar aati rehti hun lekin tum kab se library mein aane lage pehle toh kadam bhi na rakha karte they
Kavin: Aji hum leke aaye hain inhe yahan warna toh ye kabhi yahan na aayen
Purvi: Dusron ki baatein manne lage,aap toh bahot badal gaye hain janab...
Wo bolti gayi par main muskurate huye sirf usi ko dekh raha tha,shayad ye dil kehna chahta tha ki agar tum haan keh do toh ye saari zindagi tumhare naam kar dun
Purvi: Accha mujhe toh ye kitab mil gayi hai main chalti hun
Wo jaa guzar rahi thi aankhon ke saamne se ,Dil toh keh raha tha ki usey rok lun aur keh dun ki mat jao...ruk jao...rokne chahta tha main usey
Sachin: Purvi...
Wo palat ke mujhe dekhne lagi,Main usey jawab dena chahta tha rok kar usey woh sawal karna chahta tha,apne dil ke wo jazbat batana chahta tha jo mere seene mein na jaane kitne dino se dafna they mere andar
Purvi:Kya hua?
Sachin: Kuchh nahi ...
aur wo muskurai aur palatke chal di...
Kavin: Sachin,tumne apni kitaab chun li ho toh bata do issue karwa dete hain..Warna hum bhi chalte hain yahan se
Sachin: Nahi Kavin...wo tum jao...main yahin baithke padhunga
Kavin: Ab tumhara exam hai kya kitaab chun lo araam se ghar baithke padhna
Sachin: Nahi tum jao...waise bhi Baba ko mera chehra dekhna pasand nahi isliye raat hone par ghar laut jaunga
Kavin: Accha thik hai tum yahin baithke aaram se padho ,lekin andhera hone se pehle ghar laut jana nahi toh Auntie ji humpe saara thikra phod dengi
Sachin: Don't worry main chala jaunga
Kavin toh chala gaya lekin us jagah ki khamoshi mein main kho gaya, Ek ek karke un kitabon ke section mein main ghumne laga kahin 1856 ki ladai toh kahi Einstein ki theory of relativity,kahi mahan logon ki aatmakatha toh kahin NASA ke dwara ki gai khoj lekin ek achanak se mere saamne ek aisa section aaya ki main chaunk gaya,Rahasyamay kahaniyon ka sangrah tha wo...Ajib o garib tantra mantra ki na jaane kaunsi kahaniyan thi wo...maine unme se ek kitab uthai aur padhne baith gaya dhire dhire is mein meri jigyasa aur badhi aur 1-2 usi tarah ki kitaab maine padhna shuru kiya,lekin tabhi mujhe ehsaas hua ki koi chiz meri jebh mein mujhe gadh rahi thi maine apni jeb ko tatola toh wahi neela patthar mere haath mein aa gaya,maine usey apni maze par rakh diya aur phir padhne laga...lekin ye kya padhte padhte ye main kahan aagaya,jis maze pe main baitha tha achanak ye bazaar ke Bichon bich kisi anjaan sheher mein kaise aa gaya, maine dekhaki main sadak pe baitha tha aur aas paas itni bheed,main khada hua aur is se pehle ki main kuchh dekh pata ek hatta katta pahalwan meri taraf saandh ki tarah chale aa raha tha, Usne mujhe ekdam se uthaya aur zameen pe fenk dia...main utha toh wo fir mujhe maarne laga ye kya ho raha tha mere saath ,uske alawa 2-3 log aur aaye par ye angrezi sarkaar ke samay ke sainik they...jo ek ladki ko khichte huye le jaa rahe they..
Sachin: Ye kya kar rahe ho chhod do...
Lekin wo na meri sun rahe they na us ladki ki cheekh pukaar ko mujhe bas bina saans liye maar rahe they aur main kuchh nahi kar paa raha tha...lekin tabhi ekdam se mujhe aisa laga jaise koi chiz tootke bikhar gayi ho ...jab utha toh khud ko maze par paaya aur mera sar us maze par tika tha...
Ye sapna tha?Jo kuchh maine dekha wo sapna tha par ye kaisa sapna tha ?Main uthke chala toh mera sar bhaari ho raha tha,aur sar pe chhot bhi thi,gardan mein bhaari dard aur peeth bhi dard kar rahi thi ye kaisa sapna tha...kya ye sach me sapna tha...
Main kuchh aur soch paata lekin is se pehle maine kisi ke aane ki aawaz suni ...
"Arey Sahab aap abhi tak gaye nahi...raat ho chuki hai library band karne ka samay ho gaya hai sahab "
Sachin: Jaata hun ...aa...ye kitaab le jaa sakta hun?
"Sahab aapki membership toh nahi hai kitaab aap nahi le jaa sakte lekin haan sahab aap apna naam number aur pata likhwa dijiye fir le jaiye"
Sachin: Main kal lauta dunga
"Koi baat nahi Sahab aap Kavin sahab ke dost hain aur vo humari library ke member hain le jaiye aur jab lautane ka man ho lauta dijiye "
Maine apni kitab li aur main chal pada apne ghar ki ore main raaste mein yahi soch raha tha ki kya wo sapna tha ya haqeeqat mein maine us sab ka saamna kiya ki achanak se mujhe ek ajeeb si chikh sunai di
"Bachao,Help me"
Main us aawaz ko sunte hi chaukanna ho gaya aur us aawaz ki taraf dauda dekha toh dang reh gaya ...Purvi bhaagte huye ghayal si daud ke aa rahi thi uske sar pair haath sab jagah chot ke nishaan they main daudke uske paas gaya
Purvi: Sachin!Mujhe bacha lo Sachin bacha lo mujhe
Sachin: Par hua kya Tum is tarah se bhaagte huye kyun aa rahi ho aur ye chhot ke nishan
Purvi: Sachin koi mujhe maarna chahta hai Please koi mujhe maarna chahta hai mujhe bacha lo please..
Sachin : Accha thik hai tum chup ho jao rona band karo aur please calm down...
Purvi: Sachin please mujhe...
Purvi ka rota chehra main dekh nahi paya aur usey maine gale laga liya
Sachin: Chalo itni raat mein kahan jaogi...mere ghar chalo
Purvi: Lekin
Sachin: Chalo...
Main usey apne ghar le gaya,ek ek karke uske jism pe bane har ghaav ko main thik karne laga...Wo ye sab dekhke muskura rahi thi shayad uski aankhein mujhse kuchh kehna chahti thi,shayad wahi jo main sunna chahta tha...uski hasi dekhkar main uthkar uske paas aaya aur usne apni nazrein jhuka li ,aur uske bin kahe main samajh gaya ki wo bhi mujhe chaahne lagi thi maine usey kaske gale laga liya
Aap Ke Pyaar Mein Hum Savarne Lage
Dekh Ke Aap Ko Hum Nikhar Ne Lage
Is Kadar Aap Se Hum Ko Mohabbat Huvi
Is Kadar Aap Se Hum Ko Mohabbat Huvi
Toot Ke Baajuon Mein Bikharne Lage
Aap Ke Pyaar Mein Hum Savarne Lage
Ek mahina beet gaya aur ab hum pati patni they Purvi ke saath rehkar main us raat ki baat ko bhool gaya tha,hal hu mein shaadi hui thi humari aur Purvi mere saath kahin ghumna chaahti thi,akele mein mere saath waqt bitana chahti thi aur swabhavik bhi hai,duniya ki har patni apne pati ke saath waqt bitana chaahti hai,chaahti hai ki wo usey samay de
Sachin: Purvi...Pehelgaam ...Purvi hum pahadi ilaake mein rehte hain,aur mere hisaab se hume kisi beach side pe jana chahiye
Purvi: Nahi Sachin... pyaar ka asli maza toh jitna in pahadon pe aata hai utna samundar mein kahan aata hai...
Sachin: Lekin Pehelgaam fir bhi nahi jaa sakte
Purvi: Kyun?Tumhe pata hai subah hi Baba maa sw keh rahe they ki humara koi Pushtaini ghar hai wahan...aur barf girne ki wajah se humara koi kaam thapp pada hai wahan...tum ek kaam kyun nahi karte tum baba se wo kaam apne haath mein le lo,is bahane baba ka kaam bhi ho jayega aur unke dil mein tumhare liye jagah bhi ban jayegi aur hum ghoom bhi lenge kya kehte ho ?
Uska chehra dekhkar main usey mana nahi kar paaya
Sachin: Thik hai main baat karta hun Baba se
Main usey dilasa dekar baba se baat karne chal pada,aur thik kehti thi Purvi,maine jaise hi kaam ki baat ki Baba pehle toh hairaan huye lekin fir hanske pehli baar unhone mujhe gale se laga liya...Agle din hi hum Pehelgaam ke liye nikal pade...
Humara Pushtaini makaan khaali pada tha aur wo jagah bilkul sunsaan thi aur behad shaant le dekar ek chaukidaar tha jo us ghar ki rakhwali karta tha...Purvi bahot khush thi uske chehre ki hasi se mere chehre par bhi muskaan aa gayi...Wo humare kapde unpack kar hi rahi thi ki usne meri pant ki ek jeb ko tatola aur usme se kuchh nikala,main hairaan ho gaya...'wahi neela patthar' Ye neela patthar fur meri jeb mein kaise aaya isey toh jahan tak mujhe yaad aata hai main Library ki maze par chhod aaya tha,fir bhala ye patthar meri jeb se kaise nikla
Purvi: Ye kya hai Sachin ?Maine us din ek patthar pheka toh tum dusra utha laaye aur jab maine usey bhi fek diya toh ye
Sachin: Nahi Purvi main ye patthar uthaake nahi laaya
Purvi: Toh kya tumhare bhoot ne isey tumhari jeb mein rakha...
aur usne wo patthar uthake khidki ke bahar phenk diya aur khud kisi kaam se chali gayi...lekin ye kaise mumkin tha wahi patthar meri jeb se kaise nikla...Main ye sochta raha aur din yun hi guzar gaya
Raat ho gayi thi, pyaas ke kaaran mera gala sukha jaa raha tha main utha aur nichey kitchen mein paani bharne gaya lekin..ye kya wahi patthar center table pe pada tha maine usey haath mein liyea...lekin tabhi mujhe seedhiyon ke upar koi ladki jaati hui nazar aayi..maine usey aawaz di
"Hey kaun ho tum"
lekin is se pehle ki wo palat ti maine dekha uske haathon se khoon ris raha tha...aur ikdam se...meri aankh khul gayi
Fir se ek sapna ,main buri tarah se haanf raha tha soch raha tha ki ye fir ajeeb sapna kyun aaya mujhe...