A/N: I know i am updating this fic after a long period of time, sorry but kya karu jab suspense mood me aati hu tabhi likhti hun hehe Please read and review
Raat ho gayi thi, pyaas ke kaaran mera gala sukha jaa raha tha main utha aur nichey kitchen mein paani bharne gaya lekin..ye kya wahi patthar center table pe pada tha maine usey haath mein liyea...lekin tabhi mujhe seedhiyon ke upar koi ladki jaati hui nazar aayi..maine usey aawaz di
"Hey kaun ho tum"
lekin is se pehle ki wo palat ti maine dekha uske haathon se khoon ris raha tha...aur ikdam se...meri aankh khul gayi
Fir se ek sapna ,main buri tarah se haanf raha tha soch raha tha ki ye fir ajeeb sapna kyun aaya mujhe...Aankhein khuli toh saamne Purvi ka hasta muskurata chehra dekha
Purvi: Uth gaye tum
Purvi chaaye ke cup mein chini gholte huye boli...
Purvi: Aur itni buri tarah se bhala haanf kyun rahe ho..tabiyat toh thik hai na tumhari,pasina bhi bahot aa raha hai
Apni hatheli apne maathe ki shikan par rakhke maine mehsoos kiya khudko,waakai main itni sardi ke mausam mein pasine se tarbatar ho raha tha,Purvi ne mujhe chai dekar mera maatha tatola aur
Purvi: Bukhaar toh nahi hai tumhe lekin itni sardi mein tumhe itna pasina kyun aa raha hai doctor ko dikhane chalein kya?
Sachin: Nahi uski zarurat nahi hai main thik hun,koi bura sapna tha bas...
Purvi: Accha thik hai Chai pee lo hmm...
Hum dono chai toh pee rahe they par mere khayalon mein baar baar wahi sab aa raha tha,ki tabhi bahar se kuchh aawaz aane dono uthke bahar gaye toh dekha ki ghar ke pichle hisse ke bahar ek 6-7 saal ki chhotti si bacchi baithke na jaane kya kar rahi thi,paas jaake dekha toh wo mitti khod rahi thi apne haath se...
Purvi: Beta kaun ho tum?
Purvi ne us se bade pyaar se puchha lekin usne koi jawab nahi diya, wo fir zameen se kuchh khodne lagi
Sachin: Beta aapka naam kya hai aur aap yahan kya kar rahe ho ?
Jab maine us se sawal kiya toh usne mujhe palatke bade gusse mein dekha,wo is tarah mujhe dekh rahi thi maano bahot badha apraadh kiya tha maine ,kai baar hum ne us se sawal kiya lekin usne koi jawab nahi diya ...woh toh bas apna kaam kar rahi thi ... thak haar kar hum wapas apne ghar ke andar aa gaye...chaaye ki chuskiyon mein main ye baat bhi bhool gaya
Main toh kisi Kaam ke liye nikal gaya lekin kuchh andekha sa Purvi ke saath hone wala tha jiski bhanak mujhe nahi thi
Purvi nashta bana rahi thi ki achanak usey kisi ke chalne ki aahat sunai di jaise koi dheeme kadmo se andar ki taraf badha ho wo palti aur palat ke dekha toh koi nahi tha... jaise hi wo kitchen se bahar aayi usey aisa laga jaise koi uske thik pichhey khada tha, par jab usne peechey mudke dekha toh wahan koi nahi tha,lekin fir wahi chalne ki aahat...
Yahan dusri taraf main apna kaam kar raha tha aur tabhi daudte huye shayad wahi chhoti si bachhi mere paas aayi aur mere haath mein kuchh thamakar bhaag gayi, jab maine mutthi kholi toh wo ek chitthi thi maine usey khola...jo kholke dekha aur padha toh main dekhke hairan ho gaya ...ye wahi ajeeb bhasha thi, jise main padh sakta tha, likha tha
"Tumhari patni ki jaan khatre mein hai, usey bacha lo"
jaise hi maine ye padha mere pairon tale zameen khisak gayi maine daudta hua haanfte hua ghar ki taraf bhaaga, bhaagte -bhaagte main apne ghar pahoncha, Ghar ke andar aaya toh Purvi ko hall mein khada paaya, ek pal ki rahat mili mujhe,sukoon mila dil ko...lekin ye kya Hall mein laga jhumar upar zor zor se hil raha tha maine bhaagke Purvi ke paas aaya aur usey ek taraf dhakel diya, aur tabhi wo jhoomar tootke nichey aa gira
Wo ghabra ke chillayi
"Nahi"
Maine jab uski aankhon mein aansu aur chehre par dar dekha toh usey gale laga liya liya aur usey shaant karke usey sehlaane laga
Sachin: Kuchh nahi, kuchh nahi, main aa gaya hun na kuchh nahi hua...
Us samay main bas yahi soch raha tha ki agar mujhe aane mein do minute, mehez do minute ki deri ho jaati toh shayad main apni Purvi ko kho chuka hota...Lekin wo bachhi, bhala us bachhi ko ye kaise maalum hua ki Purvi ki jaan khatre mein hai, aur usey bhasha kaise samajh aati thi...phir kai sawal mere saamne aa khade huye
Shaam ho chali thi aankhein thaki aur nam bhi kuchh sawaal jinka jawab main dhoondh nahi paa raha thi, Main aangan ke saamne baitha tha shaadi ke kuchh din baad hi hum yahan aa gaye they aur fir bhi maine Purvi ko uska waqt nahi diya tha, thandi thandi hawa se meri aankhein ab band hone lagi thi, tabhi mujhe aisa laga ki jaise koi mere pichey khada hai, maine mudke dekha toh mujhe fir aahat sunai di, main us aahat ke pichey gaya toh main dekhke hairan tha ajeeb tha wo manzar aas paas mujhe jaise kisi anjaan basti mein aa pahuncha tha main wo angrez they, aur aise libaaz mein maano jaise angrezon ke zamaane ke hon, wo kheechte huye kuchh logon ko le jaa rahe they, tabhi maine dekha ki ek ladki, jise main lag bhag roz dekhta tha apne karib wo meri or bhaagte huye chali aa rahi hai, lekin mujhe kuchh samajh nahi aa raha hai, bhaagte huye wo mere paas aake khadi ho gayi lekin fir wahan se chali gayi, maano mujhse daudte huye kuchh kehna chaahti thi par jaise usey kisine rok liya ho, main uske pichey jaa hi raha tha aur keh raha tha ki ruko ruk jao lekin is se pehle ki main usey rok paata
"Kiska pichha kar rahe ho"
Jab main palta toh dekha ki saamne Purvi khadi thi
Purvi: Aur yahan kya kar rahe ho itni raat mein, aur ye kya?...ye chehre pe pasina phir se? Itne sard mausam mein pasina? tumhe zaroor kuchh ho raha hai, tum doctor ko dikhao ab
Sachin: Nahi Purvi main thik hun
Purvi: Kya thik hun... Tum Doctor ko dikha rahe ho kal ke kal bas main kuchh nahi jaanti
Sachin: Dikha dunga..tum chinta mat karo...hmm
Purvi: Haan, aur abhi andar chalo, bahar khade hoke kya kar rahe ho, khana laga diya hai maine
Sachin: Han, chalo
aur main Purvi ke sath andar aa gaya
Khaana khaake main ab bhi yahi soch mein tha ki ye sab kya tha ? Main khuli aankhon se ye kaisa ajeeb sapna dekh raha tha... Har roz aise nazaare ab mujhe tang karne lage they
Raat ho chuki thi mujhe neend nahi aa rahi thi ab un sapno ki wajah se, Purvi so chuki thi par main phir un kitaabon mein kho gaya, aur padhte padhte nichey aa gaya, maine tv chala diya tha, bure khayal aur bure sapno se bachne ka yahi ek tarika bacha tha mere paas, kuchh der baithne par yun laga maano Purvi aake khadi ho gayi thi mere paas, maine usey bina dekhe kaha
"Tum jaag gayi,mujhe toh neend nahi aa rahi thi isliye, lekin tum kyun jaag gayi"
"Main toh tumhara kab se intezaar kar rahi hun " Usne kaha
Lekin jab main uski taraf palta toh dekha, wahi sapne mein jo thi wo mujhe Purvi jaise libaaz mein mere saamne khadi thi...Ye kaise ho sakta tha..