A/N: Namashkaar ! Hum aa gaye kahaani ke saath!

We thank you for all your valueable reviews….Thanks a lot!

Dear Guest- Sorry , hum yahan Abhijeet aur Daya ko include nahi kar rahe. Really sorry.

Bulbul- Mhari Devraniji(in your story …right gues na ;) ) :p Dhanyawaad :p Abhi toh nahi pata ki RuVi ka hoga kya …..Ruhana ko dekhne toh koi aa raha hai :p Aur Tumhare us Akru ka ye MahaAkru bhai , kuch zyaada hi akru ho gaya hai. Seedhe muh baat hi nahi karta…huhh :/ Khair, abhi picture baaki hai ..dekho dekho hota hai kya.

Aishu aur Jewellu- Inni bhi shudh hindi nahi likhenge. Aap dono ko samajh aa jayega. Chinta mat karo.

Sabko Shukriya is story ko padhne aur review karne ke liye.

Aaiye dekhte hain ki SInghania aur Ranawat Parivaaron mein chal kya raha hai…..

Singhania Mansion….

Yahan aaj badi chehel pehel hai. Aakhir ghar ki badi beti ke liye rishta jo aa raha hai. Aalok Singhania aaj behad khush hain. Unki dono betiyon ke liye Ajmer ke Jaitawat Khandaan se rishta aaya hai. Ajmer ke naami rayees Amit Jaitawat Aalokji ke mitra aur business friend bhi hain. Amit Ji ki taraf se unki betiyon ke liye rishta aana bahut badi baat thi.

Alokji - " Shailini ji, Agar ye rishta ho gaya na , toh hum toh yahi sochenge ki hum Ganga naha liye."

Shaliniji(muskarate hue)- Aisa hi hoga. Hamari betiyan hain hi laakhon mein ek. Lekin aap hume ladkon ke naam toh bataiye …

Aalokji- Amitji ke bête hain….Bade bête hain Kinshuk Jaitawat, ye company ke MD hain aur Mridul Jaitawat , ye abhi Kinshuk ke saath hi kaam karte hain.

Shaliniji(muskarati hain)- Kinshuk aur Mridul, naam toh bade pyaare hain.

Aalokji- Haan, aap unhe dekhte hi pasand kar lengi Shaliniji.

Shaliniji-Hum prarthana karte hain ki Ruhana aur Kiara bhi unhe pasand aa jaayein. Aur hamari betiyan hmaari laaj rakh lein.

Aalokji- Aisa hi hoga shaliniji , Lekin hamari Laadliyan hai kahan?

Tabhi Sachin unke kamre mein aate hue puchte hain….

Sachin- Pitaji , wo Khanna traders ki file aapke paas hai kya ?

Aalokji – Nahi beta, wo toh aapke Prakash Kaka ke paas hai. Wo hi gaye the Khanna sahib se milne.

Sachin- Acha thik hai pitaji, main kaka sa se puchta hoon.

Shaliniji- Kya baat hai Sachin, aap pareshan hain?

Sachin(muskarate hue)- Nahi maa sa, wo bas abhi Khanna uncle ke bête Ritesh ka phone aaya tha. Wo kuch puch rahe the isliye.

Aalok- Aap chinta mat kijiye. Aapke kaka sa ne saara kaam kar diya hoga.

Sachin- Ji pitaji. Acha , hum office ja rahe hain. Ek zaroori kaam hai.

Shalini- Zaroor jaiye lekin dopahar tak laut aaiyega. Aap jaante hain na, aaj Ruhana aur Kaira ko dekhne ladke wale aa rahe hain.

Sachin- Jee maa sa, hum 3 baje tak aa jayenge.

Aur sachin kamre se bahar nikal jaate hain.

Dusri Taraf….

Ruhana baahar se andar aa rahi hoti hain kisi ko dhundhte hue. Itne mein wo takrati hain apni kaaki sa Rakhi Singhania yaani Kuki ki mataji se.

Rakhiji: Arey Ruhana, kahan ja rahi hain aap?

Ruhana- Kaki sa, hum bageeche mein the. Abhi laut kar aaye hain.

Rakhiji- Acha aapne Kuki aur Palak ko dekha?

Ruhana- Nahi Kaki sa, hum toh aaj subah se un dono se nahi mile. Subah savere toh dono maharaniyan so rahi hoti hain.

Rakhiji(hanste hue) – Ab aapne unhe apne sneh se bigaad diya hai. Ab jab aap chali jaayengi yahan se tab kya hoga?

Ruhana- Kaaki sa, hum hamesha ke liye aapko chhod kar thodi jaayenge. Hum toh aap sab ke dil mein hamesha rahenge.

Tabhi wahan Sachin aate hain…..

Sachin- Jiji thik hi toh keh rahi hain Kaki sa. Agar ye humko bhulna bhi chahengi toh bhi nahi bhool paayengi.

Ruhana- Sachinn...tumhe kaun bhoolega. Aakhir tum hi toh the jo hamesha hamare saath khade the.

Rakhiji- Sachin , aap sab bhai behen , apni Ruhana jiji ki hi tarafdaari karenge. Hamara toh koyi khayal nahi hain aapko.

Sachin- Nahi Kaki sa, aise kaise karenge hum. Aap toh hamari maa hain bhale hi hum aapko kaki kehte hain.

Rakhiji- Ohho, baatein banana toh koyi aapse seekhe Sachin.

Sachin- Wahi toh Kaki sa!

Ruhana muskarati hain aur Rakhiji un dono ke chehron ko thapthapate hue andar chali jaati hain.

Sachin- Acha jiji, hum office ja rahe hain.

Ruhana- Thik hain, lekin jaldi aaiyega. Hume aapke saath ki zaroorat hogi.

Sachin(muskarate hue)- Haaan jiji, hum jaldi aa jayenge.

Tabhi Shaliniji ki awaaz sunai deti hai….

" Ruhana, jaldi aaiye!"

" Acha sachin, tum jao. Hum maa sa ki baat sunte hain. Jaldi aana. " yeh kehkar Ruhana andar ki taraf chali jaati hain.

Dusri Taraf ….Ranawat Mansion….

Yahan aaj khilkhilahat goonj rahi hai….kaaran hai Areej Ranawat aur Shefali Rajawat. Is ghar ki sabse chulbuli ladkiyan. Aaj dono Bageeche mein hain…..

Areej- Aaj kitna acha lag raha hai na Sheffi !

Shefali- Haan, Aruu , aur ab toh Aisha bhi aane wali hain , mazaa aayega.

Areej- Haan, Aur …tujhe pata hai , shayad hamare hotel group ka ek naya hotel khulne wala hai.

Shefali- Kyaa? Sachiii ?

Wo khushi mein chillati hain aur Areej uska hatah pakadti hain…

" Chup kar bhains…..Agar arjun bhai sa ne sun liya toh chillayenge."

Shefali- Arey , kya tu Arjun bhai sa se darti hain, unse bade toh Rajat bhai sa hain na.

Areej- Uffo, tu nahi samjhegi . Arjun bhai ko pata nahi kya ho gaya hai, chote se mazaa k pe bhadak jaate hain.

Itne mein andar se Neerjaji ki awaaz aati hain….

" Areej, Shefali, jaldi andar aaiye. Naashta taiyaar hain."

"Aa rahe hain Maa" Shefali jhoole se utarte hue kehti hain aur wo andar ki taraf jaati hain.

Naashte ki Table par…

Akshay- Nimisha, tumhe wo khabar recheck karvayi ?

Nimisha- Ohho Bhai, main keh rahi hoon na , wahi Jeeet khanna hai. Aap maan kyun nahi lete.

Akshay- kyunki tumhare sources galat hain behna.

Nimisha- Huhh! Rehne do bhai. Aapko toh bas yahi lagta hain ki main galat khabar laayi hu. s

Tabhi Rajat wahan aate hue kehte hain….

" Akshay, Nimisha, kis baat pe behes ho rahi hain?"

Nimisha unhe dekhte hue kehti hain….

" Bhai , dekho na , ye meri baat pe vishwas hi nahi kar rahe hain. Inhe toh bas yeh lagta hai ki jo khabar inke paas hoti hain , wahi sahi hain. "

Rajat muskarate hue kehte hain…." Ohho, aap dono jhagadna nahi chhodenge na! Akshay, tum nimisha ki baat kyun nahi maan lete?"

" Bhai, aap toh apni is laadli behen ki hi side loge na….kabhi kabhi is bhai ka bhi saath de diya karo."

Itne mein Areej aur Shefali wahan aati hain…..

" Kaun kiska saath dega?" Areej Rajat ki taraf dekhte hue puchti hain.

" Rehne de Aruliya…..yahan koi kisi ka saath nahi deta. Akshay bhai ko toh meri fikar hai nahi aur Rajat bhai ko apne kaam se hi fursat nahi hai..huhh !"

NImisha rajat aur akshay ki taraf dekhte hue kehti hain aur dono bhai muskarate hain. Itne mein Arjun ghar mein aate hain….Bahut gusse mein….

" Manager Sahab, maine apase kaha tha ki mujhe project ki saari details chahiye, aap itne laaparwaah kaise ho sakte hain. Mujhe aaj ki aaj puri details chahiye, kisi bhi haalat mein. Aaj project file meri table pe honi chahiye. "

Is tarah baat karte hue wo naashte ki table tak aate hain.

Rajat- Kya hua Arjun?

Arjun- Arey bhai , kuch nahi. WO manager sahab ko kaha tha ki project file jaldi de dein , taaki hum kaam shuru kar sake , par nahi, unhone kaam adhura chhod diya.

Akshay- Relax Arjun, saara kaam ho jaayega.

Areej- Arjun bhai, kitna gussa karte ho . Shaant ho jao.

Arjun- Mujhe tumhari tarah shaant rehna nahi aata Aru, jao aur naashta karo.

Wo gusse mein areej se yeh kehkar chale jaate hain…..

Itne mein kuch aawazein sunayi deti hain aur arjun palat kar dekhte hain toh unhe dikhayi deti hain Shefali…..

Maine kaha phoolon se
Maine kaha phoolon se
Hanso to woh khil-khila ke hans diye
Aur yeh kaha jeevan hai
Bhai mere bhai hansne ke liye…

Areej Arjun ke paas jaate hue gungunati hai….

O.. maine kaha phoolon se
Hanso to woh khil-khila ke hans diye
Aur yeh kaha jeevan hai
Bhai mere bhai hansne ke liye
Hansne ke liye
Suraj hansa to bikhar bikhar gayi kirnein
Suraj hansa to bikhar bikhar gayi kirnein
Suraj hansa re..
Kiran kiran chun kar dharti yeh
Saj ke sunehri ban gayi re
Maine kaha..
O.. maine kaha sapmon se
Sajo to woh muskura ke saj gaye
Aur yeh kaha jeevan hai
Bhai mere bhai sajne ke liye
Sajne ke liye


Yahan teenon behnein apne bhaiyon ko hansaane ka prayas karti hain , wahin, SInghania Mansion mein….

Ruhana apni Maa Sa ke paas jaati hain aur wo unhe kuch baatein kehti hain….

" Ruhana, aaj dopahar 3 baje tak aapko aur Kiara ko taiyar ho jaana chahiye. Kiara ki zimmedaari hum aap ko de rahe hain. Hume kisi bhi wajah se koi deri nahi chahiye. Aur haan, apni behnon se kahiyega ki koi shararat na karein , khaaskar aaj ke din. Samjhi aap?"

" Jee Maa sa, hum khayal rakhenge. Hum unhe samjha bhi denge." Ruhana ne uttar diya.

" Thik hai, jaiye, sambhaliye apni behnon ko."

Kehte hue shaliniji wahan se chali jaati hai. Aur ruhana apne behnon ke kamre ki taraf badhti hain. Itne mein wahan Dushyant aate hain aur Ruhana unhe puchti hai….

" Aapne Kuki , palak aur kaira ko dekha?"

" Jiji, wo log shayad bageeche mein hain. Hum aate hain wapas."

Ruhana bageeche ki taraf badhti hain, aur jo wo dekhti hain, wo muskaraye bina nahi reh paati….Palak gaana gaa rahi hoti hain….Ruhana ko dekhkar unke paas jaati hain….

maine kaha phoolon se
Hanso to woh khil-khila kar hans diye
Kuki unke paas aati hain….
Yeh shaam to.. yun hansi jaise hansi dulhan
Yeh shaam to yun hansi jaise hansi dulhan
Yeh.. shaam to neele neele saanware ambar mein
Rang jo gulaabi lage bharne..
Maine kaha...
O.. maine kaha rangon se
Chhalko to woh jag yeh sara rang gaye
Aur yeh kaha jeevan hai
Bhai mere bhai rangne ke liye
Rangne ke liye

Maine kaha phoolon se….

Haso toh who khil khila kar hans diye..

Ruhana hans kar un dono ko gale laga leti hain….Tabhi wahan kaira aati hain….

" Kaira, ab tum andar chalo. Hume taiyar bhi hona hai. Derr hui toh maa sa naraaz hongi." Ruhana ne kaira s ekaha….

" Haan, aaj toh hum aap dono ko apne haathon se sajayenge. "

Kuki ne yeh kaha aur Itna keh kar charon apne kamre ki ore badhti hain.

Shaliniji in charon ko dekhkar muskarati hain aur apne kaamon mein lag jaati hain.

A/N: Toh ye thi kahaani ki shuruaat!

Ruhana aur Kaira ko dekhne koi aa rha hai, kya hoga? Kya baat banegi?

Arjun itne gusse mein kyun rehte hain? Kya kaaran hai unke is gusse ka?

Jaanne ke liye , jude rahiye hamare saath….

Review zaroor kariyega…!

Pyaar Sahit….

Nimisha&Roohi..