A/N: Namashkaar !
Sabko tahedil se shukriya review karne ke liye. Aaiye , dekhte hain...aage kya hota hai...
Happy Reading...
Yahan Jahan Singhania Parivar me Ruhana aur Kiara ke liye sab bahot utsahit they wahin dusri taraf
Ranawat Mansion me
Areej-mausam mila wo kahi ek din mujhko
Shefali-mausam mila wo kahi ek din mujhko
Nimisha-mausam mila re maine kaha ruko khelo mere sang tum
mausam bhala ruka jo wo...
aur tabhi ek aawaz usey rok deti hai
Arjun: Stop it Stop it all of you...Jab dekho tab nachna gana pura din ghar mein bas yahi shor hote rehta hai, Tum log ab badi ho chuki ho so please start behaving as adults aur aaj ke baad is ghar mein ye khel tamasha nahi hona chahiye Is that clear?
Nimisha(thoda bhari dil ke saath): Haan bhai, aisa kuch nahi hoga ab.
Arjun wahan se jaane wale they ki tabhi ...
Akshay: O pattahr dil insaan tujhe kya lagta hai life mein sirf tere saath tragedy hui hai? Aur log toh jaise humesha khush rehte hain? Maana ki jo hua bahot bura tha aur hume us baat ka dukh bhi hai lekin iska matlab ye nahi hai ki tu ghar mein baaki sabka hasna khelna band kar de, pichhey mudke zara apni behno ka utra chehra dekh, samajh aa jayega ki tune abhi abhi kya kiya
Arjun pichhey mudke dekhte hain, unhone apni behno ki aankhein nam dekhi aur wo apne kamre mein chale gaye
Akshay ne jab un teeno ka muh latka hua dekha toh
Akshay: Arey tum logon ne kyun muh latka liya, arey uski toh aadat hi hai bina baat ke sab pe apni baat thopne ki tum log chalo mere saath ice-cream khaake aate hain
Ye sab kuchh Kuki aur Palak apni chhat se dekh rahi thi
Palak: Tune le liya na saman
Kuki(khoyi hui): Tune dekha wo sab kuchh
Palak: Haan dekha na, Maa bilkul sahi kehti hai, ye Ranawat family ke ladke bahot badtameez hain dekha nahi tune kaise usne itni badtamizi se apni teeno behno ko danta
Kuki: Nahi Palak ho sakta hai ki uske sath kuchh hua ho
Palak : Kya ho sakta hai aise badtamiz ke sath, but the other one is so cute na
Kuki: What?
Palak: Ya dekh na usne kitne cutely apni behno ko sambhala hayee... aur ice-cream bhi khilane le gaya hai
Kuki: Shut up Palak
Palak: Accha baba in logon se hume kya, ye sab saaman le chalein
Kuki : Tu chal main baki saman leke aati hun
Palak wahan se chali jati hai, tabhi Kuki dekhti hai ki Arjun bahar khade hoke chaand ko dekh raha tha, fir thodi der baad wo kisi ki photo dekhta hai aur uski aankhein bhar aati hai
Tabhi koi usey nichey se aawaz lagata hai
Ruhana aur Kiara apne kamre mein thi tabhi wahan Shalini ji aati hai
Shalini ji: Arey wah humari betiyan toh kitni sundar lag rahi hain (nazar ka tika lagate huye) kahin humari nazar na lag jaaye inhe
Kiara: Maa ki toh duayein lagti hain ,nazar nahi Maa-sa ..
Kiara muskarate huye kehti hain aur shaliniji muskarati hain..
Shalini ji: Hamari beti itni badi ho gayi aur hume pata hi nahi chala
Yahan Dusri taraf
Kaushalya ji yaane ke Palak ki Maa usey dhundh rahi thi aur tabhi Palak unhey wahan dikhti hai
Kaushalya: Ye sab kya hai Palak? Din bhar yahan se wahan uchhalti phirti ho...chalo aao humare saath
Aur Palak unke sath unke kamre mein jaati hai
Palak: Bolo Maa kya kaam tha?
Kaushalya: Kaam nahi hai hume, Tumhe samajh nahi aati kya? Din bhar yahan se wahan ghoomti rehti ho koi aur kaam nahi hai tumhe...aur ye kya huliya bana rakha hai tumne ladke waale aate hi honge aur tum ho ki aise ghoom rahi ho ye kapde nikaal diye hain humne pehen lo aur baal bhi bana lena acchi tarah se aur haan ye lep laga lena
Palak: Par maa wo log Jijhiyon ko dekhne aa rahein hain hume nahi
Kaushalya: Humse zubaan mat ladao jaisa keh rahein hain waisa karo
Itna kehke Kaushalya ji wahan se chali jaati hain aur tabhi Kabir wahan aate hain
Yahan Dusri taraf
Ranawat Mansion mein
Rajat apne kamre mein they ki tabhi wahan Suraj ji aate hain
Rajat: Baba sa aaiye kucch kaam tha? Mujhe bol diya hota
Suraj ji: Haan Rajat, ek bahot zaruri baat karni thi tumse
Rajat: Kahiye na
Ki tabhi Areej Rajat ke kamre ke bahar khade hoke unki baatein sunne lagti hai aur tabhi pichey se Shaifali wahan aati hai
Shaifali: Chori chupke yahan kya kar rahi hai?
Areej: Marwayegi kya? Shhh... Papa na kuchh important baat karne wale hain tu bhi sun
Room mein
Suraj ji: Beta ye lo tasvir dekho
Rajat: Ye kiski tasvir hai Baba sa
Suraj ji: Beta ye Kritika hai humare khaalis dost Indrajeet Sisodia ki beti, kal hum inke ghar jayenge, hum chaahte hain ki aap inse ek baar mil lein
Rajat: Par main inse milke kya karunga Baba sa
Room ke bahar
Pichey se Nimisha aake Areej aur Shaifali ke kaan khichti hai
Nimisha: Kya ho raha hai ye sab?
Areej: Arey Di aapko pata nahi hai, Bahot important discussion ho rahi hai andar aap bhi sun lo
Nimisha: Dusron ki baatein aise chhupke nahi sunte bad manners
Areej: Papa aur bhai hi toh hain dusra kaun hai
YAHAN SINGHANIA MANSION MEIN
Ruhana's Room
Sachin Ruhana ke Kamre mein aate hain, Kiara kuch kaam se apne kamre mein gayi thi . Sachin ruhana ko kisi vichaar mein khoye hue dekhte hain aur unke kandhe par haath rakhte hain...
Sachin: Jijha wo log aa gaye
Ruhana ke vichaaron ki tandra(trail of thoughts) unki awaaz se tootti hai aur wo sachin ko dekhti hain...
Ruhana: Haan..kuchha kaha tumne sachin?
Sachin: Jeejha aap ye shadi karna chahti hain na?
Sachin ne unke paas baithte hue pucha...
Ruhana: Wo log aa gaye na Sachin Kiara ko bula lao
Sachin ne ruhana ke haathon ko apne haath mein lete hue kaha...
Sachin: Jeejha hum jaante hain ki aapko shadi aur pyaar par yakin nahi hai...par apne chhote bhai par toh hai na?
Ruhana: Tumpe toh hume apne aap se zyada yakin hai Sachin.
Sachin: Toh bas Jeejha, isi vishwas ke saath nichey chaliye, aur Kinshuk ji se mil leejiye , Sach Jeejha, Kinshuk ji bahot acche insaan hain wo aapko bahot khush rakhenge
Ruhana muskurate huye haan kehti hain...
Yahan Palak ke kamre mein
Kabir Palak ko gusse mein dekhta hai
Kabir: Ab kya hua jo tu muh fula kar baithi hai
Palak: Maa ki wajah se
Kabir: Maa ki wajah se lekin kyun?
Palak: Ladke waale Jijhion ko dekhne aa rahein hain aur maa ne mujhe, mujhe ye lep lagane ko kaha hai
Kabir: Toh laga le na
Palak: Main kyun lagaun mujhe thodi na dekhne aane waale hain wo log
Kabir: Oho itni si baat, Toh maa se keh dun ki tere liye bhi ladka dekhna shuru kar dein?
Palak: Shut up bhai mujhse toh acche tum ho kam se kam maa tumse kuchh kehti toh nahi...(apne kahe ka ehsaas karke) Bhai, Maa tumse kuchh bhi toh nahi kehti, Maa tumse baat hi toh nahi karti...
Palak ne kabir ko dekhte hue kaha...
Kabir: Tu jo itna bolti rehti hai kisi ko kuchh bolne ka mauka hi nahi deti, Accha ab tu taiyyar ho ja . Neeche sab log aa gaye hain...
Aur itna kehke wo wahan se chale jaate hain
YAHAN RANAWAT MANSION MEIN
Rajat ke kamre ke andar
Suraj ji: Humne inse aapka Vivah taye kiya hai, isliye kal hum chahte hain ki aap inse milen aur haan Rajat milne ke baad aapka jawab haan mein hi hona chahiye
Rajat: Jee baba sa
Suraj ji : Ajit keh rahe they ki unke bhai Karan Sisodia humari Nimisha ke layak hai, aap unhe bhi bata deejiye ki hum unke ghar jaa rahe hain toh wo aur Karan aapas mein baat kar lein
Suraj ji itna kehke chale jaate hain ki tabhi
Areej: Yey!... bhai ka rishta hone wala hai Yippeee
Shaifali: Sirf bhai ka nahi Aru tune suna nahi Nimmi di ka bhi rishta hone wala hai
Areej: Celebration time...Yey...
Nimisha: Main abhi Dad se baat karti hun,aise kaise wo bina mujhse puchhe mera rishta taye kar sakte hain
YAHAN SINGHANIA MANSION MEIN
Ladke wale aa gaye they, aur phir Ke tabhi Palak aur Kuki Kiara aur Ruhana ko leke nichey aati hai
Kinshuk jab Ruhana ko dekhta hai toh dekhte hi reh jata hai
"Aankhon mein teri ajab si ajab si adayein hain
Aankhon Mein Teri Ajab si Ajab si Adayein hain
Dil ko bana de jo patang saansein ye teri
Wo hawayein hain
Aankhon mein teri ajab si ajab si adayein hain"
Aur ladka-ladki wale ek dusre se baat karne lagte hain
Varsha ji(Kinshuk's Mother): Hamari taraf se toh humne Ruhana aur Kiara ko humne apna hi liya hai ji ab bas bacche aapas mein baat kar lein
Shalini: Kyun nahi, Ruhana, Kiara, Kinshuk aur Mridul ko apna karma dikha do
Ruhana ke kamre mein
Kinshuk: Ruhana ji ek sach kahein aap se
Ruhana: Ji kahiye
Kinshuk: Hume toh aap ek nazar mein hi pasand aa gayin hume ye rishta manzoor hai
Ruhana: Hume bhi ye rishta manzoor hai
Kinshuk: Jee matlab kahin aap kisi dabaaw mein?
Ruhana: Jee nahi hum apni marizi se keh rahe hain ki hume rishta manzoor hai
Aur wo dono kucch baatein karke neechey jaate hain, tab tak Kiara aur Mridul bhi aa gaye they
Kinshuk, Mridul: Hume ye rishta manzoor hai
Varsha: Ye hui na mithai khaane wali baat...laiye humara muh meetha karaiye behenji
Shalini ji: Mithai se pehle ek baat hum aapko batana chahte they
Varsha : Kahiye na
Shalini ji: Darasal, Kiara Manglik hai
"Ke je ke keh rahi ho aap, je apsagun ho gayo Chhori Manglik se toh je byah toh koni ho paawego"-Kinshuk ki dadi bolti hai
Varsha: Dekhiye Kinshuk ki dadi bilkul thik keh rahi hain aap bura mat maaniye, lekin hum Mridul ka rishta aapki Kiara se nahi kar sakte
Shalini ji: Lekin Ruhana
Aur Varsha Ruhana ki taraf jaati hain aur unke haath mein sone ka kada pehnati hai aur uske sar pe haath rakhke kehti hain
Varsha: Aaj se aapki Ruhana humari hui
Ruhana unke pair chhuti hain, fir sab un dono ko ashirwaad dete hain aur thodi der baad vo chale jaate hain
Rishta taye hone par bhi Ruhana khush nahi thi
YAHAN RANAWAT MANSION MEIN
Nimisha: Shut up both of you, main Dad se baat kar ke aati hun
YAHAN SINGHANIA MANSION MEIN
Ruhana tehelne ke bahane se common park mein chali jaati hai, aur vo apne aansu rok nahi paa rahi thi ki tabhi wahan koi aata hai
"jo zindagi bhar bas badi badi baatein karte hain wo kabhi aage badh hi nahi sakte"
Ruhana jab pichhey palatke dekhti hai toh wo Vineet tha
Ruhana: Tum? Tum yahan kya kar rahe ho?
Vineet: Sawal ye nahi hai, aur important bhi nahi, baat toh main ye hai, ki tumne aaj kya kiya hai, baatein toh tum badi badi karti thi, ki mujhe ye karna hai mujhe wo karna hai, lekin tum bhi aur ladkiyon ki tarah hi nikli na shadi and all that
Ruhana: Listen tum mere bare mein jaante hi kya ho, isliye apne faltu comments apne paas rakho
Vineet: Jab tumhe apne office mein kaam karte huye dekha tha-na toh laga tha ki tum mein kuchh kar dikhane ka junoon hai tum ambitious ho, but I was wrong tum bhi aur ladkiyon ki tarah hi ho
Ruhana: Just shut up aur jab tak tum khud kuchh kar nahi sakte, dusron ke bare mein comments na hi karo toh accha hoga Mr Vineet Rajawat
Itna kehke wo apne ghar chali jaati hai
Yahan dusri taraf
Kuki chhat pe tehel rahi thi ki usne Arjun ko phir apni balcony mein dekha aur vo smile karne lagi
Yahan nichey Akshay tehel raha they ki tabhi unhone Kuki ko dekha aur usey dekhke smile kiya, usey laga Kuki bhi usey dekhkar smile kar rahi thi
Akshay: Hayee...kya chiz hai yar kya chiz hai...
Aur fir Kuki nichey Akshay ko dekhke weird se expression deti hai..
" Huhh...ye mujhe kyun dekh raha hain...pagal kahin ka..."
Yahan dusri taraf
Nimisha: Dad mujhe aapse baat karni hai
Ajit: Haan beta karo kaho kya baat hai
Nimisha: What is this dad maine suna aap mera rishta taye kar rahe hain
Ajit: Haan beta bilkul sahi suna Karan bahot acccha ladka hai hmm...
Nimisha: Lekin mujhe shadi nahi karni
Ajit: Shadi nahi karni matlab? Arey shadi nahi karogi toh bacche kaise honge
Nimisha: Bacche ho jayenge Dad lekin uske liye shadi karne ki mujhe zarurat nahi hai
Ajit: Haan...hein? Shut up Nimisha, Vishakha ke jaane ke baad se tum bahot bigad gayi ho, Aaj agar Vishakha hoti toh ye jawab nahi de rahi hoti tum mujhe, tum kal wahan chal rahi ho and that's final
Nimisha: Jee Dad
Ajit: Kuchh aur kehna hai toh kaho raho warna jaa sakti ho
Nimisha wahan se daudke chhat pe chali jaati hai, aur Saamne wali chhat pe Kabir tha jo shayad sitaron meiin kisi ko dhundh raha tha
Kabir(thinking): Maa kahan ho tum? Ek baar mujhe aake gale laga lo mujhe tumhari bahot zarurat hai
Aur yahan Nimisha sitaron mein kisi ko dhundh rahi thi ki tabhi wahan Akshay aate hain
Akshay: Neend nahi aa rahi kya tujhe
Nimisha(in tears): Maa ki yaad aa rahi hai bhai
Akshay ye sunte hi Nimisha ko gale se laga leta hai
Akshay: Pagli kahin ki barsaat karwane ka irada hai? Maa tujhe dekhengi toh ro dengi.!
AGLI SUBAH
Kiara kal raat ke gusse mein car nikaalti hai aur fir wo car kisi aur ki car se takra jaati hai, aur usme se ek aadmi bahar aata hai, vo Rajat tha
Rajat: Arey madam aap dekh nahi sakti kya car thok di meri
Tabhi Kiara bhi bahar aati hai lekin uska pair fisal jata hai aur wo girne hi wali thi ke Rajat usey sambhal leta hai
Aankhon mein teri...
Ajab si, ajab si, adaayein hain
Ho...
ankhon mein teri...
ajab si, ajab si, adaayein hain
Dil ko bana dein jo patang
Saansein ye teri vo hawaayein hain
Aur Kiara uthti hai
Kiara: Oh hello, tum dekh nahi sakte kya...gaadi chalana nahi aata toh chalate kyun ho
Rajat: Oh hello madam chori upar se seena zori Gaadi meri thuki hai naaki aapki
Kiara: Ek toh tumhe dikhai nahi deta upar se mujhe bol rahe ho
Rajat: Dekhiye madam, ye jo...
Tabhi wahan Vineet aata hai
Vineet: Bhai mere gaadi mein aa jaiye, kya aap bhi faltu logon ke muh lag rahe ho aur hume vaise bhi late ho raha hai
Rajat: Thik keh rahe ho tum, Faltu logon ke muh nahi lagna chahiye
YAHAN U.S MEIN
Aisha New York airport pe thi ki wo ekdam se kisi se takrati hai
Aisha: Oh I am sorry
"It's Okay wait...maine aapko kahin dekha hai"
Aisha: Excuse me ?
"Haan yaad aaya, form exchange, same address...yaad aaya kuchh?"
Aisha: Sorry But, I forgot your name
"Kavin, Kavin Singhania"
Aisha: Oh ya hi again...par yahan kaise?
Kavin: Main yahan apne friend ko receive karne aaya tha aur tum?
Aisha: Main toh abhi abhi New York aayi hun
Kavin: Great! Kisi kaam se?
Aisha: Haan bas thode dino baad India jo wapas jaa rahi hun, accha ab main chalti hun
Aur ikdam se Aisha fir se Kavin se takrati hai. Kavin usey sambhalte hain aur ek baaar phir uski aankhon mein kho se jaate hain...
Aayi aisi raat hai jo
Bohat khush-naseeb hai
Chaahe jisse door se duniya
Vo mere kareeb hai
Kitna kuch kehna hai
Fir bhi hai dil mein sawaal kaheen
Sapnon mein jo roz kaha hai
wo phir se kahun Ya nahee
Aisha khayalon se pehle bahar nikalti hain...
Aisha- I'm sorry...
Kavin(muskarate hue)- Its okay Miss...?
Aisha- Its Aisha...Aisha Rajawat!
Kavin- Ohh...Hii Aisha! Nice to meet you !
Aisha- Okay, main chalti hoon. Late ho raha hai.
Kavin- Haan, i hope hum phir se mile...
Aisha muskarati hain aur wahan se chali jaati hain aur kavin bhi apne dost ko dekhkar unke taraf badhte hain...
A/n:Toh, ab kya ruhana-kinshuk ka rishta judega?
Kya Nimisha Karan sisodia se shaadi ke liye haami bharegi?
Kya Kabir apni khoyi khushiyan pa sakega?
Arjun, jo kisi ke muskarane ki wajah hain, kya unhe unki khushiyan dobara milengi?
Aisha –kavin ki yeh mulakat kya rang layegi ?
Aur ye Akshay Kuki ko dekhkar itne khush kyun hain...?
Jaanne ke liye jude rahiye hamare saath...
Pyaar Sahit...
Nimisha&Roohi