A/N: Hum aa gaye phir se ek new update ke saath. Mujhe pata hai sabko koi na koi doubts hain, but dil thaam ke baithiye, sabko saare jawab mil jayenge. Shukriya dil se! Aage badhte hain….

Happy Reading!

Singhania Mansion….

Palak ki farmaish par ruhana ne sharbat banaya tha. Kiara apne kamre mein akele baithi thi, usey ab bhi is baat ka gussa tha ki ladke waale usey sirf isliye thukrake chale gaye kyunki wo ek Manglik thi Tabhi Ruhana uske kamre mein usey Sharbat dene aati hai

Ruhana: Le Kiara, maine apne haathon se tere liye ye sharbat banaya hai, taaki tera dimaag thanda rahe, dekha maine tu kaise saamne waalon se bewajah lad rahi thi,

Kiara yeh sab nahi sunti , Ruhana unhe jhakjhorti(shake her from shoulders) hai

Ruhana: Arey le aaj pee le, phir main chali jaungi toh kahan se banake dungi

Kiara: Oh! Toh finally tum ye batane aayi ho ki tumhara rishta ho gaya mera nahi...Wow...great

Ruhana: Kya bol rahi ho tum?

Kiara: Congratulations...kyunki wo log toh tumhe pasand kar gaye hain na...toh tum tohh jhumo naacho gali maohalle me laddu pede batwao, go celebrate, ye sharbat and all ka natak kyun kar rahi ho mera kya hai, jaise pichle mahine mujhe log thukra gaye they is mahine bhi kar diya toh tumhe toh koi farak nahi padta

Ruhana: Kiara ...aisa...aisa kuch nahi hai re…

Kiara: Oh just shut up!...mere saamne ye acche banne ka natak mat karo, ye sharbat lana and all that, please mat karo...Main jaanti hun ki tumhe is baat ki bahot khushi hai ki mera rishta nahi hua

Kiara ki baat sunkar ruhana ki aankhon mein aansu aa jaate hain….par wo khud ko sambhalti hain aur kehti hain…..

Ruhana: sharbat table pe rakh diya hai, gussa kam ho jaye toh pee lena..

aur itna kehke aur sharbat rakhke Ruhana wahan se chali jaati hai.

Usi Din Raat ko….Ranawat Mansion …..

Sabhi log khane ki table par maujood they , sivaye Arjun aur Nimisha ke. Surajji ne charon taraf dekha….

Surajji- Yeh Arjun aur Nimisha kahan hain?

Areej- Papa, Nimmi dii ne kaha unhe bhook nahi hai.

Shefali- Arjun bhai sa se humne baat nahi ki. Wo sham se apne kamre mein hi hain.

Surajji- Arey, in dono ko ho kya gaya hai.

Akshay- Arey Baba, aap khana khaiye. Us nimisha ko main dekhta hoon. Aaj meri aur uski ladayi nahi hui na, isliye muh latka ke baithi hogi.

Areej- Kya bhai, aap bas nimmi dii se ladayi karte rehte ho.

Akshay(muskarate hue)- Teri behen galat khabar laati hai.

Areej- Nahiiii…dekho ab aap aise mat bolo.

Suraj ji unko dekhkar muskarate hain….

Surajji- Aruu, beta aap khana khaiye….Aur akshay aap bhi!

Akshay- baba sa, main nimisha ko dekhkar aata hoon.

Rajat- Buaji, aap khana lagakar dijiye, hum arjun ko dekhte hain.

Neerjaji(akshay se)- Ye lo Akshay, ek roti aur matar paneer lete jao. Ye toh wok ha hi legi.

Akshay- Kya buaji, aapko bas apni betiyon ki parwaah hai , beton ki nahi. Hamari pasand ka khana nahi banta.

Neerjaji(muskarati hain)- Tumhare liye tumhari biwiyan banayengi.

Sab hansne lagte hain aur Rajat aur akshay Arjun aur Nimisha ke kamre ki ore badhte hain….

Nimisha ke kamre mein….

Akshay kamre mein jaate hain aur nimisha ko khidki ke paas baitha paate hain. Wo unke paas jaakar unke kandhe par haath rakhte hain. Nimisha mudkar unhe dekhti hai…

Nimisha- Bhai aap!

Akshay- Tujhe bhook nahi lagi ?

Nimisha- Nahi, mujhe bhook nahi hai bhai.. Aap kha lo.

Akshay- Matar paneer bhi nahi khayegi?

Nimisha koi jawab nahi deti. Akshay plate ko side mein rakhte hain aur nimisha ke saamne khade hote hai….

Akshay- Kya ho gaya tujhe? Roz toh ladai karti hai ..aaj itna chup chup !

Nimisha- Kya bolun? Kuch bhi nahi hai bolne ko.

Akshay- Oye, tu itni serious kyun ho gayi? Arjun ke wajah se?

Nimisha- nahi, papa ne mera rishta taye kar diya hai…..main shaadi nahi karna chahti bhai.

Akshay- Mana kar dena.

Nimisha- Itna aasan hai?

Akshay- Hum bana lenge…

Aur wo nimisha ko gale se laga lete hain.

Nimisha- Bhai, please kuch karo na…

Akshay- Acha thik hai, kuch sochte hain. Par pehle tu khana kha.

NImisha- Nahi khana.

Wo khidki ki taraf mud jaati hain.

Akshay- Acha thik hai, tu nahi khayegi toh main bhi nahi khaunga.

Aur wo kamre se bahar nikal jaate hain.

Wahin, Arjun ke kamre mein…..

Rajat kamre ka darwaza khatkhatate hain….Arjun unhe dekhte hain….

Arjun- Rajat bhai, aaiye na!

Rajat- Kya hua arjun, baba sa aapko dhundh rahe the.

Arjun- Wo bhai, hume bhook nahi hai.

Rajat- Arjun, hum jaante hain kit um pareshan ho lekin kya usse aaj tak kuch haasil hua?

Arjun- Bhai please, ab aap kuch mat kahiye.

Rajat arjun ko palang par bithate hain…..aur unhe dekhte hain….

Rajat- Arjun, hum aapke dukh ko kam nahi kar sakte lekin aap jaante hain na ki hum aapko yun pareshan bhi nahi dekh sakte. Aakhir itna gussa kar ke aur pareshan hoke humne kuch haasil kiya hai kya? Aap baaki sabko saza mat dijiye aur na hi apne aapko. Sabki khatir hi sahi, phir se muskaraiye arjun. Bhagwaan ne chaha toh aapki zindagi mein phir se khushiyan aa jaayengi.

Arjun ki aankhein nam ho jaati hain aur wo rajat ko haan mein jawab dete hain. Rajat muskarakar aur unke baal sehlakar wahan se nikal jaate hain.

Khane ki table par….

Akshay jaakar sofe par baith jaate hain…

Areej- Kya hua bhai?

Akshay- Kuch anhi , teri behen bahut ziddi hain.

Shefali- Bhai, aap bol toh aise rahe ho jaise wo aapki behen nahihai.

Akshay- Arey, teri tarah ziddi hai. Baat hi nahi maanti.

Areej- Arey par hua kya ?

Akshay- Huhh….apni behen se puch.

Tabhi wahan nimisha aati hai. Areej uski taraf dekhti hai.

Areej- Nimmi di, ye bhaiya ko kya hua?

NImisha- Lagta hai naaraz hain mujhse.

Vineet(wahan aate hai)- Oye akshay, kyun gussaa karta hai.

Akshay- Dekh vineet, mujhe mat samjha. Jo samjhana hai nimisha ko samjha.

Vineet- Oye hero, samjhana kya hai?

Nimisha- Vineet bhai, wo kya hai na , aaj kisi ko mujhpe pyaaar aa raha hai isliye.

Vineet- Waah…humpar toh itna pyaar nahi aata kabhi.

Nimisha- Wo bhi kabhi kabhi aata hai.

Akshay- Haan, par koi meri baat hi nahi manta.

Nimisha muskarakar akshay ki taraf badhti hain….

Nimisha- Acha acha…..i am sorry na…..maaf kar do na !

Akshay – Pehle waada karo, meri baat maanogi…

Nimisha- Acha , thik hai waada! Lekin pehle tum khana khao.

Akshay- Pehle tum khaogi….

Vineet un dono ko dekhte hain….

" Itne pyaar se hume toh kisi ne nahi khilaya…"

Nimisha usko dekhti hain…." Achaaa…..lo khaao !"

Aur wo usey bhi kheer khilati hain.

Wahin dusri taraf, Singhania Mansion…

Kaushalyaji sabko Khane ke liye bulaati hain…Wo kuki aur palak ko balcony mein dekhti hain.

Kaushalyaji- Kuki, palak , chalo, Khana lag gaya hai.

Kuki- Haan Kaki sa, hum log aate hain.

Kaushalyaji- 5 minute ke andar aap dono hume dining table par chahiye.

Palak- Ohho maa, bhai ko toh aane do.

Kaushalyaji- Sachin aur dushyant wahin hain palak. Aap dono bhi chaliye.

Palak- Maa, hum kabir bhaiya ki baat kar rahe hain. Unhe toh aane dijiye.

Kaushalyaji- Palak….humne kaha, aap khana khane chaliye. Kabir ki chinta karne ki zaroorat nahi hai.

Palak- Lekin maaa…

Kaushalyaji- Palak…humne kaha aap yahan se chaliye.

Kuki- Pallu, chal, kabir bhai se baad mein baat karenge.

Palak ki aankhein nam ho jaati hain aur wo wahan se apne kamre mein chali jaati hain. Kabir, jo tabhi ghar mein aata hain, ye sab sun leta hai. Wo apne kamre mein saaman rakh kar teji se ghar se bahar nikal jaate hain.

Thodi derr baad…

Parivaar ke sabhi sadasya khaane ki table pe hote hain, sivaye Kabir aur Ruhana ke.

Sachin- Ye jeejha kahan hai ?

Dushyant- Pata nahi ….

Palak- Jiji ko bhook nahi hai. Wo khana nahi khayengi. (palak ek rookha sa jawab deti hain)

Shaliniji- Palak, aapko kya hua?

Palak- Kuch nahi badimaa. Wo hume khaana khaane ki icha nahi ho rahi.

Kaushalyaji- Palak, aap chupchaap khana khaiye.

Palak- Hume nahi khana maa! Aap hi khaiye. !

Itna keh kar wo wahan se chali jaati hain. Sachin kuki ki taraf dekhte hain jo ishaaron mein unhe ye batati hai ki palak udaas hai.

Wahin dusri taraf, Bageeche mein….

Kiara ki baaton se aahat (hurt) Ruhana bageeche mein jhoole par baithi thi. Wo pichle ek din mein kya hua tha yahi soch rahi thi.

" Kiara, hum toh yeh shaadi hi nahi karna chahte. Aap samajhti hain ki hum khush hain lekin hum khush nahi hain. Kaaran…..kaaran bhi toh ye parivaar hain. Lekin aap in sabse door hi thik hain Hum nahi chahte ki aapke dil mein kisi tarah ki koi nafrat paida ho."

Unki aankhon se aansu nikal padte hain aur unke vichaaron par alpviram lagate hain kabir. Kabir bhi wahin aakar baith jaate hain…Wo ruhana ko dekhte hain…

Kabir- jiji, aap ro rahi hain?

Ruhana(aansu poch leti hain)- Nai, nahi kabir, hum kyun royenge?

Kabir- Jiji, aap jaanti hain, aap humse kuch nahi chupa sakti. Bataiye kya hua?

Ruhana- Pehle tum batao, yahan kya kar rahe ho? Khana khaya?

Kabir chup ho jaate hain aur zameen mein dekhne lagte hain. Ruhana apne haath se unka chehra apni taraf karti hain…

Ruhana- Batao kabir, kya hua? Kisi ne kuch kaha?

Kabir- Sab log hume hi toh bolta hai. Maa hume chhod kar kya gayi, sabne hume chhod diya hai..

Ruhana- Aisa nahi hai kabir. Sab aapse pyaar karte hain.

Kabir- Par choti maa (kaushalyaji) toh nahi karti na.

Ruhana- Shayad wo apna pyaar jata nahi paati.

Kabir- Jeejha, wo pyaar hi nhi karti humse. Humne unka bigada kya hai….hamara sirf yahi dosh hai ki hum unke bête nahi hai…

Ruhana- Kabir …..aisa nahi hai…

Kabir- Aisa hi hai jiji! Tum toh sabse pyaar karti ho na. Jaise tumne mujhe sambhala tha , waise hi tumne palak ko smabhala. Lekin choti maa ko palak ka mujhse baat karna bhi nahi pasand.

Ruhana kuch nahi kehti sirf unke hath ko apne haath mein leti hai aur agle hi pal, kabir unki goad mein sir rakhkar rone lagte hain. Ruhana bas unke baal sehlaati hain….Kabir ki baatein sunkar unki aankhein bhi nam ho jaati hain….wo kehti hain…

" Kabir, koi tumhare saath ho na ho, main hamesha tumhaare saath bhi koi problem ho, yaad rakhna tumhari ye behen hamesha hai tumhaare saath"

Ye sunkar kabir unki ore dekhte hain aur wo muskarati hain. Tabhi unh eek aur awaaz sunayi deti hain…

" Bhaiyaa…..main bhi aapke saath hu. Maa ko pata nahi kya ho gaya hai lekin aap jaante ho na , aap mere sabse ache bhaiya ho. Maa nahi samajhti , na samjhe lekin aap akele nahi ho bhaiya….."

Kabir muskarata hai aur palak uske gale lag jaati hain. Ruhana muskarati hai….

" Arey waah palak, tu toh bahut badi ho gayi."

Palak…" Jiji, aapke liye toh bachi hi hoon. "

" Haan Jiji, tumhaare liye atleast hum bache hain. Kyunki hume pata hai ki tum hamesha humaare saath ho" Kabir ne kaha.

" Aur humko badi maa, maa aur kaki sa se bachane wali bhi aap ho jiji…" Dushyant ne wahan aate hue kaha.

Ruhana muskarati hain…." Acha jiii…."

" Haani Jeejii….Aur kya, tum nahi bachaogi toh hum ghar se bedakhal kar diye jaayenge. " Kuki ne wahan aate hue kaha.

" Haan, Ghar se bedakhal hone ke kaam toh ye aur palak hi karte hain…..hume marvaayengi kisi din ye log." Sachin ne wahan aate hue kaha.

" Haawww…..so bad bhai…..bade bhai hote hi bachane ke liye…." Palak ne kaha.

" Haan sachin, baat toh palak ne thik kahi…" Kabir ne muskarate hue kaha.

" Haan bhai, tumhari behen ne kaha hai toh sach hi hoga." Dushyant ne kaha.

" Dushu bhai, main aapki behen nhi hoon….?" Palak ne gusse mein kaha.

" Nahii…tu paalak paneer hai….hehehe…"

Palak uske peeche bhaagti hain…." Bhaii, ab aap dekho….main kya karti hoon."

Ruhana in sabko dekhkar muskarati hain….tabhi sachin wahan aata hai….

"jeejii, Aap muskarati raha karo, achi lagti ho."

Ruhana muskarati hain…." Main theek hoon sachin."

Sachin unko dekhte hain…." Hum jaante hain jiji, aap pareshan ho, lekin, pareshani se koi hal nahi niklega. Aisa aap hi kehti ho na. isliye , ab chalo, kuch kha lo. "

Ruhana muskarati hai…" Hume bhook nahi hai sachin. Hum doodh pi lenge baad mein. Acha ye batao, tumhara kaam ho gaya?"

" Haan, almost ho gaya. Kal papa se sign krva lenge, toh wo complete ho jaayega."

Itne mein andar Aalokji ki aawaz aati hai….

" Ruhana, hamare kamre mein aaiye…"

" Sachin, hum jaate hain, aur aap log bhi jald hi andr aaiyega, thand badhne lagi hai."

Itna kehkar wo wahan se chali jaati hai.

Wahin Ranawat Mansion mein….

Areej , Akshay, Nimisha, Shefali, Rajat, Vineet sabhi bageeche mein hote hain, jab Suraj ji wahan aate hain…

Suraj ji- Rajat, Nimisha, kal subah taiyar rehna. Hume nikalna hai.

Nimisha- papa, meri baat toh suniye…

Suraj ji- Nimisha, hum kuch nahi sunna chahte. Aap bas taiyar rahiyega.

Nimisha- Papa….

Rajat- Haan Baba sa, hum taiyar rahenge.

Suraj ji- Aur haan, hume aap dono ke jawab Haan mein chahiye. Ab jaiye , so jaiye.

Itna kehkar wo wahan se chale jaate hain.

Nimisha wahan jhoole ki ore badh jaati aur vineet uske peeche jaate hain..

Akshay- nimisha, tu kab se rone lag gayi haan, arey ek baar mil lena, pasand nahi aaye toh na keh dena.

NImisha- Aasan nahi hai bhai. Aaj maa hoti toh aisa nahi hota.

Akshay- Nimisha, maa bhi baba ki baat ko taal nahi paati. Aur tu kyun chinta karti hai. Hum sab hai na.

Vineet- Haan, aur ho sakta hai, jisse mamaji tera rishta karna chahte hain , wo bhi teri tarah hi ho. Ho sakta hai wo hi mana kar de.

Nimisha- Agar aisa nahi hua toh?

Akshay- Uffo! Ab tu itna negative mat soch. Baba ke saath jaana, phir dekhte hain kya karna hai.

Vineet- Com'mon now cheer up! Sab acha hi hoga.

Nimisha un dono ko dekhkar muskarati hain aur jaane ke liye haami bharti hai.

Singhania Mansion..

Ruhana Aalokji ke paas jaati hain.

Aalokji- Hum bahut khush hain ruhana. Aur hum chahte hain ki aap bhi khush rahein.

Ruhana- Aap khush hain toh hum bhi khush hain.

Aalokji- Aapko toh khush hona hi chahiye beta. Kinshukji bahut ache hain.

Shaliniji- Aur hum jaante hain beta, aap unke saath bahut khush rahengi.

Ruhana muskarati hai…

" Aap dono ne unhe chuna hain , toh wo sach mein bahut ache honge maa. Lekin kya ab hum jaayein, hume kuch kaam hai"

" Haan beta jao…" Aalokji ne kaha aur ruhana wahan se chali jaati hain.

Ruhana apne kamre mein jaati hain aur rone lagti hai. Wo ateet unke aankhon ke saamne aa jaata hai jiske kaaran unhe pyaar aur shaadi se aitraaz hai.

Agle Din,….

Rajat, Suraj ji aur Nimisha ghar se nikalte hain. Wahin dusri taraf, Singhania mansion mein chehel pehel hoti hai. Sachin kisi kaam se nikalte hain…

Sachin- Dushyant, tum seedhe office jaana. Hume kuch kaam hai , wo kar ke hum bhi aa jayenge.

Dushyant- Okay….tum pehle apne kaam kar lo. Office main sambhal lunga.

Sachin kuch files lekar ghar se nikal jaate hain. Wahin Areej bhi apne ghar se bahar aati hain. Unhe college mein kuch kaam tha. Sachin kisi se baat karte hue ja rahe the aur unhone areej par dhyaan bhi nahi diya aur dono aapas mein takra jaate hain. Areej usko dekhti hain….

Areej- O Hello, dikhta nahi hai kya? Saara papers idhar udhar kar diye.

Sachin- Excuse me, dekh ke shayad tum nahi chal rahi thi

Areej- Tumse kisne kaha tha phone pe baat karte hue chalne ko….kisi doctor ne kaha hai kya?

Areej uspar chillati hain…

Sachin- Dekho madam, mujhe derr ho rahi hai. Tumse behes kar ke mujhe apna time barbaad nahi karna.

Areej- Mujhe kaunsa shauk hai tumse baatein karne ka…huhhh! Egoistic ho tum!

Itne mein wahan kabir aata hain…

" Sachin chalo, main drop kar dunga raaste mein."

Sachin unki baat sunkar car mein baith akr chale jaate hain. Yahan areej unko jaate hue dekhti hain…

" Huhh! Kaisa ghamandi insaan hai. Sorry bhi nahi kaha. Sahi hai, Ye singhania's ne bade ghamandi hain. Sirf apni baat dikhayi deti hain, Dusre ki toh koi parwaah hi nahi hai…huhhh!"

Areej gusse mein badbadati hain…Tabhi wahan akshay aate hain…

" Oye Aruuu, ab yahan kya khadi hai, chal, main tujhe college drop kar deta hoon. Mujhe bhi kuch kaam hai."

Areej .." Haan bhai chalo, aaj na is Singhania ne saara mood kharab kar diya….Sachin Singhania…huhh!"

" Ohho, tujhe kya zaroorat thibata karne ki. Ab jaldi chal!"

Itna kehkar wo areej ko lekar chale jaate hain.

A/N: Yahin par lagate hain alpviram! Tohhh…..

Kya nimisha aur rajat kritika aur karan ke liye haan kahenge?

Kya Ruhana Kinshuk se shaadi karke khush rahengi? Kya wo kabhi khush ho paayegi?

Kya kabir aur arjun ko koi aisa milega jo sirf aur sirf unse pyaar kare?

Aur kya hai wo raaz jisse ruhana ko pyaar aur shaadi pe hai aitraaz?

Jaanne ke liye….intezaar kariye…

Pyaar Sahit….

Nimisha&Roohi…

Please R&R!