A/N: Namashkaar! Hum aa gaye phir se update ke saath :p Shukriya…is kahaani ko padhne ka aur uspe kuch shabd kehne ka :D Chaliye aage badhte hain!

Agle Din….Ranawat Mansion….

Us din ghar mein sab kaafi hairaan they…. Aise isliye kynki bahut dinon baad unhone Arjun ko muskarate hue dekha tha.

Areej- Bhai , aap thik ho na?

Arjun- Haan, mujhe kya hoga? Waise, tujhe college nahi jaana?

Areej- Jaana hai na bhai, main aur sheffi saath mein jayenge.

Arjun- Acha, main ja raha hu, ek zaroori meeting hai.

Areej(musakarti hain)- Waise bhai, aap muskarate hue ache lagte ho. Phir se udaas mat hona.

Arjun haan bolta hain aur nikal jaata hai. Tabhi peeche se akshay aata hain….

" Waah bhai, kamaal ho gaya. Ye patthardil insaan muskarane laga…..waah waah!"

Tabhi rajat wahan aate hain….."Akshay, wo thik hone ki koshish kar raha hai, tumhe usey support karna chahiye."

"Jee Bhai sa…..main mazaak nahi karunga."

Akshay sar neeche kar ke kehte hain aur rajat wahan se nikal jaate hain.

Wahin Singhania Mansion…..

Sabhi log bahut jaldi mein hote hain. Sabhi table par baithkar naashta kar rahe the, tabhi sachin wahan aate hain….

Sachin- Maa, hum nikal rahe hain, zaroori kaam hai.

Ruhana- Bahut buri aadat hai tumhari sachin, kuch kha kar jao.

Sachin- Jijha , hum office mein kha lenge. Bye!

Ruhana- Ruko sachin!

Sachin- Kya hai jiji? Hume late ho raha hai.

Ruhana- Humne kaha aap nashta karke jayenge.

Sachin- Kya jijha, tum bas mujhe aur dushu ko daantti ho, kavin aur kabir ko kabhi nahi.

Ruhana- Tum is ghar ke bade bête ho, tum hi theek se kaam nahi karoge toh chote kya seekhenge.

Sachin- Not fair haan!

Palak- jiji, sabse badi toh aap ho. Hum toh aapse seekhenge. Sachin bhaiya se nahi.

Sachin- Waah , ekdum thik kaha palak!

Ruhana muskarati hain aur unke haath mein juice ka glass thama deti hai.

" Ab isko piyo aur jao."

Aur wo baaki sabko juice deti hain. Tabhi Dushyant unse puchta hain….

Dushyant- jiji, aapko aaj bhi sahaniji ke office jaaana hai.

Ruhana- Haan dushyant, jaana hai na aur us akdu ke saath kaam bhi karna hai

Palak- Akdu…kaun jiji?

Ruhana- Arey wohi, Vineet Rajawat.

Shaliniji- Ye kya tareeka hai baat karne ka Ruhana?

Ruhana- Jaane dijiye maa sa, aap nahi samjhengi.

Dushyant- Chalo jiji, main chhod deta hoon. Usi taraf ja raha hoon.

Ruhana- thik hain, main aati hu purse lekar.

Dushyant- Haan , jldi aao.

Wahin dusri taraf, Ranawat mansion mein….

Nimisha, jo ki chutti par thi apne kamre mein baithi hui kuch soch rahi thi. Unki tandra tootti hai Neerja ji ki awaaz par….

Neerjaji- Nimisha…..bete , aaj aapko office nahi jaana?

Nimisha- Nahi Buaji, aaj main chutti par hu.

Neerjaji- Kya baat hain, kuch khoyi si ho. Koi baat hai?

Neerjaji uske baalon mein haath ferte hue kehti hain. Nimisha unka haath pakadti hain….

Nimisha- Buaji, ek baat puchun?

Neerjaji- Pucho beta.

Nimisha- Kya har khamoshi ke peeche koi kaaran hota hain?

Neerjaji- Har baat ke peeche koi na koi kaaran hota hai nimisha. Main yahan rehti hu , iske peeche bhi ek kaaran hai beta.

Nimisha- Nahi buaji, main ye jaanna chahti hu ki kya kaaran hona zaroori hai?

Neerjaji uske paas aakar baithti hain aur uske chehera thapthapati hain….

Neerjaji- nimisha, har dukh ka, sukh ka, khushi ka…sabka kaaran hota hai, toh khamoshi ka kyun nahi. Ho sakta hai kisi ne kuch khoya ho , ya phir kisi ko wo na mila ho jo usne chaha ho. Lekin tum kyun puch rahi ho?

Nimisha- Bas aise hi buaji, ab agar har cheez ka ek kaaran hota hai toh mujhe kaaran ka pata lagana hoga.

Neerjaji- Kaunsa kaaran?

Nimisha- Waqt aane par aapko bataungi bua ji. Acha, aap mere liye soup bana doge?

Neerjaji- Haan, main banati hu.

Itna keh kar neerjaji chali jaati hain aur nimisha phir se kuch sochne lagti hain….

"Flashback starts*

KKN Office…

Kabir us din gusse mein tha. Nimisha usse kuch sign karvane uske cabin mein jaati hai. Us waqt wo phone par baat kar raha hota hai….

" Dekhiye MrKumar, mujhe us case ki saari details chahiye. Report taiyar karni hai…"

.

.

"Main nahi jaanta aap ye sab kaise karenge, lekin aaj ki date mein mujhe puri report chahiye. Hume wo news telecast bhi karvani hai."

.

.

"Main kuch nahi sunna chahta…jaldi se office aaiye.."

Itna kehkar wo phone kaat deta hai aur tabhi nimisha par uski nazar jaati hain…

Kabir- Tum yahan kya kar rahi ho?

Nimisha- Aapke sign karvane the is file par.

Kabir- Table pe rakh do , main baad mein kar dunga.

Nimisha- Sir, sign abhi chahiye.

Kabir- Maine kaha na , main kar dunga. Tum jao yahan se.

Kabir uske upar chilllata hai aur nimisha wo file uski table par chhodkar chali jaati hai.

.

.

Kuch derr baad….

Kabir nimisha ko apne cabin mein bulata hai…

Nimisha- Aapne bulaya?

Kabir- Haan, ye lo wo file, ek baar check kar lena.

NImisha- Okay , thank you!

Aur jaane ke liye mudti hai….tabhi kabir unhe rokta hai..

Kabir- I'm sorry Nimisha, Wo subah tum par chilla diya. Main gusse mein tha.

Nimisha- Its okay, kabhi kabhi main bhi aisa hi behave karti hu.

Kabir- Tumhe dekh ke toh nahi lagta lekin haan, main zaroor roz sabko dukhi karta hu.

Nimisha- Aisa kuch nahi hai, aur aapko sorry kehne ki zaroorat nahi.

*Flashback Ends*

Yahan, neerjaji nimisha ke liye soup lekar aati hai. Nimisha unse soup lekar rakh leti hai aur phir achanak usey ek din pehle ki baatein yaad aa jaati hai...ki kaise kabir ne usko Gundya bhau ke aadmiyon se bachaya….Achanak se uske chehre pe ek muskaan aa jaati hai…..

" Ab chahe kuch bhi ho, Kabir ki udaasi ka kaaran toh main jaan ke rahungi."

Tabhi wahan Areej aur shefali aati hain usey dhundhte hue….

Areej- Dii, isey samjhao, kal se gussa aa raha isko.

Nimisha- par hua kya?

Shefali- Wo dushyant singhania , samajhta kya hai khud ko! Kahin ka raja hai….kuch bhi bolta hai.

NImisha- Arey bas! Chilla mat. Aur jao , dono khana kha lo.

Areej- Chalo didu!

Nimisha- Haan, tum dono jao, main aati hu.

Dusri taraf, USA….

Kavin us din bahut khush tha aur wo apne doston ke saath college ke cafeteria mein tha…..

" Aaj main bahut khush hoon….bas ab ye exams ho jaayein…."

.

Tabhi wahan usko aisha dikhayi deti hai….aur wo uski taraf badhta hai….

Kavin- tum mujhe dhundhte dhundhte mere college tak aa gayi ?

Aisha- Kavin singhania …right?

Kavin(muskarata hai)- Arey wahh…aapko toh mera naam yaad hai, varna mujhe laga ki aapke haath par likhna padega.

Aisha- uski zarurat nahi hai kavin. Mujhe nahi pata tha ki hum ek hi college ke students hain.

Kavin- Acha hai na aisha…ab hum roz mil sakte hain.

Aisha- Mr Kavin, padhai pe dhyan do.

Kavin- Ab dost tumhare jaisi khoobsurat ho toh dhyan padhai pe kaise jayega./haan?

Aisha- Are you seriously flirting?

Kavin- Lo bhai, ache se baat karo, toh kehti hain flirt kar rahe hai, nahi karo toh aur nakhre…

Aisha- Hmm…lagta hai kaafi experience rakhte hain….

Kavin(Smiles)- Jo chahe samajhiye Miss Aisha…..Par hum toh ye puch rahe the ki…."Mujhse dosti karogi?"

Aisha(looks at him)- Soch ke kahenge…

Aur wo wahan se chali jaati hai

Singhania Mansion…Raat ke waqt….

Ghar me khushi ka mahol tha hoga bhi kyu nahi aakhir ghar ki badi beti ki shadi jo hone wali thi. Sabhi log khane ki table pe they jab Aalokji wahan aate hain….

Aalokji- Shaliniji!

Shaliniji- Kya baat hai? Aap bade khush lag rahe hain?

Aalokji- Arey shaliniji, aap sunengi toh aap bhi khush ho jayengi. Baat hi aisi hain.

Palak- Kya baat hai badepapa, jaldi bataiye.

Aalokji- Palak, teri behen ki shaadi ki taarikh nikal aayi hain.

Palak- Kya? Kab?

Aalokji(hanste hue)- Shaliniji, diwali ke do hafte baad ka muhurat nikla hai.

Shaliniji- Arey waah, bahut achi baat hai.

Tabhi ruhana wahan aati hai aur ye sab sun leti hain. Shaliniji uska maatha choomti hain….

Shaliniji- Hum bahut khush hain ruhana.

Ruhana(muskarati hain)- Aapko khush hona chahiye maa.

Shaliniji- Tu khush nahi hai beta?

Ruhana- Maa, aapki aur papa ki khushi mein hi meri khushi hain. Acha , hum aate hain.

Itna kehkar wo wahan se chali jaati hain. Sachin unke taraf badhte hain lekin tabhi Rekhji sabko khan eke liye bulati hain. Sachin ruhana ko bulane unke kamre ki taraf badhte hain aur unhe balcony mein paate hain….

Sachin- Jiji!

Ruhana- Han sachin?

Sachin- Jiji, khana lag gaya hain, chalo na! Kaki bula rahi hain

Ruhana- mujhe bhook nahi hai. Tum kha lo.

Sachin- jiji, pareshan ho? Kya hua?

Ruhana- Kuch nahi Sachin. Tum jao khana kha lo.

Sachin- aap mujhe bata sakti ho na jiji.

Ruhana- Ohho, humne kaha na ki kuch nahi hua. Chalo, ab jaao.

Sachin wahan se chale jaate hain.

Thodi derr baad….

Sabhi bache baatein kar rahe the….

Kabir: Jijhi main toh sach mein bahot khush hun aapke liye...Meri jijhi ki shadi hone wali hai

Kuki: Haan bhai, I am Super excited aur ye khabar sunke toh Kavin bhaiya bhi jhoom uthe. unka bas chalta na toh koi bhi flight pakad kar yaha aa jaate

Sachin: Haan, woh toh maine kisi tarah usey roka, warna toh wo exams chhodke yaha aa raha tha

Palak: Bhai maine toh gaane bhi decide kar liya hai, main kaunse gaane pe dance karungi

Kuki: Aur kal hum shopping karne jayenge, Kiara di aap bhi chaloge na

Kiara: Tumhe jahan jana hai jao main nahi aaungi

Palak: Kyun di aapko koi shopping nahi karni?

Kiara: Nahi

Palak: Nahi lekin kyun?

Kiara: Bas nahi lena

Kuki: Arey le lo le lo di ho sakta hai shadi mein koi ladka aapko dekhke pasand kar le aur phir diwali bhi toh aa rahi hai.

Palak: Waise Di ke devar bade hot hai hain di

Kuki: Fir hum gana gayege Didi tera devar diwana haaye raam kudiyo ko dale daana

Palak: Aur shadi me na

Kiara(chillati hain): Bas karo tum log shadi shadi shadi, shadi na ho gayi pata nahi kya ho gaya...huh!

Aur wo wahan se balcony mein chali jati hai,

Palak ki aankhon mein aansu aa jaate hain…

Palak- kiara diii….suno toh….main toh aise hi bol rahi thi.

Shalini ji ye dekhti hai aur Kiara ke pichhey usey samjhane jaati hai

Shalini ji: Kiara beta ye sabb kya tha?

Kiara: Maa aap

Shalini ji: Haan, aur bahar jot um kar rahi thi wo sab kya tha bête

Kiara: Aur wo log jo kar rahe they wo kya tha maa wo jaante hain na ki jis ghar se jijhi ka rishta juda hai usi ghar ke logo ne mera rishta toda hai

Shalini : Main janti hu beta aur main samajhti bhi hun par beta ye kaisi samjhdari hai ? Ghar mein khushi ka maahol hai aur tum ho ki... beta tera jaisa bhaagya hai, tera rishta bhi usi hisab se judega lekin beta iska matlab ye nahi ki tum baaki sabka dil dukhao beta, apni behen ki khushiyon mein shaamil hona sikho, tabhi tum khud khush reh paaogi...is tarah se toh tum khud dukhi ho rahi ho aur ghar mein sabka dil dukha rahi ho, Aise khushiya nahi milti Kiara

Kiara unki baat sunke rone lagi aur fir Shalini ji usey gale lagati hai

Shalini ji: Ye rishta nahi hua toh kya meri gudiya ke liye zaroor koi na koi rajkumar hoga

Kiara: Sach maa...hoga koi mere nasib mein ?

Shalini: Kyun nahi hoga? Bilkul hoga…

Aur ye sab ittefaqan Rajat apne garden se dekh leta hai aur sun leta hai aur soch mein pad jaata hain.

" Lagta hai, panditji sahi keh rahe the. Bhagwan bhi na jaane kaisi kaisi pareeksha lete hain. Lekin ye toh us din jaisi nahi hai….us din toh kaise ladne lagi thi….aur aaj wahi ladki ro rahi hai…kamaal hai….lekin zaroor kuch toh hua hai…."

Tabhi wahan akshay aata hai….

" Bhai, baba bula rahe hain…chaliye…"

.

.

"Haan akshay, main aata hu…"

Aur phir wo uske saath chala jaata hai.

Dusri taraf…

Ruhana bageeche mein hoti hai aur jo kuch bhi hua, wo soch rahi hoti hai ki tabhi wahan kabir aata hai….

Kabir- jiji, kya hua?

Ruhana- kuch nahi, tum yahan?

Kabir- Haan, aapko yahan dekha toh chala aaya.

Ruhana- Kaki ne kuch kaha?

Kabir- Wo kuch kehti hain kya! Khair meri chhodo, aap kya soch rahi thi?

Ruhana- Yahi ki main apne bhai ke liye kya tohfa khareedu…(she smiles)

Sachin- Tohfa sirf kabir ke liye, humare liye nahi!

Ruhana(muskarati hain)- Sabke liye, aakhir diwali aa rahi hai.

Kabir- Haan jiji….is baar toh khoob roshni hogi…

Sachin- Haan, aur diwali ke 2 hafte baad jiji ki shaadi jo hai.

Kabir- haan, lekin kaam bhi toh hai.

Sachin – haan….chalo, hum planning karte hain.

Aur wo dono wahan se chale jaate hain….

1 hafte baad….Diwali week….

Ghar mein diwali ki taiyaari ho rahi hoti hain….tabhi wahan ek ke baad ek cabs aake rukti hain….Shefali jo bageeche mein khadi hoti hai….wo zor se chillati hain…..

" Aruuuu…aishu is back …..!"

Aur wo darwaaze ki taraf bhaagti hain….

Wahin Ghar ke bahar, aisha aur kavin apni apni cab mein se baahar nikalte hain aur ek dusre ko dekh ke chaunk jaate hain….

Aisha- tum phir se yahan?

Kavin- Arey, ye mera ghar hai.

Aisha- Mera bhi ghar yahin hai.

Kavin-woww….that's great…ab hum roz mil sakte hain.

Tabhi aalokji ki awaaz aati hain….

" Aishaaa…..andar chaliye jaldi se. Kisi se bhi baat karne ki zarurat nahi hai. Aur saamne wale ghar mein se toh kisi se nahi…"

Aisha andar chali jaati hain, aur kavin wahin khada rehta hai jab tak dushyant uske paas nahi aata.

Dushyant-Oye…yahan kyun khada hai….jaldi chal. Maa kabse intezaar kar rahi tera.

Kavin- CHalo!

Aur wo andar chale jaate hain.

Sabhi unse milkar khush hote hain. Palak kavin ke paas aakar puchti hain….

Palak- Bhaiya, mera diwali gift?

Kuki- Oye palak, pehle mujhe gift milega…phir tujhe.

Palak- Nai, main choti hu, mujhe pehle milega….

Kabir- Arey palak, sabko tohfa milega.

Tabhi wahan Ruhana aati hain….

" Uffoo…..tum log ladna band karo. Sabko tohfe milenge. Par puja ke baad…aur kv, jao, change kar lo. Khana taiyar hain."

Kavin haan kehkar apne kamre mein chale jaate hain..

Wahin Ranawat mansion mein bhi sabhi khush hote hain.

Areej- Aishuu, tu mere liye gift laayi na?

Aisha- Lo, mere exams they wo kuch nahi , isko apne gift ki padi hai. How mean!

Areej- Oye….i am not mean….tu hi US mein thi, kuch toh laati behen ke liye.

Aisha- Haan haan, thik hai, laayi hu na ….shaanti rakh.

Areej- wohi toh nahi hota…

Shefali(uske sir pe chapat lagati hai)- Impatient hai tu….paagal!

Areej- tum dono paagal ho! Huhh!

Tabhi wahan Vineet aata hain….

Vineeet- Oye Aru aur sheffi….kya hai….abhi toh aayi hai wo!

Shefali- Not fair bhaiya…main bhi toh hoon. Ye aruu pareshan kar rahi hai.

Vineet- Wo bechari abhi toh aayi hai aur tum dono usko pareshan kar rahe ho.

Areej(makes a face)- vineet bhaiya, not fair. Aap aishu ko zyada pyaar karte ho.

Vineet- Ufff….acha ab chalo, usey aaram karne do. Aur haan, tohfe sabko milenge.

Areej- Yaayyy…..do na !

Vineet- abhi nahi! Shaam ko jab sab ghar pe honge. Rajat bhai aur arjun nahi hai na abhi.

Areej- Okay bhaiya…!

Aur phir wo log bhi neerjaji ki awaaz par khane ke liye chale jaate hain kyunki phir puja ki taiyari jo shuru karni thi

A/N: Okay…here I end!

Diwali dhamaka….so ruhana aur vineet kya tohfe laaye hain?

Kya Ruhana ki shaadi ho paayegi? Kya aisha-kavin ki dosti pyaar mein badlegi?

Kya kiara ko uska rajkumar milega?

Jaanne ke liye jude rahiye….

PyaarSahit….

NimishaRuhana