A/N: Namshkaar! Phir se ek update! Shukriya to everyone! Aage badhte hain….
Aishu…surprise for you inside….love you :*
Happy Reading!
SINGHANIA MANSION
Palak aur Kuki rangoli bana rahi thi, Kiara ye sab upar se dekh rahi thi, Usey Maa ki kahi baat yaad aati hai aur vo bhi nichey aati hai
Palak: Kuki neela rang kaha hai mil nahi raha
Tabhi koi wahan neela rang daal deta hai
Kuki: Jiji aap?
Kiara: Kyun main rangoli nahi banaun tumhare saath?
Palak: Bilkul banao na jijhi aap se acchi rangoli bhala hum bana sakte hain?
Kiara muskurakar unke saath rangoli banana baith jaati hai, Tabhi Kuki masti karte huye Palak ke chehre pe rang laga deti hai, aur Palak bhi usey rangne hi wali hoti hai ki beech mein Kiara aa jati hai aur fir wo bhi haske Palak ko rang lagaane daudti hai idhar Rajat kaam se bahar aaya hi tha ki achanak Palak ke pichhey bhaagte bhaagte Kiara Rajat se takra jaati hai aur Rajat ke saare kapde kharab ho jaate hain
Kiara kuchh kehti is se pehle Rajat bol uthe
Rajat: I am sorry meri wajah se aapke saare rang gir gaye?
Kiara: Lekin
Is se pehle Kiara kuchh aur kehti Rajat bina sune chale jaate hain
Kiara: Strange Galati meri aur Sorry wo bolke gaya ?...
Tabhi Palak wahan aati hai
Palak: Chalo na Kiara di
Kiara : Haan chalo chalo
Yahan Dusri taraf
RANAWAT MANSION
Nimisha Areej aur Shaifali ke paas aati hai
Nimisha: Arey baba tum log jaldi taiyaar ho fir mujhe late bhi ho raha hai
Aisha: Di main aaj aayi hun aur aap kahin jaa rahi hain
Nimisha: Abhi nahi jaa rahi puja ke baad jaaungi office ek ghante ke liye fir wapas aa jaungi pakka
Aisha: Diwali waale din office?
Nimisha: Haan wo Diwali ki party hai na toh socha sabko bas wish karke chali aaungi, par sirf ek ghanta pakka
Aisha: Okay jao maaf kia
Raat ho gayi thi saare ghar jagmaga rahe they bas ek taraf kisi ke man mein shanti thi toh wo tha Kabir
Dono taraf Diwali ki puja hoti hai
SINGHANIA MANSION
Puja hote hi Kabir wahan se nikal jaata hai sirf apni Jeejha ko batakar
Kavin: Ab baari aayi tohfe ki kis kis ko taufa dekhna hai apna
Palak, Kuki : Mujhe !
Kavin: Thik hai, lekin sabse pehle meri Jeejha ke liye, Jeejha(aur wo taufa dete hain)
Ruhana: Chhote kabhi badon ko tohfe dete hain?
Kavin: Kis kitaab mein likha hai ki nahi dete... Kholke dekhiye naa
Ruhana tohfa kholti hai. Ruhana jab dekhti hai uski aankhein chhalak jaati hai aur vo Kavin ko gale laga letti hai, Wo Kavin aur Ruhana ki bachpan ki tasvir thi, jisme Ruhana ne Kavin ko god mein bithaya hua tha
Kavin: Oh teri! ye kya Kavin tune toh di ko rula diya
Ruhana(hits him): Pagla!
Kavin: Sachin bhai aur Dushyant bhai ye aapke liye...(Watch)
Sachin: Wow..my favourite brand...kafi samjhdaar ho gaye hain chhote laad sahab
Kavin: Bhai kiska hun, Kiara di ye aapke liye aapka favourite brand ka set hai is baar nuks mat nikalna
Kiara : Isme eyeliner nahi hai…
Kavin: Kya baat kar rahe ho di maine toh khud Aish...I mean apni friend ke sath
Kavin dekhta hai toh us me sab tha
Kiara: Mazak tha
Kavin: Ye le Kuki tere favourite authors ka books ka set
Kuki: Thanks bro !
Kavin: Kabir bhai ye... Kabir bhai kahan hain?
Ruhana: Wo...
Kavin: Is baar fir...
Ruhana: Koi baat nahi tu mujhe de de main de dungi jab wo aayega
Kavin smile karke deta hai, Aur uth jaata hai
Palak: Haww that's not fair sabke liye kuchh bas Palak ke liye hi nahi
Kavin: Aa..Pallu Sorry haan tera gift toh reh gaya itne saare kharidne they na toh main bhool gaya
Palak muh fula ke dusri taraf khada ho jati hai Ki tabhi uske saamne ek bada sa teddy bear aa jata hai
Kavin: Ye itna bada teddy jo extra ticket ke saath aaya hai, wo gift packing mein kaise aata?
Aur Palak smile karke Kavin ko gale laga leti hai
Ruhana: Abhi gifts khatam nahi huye, yahan aao main bhi tumhare liye kuchh laayi hun
YAHAN RANAWAT MANSION MEIN
Nimisha: Aishu, tu jo bhi laayi hai na inhe de de warna ye saare jaan kha jayenge
Aisha ek ek karke sabko gifts deti hai lekin sirf Akshay ko kuchh nahi deti
Akshay: O hello mera gift kahan hai?
Aisha: Chhote badon ko thodi gift dete hain
Akshay: Accha toh ye Rajat bhai, Arjun, Vineet ye sab toh umar mein tujhse bahot chhote hain na?
Aisha: Haan wo main aapka gift bhool gayi (winks at Akshay)
Akshay: Accha koi baat nahi...jaa maaf kiya
Areej(Thinking): Daal mein zaroor kuchh kala hai
Shaifali: Nahi Aru, puri daal kaali hai
Areej: Tujhe kaise pata main kya soch rahi thi
Shaifali: Bas aise hi
Tabhi wo dekhte hain ki Akshay aur Aisha, Aisha ke room mein jaate hain
Akshay: Jaldi laa behna
Aisha: Deti hun, aapko pata bhi hai, kaise kaise chhupa ke lani padti hai aapki favourite brand ki Whiskey
Akshay: Wah behna kamaal kar diya.
Aisha: Lekin please ye mujhse door rakhna I hate alcohol
"Aur ye baat hum Bua ya Kaka sa ko bata dein toh"
Akshay: Shaifi, Aru...
Shaifali: Haan hum...
Aisha: Please meri behno please ye baat mamaji ko ya maa ko mat batana
Areej: Thik hai nahi batayenge magar humari ek shart hai
Akshay: Kaisi shart?
Shaifali: Bhai aapki Whiskey me se hume humara share chaiye
Akshay: Bas... Itni si baat, thik hai Done, Lekin pehle promise karo ki kisi ko kuchh nahi bataogi
Areej, Shaifali: Promise
Aisha: Accha..aap log apni daaru party kijiye main chali
Aur itna kehke wo wahan se chali jaati hai
Akshay: Tum log suno, Shaifi, mere room se wo coke ki bottles leke aa
Shaifali daudkar wo bottles laati hai
Shaifali: Ye lo bhai
Akshay: Good! Ab Coke out aur Whisky in
Aur wo coke ki bottles mein whisky mila deta hai
Akshay: Ab hum piyenge toh kisi ko shak bhi nahi hoga
Tabhi unhe Neerja ji ki aawaz aati hai
"Shaifali, Aru Akki kahan ho tum"
Aur wo log wo bottles chhupa dete hain, Tabhi Neerja ji wahan aati hain
Neerja: Lo tum log yahan ho..yahan kya kar rahe ho
Shaifali: Wo hum log patakhe lene aaye they, bas leke jaa rahe hain
Neerja: Arey toh jao na
Akshay: Haan haan chalo behno, patakhe jalate hain phir pee lenge
Neerja ji: Kya?
Akshay: Matlab phir aaram se khayenge piyenge
Aur itna kehke wo log phatake leke aangan mein chale jaate hain
Aur yahan Nimisha kuchh dhundhte huye Aisha ke kamre mein aati hai
Nimisha: Arey wah bhai toh coke laaye hain, waise bhi mera gala sookh raha tha, ek le leti hun
Aur wo Coke (Whisky) peene lagti hai
Nimisha: Thoda taste alag hai, but nice
Aur wo wahan se wo bottle leke jaati hai
Thodi der baad Nimisha gaadi ki chaabiyan leke bahar aati hai
Areej: Jaa rahe ho Nimiliya?
Nimisha: Bye meri AruooooooooooooLiya
Areej: Ye inko kya ho gaya?
Aur itna kehke Nimisha wahan se chali jaati hai gaadi leke
YAHAN SINGHANIA MANSION MEIN
Kavin apne ghar ke pichhey wali side khada tha tabhi usne Aisha ko common park mein jaate dekha toh wo bhi uske pichhey aa gaya,
Kavin: Aisha!
Aisha palatke dekhti hai
Aisha: Kavin
Kavin: Akeli yahan kya kar rahi ho?
Aisha: Mujhe wo sab shor sharaba pasand nahi I mean ...khair chhodo tum yahan kya kar rahe ho tumhe toh sabke sath rehna pasand hai na
Kavin: Hai par tumhe yahan aate dekha toh aa gaya
Aisha smiled
DUSRI TARAF
RANAWAT MANSION MEIN
Akshay Areej aur Shaifali wapas Aisha ke room mein jaate hain, lekin jab jaate hain toh unhe ek bottle
Akshay: Ayeee... ye ek bottle kaun pi gaya?
Shaifali: Pata nahi bhai hum toh aapke hi sath they
Akshay: Toh is kamre mein aur kaun aaya hoga
Shaifali: Bade log toh aate nahi aur Aisha aayegi nahi bhaiya log bahar they humare saath fir...
Areej: Nimiliya!
Shefi, Akki: Kya?
Areej: Haan, jab wo ghar se bahar gayi tab hi mujhe samjhna chaiye tha ki unhe kuchh hua hai, kyunki wo bahot ajeeb tarah se baat kar rahi thi
Akshay: Matlab wo puri bottle pee gayi?
Areej: Lagta toh yahi hai
Akshay: NAHI!... Wo gayi kahan hai?
Areej: Kehke toh gayi thi ki office jaa rahi hai par nashe mein kahin aur...
Akshay: Main uske office jata hun tum dono yahan ghar mein sambhalo tab tak
Areej: Okay
Aur wo itna kehke ghar ke bahar aata hai
ON OTHER SIDE
Is shor sharabe se koson door jahan sirf shanti thi Kabir akele baitha tha, usey Diwali bhaayi hi nahi
Tabhi wo dekhta hai ek sarsaraati hui car aati hai aur ped mein thok deti hai
Kabir: My God!...
Aur wo bhaagte huye Ped ki taraf jata hai...dekhta hai ki gaadi hi damage hui thi car chalane wale ko kuchh nahi hua tha wo car kholke dekhta hai toh sari mein ek ladki thi jiska sar uske baalon ne dhak rakha tha
YAHAN DUSRI TARAF
IN COMMON PARK
Kavin: Aisha, bahot dino se tumhe kuchh kehna tha pata nahi tumhe kaisa lagega lekin shayad is se accha din na mile
Aisha: Main samjhi nahi..kaho jo kehna hai
Kavin: Aisha hume miley huye mehez teen hafte 4 din huye hain lekin fir bhi itne kam samay mein main jo tumhare liye sochne laga hun, jo mehsoos karne laga hun wo is se pehle na kabhi kiya hai na kabhi karunga shayad
Aisha: Gol gol jalebi jaisi baatein mat karo Kavin, come to the point
Kavin: I LOVE YOU Aisha
Aisha: Ye ekdam se kya?
Kavin: Ekdam se nahi hai, bas aaj man kiya toh keh diya, I know aisa zaroori nahi ki tum bhi wahi feel karo wahi socho jo main sochta hun, I know tum aisa nahi sochti, but it's Okay I can understand
Aur wo wahan se jaane lagta hai ki tabhi pichey se Aisha aawaz deti hai
Aisha: Jawab sune bina hi haar maan li bas itna sa pyaar hai mujhse ?
Aur wo bas muskura ke jaane lagi phir usne dubara Kavin ko palatke dekha aur Sharma ke jaane lagi
YAHAN RANAWAT MANSION KE BAHAR
Akshay Nimisha ko dhundhne nikal hi raha tha ki tabhi usne saamne dekha ki ek phataka sidha Palak ko lagne wala tha wo daudke wahan gaya aur usey god mein uthaake door kar deta hai
Tere Naina.. Has Diye, Bas Gaye Mere Dil Mein, Tere Naina...
( Mere Dil Mein Jo Armaan Hai Paaas Aake Zara Dekho Na
Dil Ke Taar Mein Hai Sargam Chede Koi Hai Abb Koi Anjana )...
Yeh Pyaar Ki Hai Baatein, Kuch Ankani Mulakatein
Oho Aise Hi Milte Hain, Milte Ke Machalte Hai Do Dil Jawaan..
Palak ko hosh aata hai aur vo Akshay ko maarne lagti hai
Palak: Tum mujhe nichey utaro you ek no ke cheap , freak you flirt
Akshay: O hello ye kya bakwaas kar rahi ho tum
Palak: Bilkul thik keh rahi hun, pehle tumne meri behen pe try mara aur ab mujhpe try kar rahe ho
Akshay: Hello madam main toh aapko phatake se jalne se bacha raha tha
Palak: Shut up ! aise bachata hai koi?
Akshay: Toh aur kaise bachata aag lagne ke baad
Palak: Dekho tum...Tum na...
Par Is se pehle wo kuchh keh pata pichey se Sachin aata hai
Sachin: Palak, kaki sa tumhe kabse dhundh rahi hai, aur baba ka aadesh hai ki saari jalne wali chize abhi andar rakh di jaaye
Akshay: Haan haan sabse pehle apni behen ko andar rakh do patakhon se zyada toh isme aag hai
Palak: How dare you!
Sachin: Palak faaltu baatein mat karo chalo andar der ho rahi hai
YAHAN DUSRI TARAF
Kabir jab us ladki ke baal hatata hai toh wo kuchh der tak usey dekhte hi reh jata hai, chehra toh pehchana tha wo Nimisha thi lekin aaj pehli baar uske chehre se uski aankhein nahi hat rahi thi
Wo usey god mein uthaake bahar laata hai tabhi usey halka sa hosh aata hai
Nimisha: Kabir!... main tumhare paas hi aa rahi thi
Kabir(thinking): Isne toh pee rakhi hai lekin ye toh peeti nahi fir...lagta hai kisine badtamizi karne ke liye kuchh milaya hoga iske khaane ya drink me
Nimisha: Kabir! Kahan kho gaye...I know tum apni maa ko miss kar rahe ho na
Kabir chup tha
Nimisha: Tum kitneee...lucky ho atleast tumne apni maa ko toh dekha hai, maine toh wo bhi nahi dekha...
Kabir usey uthakar ke side mein le jaata hai aur fir ek bench pe bithata hai
Nimisha: Tumhe pata hai sab bolte hain maine apni maa ko maara hai, par main apni maa ko kaise maar sakta hun, main toh kitna chhota tha, bas paida hi hua tha jab wo chali gayi...huh(makes crying face)
Kabir uski baatein sunke hairan tha usne pehle kabhi uski aankhon mein wahi dard jo wo mehsoos karta tha nahi dekha tha
Nimisha: khair mera chhodo, tumhe pata hai(uske gaal khichke), Tum haste huye kitnaaaaaaaaaaaa Cute lagte ho par(crying) Tum haste hi nahi...kyun...mujhe accha nahi lagta
YAHAN DUSRI TARAF
Kavin: Hey Hey Ey Ey Ey Ey Hey Hey Hey Hey...
Tumhe Pata Toh Hoga, Tumhi Pe Main Fida Hoon
Tumhe Hai Jabse Chaaha, Hawaaon Mein Udata Hoon
Tumhi Mere Har Pal Mein, Tum Aaj Mein, Tum Kal Mein
Hey Shona, Hey Shona, Hey Shona, Hey Shona...
Aur tabhi dheere se baarish hone lagi
Aisha: Tumhe Pata Toh Hoga Ke Mere Dil Mein Kya Hai
Chalo Kahe Deti Hoon, Kabhi Nahi Jo Kahaan Hai
Tumhi Mere Har Pal Mein, Tum Aaj Mein, Tum Kal Mein
Hey Shona, Hey Shona, Hey Shona, Hey Shona...
Aur Kavin Aisha ko pichey se aake gale lagata hai
YAHAN DUSRI TARAF
Kabir Nimisha ki baatein sunke hairaan tha lekin fir bhi wo sunna chaahta tha
Kabir: Tumhe main hasta hua accha lagta hun?
Nimisha: Bahot tum mujhe haste huye bahot acche lagte ho
Aur ekdam se aayi baarish ko dekhke wo usey fir uthaake apni gaadi mein bitha deta hai , aur Nimisha Behosh ho jaati hai aaj pehli baar aisa tha ki Kabir ki nazrein Nimisha se hatt nahi rahi thi aur uske chehre pe ek muskaan aa jati hai
Wo chaand jaisi ladki
Is dil pe chhaa rahi hai
Aankhon ke raaste se
Is dil mein aa rahi hai
Wo Chaand wo chaand
YAHAN RANAWAT MANSION MEIN
Areej, Akshay, Shaifali, Nimisha ke naa milne se paresha they yahan chhat pe itni barish mein bhi Arjun khada tha usey apne aur Roshni ke saath bitaaye pal yaad aa rahe the
Tabhi Kuki apni chhat pe kapde lene aati hai aur tabhi wo Arjun ko aise khade dekhke saamne aati hai aur chillati hai
Kuki: O hello O hero, bimar hona hai kya? Andar jao
Arjun usey dekhta hai
Kuki: Tumhe hi bola hai bahar kya khade ho baarish mein jao andar
Arjun: Tumse matlab
Kuki: Dekho Mister chaahe koi bhi ho bimar padne ked hang kare mujhe accha nahi lagta Please jao andar
Arjun: O hello madam main apni chhat pe khada hun tumhe is se kya?
Kuki: Thik hai khade raho, main bhi apni chhat pe bina chhate ke tab tak khadi rahungi jab tak tum andar nahi jaate
Arjun: Ajeeb ziddi ladki ho tum, O.K fine I am going, waise bhi yahan khade rehke mujhe yahan khade rehke tumse argument nahi karna
Aur wo kamre ke andar aata hai
Tabhi Doorbell bajti hai aur Areej Darwaza kholti hai, wo dekhti hai Kabir ne Nimisha ko bahon mein uthaya hua tha
Areej: Nimiliya!...
Kabir: Andar le jaun inhe?
Areej: Ya please
Kabir Nimisha ko andar uske kamre mein litata hai
Areej: Kya hua inhe?
Kabir: Pata nahi shayad kisine kuchh mila diiya hoga khaane ya pine mein accident hi kar diya tha nashe mein apna , maine inhe ghar pahuncha diya ab main chalta hun
Ye sab Akshay sun leta hai
Akshay: Kabir
Kabir: Haan
Akshay: Thank you meri behena ke liye...
Kabir smiles Aur vo Waapas apne ghar jaata hai Jahan Ruhana ab bhi uska wait kar rahi thi. Ruhana usey dekhti hai….
Ruhana: Kabir aa gaye tum, aa jao, khana laga deti hun
Kabir: Jeejhi aap soye nahi?
Ruhana: Tumhara intezaar kar rahi thi na
Kabir: Aapne bhi nahi khaya nah?
Ruhana: Mera bhai bhooka ho aur main khana kha lun..aisa ho sakta hai kya? (wo muskarati hai)
Kabir: Jeejhi...
Ruhana: Kabir!
Aur Kabir muskura deta hai. Ruhana aur Kabir saath khana kha rahe hote hain tabhi Kabir ko Nimisha ki baatein yaad aati hai jo ruhana se nahi chhupti…
Ruhana: Kya baat hai chhote nawab aap aaj bahot muskura rahein hain?
Kabir: Haan? Nahi toh...
Ruhana: Chhupa lo chhupa lo apni hasi ka raaz chhupa lo.(wo muskarate hue kehti hain)
Kabir: Aisi baat nahi hai Jeejhi.
Ruhana: Accha ek minute
Aur vo uthke drawer se wo gifts le aati hai
Ruhana: Ye Kavin tumhare liye laaya tha par tum toh..., aur meri taraf se
Kabir: Ye kya… Jijhi main toh aapke liye kuchh laya hi nahi
Ruhana: Mujhe gift dena hai na Kabir ?
Wo usko dekhti hai aur wo haan mein sar hilata hai…
Kabir: Haan bataiye kya laa sakta hai aapka bhai?
Ruhana: Toh ek acchi si bhabhi laa deejiye humare liye.
Kabir : Jee? Jiji aap
Aur Kabir Sharma ke uth jata hai
Ruhana: Aur vahi waali laiyega jiski wajah se itni pyaari smile aayi hai aapke chehre par...
Kabir ko firse Nimisha ka chehra yaad aata hai aur wo muskara deta hai…
Kabir: Good night Jijhi
Ruhana: Good night
Aur Kabir apne room mein chala jata hai aur ruhana soch mein pad jaati hain….
"Hmmm..toh chhote nawab ko finally koi mil hi gaya uske chehre ki hasi wapas lane ke liye...chalo accha hai ki koi toh hoga uske saath , uske sukh , dukh aur har problem mein saath dene ke liye…."
Aur phir wo sab samaan uthakar apne kamre mein chali jaati hai…
A/N: So, pasand aaya? Koi toh sapnon mein kho hi gaya hoga…:p hehe….*samajhdaar ko ishara kaafi hai*
Ab 4 log toh ek dusre se lad rahe hain…..kya hoga in charon ka! Kis kis ka dil tootega?
Aur mere chote nawab muskarane lage….waah…koi toh hai use smile karvane ke liye…
Dekhte hain Aisha-Kavin ka pyaar kya rang laata hai….aur kya kabir nimisha ke liye phir se hansna seekhenge? Kya hoga inki mohabbat ka anjaam?
Jaane ke liye..stay tuned….
Tata!
Pyaar sahit…
NimishaRuhana!