A/N: Namashkaar, Hum aa gaye next chapter ke saath.
Jin logon ne is kahaani ko pasand kiya , un sabhi ko tahedil se shukriya.
Cristie- Gussa zara thaam lo, aage jo hoga, wo aur bhi shocking hoga ;) Thanks for the reviews Aage ke chapters pe bhi review kar dena.
Happy Reading…
Rajat ki chetawani sunne ke baad bhi Nimisha rukti nahi hai. Rajat phir se us par chillaata hai…
"Nimisha, ek baar aur soch le, tera ek kadam aur is ghar se tere rishte khatam."
Par Nimisha Rajat ki baat ansuni karte hue Kabir ke saath aage badh jaati hai. Wahin Arjun Rajat ko ghar le jaata hai.
Singhania Mansion…
Ruhana apne kamre ki balcony se ye sab kuch dekh leti hai. Wo chintit ho jati hai aur neeche darwaaze tak aa jaati hai. Wo Kabir aur Nimisha ko dekhti hai aur unhe ghar ke andar le leti hai. Itne mein Ruhana ke pitaji aur ghar ke baaki log bhi bahar aa jaate hai….
"Kabir , wahin ruk jao! Ghar mein aane ki koshish bhi mat karna"
Tabhi kabir ke pita wahan aate hain….
"Kabir, tu aakhir chahta kya hai? Pehle toh tune is patrakarita ke peshe ko apnaya aur aaj ye tv mein…..yahi sab karna tha tujhe! Naak katva di tune hamari….!"
Tabhi Kaushalyaji bol padti hai…
"Maine toh aapse pehle hi kaha tha, ye ladka ek din hamari naak zarur katvayega…dekh rahe hain na aap , aaj isne kya kar diya. Hamare dushman ki beti ko hi hamari bahu bana kar le aaya hai….huhh!"
Tabhi ruhana bolti hai…
"Kaki sa, aap galat samajh rahi hai. Nimisha achi ladki hai. Aur kabir usse pyaar karta hai."
.
.
Tabhi Kaushalyaji unhe rokti hain….
"Ruhana, hum kuch sunna nahi chahte. pure ghar mein ek aap hi hain jo isey bade laad se rakhti hain. Dekh rahi hain ki aapke ladle bhai ne kiya kya hai? Hum chahkar bhi is ladki ko bahu ke roop mein sweekar nahi kar sakte."
" Par kaki sa, isme nimisha aur kabir ki kya galti hai …kya unki galti yeh hai ki wo dono ek dusre ko chahte hain….kya unki galti hai ki woe k saath kaam karte fir wo Singhania aur Ranawat khaandaanon se taalluk rakhte hain….boliye na kaki sa."
.
.
Tabhi Shaliniji kehti hai…
"aap chup rahiye Ruhana, hum jaante hain ki kya sahi hai aur kya galat. Kabir ab is ghar mein nahi rahega…"
.
.
Tb kabir kehta hai…
"Badi maa, ek baar meri baat toh sun lijiye….fir aapka jo faisla hoga, hume manzoor hoga."
Shaliniji Kabir ko talkh nigaahon se dekhti hain….
" Jo hume dekhna tha, hum dekh chuke hain kabir, aur sun bhi chuke hain….ab faisla aapke haath mein hai ki aap parivar ke saath rahenge ya is ladki ke saath…khud soch lo!"
.
.
Kabir sabko dekhta hai…tabhi palak wahan aati hai….
"Badi maa, aap bhai ki baat sun lo na …..wo bekasur hai. Please unhe ghar se mat badimaa."
Kaushalyaji palak ko daantti hai…
"bachche badon ke beech nahi bola karte Palak,aap apne kamre mein jaiye."
Palak unka haath pakadti hai…"maa, baat toh sun lo. Bhai ne aisa kuch nahi kiya ki tum unhe ghar se nikal do."
Tabhi kabir kehta hai…"Palak, behes mat kar. Chal, apne kamre mein ja."
"par bhaiya…." Wo kabir ko dekhti hai.
"Palak, abhi tu kamre mein ja, main tujhse baad mein milunga." Wo uske sar pe haath rakhta hai aur palak wahan se chali jaati hai…
.
.
" Maa , baba….." kabir kuch kehta uske pehle uske pita usey rok dete hai…
"kuch kehne ki zarurat nahi hai Kabir. Tumne aaj tak apni mannmaani hi toh ki hai. Tum yahan se ja sakte ho. Aaj se is ghar ke darwaaze tumhare liye humesha ke liye band ho gaye hai. "
Aur wo wahan se chale jaate hai. Nimisha aur Ruhana ye sun kar hairaan ho jaate hain wahin kabir haule se muskurata hai. NImisha kabir ko dekhti hai…
"Kabir, tum yeh kya kar rahe ho….tum apne parivar ko kaise chhod sakte ho….hum aisa nahi kar sakte kabir. Please , tum meri wajah se apna ghar mat aisa mat karo. Ye tumhara ghar hai …..tum aisa nahi kar sakte."
Kabir nimisha ke haath apne hath mein le leta hai….
" Jis ghar mein sab ajnabi ho, wo ghar nahi hota Nimisha. Agar is ghar mein koi mera apna hai toh woh mere bhai-behen hain, aur main jaanta hu, main kahin bhi rahun , unse hamesha juda rahunga. Aur main phir se kuch khona nahi chahta….maa ko kho chukka hu, par tumhe nahi khona chahta. Isliye, hum yahan se chale jayenge. "
Wo ghar ko dekhta hai aur nimisha ka haath thaam kar ghar se bahar nikal jaata hai. Tabhi ruhana ki aawaz usey rok deti hai…
"Kabir….ruko!"
Kabir ruk kar peeche mud ke dekhta hai….
"jeejha, please, aap kuch mat kehna. Aapne hi mujhe itna strong banaya hai ki main duniya se lad saku lekin aapke aansu mujhe kamzor kar denge. "
Ruhana muskarakar apne aansu ponch leti hai aur kabir ke haath mein ek chhabi rakh deti hai aur kehti hai….
"Aise kya dekh rahe ho….ye hamare flat ki chaabi hai, sab kuch set hai wahan, tum aur nimisha wahan aaram se reh sakte ho."
.
.
"lekin jiji, wo toh aapke liye hai, aap aise kaise…." Ruhana usey rokti hai…
" Bas koi sawal nahi, tum dono jao. Nimisha ka haath thaama hai toh usey sambhalna bhi tumhara hi kaam hai. Samjhe…? Dono ek dusre ka khayal rakhna. "
Kabir muskarata hai…" haan jiji, aur aap bhi apna khayal rakhna."
Aur wo uske pair choota hai. Nimisha bhi uske pair choone ke liye jhukti hai lekin ruhana usey aisa karne se rokti hai aur usey gale laga leti hai.
" Tumse toh mujhe thankyou kehna hai Nimisha. Main jaanti hu jo hua wo nahi hona chahiye tha lekin mere liye mere bhai ki khushi zyada maayne rakhti hai. Aur main jaanti hu ki uski khushi tumhaare sath hai. Isliye bas apna aur kabir ka khayal rakhna. Dekhna, dheere dheere sab thik ho jaayega. Jinhone tumhe jaane ke liye kaha hai, wahi tumhe lene bhi aayenge."
Itna kehkar wo wahan se chli jaati hai aur kabir bhi nimisha ko lekar wahan se chala jaata hai.
.
.
Ranawat Mansion…
Rajat ab bhi bahut gusse mein hota hai aur wo apna haath deewaar pe maarta hai…
"Nimisha ki itni himmat…usne meri baat taali. Aaj tak toh usne kabhi aisa nahi kiya. Aur gayi bhi toh kiske saath….us kabir singhania ke sath….wo jaanti hai ki unse hamari dushmani hai….phir bhi! "
Tabhi akshay bolta hai….
" Nimisha ne jo kiya , thiik kiya….wo kabir ke saath khush rahegi."
Rajat usey gusse se dekhta hai…
" Akshay, tum hosh mein toh ho na…jaante bhi ho ki kya keh rahe ho! Humari naak katva di usne. Aur tum is baat ko itna lightly le rahe ho."
.
.
" main bilkul thik keh raha hu bhai, aap bhi is baat ko jitna jaldi samajh le acha hoga. Aur nimisha ko khush hi rehne de. Uski khushi kabir se hai. Aur main meri behen ko hamesha khush hi dekhna chahta aap koi bhi kadam uthane se pehle soch lena."
Itna kehkar wo wahan se chala jaata hai.
Hospital mein…
Areej apni shararat ki wajah se sharminda hoti hai. Wo ward mein sachin ko akela paa kar andar jaati hai. Sachin us waqt injections ki wajah se neend mein hota hai. Areej uske paas ja kar baithti hai aur uske sar par apna haath pherti hai.
" I am sorry Sachin. Mujhe wo shararat karni hi nahi chahiye thi. Main bahut sharminda hoon. I am really sorry."
Tabhi wahan dushyant aa jaata hai aur areej ko dekhkar usey phir se gussa aa jaata hai….
Dushyant- tum yahan! Tumhari himmat kaise hui is kamre mein bhi aane ki! Tumhari wajah se mere bhai ki yeh haalat hai…ab kya chahti ho!
Areej- I ….i am sorry. Mujhe nahi pata tha ki meri shararat ka ye nateeja hoga. I am really sorry…I really am!
Dushyant- Dekho, mujhe kuch nahi sunna. I say get out from here. Mere bhai se door hi rehna samjhii!
Areej ki aankhon mein aansu aa jaate hai. Dushyant areej ko dekhta hai….
" Ab yahan kyun khadi ho…jao yahan se…! Aur dobara mat aana yahan!"
Wahin dusri taraf , Sachin ko hosh aane lagta hai. WO apne paas Areej aur Dushyant ko paata hai. Dushyant uske paas jaata hai….
Dushyant- tum thik ho na Sachin? Ab kaisa lag raha hai?
Sachin(weakly)- main thik hu dushyant.
Dushyant(sighs)- thank God! Aaj toh main darr hi gaya tha.
Sachin smiles aur tabhi uski nazar Areej par padhti hai aur wo dushyant se puchta hai….
" Ye yahan kya kar rahi hai ? aur ye ro kyun rahi hai?"
.
.
" Iski wajah se hi tum yahan ho Sachin. Isne hi tumhare khaane mein mushroom mila diya tha."
.
.
Areej now turns to them….
" I am really sorry. Maine jaan-bujhkar aisa nahi kiya. Mujhe nahi pata tha ki aapko mushroom se allergy hai. I am really sorry."
Sachin smiles looking at her…
" Its okay...aisa ho jaata hai kabhi kabhi. Main theek hu, aap pareshan mat hoiye. Aap aaram se ghar jaiye."
.
.
" ye tum kya keh rahe ho sachin, iski wajah se tum yahan ho aur tum isey kuch keh nahi rahe. "
.
Sachin muskarata hai….
" Inse anjaane mein galti hui hai Dushyant aur uska guilt inki aankhon mein dikh raha hai. Ab tu inhe kuch nahi kahega. Samjha!"
Tabhi wahan doctor ate hai aur areej wahan se nikal jaati hai.
.
.
Aaj jo kuch hua tha usse dono hi parivar pareshan they. Raja tab tak gusse mein tha , wahin Singhania parivar ka gussa bhi ab tak shaant nahi hua tha. Sabhi pareshan they. Wahin Ruhana bageeche mein jhoole par baithi hoti hai. Tabhi wahan kavin aata hai….
"Jiji!"
.
.
Ruhana ka jawab na milne par wo uske paas baithkar uske haath pe apna haath rakhta hai…
"Jeejha…."
Ruhana uski awaz se apne vichaaron se bahar aati hai….
"Haan , kavin bolo!"
"jiji, ab hum kya karenge…..aap thik hi keh rahi thi. Maa-baba kabhi aisha ko nahi apnayenge. Lekin main usse pyaar karta hoon."
.
.
Ruhana usko dekhti hai….
"aaj jo hua, wo toh tum dekh hi chuke ho Kavin. Main bhi yahi soch rahi hu ki ab main kya karu." Ruhana kavin ko dekhte hue kehti hai.
Wahin dusri taraf, Ranawat Mansion mein….
Aisha apne kamre mein hoti hai , tabhi wahan vineet aata hai. Wo usey shaant dekh kar uske kandhe pe haath rakhta hai. Aisha usey pehchan kar uske gale lag jaati hai aur rone lagti hai. Vineet uske sir pe haath phirata hai…
"Arey kya hua tujhe? Maa ne daanta kya?"
.
.
"Nahi bhai….wo Nimi dii….." (aur wo usey puri baat batati hai kyunki jab wo sab hua, tab vineet wahan nahi tha.)
.
Ye sab sunkar Vineet soch mein pad jaata hai aur Aisha usko dekhti hai…
"Bhaiya, ab kya hoga? Agar rajat bhaiya ya mamaji ko pata chala toh pata nahi kya hoga…..bhaiya kuch toh karo….please….!"
Vineet Aisha ko fir se gale laga leta hai aur ….
"Aisha, dekh tu chinta mat kar. Main kuch sochta ho gayi hai, tu so ja."
Aisha nods and he makes her sleep and leaves the room.
Next Day….Ranawat Mansion…
Pichle din ki ghatna se rajat abhi tak pareshan tha…usne sabko hidayat(warning) de di thi ki koi bhi nimisha se baat nahi karega aur wo office ke liye jaldi nikal jaata hai. Sabhi apne kaamon mein busy ho jaate hai.
Singhania Mansion…
Aaj yahan chehel pehel ka maahaul tha. Ruhana ki God Bharai ka avsar. Ghar ke sabhi bade taiyariyon mein lage hue they wahin dusri taraf Ruhana pareshan thi. Tabhi wahan kuki aati hai…
Kuki- Kya baat hai jiji, aap pareshan ho?
Ruhana- Nahi, bas aise hi kuch soch rahi thi. Tu bata, tu yahan kya kar rahi hai?
Kuki- Badimaa ne kaha hai ki aap taiyar ho jao. Ladke wale aate hi honge.
Ruhana- Haan, tu rakh de, main taiyar ho jaungi.
Kuki uske haath pe haath rakhti hai…
Kuki- Main jaanti hu, aap kabir bhai ko miss kar rahi ho na! itna sab kuch hote hue bhi kuch khaali sa lag raha hai. Kakasa aur badepapa itna bada faisla kaise le sakte hain jiji….aap kuch karo na.
Ruhana- Main bhi kuch nahi kar sakti Kuki, is dushmani ka kaaran kya hai, ye main bhi nahi jaanti. Khair, tu ja, palak ko lekar aa. Kal se kamre mein hi baithi hai.
Kuki- haan, main jaati hu.
Kuki wahan se chali jaati hai aur ruhana apni aankhein band kar leti hai…..aur uska dard ashkon ke roop mein bahar nikal aata hai…
A/N: Okay….i know phir se ruhana pe end kar diya…
Lekin ab aage kya hoga?
Kabir aur Nimisha ko gharwalon ne apnane se kiya inkaar…
Wahin Areej ko hua apni galti ka ehsaas….lekin Sachin ke behavior ne usey kiya hairaan….
Kya aisha-Kavin milenge ya inki khanai reh jayegi adhoori?
Hone chali ruhana ki god bharai….ab kya hoga?
Janne ke liye ….jude rahiye hamare saath!
Pyaar sahit…
RuhanaNimisha..