Hello guys. Back after a looooonnnnggg time, trying to update this story. Here is a little recap below of what happened until now

Ek Ajnabi

Chapter 22

Shocking Decision

Recap: Abhijeet comes under Daya's car. Daya takes Abhijeet to the hospital where he needs a good amount of money for Abhijeet's operation because Doctors can't locate Abhijeet's parents or any relatives. Daya comes up with money by selling his mother's jewels. Abhijeet's operation starts and after operation it is revealed that Abhijeet lost his memory so Daya had to take Abhijeet with him in his house. Daya used to live with his friend Rohan who gave Abhijeet permission to stay for only a month, not more than that. Rohan was very rude with Abhijeet. Because of Rohan's rude behaviour, Daya and Abhijeet left that house and came to Daya's mother house where they spent good moments. After a day or so, Abhijeet's parents came to the hospital and asked for Abhijeet. Dr gave Rohan's address. They went to Rohan's house and Rohan told them that Abhijeet and Daya left. Upon their insistence, Rohan calls up Daya and tells him about Abhijeet's parents. Daya tells him to come over with Abhijeet's parents. They came and Daya revealed to Abhijeet about his parents which he was not ready to believe. He left the house in anger at night time. Daya went after him and brought him back.

"I'm sorry Abhijeet too kyunke mein tumhe samajh nahi paya. Tumhare dil ki in feelings ko bilkul samajh nahi paya. Ghalti meri bhi thi. Tum agar nahi jana chahte the to mujhe tumhe majboor nahi karna chahiye tha. Mein bhi yahi chahta hun ke tum yahan mere saath hi raho, magar tumhare maa baap ka sun kar. Meine to sirf wohi karne ki koshish ki jo mujhe theek laga..magar ab. Ab mein aisa kuch nahi karunga. Yeh faisala mein tum par chorta hun" Daya ne yeh ab faisla Abhijeet pe chod diya tha. Woh Abhijeet ko dukh aur dard mein nahi dekh sakta tha. Is liye us ne yahi behtar samjha ke maamle ko tawalat na di jaaye aur ise yahin pe khatam kar diya jaaye.

"Thank you Daya and once again sorry. bohat dil dukhaya tumhara. Mujhe aisa harghiz nahi karna chahiye tha. Pata nahi kya ho gaya tha mujhe jo tumhare baare mein aisa socha. Tum sirf aik ajnabi harghiz nahi ho sakte. Tum to mere liye mere apnon se barh kar ho. Mujhe woh sab ghatiya baatein tum se nahi karni chahiye theen. Pata nahi kitna dukh pahuncha hoga tumhe" Abhijeet ne Daya ko gale lagaate hue apne dil ki har baat keh di. Woh sharminda tha Daya se. Jaane anjaane mein bohat dukh de diya tha us ne Daya ko. Use mouqa milta to waqt peeche kar deta aur yeh sab hone se rok deta.

"Please bas bhi karo Abhijeet. Tum mujhe maafi maangte hue bilkul ache nahi lagte. Tum ne jo kaha, meine sab bhula diya hai kyunke mein jaanta hun ke tum ne un mein se koi aik bhi baat apne dil se nahi kahi. Tum ghusse mein the, tum pareshaan the aur banda aisi haalat mein to kya kuch nahi kar baithta" Daya ne Abhijeet ko sofe pe bithaaya aur use araam se samjhane laga. Abhijeet bhi ab pehle ki nisbat pur sukoon tha.

Us din ko abhi kuch hi din guzre the. Abhijeet aur Daya aik hi ghar mein bohat khushi se reh rahe the. Us din ke baad se Daya ne Abhijeet ke maa baap ke baare mein ziqar nahi kiya tha. Use un ka phone bhi aya tha magar us ne unhe kisi tarhan taal diya par pata nahi woh aakhir kab tak yeh kar pata. Use samajh hi nahi a raha tha ke woh jo kar raha hai, kya woh sahi hai ya ghalat? Kya woh koi khudgarzi to nahi thi. Abhijeet ko us ke maa baap se door rakh ke woh kahin kuch ghalat to nahi kar raha tha. Magar phir us ke zehan mein khayal aaya ke us ke liye Abhijeet ahem hai aur agar Abhijeet ka sukoon is ghar mein us ke saath hai to woh kaise use apne ap se aur is ghar se door kar sakta tha. Use apni dosti ka haq nibhaana tha. Bhai zubaan se keh dene se to kuch nahi hota hai. Us rishte ko dil se bhi nibhaana parta hai.

"Daya, mujhe tum se aik baat karni hai" Abhi Daya inhi khayalon mein dooba hua tha ke use Abhijeet ki awaaz ne hosh mein wapas laya.

"Han Abhijeet, kya baat hai?" Daya aur Abhijeet living room mein a kar aik sofe par aamne saamne beth gaye.

"Shayad tum sahi the" Abhijeet sar jhuka kar bola.

"Mein sahi tha? Tum kehna kya chahte ho Abhijeet? Mein kuch samjha nahi" Daya na samjhi ka izhaar karte hue bola.

"Shayad tum sahi the ke woh mere maa baap the" Abhijeet ki baat ne Daya ko chounka diya. Woh hairat se Abhijeet ko dekhne laga.

"Kya waqaie tumhe yahi lagta hai? I mean, tum is baat pe kaafi bazid the ke woh tumhare maa baap ho hi nahi sakte. To phir ab achanak, yeh tabdeeli kaise a gayi tumhare sochne ke nazariye mein" Daya hairaangi bhare lehje mein bolta hai. Woh shayad ab yeh nahi chahta tha ke Abhijeet yahan se jaye. Thodi der ke liye woh khud bhi khudgarz hona chahta tha. Magar Abhijeet ki is baat ne use zameen par pathak diya tha. Use yeh bhi samajh nahi aaya ke achanak Abhijeet ke sochne ke andaaz mein itni tabdeeli kaise a gayi.

"Han, tum sahi keh rahe ho. Mein waqaie jaise koi zid pakar ke betha tha. Dimaag se nahi dil se kaam le raha tha magar phir kuch aisi cheezein huin ke mujhe apni soch badalni padi" Abhijeet ne apni baat shuru ki to Daya ne chehre pe aik nakli muskurahat saja li.

"Kaisi baatein Abhijeet?" Daya ne phir se muskurane ki koshish ki.

"Kuch aisi baatein jinhe mein nazar andaaz nahi kar sakta. Hisse hisse mein hi sahi magar meri yaadasht ahista ahista wapas a rahi hai. Koi mujhe mere khawab mein usi naam se bula raha tha, shayad mera koi dost hoga magar ahem baat yeh hai ke yeh wohi naam hai jis se un logon ne mujhe pukaara tha. Matlab ke koi to link hai mera un se. Warna unhe mera naam kese pata hota"

"Acha to isi liye tumhe ab yaqeen a gaya hai ke woh tumhare maa baap hi hain?" Daya ne aik baar phir se sawaal kiya.

"Han, magar aik doosri baat bhi hai ke mein us waqt bohat emotional tha, mujhe jese kuch samajh hi nahi a raha tha. Dil kuch bhi manne ko tayaar hi nahi tha. Aur jab dil kuch samajh na paaye to phir ap mein koi bhi faisla karne ki bhi salahiyat mar si jaati hai. Phir mene logically socha ke aakhir woh log jhoot kyun bolein ge. Unhe jhoot bol kar kya mile ga. Kuch bhi to nahi. Un ke paas jhoot bolne ka koi jawaaz hi nahi hai. I'm sorry Daya. Tum mujhe mere bhale ke liye samjha rahe the, mein hi tumhe shayad samajh nahi paya tha. Pata nahi apne pagalpan mein kya karne ja raha tha. Abhi bhi sochta hun to zehan mein aata hai ke aakhir aisi bewaqoofi kaise kar sakta tha mein" Abhijeet ne apni baat mukammal kar ke Daya ki taraf dekha ke jaan sake ke us ka kya rad e amal hai.

"Han, tum bilkul theek keh rahe ho. Us ne paas koi wajah nahi hai jhoot bolne ki. Woh aakhir jhoot kyun bolein. There is literally no reason. I'm happy tumhe meri baat samajh a gayi" Daya baat to muskura kar kar raha tha magar Abhijeet us ki muskurahat ke peeche ki udaasi ko achi tarah se bhaanp pa raha tha.

"Agar tum khush ho to phir mujhe udaas kyun lag rahe ho?" Abhijeet ne Daya ki nakli muskaan pe chot ki.

"Are mein khush hun, tumhare liye khush hun ke tumhe apna ghar mil jaye ga magar..magar udaas bhi hun, apne liye udaas hun ke tum chale jao ge to bohat yaad ao ge mujhe" Daya ne beikhtiyaar hi Abhijeet ko gale laga liya. Us ki aankhon se kuch qatre bhi behne lage the. Abhijeet ne bhi Daya ko wapas gale lagaya.

"Tum fiqar kyun kar rahe ho Daya. Mein is ghar se ja raha hun magar hamari dosti tod ke nahi. Aik hi to shehar hai, Jab dil kare ga tumhe phone kar lun ga, Jab dil kare ga tumhare ghar a jaun ga, Jab tumhara dil kare to tum mere ghar a jana. Theek hai, ab udaas mat hona" Abhijeet ki baat ne Daya ko aik nayi umeed aur honsla de diya ke yeh rishta abhi toota nahi hai aur phir woh aik hi shehar mein the aur aik hi shehar mein rehte hue kuch bhi na mumkin nahi hota.

To Be Continued

I will try to wrap this one soon. Let me know if u liked it.