Hate: A Barrier Between You And Me
Chapter 7
Recap: Abhijeet is son of Praduman and Aanchal. Daya is son of Sardar Salunkhe and Deepika. Praduman and Salunkhe are brothers just for name. Praduman wanted to marry Aanchal who was out of his family and in his family, there was a system that marriage is only taken place in family but Praduman broke his family rules and married Aanchal. Salunkhe and his dad rejected Praduman to stay in this home anymore. And since that day, Praduman and Salunkhe became enemies. They made their kids also ensure that they hate each other. One day in college Abhijeet saw Daya who was his cousin and he hated him. And there started the cold war. Daya also came to know about Abhijeet. Furthermore, They both got same classes and their teacher gave Abhijeet order to help Daya with studies as Abhijeet is a topper. Abhijeet furthermore shares his inner feelings with his friend Rakesh who tells him that he is overreacting and everything can go back to normal if Abhijeet and Daya tries. Rakesh makes everything good with Abhijeet after a bit effort and Abhijeet is back on terms with Rakesh. While afterwards, Daya comes early in class and there is only one spot left to sit in class for Abhijeet and that is beside Daya where he almost gets himself embarrassed infront of whole class and then turns back to locker as a excuse.
Abhijeet apne locker ke paas khada locker khole khada tha. Us ka jism to wahin tha magar us ka zehan kahin aur dooba hua tha. Woh yunhi bila wajah bas locker ko ghoore ja raha tha. Use shadeed ghussa a raha tha. Use apni halat pe taras bhi a raha tha magar agle hi pal use ahsaas hua ke use mazboot rehne ki zaroorat hai. Abhijeet woh nahi hai jo yunhi Daya Salunkhe ke hiz ko seh jaye ga aur andar hi andar apne ap ko bohat chota aur neecha kar dega aur Daya ki har baat sahi saabit kar dega. Taras to Daya ko khana pade ga apne ap pe bohat jald. Us ne apne ap ko sambhala aur waqiatan locker se aik tablet nikaal kar mun mein nigal li. Us ka waqiatan sar mein dard shuru ho gaya tha. Woh locker band kar ke waapsi ki taraf muda.
Daya baayein taraf waali kursi pe betha hua tha jab ke Rakesh darmiyaan waali kursi pe betha hua tha aur daayein taraf ki kursi khaali padi thi jis ka matlab tha ke Abhijeet ab tak class mein wapas nahi aya tha. Abhi paanch minute hi huye the lekin Daya ko taqreeban yaqeen tha ke ab Abhijeet class mein wapas palat kar nahi aye ga. Jab Abhijeet classroom mein dakhil hua tha to Daya ne dekhte hi bhaanp liya tha ke woh jhijkicha raha hai aur Daya ko us pal bohat lutf aaya. Aur to aur jab sir ne Abhijeet ki beizzati ki tab us ka maza dobala ho gaya. Use poora yaqeen tha ke sharmindagi, ghusse, jhijak aur beizzati ke baad ab woh class mein daakhil hone ki jurrat nahi kare ga kyunke bethna to use Daya ke saath hi parta kisi bhi haal mein aur Daya kam waqt mein hi jaan gaya tha ke Abhijeet ki jaan jaati hai us se aur woh to shayad uski shakal bhi dekhna pasand nahi karta ho. Lekin us ki tawaqa ke khilaaf achanak hi do minute baad Abhijeet class mein daakhil hua tha. Abhijeet ne ye gawaara nahi kiya tha ke Daya ki wajah se class mein us ki haisiat aur rutbe mein farak aaye. Woh shuru se hi apne ustaadon ka pasandeeda aur laaiq shagird tha. Sabhi ustaad doosre bachon ko us ki misaalein dete the jab bhi woh bachon ko parhne ki talqeen karna chahte hon. Abhijeet apne chehre se kuch zaahir kiye beghair daayein taraf waali kursi pe beth gaya.
"Mujhe to laga tha ke yeh wapis nahi aaye ga lekin mera to andaaza ghalat ho gaya" Daya ne soochte hoye ghusse se Abhijeet ko ghoora jis ke jawaab mein Abhijeet ne use aankhon hi aankhon mein use apni jeet ka ahsaas dilaya. Chaahe Abhijeet bhi yeh na chahta ho ke woh Daya ke saath bethe magar ab woh beth hi gaya tha to Daya pe yeh ahsaas daalna to zaroori hai ke Abhijeet kisi cheez se darta aur ghabrata nahi hai aur woh apne dushmanon ki khawahishon pe gharon paani daal sakta hai. Isi tarhan class ka waqt khatam ho gaya aur poori class mein dono Abhijeet aur Daya ne hi aik doosre se zyaada tar nazrein churayi hui theen aur jab bhi dekhte to aankhon mein aik aag hoti jo pehle un ki aankhon mein kabhi bhi kisi ne college mein nahi dekhi thi.
Sab class se uth uth ke jaane lage to Abhijeet bhi Rakesh ke saath uth khada hua aur Daya bhi doosri taraf se nikal khada.
"Abhijeet aur Daya, ap log please do minute ke liye class mein rukiye. Aik baat karni hai" Raj Sir ne achanak hi awaaz de kar Abhijeet aur Daya ko rukne pe majboor kar diya jab ke Rakesh Abhijeet ki taraf aik dafa dekhne ke baad class se nikal gaya.
"Jee Raj Sir" Dono ke hi mun se aik saath izzat aur ahtaraam ke saath jee sir nikla tha jis pe dono ne hi khamoshi se aur Raj sir ki nazron se bach kar aik doosre ko ghoora.
"Jee sir ka bacha" dono ki soch aik hi rukh pe ghoom rahi thi.
"Abhijeet, mein chahta hun ke tum Daya ko saare notes cover kara do aur agar Daya ko koi help chahiye ho to woh bhi kar dena. All of that aside, tum aur Daya project mein saath kaam karo ge jo ke mein kal class se mutarif karaun ga. Meine socha ke abhi bata deta hun. Daya kal overwhelm na mehsoos kare taake" Raj sir ne beyaan kiya.
"Theek hai Sir" Abhijeet ne zabt ka daaman haath se chootne na diya. Yeh keh kar Abhijeet class se nikal gaya.
"Bhaag kahan rahe ho? Notes cover karwao mujhe. Dil to mera bilkul bhi nahi hai magar Sir ne kaha hai aur mein Raj Sir ki izzat karta hun" Daya ne class se nikal kar Abhijeet ki pusht ko ghoorte hue kaha. Use mehsoos hua ke woh phir bhi faide mein hai. Us ke paas mouqa hai ke woh khule aam Abhijeet ko hiz kar sake aur apna kaam bhi nikalwa le aur saari khawaari Abhijeet ko bhugatna pade.
"Mein bhaagne waalon mein se nahi hun Daya Praduman. Raj sir se kiya gaya waada nibhaane ke liye agar mujhe tumhe bhi bardasht karna pade to kar lunga. Hum logon mein zarf koot koot ke bhara hai. Khush reh lo kuch din. Mujhe tang bhi kar lo. Phir dekhna mein kya karta hun. Library mein a jao" Abhijeet nafrat bhare lehje mein kehta hai. Uski baaton mein tanz chupa tha.
"Zaroor. Dekh lenge. Bas waqt aane do" Daya ne jawaabi jumla phainka aur Abhijeet ke peeche peeche chal pada.
Kayi lambi rahdaariyon ko paar kar ke woh library tak pohanche. Abhijeet ne darwaaza khola aur woh donon aage peeche andar dakhil ho gaye. Library taqreeban khaali thi. Kaafi maiz kursiyaan khaali pari hui theen. Abhijeet ja kar aik maiz ke gird rakhi kursi pe ja betha. Daya ja kar Abhijeet ki maiz ke saamne waali aik maiz ke gird rakhi kursi pe ja betha. kuch dekhne waalon ke liye yeh aik ajeeb muamma tha. Aik saath aane waale do larke do alag alag maizon pe ja bethe the. Abhijeet ne dheere se apne bag ki zips kholein aur woh saare zaroori notes nikaal ke maiz pe rakhe jo kisi bhi aise shahgird ke kaam a sakte the jis ne kayi classes na li hon.
"Yeh lo, yeh saare notes. Aur please jaldi karna. Mujhe pasand nahi hai apni cheezein zyaada dair kisi aur ke haath mein" Abhijeet apni kursi se utha aur Daya ki maiz pe ja kar saare notes maiz par pathak diye. Abhijeet ki yeh baat sach nahi thi ke use apni cheezein kisi aur ke haath mein pasand nahi balke woh to aaye din kisi na kisi ko apne notes lend kar raha hota tha. Koi bhi naya shahgird daakhil hota to sab ustaad Abhijeet pe hi yeh zimmedari daalte the.
"Kya samjha hai mujhe? Kya hun mein? Machine nahi hun mein. Kuch ghante balke shayad din lagein" Daya jhoot nahi bol raha tha. Itne saare notes ko niptana koi asaan baat nahi thi.
"Acha, le lo din. Kya yaad karo ge" Abhijeet ne mun bana kar kaha tha aur apna chehra phair liya.
"Acha, thank you" Daya ka lehja ab bhi akhru aur ghussela tha magar us ke lafzon ne Abhijeet ko chounka diya tha.
"Thank you aur woh bhi tum, aur woh bhi mujhe" Abhijeet ne shiddat ki hairat mein doobte hue kaha. Use apne kaanon pe yaqeen nahi a raha tha.
"Kya karun? Aik acha insaan hun mein. Dushmanon ko bhi kabhi kabhi shukriya keh deta hun agar woh madad karein" Daya ke ilfaaz sach ki siyahi mein doobe the. Woh beh jaata tha. Uske andar chupi achayi uske dushmanon ke saamne bhi ood ood kar a jati thi.
"Ache insaan aur woh bhi tum? Please natak mat karo. Yeh drama school nahi hai. Aur agar itna hi shoq hai to kisi drama school mein daakhla karwa lo. Meri bhi tum se jaan chute gi" Abhijeet ko Daya pe aur uske lafzon pe ratti barabar bhi yaqeen na tha. Us ne hans kar is baat ko jharka aur us ki ahmiyat ko kam karne ki koshish ki.
"Jao, jaan chodo meri" Daya ne Abhijeet ko jharka aur Abhijeet us ko ghooriyan dete hue apni maiz pe wapas chala gaya. Jab wahan betha betha bore hone laga to uth kar koi novel talaash karne laga. Jald hi use aik dilchasp novel mil gaya.
Abhijeet novel parhte parhte novel mein itna kho gaya tha ke use bhool gaya tha ke woh kahan hai aur kyun hai. Daya ne jab Abhijeet ko itna mehaw dekha to shaitaani muskurahat chehre pe sajaye woh Abhijeet ki maiz ke qareeb a gaya.
"Aaaa" Daya ne Abhijeet ki maiz itni zor se bajayi ke Abhijeet ka dil dharak ke reh gaya aur uske mun se cheekh nikalne ke saath saath uske haath se kitaab bhi choot gayi.
"Kya hai badtameez?" Abhijeet ne kitaab uthaane ke saath hi cheenkh kar ghusse se Daya ko apni laal aankhon se ghoora.
To Be Continued