Hello everybody. Im back with the next chapter. Thank you Tst, AbhiShikha, AbhiNidhi, PoojaAbhiDeewaani and PerfectAbhi for your precious reviews. This one is short. Next one will be hopefully long.
Hate: A Barrier Between You And Me
Chapter 9
Abhijeet aur Rakesh college ke lawn ke aik kone mein bethe hue the. Abhijeet ne apna basta side pe rakha hua tha aur khud haath mein phone liye betha hua tha.
"Kal Raj sir ne tumhe aur Daya ko kyun roka tha?" Rakesh ne yaad aane pe yunhi sarsari tor pe poocha.
"Meri qismat phorne ke liye roka tha" Abhijeet ne ghusse se jawab diya.
"Kyun, aisa kya keh diya?" Rakesh ne yunhi poocha.
"Jaise tumhe to kuch pata hi nahi" Abhijeet tanziya andaaz mein bola. Abhijeet ko maloom tha ke Rakesh ko pata hai ke woh kyun aise ghusse aur chirchire pan se betha hai.
"Raj sir ne mujhe is liye roka tha ke Daya Salunkhe ko notes cover kara dun. Aur to aur unhon ne mujhe aur Daya ko aj ke project ke liye pair up bhi kar diya hai" Abhijeet pareshaani ka izhaar karte hue bola. Aik naya project Rakesh ke liye nayi itlaah thi.
"Kon sa project Abhijeet?" Rakesh ne chounk kar hairat aur tajassus ka izhaar kiya.
"Aj Raj sir class mein bataane waale hain. Unhon ne is liye hume kal hi bata diya tha taake Daya zehni tor pe is project ke liye pehle se hi tayaar ho jaye. Jese woh to koi chota bacha hai na" Abhijeet ne pehle Raj ko saari tafseel batayi aur phir aakhir pe ghusse se tanz ka teer Daya ki zaat pe phenka.
"Oh acha, yeh to waqaie bohat bura hua" Rakesh ne afsos ka izhaar kiya. Kyunke Abhijeet aur Rakesh bohat ache dost the isi liye woh hamesha yahi koshish karte the ke aik saath hi koi bhi project karein. Aksar hi unhe saath kaam karne ko milta tha. Kabhi kabhi agar na bhi milta saath kaam to woh yunhi jhatak kar doosron ke saath bhi kaam kar lete. Magar is baar baat Daya ke saath kaam karne ki thi jo ke Abhijeet gawaara nahi kar sakta tha.
"Han na Rakesh, mein tumhare saath kaam karna chahta hun. Us Daya ke saath nahi. Mein kyun use apne A grades ka faida hone dun. Raj Sir ne bhi na mere saath acha nahi kiya" Abhijeet ne mun bana ke kaha. Us ne dil hi dil mein faisla kar liya tha ke Daya ke saath hargiz kaam nahi kare ga aur use apne ache grades se faida nahi uthaane de ga.
"Han Abhijeet, mein bhi tumhaare saath hi kaam karna chahta hun. Par kya kiya ja sakta hai, Raj Sir ke faisle taale nahi ja sakte" Rakesh udaasi se bola magar us ne samjhote ka faisla kar liya tha. Waise bhi, yeh ab itni bhi badi baat nahi thi. Magar Rakesh Abhijeet ke liye zaroor fikarmand tha ke woh Daya ke saath kese sukoon aur lagan se kaam kar paye ga.
"Chalo, class mein chalein" Abhijeet bezaari se bola aur dono Abhijeet Rakesh us kone se apni cheezein wagera uthate hue class waali rahdaari ki taraf mud gaye.
Abhijeet aur Rakesh jab class mein dakhil hue to Abhijeet ne dil hi dil mein shukar ada kiya ke aj Daya ke saath waali kursi khaali nahi thi. Wahan pe Daya ke saath Arun aur aik aur larka betha hua tha. Abhijeet aur Rakesh Jatin ke saath waali do kursiyon pe ja kar beth gaye. Raj Sir bhi class mein a chuke the. Unhon ne kuch dair ke liye kuch parhaya phir project waale maamle par a gaye.
"Aj mein ap logon ko ap ke naye project se introduce karwaane waala hun" Raj Sir isi tarah project ke baare mein bohat si batein batate rahe. Phir unhon ne un shahgirdon ke naam liye jinhon ne 2 2 ke pair mein saath kaam karna tha.
"Rakesh aur Jatin. Ap donon saath kaam karein ge" Raj Sir ne naam liye.
"Theek hai sir" Rakesh aur Jatin dono ne hi razamandi waale andaaz mein sar hila diya.
"Daya aur Abhijeet. Ap donon saath kaam karein ge" Raj Sir ne bilaakhir woh naam saath liye jo aik doosre ke liye shadeed na pasandeeda the.
"Raj Sir, kya mein kuch keh sakta hu?" Abhijeet achanak hi khada ho gaya aur Raj sir se sanjeeda andaaz mein ijaazat maangi.
"Ji Abhijeet boliye, kya kehna chahte hain ap?" Raj sir ne sanjeedgi se poocha.
"Sir, mein Rakesh ke saath kaam karna chahta hun is project pe to agar ap bura na manayein to Daya aur Jatin ko saath pair up kar dein aur mujhe aur Rakesh ko aik saath" Abhijeet ne bade tahamul aur honsle se saari guzaarish Raj Sir ke gosh guzaar ki. Ab use yeh umeed rakhni thi ke Raj Sir us ki baat maan kar use Rakesh ke saath pair up kar dein ge.
"Abhijeet, Daya ke saath kaam karne mein koi masla hai kya?" Raj Sir ne chubte andaaz mein poocha ya phir shayad Abhijeet ko hi aisa mehsoos hua. Us ke dil mein chor jo tha.
"Nahi sir, koi masla nahi hai. Mein to wese hi..." Abhijeet ne apne oodte ghusse pe ba waqt hi qaaboo paa liya aur ahtraman bola.
"Theek hai phir ap Daya ke saath hi kaam karein ge" Raj Sir ne apna faisla suna diya tha aur ab to is ko koi nahi badal sakta tha.
"Theek hai sir" Abhijeet ne tahamul ka saath na chodte hue kaha jab ke is waqt to use Raj Sir pe bhi shadeed ghussa a raha tha.
Daya ne apni maiz se Abhijeet ko raaz daari se aankh maari aur chidaane ki koshish ki aur us ki yeh koshish kamyaab ho gayi. Abhijeet ne Daya ko aankh maarte dekh liya tha. Us ka beikhtiyaar hi haath mukke waale andaaz mein buland hua tha magar jab doosre bachon ki us pe nazar parne lagi to us ne foran hi sharmindagi se apna haath peeche kar liya. Woh apni class mein koi mazaaq nahi banna chahta tha. Woh ideal tha in sab ka.
To Be Continued
Hi guys, I just got a idea and I want to know if I should consider it for this story. I might add girls for Abhijeet and Daya if you guys dont mind. Tarika for Abhijeet and Shreya for Daya. I want to know if you would like this idea. I will add girls to add more mirch masala in the story. But I'm not really sure about this at this point.One more thing guys, Shayad kuch der ke liye Daya ka pallara Abhijeet pe bhaari rahe but everyone gets it's turn and dont get offended plzz if they do horrendous acts against each other :(( . Because At End, everything will be right and they will realize their mistakes.