Sorry for being late. Have a good time reading. Thank you to all the people who read and reviewed the previous chapter.

Ek Ajnabi

Chapter 27

Daya contacts CID

Daya ghar waapas a gaya tha, na kamiyaabi us ka mun tak rahi thi. Us ne woh saara ghar chaan maara tha magar use Abhijeet kahin na mila. Phir woh use jahaan dhoond sakta tha us ne dhoonda magar use phir bhi koi kamiyaabi naseeb na aayi.

"Aakhir mein tumhe kahan dhoondun Abhijeet. Aisa lagta hai jaise zameen ne nigal liya ho tumhe. Dhoond hi nahi pa raha mein tumhe" Daya ki aankhon se beikhtiyaar hi aasun nikal aaye.

"Aakhir woh log kon the jo tumhe yahan se le gaye, mujhe tumhe rok lena chahiye tha, kaise jaane diya tumhe" Use apne ap pe ghussa aya.

"Mujhe shayad CID ki help leni chahiye" Daya yeh keh kar apni jagah se uth gaya aur ghar se nikal kar gaadi mein beth gaya. Kuch hi dair mein woh Cid bureau ke saamne khada tha. Gaadi se nikal kar woh andar dakhil ho gaya.

"Mujhe ap logon ki help chahiye" Andar kuch officers bethe kaam kar rahe the. Us ne un ki tawajo haasil karna chahi.

"Ji boliye, kya kaam hai ap ko?" Pankaj bola.

"Actually mera aik dost hai, woh missing hai. Meine use bohat dhoonda lekin.." Is se pehle ke woh aur bol paata us ki baat kaati gayi thi.

"Ap ko police mein report karni chahiye thi. Woh ap ke dost ko dhoond dete" Pankaj roubeyana lehje mein bola. Woh man mein soch raha tha ke log apne chote chote cases bhi yahan Cid mein le kar ane lagein hain.

"Excuse me Inspector, yeh case itna simple nahi, kuch ajeeb hai isi liye mein police mein nahi gaya balke yahan aya. Ap please chodiye, apne Acp ko bulaiye, mein un se baat karun ga"

"Acp ko bulao ka kya matlab hai? Tum ne mujhe kam samajh ke rakha hai.." Abhi Pankaj shayad aur bhi bolta par use Acp ki awaaz pe ruk jana pada.

"Yeh kaisa shor ho raha hai" Acp Praduman shor se tang ho kar bahar nikal aaye to unhon ne apne saamne Daya ko dekha.

"Sir, mujhe ap ki help chahiye" Daya Pankaj ko nazar andaaz karte hue Acp Praduman ki taraf barha.

"Kaisi help"

"Mera dost Abhijeet missing hai par ap is ko koi aam case mat samjhiye. Yeh actually aik bohat complicated case hai. Abhijeet se darasal mein kuch mahine pehle hi mila tha. Us ka meri gaadi se accident ho gaya tha aur us ki yaadasht chali gayi thi aur hairat ki baat yeh ke us ka koi apna saamne nahi aaya. Mein use apne saath le aya tha aur zindagi achi hi guzar rahi thi magar wait what aik din achanak se hi Abhijeet maa baap saamne a jate hain. Hairat ki baat hai na ke matlab itne mahine se woh kahan the. Aise achanak kese a gaye. Abhijeet kehta raha ke us ka man kehta hai ke woh us ke maa baap nahi ho sakte magar meine hi use majboor kiya jaane ke liye. Aur woh chala gaya. Mein bhi gaya us ke saath us ke ghar. Ghar wapas aya hi tha ke mujhe us ki call a gayi. Woh kuch harbaraya hua tha, woh keh raha tha ke use sab yaad a gaya hai aur yeh ke us ne bohat badi ghalti ki hai apne maa baap ke saath ja kar, is se pehle ke mein us ki baat samajh pata, mujhe us ki cheenkh ki awaaz sunayi di aur phone cut ho gaya. Mein dora dora wapas gaya, poora ghar chaan mara magar Abhijeet ya phir kisi ka bhi koi nishaan nahi mila" Daya ka bol bol kar saans phool gaya tha. Acp ne use paani diya jo ke usne aik hi ghoont mein pi liya.

"Yeh jo tum ne mujhe baat batayi hai, woh waqaie mein bohat ajeeb hai. Fikar na karo Daya. Hum tumhare dost ko dhoond lein ge. Kya tum hume us ghar tak le ke ja sakte ho jahan woh Abhijeet ko le kar gaye the?"

"Ji zaroor. Mein ap ko le chalta hun"

Acp, Pankaj, Tasha aur Daya kuch der baad us ghar ke saamne pahunch gaye the. Woh andar daakhil hue. Cid team ne poore ghar ki ache se talaashi li.

"Sir, idhar aaiye" Tasha ne Acp sir ko awaaz lagayi.

"Han Tasha, kya mila tumhe?"

"Sir yeh mujhe tiger gurouh ka nishaan mila hai" Tasha ne woh sticker dikhaya jo ke tiger gurouh ki nishaani tha. Woh is se jaane jaate the.

"Tiger gurouh, yeh kaisa gurouh hai?" Daya ne hairat aur pareshaani ke mile jule taasurat ke zeere asar kaha.

"Yeh aik bohat khatarnaak gurouh hai Daya. Yeh aslehon ki smuggling aur dehshat gardi mein shaamil group hai. In ka maqsad sirf dehshat aur aatank phelana hai"

"Lekin Abhijeet ka in se kya taaluq ho sakta hai?" Daya ne shayad apne ap se sawaal kiya tha.

"Tum pareshaan na ho Daya. hum dhoond lein ge use" Acp ne tasalli dene ki koshish ki.

"Mujhe lag raha hai Abhijeet bohat badi mushkil mein phans gaya hai" Daya ne apne aansuon ko rokne ki koshish ki.

"Hum dhoond lein ge use bhi aur us gurouh ko bhi"

"Sir, idhar aiye" Pankaj ne Acp sir ko bulaaya.

"Han Pankaj"

"Yeh jale hue kaaghaz mile hain. Inhe pehle jalaaya gaya aur phir us se bhi man nahi bhara to phaar ke tukda tukda kar ke garbage bin mein daal diya" Pankaj ne woh jale hue kaaghaz ke tukde aik packet mein seal kar diye aur Acp ki taraf barha diye.

"Yeh zaroor koi ahem kaaghaz hon ge jin ko jaldi jaldi mein jala diya gaya aur phir phada bhi gaya taake in ka koi naam o nishaan hi na bache. Par hamara Salunkhe hai na. Woh kisi bhi tarhan decode kar le ga ke is kaghaz pe aisa kya ahem likha hai"

Woh kaaghaz unhon ne Dr Salunkhe ke paas bhijwa diye the. Abhi abhi Dr Salunkhe ka lab se phone aya tha ke unhon ne kaghaz ko parhne ki haalat mein kar liya hai. Acp, Rajat, aur Purvi lab mein pahunch gaye.

"Han to Salunkhe, kya pata chala kaghazon se?"

To Be Continued

How was it? Please drop your thoughts in the review box.